အချိန်က ၁၉၇၂ ခုနှစ် ။
မိုက်ကယ်အဲရစ် နဲ့ လက်ထပ်ဖို့ ၈ လ အလိုမှာ လူထုခေါင်းဆောင် ဒေါ်အောင်ဆန်းစုကြည် ရေးသားခဲ့တဲ့ ရည်းစားစာ။
'' မြန်မာပြည်က ကျွန်မ ကိုလိုအပ်လာပြီဆိုရင် ပြည်သူတွေ နဲ့အတူ ကျွန်မ ကိုရှင့်ဘက်က ကူညီဖို့ပဲ ကျွန်မ တောင်းဆိုချင်ပါတယ်။
'' အဲ့ဒီလို အခြေအနေမျိုး ဖြစ်လာမယ်လို့ ရှင်ထင်လား။သေသေချာမပြောနိုင်ပေမဲ့ ဖြစ်နိုင်ချေတော့ ရှိနေတယ်။ ''
'' တစ်ခါတစ်ခါတော့လည်း ကျွန်မတို့ ရဲ့ ပျော်ရွှင်နေတဲ့ဘဝ ကို အမျိုးသားရေး ကိစ္စ နဲ့ အခြေအနေ အရပ်ရပ်က တကွဲတပြားစီ ဖန်တီးလိုက်မှာကို တွေးကြောက်မိတယ်။ ဒါပေမဲ့ အကြောက်အရွံ့တွေက အချင်းနှီး အကျိုးမပြီးတဲ့ အရာတွေ ပါ။ ကျွန်မတို့ တစ်ယောက် နဲ့ တစ်ယောက် မြတ်မြတ်နိုးနိုး ချစ်နေကြမယ်ဆိုရင် ချစ်နိုင်မယ်ဆိုရင် အဆုံးမှာ ချစ်ခြင်းမေတ္တာ နဲ့ ကရုဏာတရား က အောင်နိုင်မှာပါ ''
ရည်းစားစာက ကဗျာ မဆန်ပါဘူး။ ဗိုလ်ချုပ်သမီးပဲ ဒီလောက်တော့ ရှိတာပေါ့။ ဒါပေမဲ့ သူမ ချစ်ခြင်းတရား နဲ့ စိုးရိမ်စိတ်က တစ်ချို့သော အထင်လွဲ မှားစေတဲ့ သူမ ကို ၁၉၈၈ ခုနှစ် ရောက်မှ နိုင်ငံရေး လောက ထဲ ဝင်လာတယ်လို့ ပြောကြတဲ့ သူတွေ ကို ဖြောင့်ဖြောင့် ကြီး ဆန့်ကျင် ပြသလိုက်တာပါပဲ။
တကယ်တမ်းကျတော့ သူမ ဟာ လူမှန်းသိတက်စ အရွယ်ကတည်းက ဖခင် ဗိုလ်ချုပ် ရေးသားခဲ့တဲ့ စာအုပ်တွေကို ရှာဖွေ စုးဆောင်းဖတ်ရှု ပြီး မြန်မာ့နိုင်ငံရေး ကို အမြဲတမ်း တွေးတောစဉ်းစား နေခဲ့တာပါ။
ပြီးတော့ အခု မိုက်ကယ်အဲရစ် ကို ရေးခဲ့တဲ့ ရည်းစားစာ မှာကိုက သူမ ဟာ အာဏာရှင် လက်ထဲက ခပ်နွမ်းနွမ်း မြန်မာပြည်အတွက် အဆင်သင့်ဖြစ်နေခဲ့ တယ် ဆိုတာ အကောင်းဆုံး သက်သေတစ်ခုပါပဲ ။
------------
မင်းရသ
ကိုးကား : မိုက်ကယ်အဲရစ် ရေးသားထားတဲ့ ' စုကိုလွမ်းနေသည် ' စာမျက်နှာ ၈+၉
ရည်ညွန်း : စာရေးဆရာ နိုင်ဦး မြန်မာပြန်ဆိုတဲ့ ''အကြောက်တရား မှ လွတ်မြောက်ရေး ''
Thaw Zin Si
No comments:
Post a Comment