“ကားက ရေတာရှည်ဘက်က မောင်းပြေးလာတာဗျ။ သစ်တောအဖွဲ့ရော၊ ရဲတပ်ဖွဲ့တွေရော အချင်းချင်း ချိတ်ဆက်ပြီး ဖမ်းတာပါ။ ၁၁၇ မိုင်မှာ ကားက ရေတိုင်ကီရေဆူပြီး အင်ဂျင်သံက သိပ်မကောင်းတော့ဘူး။ ကားကိုထားခဲ့ပြီး ထွက်ပြေးသွားတာဗျ။ သစ်သားတွေကတော့ အခုမှ ဆိုဒ်တိုင်းတုန်းပဲ ရှိပါသေးတယ်။ အတိအကျေတာ့ ပြောမရသေးပါဘူး”လို့ သစ်တောတာဝန်ရှိသူ တဦးက ဒီဗွီဘီကို ပြောပါတယ်။
ဖြစ်စဉ်မှာ နေပြည်တော်ဘက်မှ ရန်ကုန်ဘက်ကို တရားမဝင်သစ်များ တင်ဆောင်လာတဲ့ ယာဉ်အမှတ် 8F / 7377 NISSANအမျိုးအစား ၆ ဘီးတပ် မော်တော်ယာဉ်တစီး မောင်းနှင်ထွက်ပြေး လာကြောင်း သတင်းအရ ဖြူးမြို့နယ်ရှိ သစ်တောနှင့် တခြား ပူးပေါင်းအဖွဲ့အစည်းတွေ စုပေါင်းဖမ်းဆီး ခဲ့တာပါ။
ဖမ်းဆီးစဉ် အမြန်လမ်း မိုင်တိုင်အမှတ် ၁၁၇/၀ အနီးမှာ ကားရပ်တန့်ထားခဲ့ပြီး ယာဉ်မောင်း ထွက်ပြေးလွတ်မြောက်သွားပါတယ်။ ယာဉ်ပေါ်မှာ ပျဉ်းကတိုး စကွဲးရားဆိုဒ်စုံ ခန့်မှန်း ၆ တန်လောက် ပါရှိတယ်လို့ တာဝန်ရှိသူတဦးထံက သိရပါတယ်။
တးရာမဝင်သစ်တွေ တင်ဆောင်လာသူကို အရေးယူနိုင်ရေးအတွက် ဖြူးမြို့ သစ်တောဦးစီးဌာနက ဆောင်ရွက်နေတယ်လို့ သိရပါတယ်။
သတင်း - ကျော်အောင် (ကညွတ်ကွင်း)
DVB
No comments:
Post a Comment