မြတ်စွာဘုရား၏သင်္ကန်း(အရေတော်)ဝတ်ထားသည့် ပုဂ္ဂိုလ် တစ်ဦးကပြောသော စကားများကြောင့် ဝမ်းနည်းရကြောင်း အမျိုးသား ဒီမိုကရေစီအဖွဲ့ချုပ်နာယက သူရဦးတင်ဦးက ပြောကြားသည်။
ကြားဖြတ်ရွေးကောက်ပွဲအတွက် လှိုင်မြို့နယ်တွင် မတ်လ ၄ ရက် ကပြုလုပ်သည့် လူထုတွေ့ဆုံစည်းရုံးပွဲ၌ ဒီချုပ်နာယကက ယင်းသို့ ထည့်သွင်းပြောကြားခြင်းဖြစ်သည်။
‘‘တစ်ခါတလေ ကျွန်တော်က ဝမ်းနည်းတယ်ဗျ။ မြတ်စွာဘုရားရဲ့ အရေတော်ဝတ်ထားတဲ့ ပုဂ္ဂိုလ်တစ်ဦးက ပြောချလိုက်တဲ့ ဟာတွေက အင်မတန်ဝမ်းနည်းစရာကောင်းတဲ့ စကားတွေ ခင်ဗျားတို့လည်း ကြားမှာပဲ’’ဟု ဦးတင်ဦးက ပြောသည်။
မည်သည့်ပုဂ္ဂိုလ်ကိုမျှ ရည် ရွယ်ပြောခြင်းမဟုတ်ကြောင်း ဦး တင်ဦးက ပြောသည်။
မြတ်စွာဘုရား၏ တရား တော်မှ သာမညသုတ်တွင် ရေ လုကြရင်း သတ်ကြဖြတ်ကြခြင်း ကို မြတ်စွာဘုရားက လာရောက် ဟောကြားပြီး မျှဝေယူကြခြင်းဖြင့် ချမ်းသာသည့် တရားဟောခဲ့ကာ ငြိမ်းချမ်းစေခဲ့ကြောင်း ၎င်းက ပြောသည်။
၎င်းငယ်စဉ်က အမျိုးသား ကျောင်း၌ ဓမ္မပဒသင်ခဲ့ရကြောင်း ဦးတင်ဦးက ပြောပြသည်။
‘‘အမျက်ခြောင်းခြောင်း ထွက်နေတဲ့သူကို သည်းခံအေး ချမ်းသောနည်းနဲ့ တုံ့ပြန်ရင် အေး ချမ်းသောနည်းဟာ အောင်နိုင်ရာ ၏တဲ့။ စိတ်ယုတ်၊ စိတ်ပုပ်၊ စိတ်ညံ့ရှိတဲ့သူကို စိတ်ကောင်းစိတ် သန့်လေးနဲ့ တုံ့ပြန်ရင် အောင်မြင်မှာပါတဲ့။ ကျွန်တော် ပြောတာ မဟုတ်ဘူးနော်။ မြတ်စွာဘုရား ဟောတာ။ နို့မဟုတ်ရင် တစ်ဖက်က စွပ်စွဲပြီးတော့ ဘာညာဘာညာ နဲ့ လုပ်မှာ စိုးရိမ်ရသေးတယ်’’ဟု ၎င်းက ပြောသည်။
သူရဦးတင်ဦး၏ဟောပြော ချက်ကို ပရိသတ်က သောင်း သောင်းဖြဖြအားပေးခဲ့သည်။
‘‘တွန့်တိုတဲ့သူကို ပေးကမ်း စွန့်ကြဲသောနည်းဖြင့် အောင်မြင် ရာ၏တဲ့။ အမှားတရားများကို မှန် ကန်သော သစ္စာတရားက အောင်မြင်ရာ၏။ အဲဒါလောက်လေး နား လည်သွားမယ်ဆိုရင်တော့ အေး ချမ်းမှာပဲလို့ အောက်မေ့ပါတယ်။ အဲဒီလိုမဟုတ်ဘဲ ဆန့်ကျင်ပြော ရင်တော့လည်းပဲ ဗုဒ္ဓတရားကို ဆန့် ကျင်ရာရောက်ပါတယ်။ ကျွန် တော်ပုဂ္ဂိုလ်ရေးပြောတာမဟုတ် ပါဘူးနော်။ တရားရဲ့သဘောအ တိုင်းပြောတာပါ။ ကျွန်တော်တို့ အဖွဲ့အစည်းဟာ အခု ရှေ့ဆက် သွားတဲ့အခါမှာလည်း တွေ့ဦးမှာ ပဲ။ အပြစ်တွေ ပြောကြဦးမှာပါပဲ။ ဒါပေမဲ့ ညီညီညွတ်ညွတ်နဲ့ ကိုယ့် လမ်းကိုယ် လျှောက်ကြရမှာပါပဲ’’ဟု ၎င်းက တိုက်တွန်းသည်။
အမျိုးသားဒီမိုကရေစီအဖွဲ့ ချုပ် ဥပဒေအကြံပေး ဦးကိုနီကို လုပ်ကြံသူများအား ကျေးဇူးတင် ကြောင်း အမျိုးဘာသာ သာသနာ စောင့်ရှောက်ရေးအဖွဲ့ (မဘသ)ဆရာတော် ဦးဝီရသူက လူမှုကွန်ရက်စာမျက်နှာတွင် ဖေဖော်ဝါရီ ၂၆ ရက်၌ ရေးသားခဲ့သည်။
‘‘ဒီပွဲမှာတော့ အနာဂတ်မြန် မာ့သာသနာအတွက် စိုးရိမ်မှုတွေ ကင်းပျောက်သွားလို့ စိတ်သက် သာရာတော့ ရလိုက်တယ်။ ကြည်လင်းကို ကျေးဇူးတင်တယ်။ အောင်ဝင်းဇော်ကို ကျေးဇူးတင် တယ်။ အောင်ဝင်းခိုင်ကို ကျေးဇူး တင်တယ်။ ဇေယျာဖြိုးကို ကျေးဇူးတင်တယ်’’ဟု ဦးဝီရသူက ရေး သားခဲ့သည်။
အဘယ်ကြောင့် ကျေးဇူး တင်ကြောင်း The Speaker သတင်းဂျာနယ်က ဆရာတော် ဦးဝီရသူထံ လျှောက်ထားမေး မြန်းခဲ့ပြီးနောက် မတ်လ ၂ ရက် ထုတ် The Speaker သတင်းဂျာ နယ်အတွဲ(၁)အမှတ်(၁၅) တွင် ပုံနှိပ်ဖော်ပြခဲ့သည်။
‘‘အဓိကကတော့ တောတစ် တောရှင်းသွားတာပေါ့။ ဆိုလိုချင် တာက ရပ်ကွက်ထဲမှာ ခွေးရူးတစ် ကောင် သောင်းကျန်းနေတယ်။ ပါဏာတိပါတဆိုတဲ့ သိက္ခာပုဒ် ကြီးကို ထိန်းနေရတယ်။ ဒါပေမဲ့ ဒီခွေးရူးရဲ့ဒဏ်ကို တစ်ရပ်ကွက် လုံးက ခံနေရတယ်။ အဲဒီအချိန် မှာ အဲဒီခွေးရူးကို ရှင်းတဲ့လူတစ် ယောက်ပေါ်လာတယ်ပေါ့။ ခွေး ရူးအပေါ်တော့ မေတ္တာ၊ ကရုဏာထား တယ်။ ခွေးရူးဒဏ်ခံနေရတာ ကို တော့ ပြည်သူတွေက မလိုလား ဘူး။ အနစ်နာခံပြီးတော့ အကု သိုလ်အဖြစ်ခံပြီး ရပ်အကျိုးရွာအ ကျိုးကို သယ်ပိုးလိုက်တဲ့လူတစ် ယောက်ကို နင့်ကြောင့် ငါတို့ရပ် ရွာလေးအေးချမ်းသွားတယ်။ ခွေး ရူးအန္တရာယ်ကင်းဝေးသွားတယ်။ အဲဒီအတွက် ကျေးဇူးတင်တဲ့ပုံစံ လေးပါ’’ဟု ဦးဝီရသူက The Speaker သတင်းဂျာနယ်အား မိန့် ကြားခဲ့သည်။
ရဟန်းတစ်ပါးဖြစ်၍ ထိုသို့ ထောက်ခံခြင်းမှာ ဝိနည်းနဲ့ ညီပါသလားဟူသောမေးမြန်းချက်ကို ဦးဝီရသူက သူတစ်ပါး အသက် သတ်မှုနှင့်ပတ်သက်ပြီး အနည်း ငယ်မျှ အရိပ်အမြွက် မပြော ကောင်းကြောင်း၊ သေသည့်သူ လည်း သေသွားပြီဖြစ်ပြီး သတ် တာကို ထောက်ခံတာလည်း မဟုတ်ကြောင်း၊ သတ်ပါဟု တိုက်တွန်းတာလည်း မဟုတ်ကြောင်း၊ သတ်တာကို ချီးကျူးတာလည်း မဟုတ်ကြောင်း၊ သို့သော် တော တစ်တောကို ရှင်းလင်းပေးလိုက် သဖြင့် ကျေးဇူးတင်သည်ဟုပြော ခြင်းဖြစ်ကြောင်း ပြန်လည် မိန့် ကြားခဲ့သည်။
7Day News Journal
No comments:
Post a Comment