မြန်မာ-အိန္ဒိယ ရေတပ်များ၏ ပူးပေါင်းဆောင်ရွက်မှု အနာဂတ်အလားအလာ

မြန်မာ-အိန္ဒိယ ရေတပ်များ၏ ပူးပေါင်းဆောင်ရွက်မှု အနာဂတ်အလားအလာ

မြန်မာရေတပ်ကိုယ်စားလှယ်အဖွဲ့တစ်ခုက အိန္ဒိယသို့သွားရောက် လည်ပတ်ခဲ့ခြင်းသည် ကာကွယ်ရေးကဏ္ဍတွင် နှစ်နိုင်ငံပူးပေါင်းဆောင်ရွက်မှု အရှိန်အဟုန် မြင့်တက်လာခြင်း၏ ထင်ရှားသော ပြယုဂ်တစ်ခုဟု ယူဆနိုင်သည်။

ပြီးခဲ့သည့် သီတင်းပတ်တွင် မြန်မာရေတပ်အရာရှိများ ပါဝင်သည့် ကိုယ်စားလှယ်အဖွဲ့တစ်ခုသည် အိန္ဒိယ၏ တောင်ပိုင်း ရေတပ်ဌာနချုပ်သို့ လေးရက်ကြာသွားရောက် လေ့လာလည်ပတ် ခဲ့သည်။ ထိုကိစ္စသည် နိုင်ငံတကာအရေး လေ့လာသူများအ တွက် ရှုထောင့်အသီးသီးမှ တွေး တောစရာများ ဖြစ်လာစေသည်။ သို့သော် ခိုင်မာအားကောင်းသည့် ကောက်ချက်တစ်ခု အနေဖြင့် မြန်မာနှင့် အိန္ဒိယတို့ကြား ကာကွယ်ရေး လုပ်ငန်းစဉ်များအတွက် ယခင်ကထက် ပိုမို၍ ပူးပေါင်းဆောင်ရွက်ရန် လိုလိုလားလားရှိနေကြကြောင်း ပေါ်လွင်လာ ခဲ့သည်။

 ပြီးခဲ့သည့် နှစ်ပိုင်းများ အတွင်း မြန်မာနှင့် အိန္ဒိယတို့ကြား ကာကွယ်ရေး ကဏ္ဍအတွက် ပူးပေါင်းဆောင်ရွက်မှုကို တစ်ဆင့် ချင်း အရှိန်မြှင့်ခဲ့ပြီး အထူးသဖြင့် ရေတပ်ချင်း ဆက်နွှယ်မှုကို ပိုမို၍ ဗဟိုပြု ချဉ်းကပ်ခဲ့ဟန်ရှိသည်။ အိန္ဒိယဝန်ကြီးချုပ် နာယန်ဒရာ မိုဒီကိုယ်တိုင်ကလည်း အရှေ့ဘက်ဒေသ အိမ်နီးချင်းများနှင့် ပိုမို၍ ရင်းနှီးမှု တည်ဆောက်လိုသော မူဝါဒမျိုးကို ကိုင်စွဲထားသည်။

  ထိုမူဝါဒကို အကောင်အ ထည်ဖော်ရာ၌ အာရှအရှေ့ပိုင်း နိုင်ငံကြီးများထက် မြန်မာပါဝင်သော အာဆီယံဒေသတွင်း နိုင်ငံများနှင့် ဦးစွာ ပေါင်းစည်းထိတွေ့ မှုက ပိုမို၍ လက်တွေ့ကျမည် ဖြစ်သည်။ ထို့အပြင် အနုစိတ်ကျကျ ဆန်းစစ်မည် ဆိုပါက ပင်လယ်ရေကြောင်း ဗဟိုပြုကဏ္ဍတွင် အိန္ဒိယနှင့် မြန်မာတို့ ပူးပေါင်းဆောင်ရွက်မှု မြင့်တက်လာခြင်း အတွက် ကောင်းကျိုးအလားအ လာများစွာ ရှိနေသည်။ မြန်မာနှင့် အိန္ဒိယတို့သည် ကုန်းမြေချင်း နယ်နိမိတ် ထိစပ်နေသလို ကမ်းလွန်ပင်လယ်ပြင် အနေအထား က လည်း ဆက်စပ်မှုရှိနေသည်။ မဟာဗျူဟာအရ အရေးပါသည့် အက်ဒမန်ပင်လယ်၊ ဘင်္ဂလားပင် လယ်အော်တို့နှင့် နှစ်နိုင်ငံလုံး ထိစပ်နေသည်။ ထိုဒေသများတွင် မြန်မာရော၊ အိန္ဒိယပါ တူညီသည့်စိန်ခေါ်မှုများ ကြုံနေရသည်။ အိန္ဒိယအနေဖြင့် ဘင်္ဂလားပင် လယ်အော်တွင် တရုတ်၏ ဩဇာ လွှမ်းမိုးလာမည်ကို မလိုလားချေ။

 ထို့အပြင် တရားမဝင် ငါးဖမ်းလုပ်ငန်းများ၊ မှောင်ခိုရေလမ်းကြောင်းများ ထူထပ်နေခြင်းကို တားဆီးရန် မြန်မာရော၊ အိန္ဒိယ တွင်ပါ တူညီသည့် ရည်မှန်းချက် ရှိနေသည်။ ထိုအတောအတွင်း အိန္ဒိယသည် နိုင်ငံတကာနှင့် ယှဉ်ပါက အတန်ငယ် နောက်ကျကျန် နေသည့်တိုင် တဖြည်းဖြည်းဖွံ့ဖြိုး တိုးတက်လာနေသည့် မြန်မာရေတပ်၏ စွမ်းရည်မြှင့်တင် တည် ဆောက်မှုကို ကူညီပံ့ပိုးမှုများ ပြု လုပ်လာခဲ့သည်။

ထို့ကြောင့်လည်း နှစ်နိုင်ငံ ကြား ပင်လယ်ရေကြောင်း သွားလာရေးကိစ္စများနှင့် ကာကွယ်ရေး ဆိုင်ရာကဏ္ဍတို့တွင် ပူးပေါင်း ဆောင်ရွက်ရန် ဆွေးနွေးမှုများ ဖြစ်ပေါ်လာခြင်းမှာ အဆန်း မဟုတ်ဟု ဆိုနိုင်သည်။ အိန္ဒိယ အနေဖြင့် လေ့ကျင့်ရေးကဏ္ဍ၊ ကူညီထောက်ပံ့ရေးကဏ္ဍတို့ဖြင့် ပံ့ပိုးနေသည့်အပြင် မြန်မာရေ တပ်အတွက် လိုအပ်သော ပစ္စည်း ကိရိယာ၊ နည်းပညာများကိုပါ ရောင်းချပေးလျက်ရှိသည်။ ထို့အပြင် ရေတပ်နှစ်ခုကြား လက်ရှိ ထက် ပိုမို၍ ရည်မှန်းချက် မြင့်မား အားကောင်းသော ပေါင်းစည်း လုပ်ဆောင်မှုများကိုလည်း မျှော်လင့်ထားနိုင်သည်။ သို့တိုင်အောင် ယခုထိ ယင်းကိစ္စများမှာတိတိကျကျ ရုပ်လုံးပေါ်မလာသေးချေ။

မည်သို့ပင်ဖြစ်စေ သိသာ ထင်ရှားသည့် တိုးတက်မှုများကိုမူ တွေ့မြင်နေရသည်။ ပြီးခဲ့သည့်နှစ် ဖေဖော်ဝါရီက ကင်းလှည့်လုပ် ငန်းစဉ်နှင့် ပတ်သက်ပြီး နှစ်နိုင်ငံ ကနဦးအဆင့် မူအားဖြင့် သဘောတူစာချုပ်တစ်ရပ်ကို လက်မှတ် ရေးထိုးခဲ့သည်။ အိန္ဒိယသည် ယင်းကဲ့သို့ သဘောတူညီမှုမျိုး ရယူထားသည်မှာ မြန်မာအပါ အဝင် သုံးနိုင်ငံသာ ရှိသည်။ ကျန်နှစ်နိုင်ငံမှာ အင်ဒိုနီးရှားနှင့် ထိုင်း တို့ဖြစ်သည်။ နိုဝင်ဘာလတွင် အိန္ဒိယရေတပ်အကြီးအကဲ သေ နာပတိ ဆူနီလ်လန်ဘားက မြန်မာနိုင်ငံသို့ အလည်အပတ်လာရောက်ခဲ့သည်။ အိန္ဒိယရေတပ်နှင့်ကမ်းခြေစောင့် သင်္ဘောများလည်း ရန်ကုန်သို့ လာရောက် လည်ပတ် ဆိုက်ကပ်ခဲ့သည်။

ယခုနောက်ဆုံး ဖြစ်စဉ်တွင် မူ မြန်မာရေတပ်အရာရှိများက အိန္ဒိယသို့ တရားဝင်သွားရောက်လည်ပတ်ခဲ့သည်။ ယင်းသည်နှစ်နိုင်ငံကြား ပူးပေါင်းဆောင် ရွက်မှု အရှိန်အဟုန်ကို မြှင့်တင်လိုကြောင်း နောက်ထပ် ပေါ်လွင်ထင် ရှားသည့် သင်္ကေတတစ်ခုဟု ကောက်ချက်ချနိုင်သည်။ အိန္ဒိယ ရေတပ်၏ ထုတ်ပြန်ချက်တွင် မြန်မာရေတပ်၏ မိုးလေဝသ ထောက်လှမ်းမှုဆိုင်ရာ နည်းပညာ ပိုင်း မြှင့်တင်တည်ဆောက်ရေး လက်တွေ့ကျကျကူညီသွားလို ကြောင်း ဖော်ပြပါရှိသည်။

ထို့အပြင် အိန္ဒိယသို့ အလည်အပတ်ရောက်ရှိခဲ့သည့် မြန်မာအရာရှိများသည် အိန္ဒိယရေတပ်တွင် အသုံးပြုနေသည့် မိုးလေဝသခန့်မှန်းတိုင်းတာမှု ယူနစ်များနှင့် ရေတပ်သင်တန်းကျောင်း များသို့ သွားရောက် လေ့လာခဲ့ ကြောင်းလည်း ကြေညာခဲ့သည်။ သို့သော် မည်သည့်ကဏ္ဍအတွက် အဓိကထားလေ့လာမှု ပြုလုပ်ခဲ့သည်ဆိုခြင်းနှင့် ပတ်သက်၍မူ ရှင်းရှင်းလင်းလင်း  ဖော်ပြထား ခြင်းမျိုး မရှိချေ။

အိန္ဒိယ တောင်ပိုင်းရေတပ် ကြီး၏ ဦးစီးမှူးဖြစ်သော နောက်တန်း သေနာပတိ အာရ်ဂျေနက်ဒ် ကာနီက လေ့ကျင့်ရေးကဏ္ဍနှင့် မိုးလေဝသတိုင်းတာရေး သုတေ သနလုပ်ငန်းစဉ်များအတွက် အပြည့်အဝ အကူအညီပေးရန် မြန်မာရေတပ် ကိုယ်စားလှယ်အဖွဲ့ကို ကတိပြုခဲ့ကြောင်းလည်း သိရသည်။ သို့သော် လုပ်ထုံးလုပ်နည်းအရ အဆင့်အချို့ ဖြတ်သန်းရန် ကျန်ရှိနေဆဲဖြစ်သည်။

 အိန္ဒိယ၏ တောင်ပိုင်းရေတပ်က မြန်မာရေတပ်လိုအပ် သည့် အကူအညီများအတွက် တရားဝင်အဆိုပြုချက် ပေးပို့ရန် အကြောင်းပြန်ထားသည်။ ယင်းအဆိုပြုချက်ကို ရေတပ်၏ အဆင့်အမြင့်ဆုံးအာဏာပိုင် အရာရှိများ ထံ ဆက်လက်တင်ပြရဦးမည် ဖြစ်သည်။  မည်သို့ပင်ဖြစ်စေ အိန္ဒိယနှင့် မြန်မာတို့ကြား ကာကွယ်ရေး ကဏ္ဍနှင့် ပတ်သက်၍ ပူးပေါင်းဆောင်ရွက်မှုနှင့် ဆက်ဆံရေးတို့ မှာ လာမည့်နှစ်ပိုင်းများအတွင်း စိတ်ဝင်တစားဆက်လက် စောင့်ကြည့်ရမည့် အကြောင်းအရာ တစ်ခု အနေဖြင့် ယူဆရတော့မည် ဖြစ်သည်။

(The Diplomat၏ Where are India-Myanmar Naval Ties? ဆောင်းပါးကို ပြန်ဆိုသည်)



7Day News Journal