ဒေသခံတွေရဲ့ကန့်ကွက်မူတွေကြုံနေရဆဲဖြစ်တဲ့ စစ်ကိုင်းတိုင်း လက်ပန်းတောင်ကြေးနီ စီမံကိန်း အတွက် သွားတဲ့ ကျောက်သယ်ဆောင်တဲ့ကားတွေကို ဒေသခံတွေက မတ်လ၂၄ရက်နေ့က တားဆီးမူတွေ လုပ်ခဲ့တာပါ။ အဲ့ဒီနောက် ဆားလင်းကြီးမြို့နယ် အထွေထွေ အုပ်ချုပ်ရေးမှူး က လာရောက်ဖြေရှင်းခဲ့ပေမဲ့ ပြေလည်မှုမရခဲ့ပဲ ညနေပိုင်း မှာတော့ ရဲတွေနဲ့ ဒေသခံတွေကြားမှာ တင်းမာမူတွေဖြစ်ခဲ့ပြီး သေနတ်နဲ့ ပစ်ခတ်မူတွေဖြစ်ပွားခဲ့တာကြောင့် ဒေသခံ ၁၀ဦးခန့် ဒဏ်ရာတွေရခဲ့ပါတယ်။ အသေးစိတ် ထိုင်းအခြေစိုက် ဗွီအိုအေ သတင်းထောက် မအေးမာက သတင်း ပေးပို့ထားပါတယ်။
စစ်ကိုင်းတိုင်းဆားလင်းကြီးမြို့နယ်ထဲက လက်ပံတောင်းတောင် ကြေးနီစီမံကိန်းကြေးနီ ကားတွေ ၊ လုပ်ငန်းခွင်သုံးကားတွေ၊ ကျောက်သယ်ဆောင်တဲ့ ကားတွေကို ဖေဖေါ်ဝါရီ ၂၁ရက်နေ့ကတည်း ဒေသခံတွေက တားဆီးထားပြီး ထွက်ခွာခွင့် မပေးတာကြောင့် တင်းမာမူတွေ ဖြစ်ရာကနေ အစိုးရပိုင်း က တာဝန်ရှိသူတွေက လာရောက် ညှိနှိုင်းပေးခဲ့ရတဲ့ အထိ တင်းမာမူဖြစ်ခဲ့တာပါ။ ဒါပေမဲ့လည်း ဒီပြသနာဟာ တလကျော်ကြာ တဲ့အထိ တိကျ ဖြေရှင်းပေးမှုတွေ မရှိတာကြောင့် ဆိုပြီး ဒေသခံတွေဟာ ကျောက်သယ်ဆောင်တဲ့ ကားတွေကို ထပ်မံ တားဆီးမူတွေ လုပ်ခဲ့ပါတယ်။
ဒီအတွက် မတ်လ ၂၄ ရက်နေ့မှာတော့ ဆားလင်းကြီးမြို့နယ် အထွေထွေ အုပ်ချုပ်ရေးမှူး လာရောက် ဖြေရှင်းပေးခဲ့ပေမဲ့ ပြေလည်မှု မရပဲ ညနေပိုင်းမှာ သေနတ်နဲ့ ပစ်ခတ်မူတွေ ဖြစ်ပွားခဲ့ကြောင်း ဒေသခံ တောင်သူတဦးက ပြောပါတယ်။
" ညနေ ငါးနာရီလောက်မှာ ရဲတွေက ဒိုင်းတွေကာပြီး သေနတ်တွေပစ်ပြီး ကျောက်ကားတွေ မောင်းခိုင်းတယ်။ သေနတ်တွေနဲ့ ရာဘာကျည်သေနတ်တွေနဲ့ ဒေသခံတွေကို ပစ်တာ ဒေသခံ (၁၀) ဦးထက်မနည်း ဒဏ်ရာရတယ်။ ညနေငါးနာရီလောက်မှာ။ ဒဏ်ရာတွေက ရာဘာကျည်နဲ့ အနီးကပ်ပစ်တာဆိုတော့ ပေါက်ပြဲဒဏ်ရာတွေပေါ့။ အခုဆေးရုံတော့ မပို့ရဘူး။ ဆေးရုံပို့တယ်ဆိုရင် ဒေသခံတွေကို အန္တရာယ်ပြုမှာတွေ ဘာတွေ စိုးရိမ်လို့။"
ပြီးခဲ့တဲ့လတုန်း ကတော့ ဒေသခံတွေနဲ့ စစ်ကိုင်းတိုင်း ၀န်ကြီးချုပ် အပါအ၀င် အစိုးရ အဖွဲ့ဝင့် က တွေ့ဆုံပြီးတဲ့ နောက်မှာတော့ မြေယာနစ်နာကြေး မယူထားတဲ့ ဒေသခံတွေ အတွက် သီးနှံလျော်ကြေး တောင်းဆို တာတွေ ရှိပေမဲ့ တိကျတဲ့ အဖြေတွေတော့ မရခဲ့ကြပါဘူး။ နောက်ပိုင်းမှာတော့ ကြေးနီကားတွေကို တားဆီးတဲ့ ဒေသခံတွေကို တရားစွဲဆိုတာတွေ ရှိခဲ့ပါတယ်။
ဒီရက်ပိုင်း အတွင်းမှာပဲ ဆားလင်းကြီးမြို့နယ် အထွေထွေ အုပ်ချုပ်ရေး ဦးစီးဌာနကနေ တရားဥပဒေ စိုးမိုးရေး၊ ရပ်ရွာ အေးချမ်း သာယာရေးကို ထိခိုက်စေတယ်ဆိုပြီး မတ်လ ၂၂ ရက်နေ့ ရက်စွဲနဲ့ တားမြစ်မိန့် တခုကို ထုတ်ပြန်ခဲ့ရာမှာ လူနဲ့ယာဉ်တွေကို တားဆီးတာ တွေ လူ ၅ ယောက်ထက် ပိုပြီး လမ်းလျောက်တာ စီတန်း လှည့်လည်တာ အော်ဟစ် ကြွေးကြော်ခြင်းတွေ မလုပ်ဖို့ တွေ ပါဝင်ပါတယ်။ ဒီလိုတွေ လုပ်မယ် ဆိုရင် လုံခြုံရေး အာဏာပိုင်တွေက အင်အားသုံး ဖမ်းဆီးပြီး တည်ဆဲ ဥပဒေအရေ အရေးယူတာတွေ လုပ်မယ်လို့ ထုတ်ပြန်ထားတာပါ။
မတ်လ ၂၄ ရက်နေ့မှာတော့ ကျောက်သယ် ကားတွေကို ဒေသခံတွေကို ထပ်မံ တားဆီးမူတွေ ထပ်လုပ်ခဲ့တာ ကြောင့် ညနေပိုင်းမှာ လုံခြုံရေးရဲတွေက ပစ်ခတ်မူတွေ ဖြစ်ခဲ့ပါတယ်။ ဒီအခြေအနေနဲ့ ပတ်သက်လို့ ဆားလင်းကြီးမြို့နယ် အထွေထွေ အုပ်ချုပ်ရေးမှူး ဦးအောင်မြင့်ထွန်းကို ဆက်သွယ် မေးမြန်းခဲ့တဲ့ အခါမှာ အခုလိုပြောပါတယ်။
မအေးအေးမာ။ ။ ဟဲလို ဟုတ်ကဲ့ ဦးအောင်မြင့်ထွန်းလားရှင့်။
ဦးအောင်မြင့်ထွန်း။ ။ ဟုတ်ပါတယ်ခင်ဗျ။
မအေးအေးမာ။ ။ ကျမ ဗွီအိုအေသတင်းဌာနကပါ။ ဒီနေ့လက်ပန်းတောင်းမှာ ပစ်ခတ်မှုတွေ ကြားလို့ပါ။
ဦးအောင်မြင့်ထွန်း။ ။ ခနလေး အမ။ ခနလေး ဒီမှာ အစည်းအဝေးလေး လုပ်နေလို့နော်။
ဒေသခံတွေက ရွာတွေဖြတ်ပြီး မောင်းနှင်နေတဲ့ ကျောက်သယ် ကားတွေက စည်းကမ်းမဲ့ မောင်းနှင်မူ တွေကြောင့် လူတွေနဲ့ တိရိစ္ဆာန်တွေကို ထိခိုက်တွေ ရှိနေတဲ့ အတွက်ကြောင့် တားဆီးခဲ့ရတယ်လို့ ပြောပါတယ်။ ဒါပေမဲ့ ရွာသားတွေရဲ့ အဓိက တောင်းဆိုချက် ကတော့ သီးနှံနစ်နာကြေး ကိစ္စတွေနဲ့ စီမံကိန်းကို ကန့်ကွက်မူ တွေသာ ဖြစ်ပါတယ်။
အရင်တုန်းကလည်း လက်ပံတောင်း ဒေသမှာ အခုလိုမျိုး ပစ်ခတ်မူတွေ ရှိခဲ့တာကြောင့် ဒေသခံ တောင်သူတဦး ဖြစ်တဲ့ ဒေါ်ခင်ဝင်း သေဆုံးခဲ့ရပြီး တချို့ဒေသခံ တွေလည်း သေနတ်ဒဏ်ရာတွေ ရခဲ့သူတွေလည်း ရှိခဲ့တာပါ။
ဖေဖေါ်ဝါရီ ၁၀ ရက်နေ့က (Amnesty International) က ထုတ်ပြန်တဲ့ အစီရင်ခံစာမှာတော့ လက်ပံတောင်း ကြေးနီစီမံကိန်းကြောင့် ထောင်နဲ့ချီတဲ့ မိသားစုတွေဟာ ဒီစီမံကိန်း တိုးချဲ့မှုနဲ့အတူ အိုးအိမ်ရွှေ့ပြောင်းရတာ၊ လယ်ယာဆုံးရှုံးရတာတွေ နဲ့ လူအခွင့်အရေး ချိုးဖောက်မူတွေ ရှိနေတယ်လို့ ဖော်ပြထားတာပါ။
ဒီင်္အတွက် လက်ပံတောင်းတောင် ကြေးနီသတ္တုတွင်း တူးဖေါ်ရေး လုပ်ငန်းကို ချက်ချင်း ရပ်ဆိုင်းပစ်ဖို့ အတွက် လူ့အခွင့်ရေး အဖွဲ့ကြီးက မြန်မာ အာဏာပိုင်တွေကို တောင်းဆိုထားပါတယ်။
VOA
No comments:
Post a Comment