မန္တလေး၊ မတ် ၂၃
မန္တလေးမြို့တော်ရှိ တန်ခိုးကြီး ဘုရားများအနက် မဟာမြတ်မုနိရုပ်ရှင်တော်မြတ်မှနေ၍ ရွှေမိုက်ထုတ်ယူလျက် ရှိရာ ၉၅ ရာခိုင်နှုန်း ပြီးစီးနေပြီး မတ်လ ၂၃ ရက်နေ့ မွန်းလွဲ ၂ နာရီခန့် ရွှေသားခြောက်ပိဿာ ၆၈ ကျပ်သား ရရှိထား ကြောင်း ရွှေမိုက်ထုတ်လုပ်ရေးအဖွဲ့ထံမှ သိရသည်။
“နောက်ထပ် လေးရက်လောက်နေရင် အားလုံးပြီးမယ်။ အရင်နှစ်ထက် ပိုရမယ်၊ မရဘူးကတော့ အတိအကျပြောလို့ မရနိုင်ပါဘူး။ ကျန်နေတဲ့ အမှိုက်တွေထဲက ရွှေပမာဏကို မမြင်နိုင်တဲ့အတွက် ခန့်မှန်းလို့ မရနိုင်ပါဘူး” ဟု ရွှေမိုက်သူကြီး ဦးအောင်မိုးက ပြောကြားသည်။
ရွှေမိုက်ထုတ်လုပ်ခြင်း လုပ်ငန်းကို ယခုနှစ် ဖေဖော်ဝါရီလ ၇ ရက်နေ့က စတင်လုပ်ဆောင်ခြင်း ဖြစ်ပြီး ရွှေလှောင်အိတ် (မှိုင်းခံအိတ်) ၂၅၀ ကျော်နှင့် သစ်စေးများ၊ ဂွမ်းများမှ ရွှေသားထုတ်ယူနေခြင်း ဖြစ်သည်။ ( The Voice )
No comments:
Post a Comment