နိုင်ငံတော် လျှို့ဝှက်ချက်နဲ့ ပတ်သက်ပြီး လွှတ်တော်မှာ မမေးဖို့ ပြည်သူ့လွှတ်တော်ဥက္ကဌပြော
နိုင်ငံတော်ရဲ့ လျှို့ဝှက်ချက်နဲ့ ပတ်သက်တဲ့ကိစ္စတွေကို လွှတ်တော်ကိုယ်စားလှယ်တွေက လွှတ်တော်အစည်းအဝေးတွေမှာ မေးမြန်းဆွေးနွေးတာတွေကို ရှောင်ကြဉ်ရမှာဖြစ်တယ်လို့ ပြည်သူ့လွှတ်တော် ဥက္ကဋ္ဌ ဦးဝင်းမြင့် က ပြောကြားလိုက်ပါတယ်။
မြစ်ကြီးနားမြို့ ကချင်ပြည်နယ် လွှတ်တော်ရုံးမှာ လွှတ်တော်ကိုယ်စားလှယ်တွေနဲ့ ဒီကနေ့ညနေပိုင်းတွေ့ဆုံပွဲမှာ မေးခွန်းနဲ့ အဆိုတွေ မေးမြန်းဆွေးနွေးတဲ့အခါ လိုက်နာစောင့်ထိန်းရမယ့်အချက်တွေကိုပြောရာမှာ ပြည်သူ့လွှတ်တော် ဥက္ကဋ္ဌ ဦးဝင်းမြင့် က ထည့်သွင်းပြောကြားခဲ့တာဖြစ်ပါတယ်။
ဒါ့အပြင် ပြည်ထောင်စု၊ ပြည်နယ်နဲ့ တိုင်းဒေသကြီးလွှတ်တော်တွေရဲ့ ဝန်ထမ်းရေးရာနဲ့ ပတ်သက်တဲ့ ရုံးအဖွဲ့တွေကို မကြာမီမှာ သီးသန့်ဖွဲ့စည်းပြီး စီမံအုပ်ချုပ်ဆောင်ရွက်သွားဖို့ စီစဉ်နေကြာင်းလည်းပြောပါတယ်။
ပြောင်းလဲရေးအတွက် အပြောင်းအလဲကို ဆောင်ရွက်တဲ့အခါမှာ မိမိတို့ကိုယ်တိုင် အရင်ဆုံး စတင်ပြောင်းလဲရမှာဖြစ်ကြောင်းနဲ့ အဂတိတရား ကင်းရှင်းတဲ့သူတွေဖြစ်အောင် နေထိုင်ကျင့်ကြံဖို့လည်း တိုက်တွန်းပြောကြားခဲ့ပါတယ်။
ဒီကနေ့ အခမ်းအနားကို ဗန်းမော်မြို့နယ်ကနေ လွှတ်တော်ကိုယ်စားလှယ်အဖြစ် ရွေးချယ်ခံခဲ့ရတဲ့ ပြည်နယ်လွှတ်တော် ဥက္ကဋ္ဌ ဦးထွန်းတင် ၊ မြစ်ကြီးနားမြို့နယ်ရဲ့ ပြည်နယ်လွှတ်တော် ကိုယ်စားလှယ်လည်းဖြစ်တဲ့ ပြည်နယ်ဝန်ကြီးချုပ် ဒေါက်တာခက်အောင် တို့အပါအဝင် လွှတ်တော်ကိုယ်စားလှယ်တွေ တက်ရောက်ခဲ့ကြပါတယ်။
ပြည်သူ့လွှတ်တော်ဥက္ကဋ္ဌဟာ သူ့ရဲ့ခရီးစဉ်အတွင်း မနက်ဖြန်မှာ အမျိုးသားဒီမိုကရေစီအဖွဲ့ချုပ် NLD ပါတီဝင်တွေနဲ့ တွေ့ဆုံဖို့ စီစဉ်ထားသလို စစ်ဘေးကယ်ဆယ်ရေးစခန်းတချို့ကိုလည်း သွားရောက်ဖို့ အစီအစဉ်ရှိကြောင်း သတင်းရရှိပါတယ်။
Photo: Kyaw Myo Min/RFA
Friday, March 24, 2017
နိုင်ငံတော် လျှို့ဝှက်ချက်နဲ့ ပတ်သက်ပြီး လွှတ်တော်မှာ မမေးဖို့ ပြည်သူ့လွှတ်တော်ဥက္ကဌပြော
နိုင်ငံတော် လျှို့ဝှက်ချက်နဲ့ ပတ်သက်ပြီး လွှတ်တော်မှာ မမေးဖို့ ပြည်သူ့လွှတ်တော်ဥက္ကဌပြော
Reviewed by Ar Ti
on
5:30 AM
Rating: 5
![](https://4.bp.blogspot.com/-4wj90nVfzXY/WNURRdeM8_I/AAAAAAAARUg/TbnbTv0A9lkI5MNbR_c6cJIi7SjVH85WACLcB/s72-c/FB_IMG_1490358547474.jpg)
Subscribe to:
Post Comments (Atom)
No comments:
Post a Comment