မန္တလေး မတ် ၅
မန္တလေးမြို့ နန်းမြို့ရှေးဟောင်းကျုံး မြို့ရိုးနှင့် မြနန်းစံကျော်ရွှေနန်းတော်သို့ ပြည်တွင်း ပြည်ပခရီးသွားဧည့်သည်များ နေ့စဉ်လာရောက်လည်ပတ်လျက်ရှိသည်။ နှစ်ပေါင်း ၁ဝဝ ကျော် သက်တမ်းရှိ နန်းမြို့ရိုး ရေရှည်တည်တံ့ခိုင်မြဲစေရေးအတွက် ရှေးဟောင်းသုတေသနနှင့် အမျိုးသားပြတိုက်ဦးစီးဌာနက ဆောင်ရွက်လျက်ရှိသည်။
နန်းမြို့ရိုးပတ်လည်ရှိ ရေညှိများကို ပေါင်းသတ်ရှင်းလင်းခြင်း၊ ရေလုံဆေးအသုံးပြု၍ အနားသတ်ကြားသိပ်ခြင်း၊ မြို့ရိုးအုတ်နံရံတွင် ပျက်စီး၍ လစ်လပ်နေသောနေရာများကို ပြုပြင်ခြင်း၊ အက်ကွဲကျိုးပဲ့နေသော အုတ်များနှင့် ဆွေးမြည့်နေသောအုတ်များကို ဖယ်ရှားပြီး ရှေးဟောင်းအုတ်အရွယ်အစားအတိုင်း အစားထိုးပြုပြင်ခြင်း၊ ငလျင်ဒဏ်နှင့် မော်တော်ယာဉ်ကြီးများသွားလာမှုကြောင့် မြို့ရိုးကွဲအက် ပျက်စီးနေသည့်နေရာများကို ကာဗွန်ဖိုက်ဘာနည်းပညာ၊ Brick Stitching နည်းပညာများဖြင့် ရှေးဟောင်းသုတေသနနှင့်အမျိုးသားပြတိုက်(မန္တလေး)က ကြီးကြပ်ကာ အုတ်အဆောက်အအုံထိန်းသိမ်းမှု ပညာရှင်များက ဆောင်ရွက်လျက်ရှိကြောင်း သိရသည်။
မောင်ပြည်သူ(မန္တလေး)ပြန်/ဆက်
No comments:
Post a Comment