မွန်ပြည်နယ်ရှိ မော်လမြိုင်မြို့နှင့် ချောင်းဆုံမြို့နယ်ကို ဆက်သွယ်တည်ဆောက်ထားသည့် သံလွင်တံတား (ချောင်းဆုံ) ကို ဗိုလ်ချုပ်အောင်ဆန်းတံတားဟု အမည်ပေးရန် ယနေ့ (မတ်လ ၁၄ ရက်) ကျင်းပသော ပြည်သူ့လွှတ်တော် အစည်းအဝေးတွင် အတည်ပြုလိုက်သည်။
ထိုတံတားအမည်ပေးသည့် အဆိုနှင့် ပတ်သက်၍ ပြည်သူ့လွှတ်တော် ကိုယ်စားလှယ် ၁၆ ဦးတို့မှ ဆွေးနွေးခဲ့ကြရာတွင် ကန့်ကွက်သူ ၃ ဦးနှင့် ထောက်ခံဆွေးနွေးသူ ၁၃ ဦးရှိပြီး အဆိုနှင့် ပတ်သက်၍ သက်ဆိုင်ရာ ပြည်ထောင်စုအဆင့် အဖွဲ့အစည်းဝင်များ ဖြစ်သည့် ဆောက်လုပ်ရေး ဝန်ကြီးဌာနမှ ပြည်ထောင်စုဝန်ကြီး ဦးဝင်းခိုင်က ရှင်းလင်းဖြေကြားပြီး လွှတ်တော်ကိုယ်စားလှယ်များ၏ သဘောဆန္ဒကို ရယူခဲ့ရာ ထောက်ခံမဲ ၂၁၈ မဲ၊ ကန့်ကွက်မဲ ၄၃ မဲနှင့် ကြားနေ ၁၁၆ မဲတို့ဖြင့် လွှတ်တော်မှ အတည်ပြုခဲ့သည်။
ထိုတံတားအမည်းပေးသည့် ကိစ္စနှင့် ပတ်သက်၍ လာမည့် ၁၉ ရက်နေ့တွင် ဒေသခံများနှင့် မွန်ပြည်သူများ ဆန္ဒဖော်ထုတ်ရန် ရှိကြောင်း ဒေသခံများမှ သိရသည်။
The Voice
No comments:
Post a Comment