မဏ္ဍိုင်ကြီးနှစ်ခုကြားက အားပြိုင်ပွဲ

မဏ္ဍိုင်ကြီးနှစ်ခုကြားက အားပြိုင်ပွဲ

ပြီးခဲ့သည့် ရက်သတ္တပတ်က နေပြည်တော်ရှိ ပြည်သူ့လွှတ်တော်တွင် ဥပဒေပြုရေးမဏ္ဍိုင်နှင့် တရားစီရင်ရေးမဏ္ဍိုင်တို့အကြား လက်ရှိ အစိုးရသက်တမ်း၌ ပထမ ဆုံးအကြိမ် ထိပ်တိုက်တွေ့ဆုံခဲ့ သည်။

တရားစီရင်ရေးကဏ္ဍ တိမ်း စောင်းနေမှုကို ပြန်လည်တည့် မတ်ပေးနိုင်ရေး ပြည်ထောင်စု တရားလွှတ်တော်ချုပ်သို့ တိုက်တွန်းသည့်အဆိုကို ဆွေးနွေးသော လွှတ်တော်ကိုယ်စားလှယ်များနှင့် ပြန်လည် ရှင်းလင်းတင်ပြသည့် ပြည်ထောင်စု တရားလွှတ်တော်ချုပ် တရားသူကြီး၏ဆွေးနွေးချက်များအကြား သဘောထားကွဲလွဲကာ ထိပ်တိုက်တွေ့ခဲ့သည်။

ထိုသို့ဥပဒေပြုရေးနှင့် တရားစီရင်ရေးတို့ ထိပ်တိုက်တွေ့ဆုံမှုသည် အမျိုးသားဒီမိုကရေစီအဖွဲ့ ချုပ်(NLD) နေရာအများစုရထားသည့် လွှတ်တော်သက်တမ်း တစ် နှစ်ရှိလာချိန်တွင် ပထမဆုံးအ ကြိမ်ဖြစ်သည်။

အဆိုကို ဆွေးနွေးသူ ၂၅ ဦး အနက် ပြည်ထောင်စုကြံ့ခိုင်ရေး နှင့်ဖွံ့ဖြိုးရေးပါတီနှင့် ရခိုင်အမျိုးသားပါတီတို့မှ လွှတ်တော်ကိုယ်စားလှယ်တစ်ဦးစီသာ ပါဝင်ခဲ့ပြီး ကျန်အမတ်များသည် ဒီချုပ်ပါတီမှ ဖြစ်သည်။

လွှတ်တော်ကိုယ်စားလှယ် အများစုက တူညီစွာ ထောက်ပြခဲ့ သည့်အချက်မှာ တရားစီရင်ရေးကဏ္ဍတွင် အဂတိလိုက်စားမှု၊ အကျင့်ပျက်ခြစားမှုနှင့် ပြည်သူများ၏ ယုံကြည်ကိုးစားမှု ကျဆင်းနေသည်ဆိုသော အချက်ပင်ဖြစ် သည်။

ကိုယ်စားလှယ်များ၏ ဆွေးနွေးမှုများကို ပြည်ထောင်စုတရားလွှတ်တော်ချုပ်တရားသူကြီးကပြန်လည်ရှင်းလင်းရာတွင် တရားရုံးများ၏ ဂုဏ်သိက္ခာကို အကြီးအကျယ်ထိခိုက်စေသည့် စွပ်စွဲပြောကြားမှုများသည် တရားရုံးများကို မထီမဲ့မြင်ပြုရာရောက်ကြောင်းနှင့် အဆိုသည် ဥပဒေပါပြဋ္ဌာန်းချက်များနှင့်မညီခြင်း၊ ခိုင်လုံသော အထောက်အထားများ မပါရှိခြင်းတို့ကြောင့်ဟုဆိုကာ ဦးစိုးညွန့်က ကန့်ကွက်ခဲ့သည်။

ပထမအကြိမ်လွှတ်တော်က တရားစီရင်ရေးမဏ္ဍိုင်နှင့် ပတ်သက်၍ တင်သွင်းသော အဆိုများမှာ အပြုသဘောဆောင်ပြီး ယခုတင်သွင်းသည့် အဆိုနှင့်အနှစ်သာရများစွာကွာခြားကြောင်း တုံ့ပြန်သည်။

တရားသူကြီး၏ စကားမဆုံးမီမှာပင် ပြည်သူ့လွှတ်တော်ဥက္ကဋ္ဌက ၆ မိနစ် သုံးကြိမ်ပေးထားသည်ဟုဆိုကာ အဆိုကို နိဂုံးချုပ်ခိုင်းသည်။

‘‘အဆိုကို အတည်ပြုမည်ဆိုပါက တရားစီရင်ရေးကိုသာမက နိုင်ငံ့ပုံရိပ်ကိုပါ ထိခိုက်နိုင်ပါတယ်။ နိုင်ငံခြားရင်းနှီးမြှုပ်နှံမှုများ’’ဟု ဦးစိုးညွန့်၏ စကားမဆုံးမီမှာပင် လွှတ်တော်ဥက္ကဋ္ဌက နိဂုံးချုပ်ပါ။ အဆိုကို ဘာလုပ်ချင်လဲ’’ဟု ထပ်မေးသည်။

ပြည်ထောင်စု တရားလွှတ် တော်ချုပ်တရားသူကြီးက အဆိုကို မှတ်တမ်းအဖြစ်သာထားရန်ပြောပြီး စကားဆက်မည်အပြုတွင်ဦးဝင်းမြင့်က တားမြစ်ပြီး အဆိုရှင်၏ သဘောထားကို မေးမြန်းခဲ့သည်။

ထို့နောက် အဆိုကို စက်ခလုတ်နှိပ်ပြီး မဲခွဲဆုံးဖြတ်ရာ မဲပေးခွင့်ရှိသူ ၃၉၁ ဦးတွင် ထောက်ခံမဲ ၂၈၆ မဲ၊ ကန့်ကွက်လေးမဲနှင့် ကြားနေ ၆၁ မဲရှိပြီး ထောက်ခံသူများသောကြောင့် လွှတ်တော်က အဆိုကို အတည်ပြုခဲ့သည်။

ဒီချုပ်အနေဖြင့် လွှတ်တော် သက်တမ်းတစ်နှစ်ရချိန်တွင် တရားစီရင်ရေးကဏ္ဍအတွက် လွှတ် တော်တွင် အဆိုတင်ဆွေးနွေးလာခြင်းသည် ရွေးကောက်ပွဲဝင်စဉ်က ကြွေးကြော်ခဲ့သည့် တရားဥပဒေစိုးမိုးရေးလုပ်ငန်းကို အာရုံစိုက် ကာ လုပ်ကိုင်တော့မည့် ခြေလှမ်းစတင်ခြင်းပင်ဖြစ်သည်ဟု နိုင်ငံရေးအသိုင်းအဝိုင်းက မှတ်ချက်ပြုသည်။

ထို့ပြင် လွှတ်တော်တွင် အ ပြန်အလှန်ဆွေးနွေးမှုများကိုကြည့်ပါက တရားစီရင်ရေးကဏ္ဍတွင် လုပ်ဆောင်ရမည့်အချက်များကို ပြည်သူများကိုယ်စား မီးမောင်း ထိုးပြခြင်း ဖြစ်သည်ဟု လွှတ် တော်ကိုယ်စားလှယ်အချို့က သုံး သပ်သည်။

 လွှတ်တော်ကိုယ်စားလှယ် အများစုက တရားစီရင်ရေးကဏ္ဍ တည့်မတ်ရေးအတွက် တရားသူကြီးတစ်ဦးတည်းက ဆုံးဖြတ်သည့် အစား ဂျူရီစနစ်ကို ကျင့်သုံးသင့် ပြီး တရားသူကြီးများ၊ ရှေ့နေများ၊ ဥပဒေဝန်ထမ်းများအား လာဘ် ပေးလာဘ်ယူမှုမရှိစေရန်၊ ဥပဒေ နှင့်အညီ စီရင်ဆုံးဖြတ်နိုင်စေရန် တရားရုံးစောင့်ကြည့်ရေးအဖွဲ့များ ကို ဖွဲ့စည်းသင့်သည်ဟု အကြံပြု သည်။

အစိုးရသစ်သက်တမ်း တစ် နှစ်ပြည့်ခါနီးအချိန်ထိ တရားစီရင် ရေးကဏ္ဍတွင် အပြောင်းအလဲထူး ထူးခြားခြား မတွေ့ရသောကြောင့် အဆိုကို တင်သွင်းရခြင်းဖြစ်သည်ဟု အဆိုရှင် အမျိုးသားဒီမိုကရေစီအဖွဲ့ချုပ် ပြည်သူ့လွှတ်တော် ကိုယ်စားလှယ် ဦးတင်ထွေးက ပြောသည်။

‘‘အုပ်ချုပ်ရေး၊ ဥပဒေပြုရေးတို့က အပြောင်းအလဲရှိတာ တွေ့ရတယ်။ တရားစီရင်ရေးက သိပ် ပြောင်းတာ မတွေ့ရတဲ့အပြင် ယခင်ကအတိုင်းပဲ ကြုံနေရတယ် လို့ ပြည်သူတချို့က တင်ပြတာ တွေရှိလို့ လွှတ်တော်ကို အဆိုတင် တာ’’ ဟု အဆိုရှင် ဦးတင်ထွေးက ပြောကြားသည်။

အဆိုကို အတည်ပြုလိုက်ပါက သက်ဆိုင်ရာမဏ္ဍိုင်က ဆောင် ရွက်ပေးရမည့်တာဝန်ရှိရာ ယခုအတည်ပြုသည့် အဆိုနှင့်ပတ်သက်၍ တရားရေးမဏ္ဍိုင်၏ ဆောင်ရွက်မှုများကို စောင့်ကြည့်ရမည် ဖြစ်ကြောင်း ဦးတင်ထွေးကပြော သည်။

‘‘လွှတ်တော်ကတော့ အဆိုကို အတည်ပြုလိုက်ပြီ။ အဲဒီတော့ တရားရေးမဏ္ဍိုင်ရဲ့ ဆောင်ရွက်ချက်တွေကို ဆက်စောင့်ကြည့် သွားရမယ်’’ဟု ဦးတင်ထွေးကဆိုသည်။

‘‘တချို့သော အမှုတွေမှာ အမှုသဘောသဘာဝအရ ဥပဒေအရ မှန်ကန်မှုအပေါ် ငွေကြေးရယူပြီး အမှန်အတိုင်း ဆုံးဖြတ်တာ တွေရှိသလို တချို့သော အမှုတွေမှာ ဥပဒေအရ မှားယွင်းပါလျက် မှန်ကန်ကြောင်း သိသိသာသာ ဘက်လိုက် ဆုံးဖြတ်သည်များလည်း ရှိနေပါတယ်’’ဟု ပြည်သူ့လွှတ်တော်ကိုယ်စားလှယ် ဦး မောင်မောင်က လွှတ်တော်သို့ တင်ပြဆွေးနွေးသည်။ တရားစီရင်ရေးကဏ္ဍတွင် တရားသူကြီးများ၊ တရားစွဲအဖွဲ့ အစည်းများဖြစ်သော မြန်မာနိုင်ငံ ရဲတပ်ဖွဲ့နှင့် သက်ဆိုင်ရာဌာနများ၊ ဥပဒေဝန်ထမ်းများ၊ ရှေ့နေရှေ့ ရပ်များ၊ သက်သေများ စသဖြင့် ပေါင်းစပ် ပါဝင်ဆောင်ရွက်သော် လည်း တရားသူကြီးများ၏ အရေး ပါပုံနှင့် လာဘ်ပေးလာဘ်ယူမှုများ ဖြစ်ပေါ်နိုင်ပုံကို ၎င်းက ထောက် ပြဆွေးနွေးခဲ့သည်။

 မြန်မာ့တရားစီရင်ရေးတွင် တရားသူကြီးတစ်ဦး၏ အပြီးသတ်ဆုံးဖြတ်ချက်သည် ငွေဒဏ် (သို့မဟုတ်)ထောင်ဒဏ်တို့ကို ချမှတ်ရန် ဆုံးဖြတ်နိုင်သည့် အခြေအနေဖြစ်၍ အနည်းဆုံးနှင့် အသက်သာဆုံးဖြစ်အောင် နည်းမျိုး စုံဖြင့် တရားသူကြီးများထံ ချဉ်း ကပ်လာကြောင်း ဦးမောင်မောင်က ပြောသည်။

ပြည်ထောင်စု တရားလွှတ် တော်ချုပ် တရားသူကြီး ဦးစိုးညွန့်က ‘‘အထောက်အထားမခိုင်လုံတဲ့ အကျင့်ပျက် ခြစားမှုများကြောင့် တရားစီရင်ရေးကဏ္ဍတိမ်းစောင်း နေတယ်ဆိုတဲ့အဆိုလောက် တရားရုံးများရဲ့ ဂုဏ်သိက္ခာကို ထိခိုက်နိုင်တာ မရှိတော့ပါဘူး’’ဟု အဆိုကို ပြန်လည်ဆွေးနွေးစဉ် တုံ့ ပြန်ပြောကြားသည်။

ပြီးခဲ့သည့် ၂၀၁၁ က စတင် ပြီး ယနေ့အထိ အကျင့်ပျက်ခြစား၍ အရေးယူခံရသည့် တရားသူကြီးသည် တစ်ဦးသာရှိကာ တစ်ဆင့်စကား တစ်ဆင့်ကြားဖြင့် တရားရေးမဏ္ဍိုင် အကျင့်ပျက်နေပြီဆိုသော ပြောကြားမှုများသည် အမှားကြား၍ အမှန်ဖြစ်လာသည့် သဘောသာဖြစ်ကြောင်း ဦးစိုးညွန့်က ဆက်လက်ပြောသည်။ ထို့အပြင် ဦးစိုးညွန့်က တရားစီရင် ရေးကဏ္ဍ တိမ်းစောင်းနေသည် ဆိုသည့်အဆိုသည် ပြည်သူ့ လွှတ်တော်ဆိုင်ရာ နည်းဥပဒေ အပိုဒ်(၁၅၈) အပိုဒ်ခွဲ(ခ)နှင့် ဆန့်ကျင်နေကြောင်း နည်းဥပဒေနှင့် မညီညွတ်သည့် အဆိုဖြစ်၍ ကန့်ကွက်ရခြင်းဖြစ်ကြောင်း တင်ပြခဲ့သည်။

ပြည်သူ့လွှတ်တော်ဥက္ကဋ္ဌ ဦးဝင်းမြင့်က ဖွဲ့စည်းပုံအခြေခံဥပဒေပြဋ္ဌာန်းချက်အရ နိုင်ငံတော်၏ အချုပ်အခြာအာဏာ သုံးရပ်ဖြစ်သည့် ဥပဒေပြုရေးအာဏာ၊ အုပ်ချုပ်ရေးအာဏာ၊ တရားစီရင်ရေးအာဏာတို့ကို အပြန်အလှန် ထိန်းကျောင်းခြင်းမူအရ တင်သွင်းသည့် အဆိုဖြစ်ကာ စည်းကမ်းချက်များနှင့် ညီညွတ်၍ ခွင့်ပြုခြင်း ဖြစ်သည်ဟု တုံ့ပြန်ပြောကြားသည်။

 ‘‘ကိုယ်စားလှယ်တွေက ဆွေးနွေးပိုင်ခွင့်အရ ဆွေးနွေးတယ်။ ဆွေးနွေးပိုင်ခွင့်အရ ဆွေး နွေးတာကို တရားရုံးမထီမဲ့မြင်ပြု တယ်လို့လည်း စွပ်စွဲလို့ မသင့်ပါဘူး။ ဒါ ပြည်ထောင်စုတရားလွှတ် တော်ချုပ်အနေနဲ့ အလေးအနက် သတိပြုစေလိုပါတယ်’’ဟု လွှတ် တော်ဥက္ကဋ္ဌ ဦးဝင်းမြင့်က ပြန်လည်သတိပေးပြောကြားသည်။

‘‘သူတို့ပေးထားတဲ့ ကတိအ တိုင်း တည်အောင်လုပ်ဖို့ စတင်တဲ့ သဘောပါ။ တရားရေးမဏ္ဍိုင်က တော့ တော်တော်ကြာအောင် ဝေ ဖန်မှုခံနေရတဲ့ မဏ္ဍိုင်တစ်ခုပါပဲ’’ ဟု တရားလွှတ်တော်ရှေ့နေ ဦး ရောဘတ်စန်းအောင်က ပြော ကြားသည်။

ဖဆပလလက်ထက်တွင် ဝေဖန်ခံရမှုမရှိသလောက် နည်းပါးခဲ့သော တရားရေးမဏ္ဍိုင်သည် ၁၉၆၂ နောက်ပိုင်းကာလများက စတင်ကာ ဝေဖန်မှုများ မြင့်သထက် မြင့်မားလာသည်ဟု ၎င်းက ဆိုသည်။

မြန်မာနိုင်ငံသည် World Justice Project က သုတေသန ပြုလုပ်ထားသော ၂၀၁၆ ထုတ် ပြန်ချက်အရ အရှေ့အာရှနှင့် ပစိဖိတ်ဒေသနိုင်ငံများတွင် တရားဥပဒေစိုးမိုးမှုအဆင့်အတန်း နှိုင်းယှဉ်ဖော်ပြချက်၌ ၁၅ နိုင်ငံအနက် အဆင့်(၁၄)တွင် ရပ်တည်နေ သည်ကို တွေ့ရသည်။

 တရားစီရင်ရေးမဏ္ဍိုင် ဖြောင့်မတ်ရေးတွင် တရားရေးနှင့် သက်ဆိုင်သော ဝန်ထမ်းများ၊ လာဘ်ပေးလာဘ်ယူများ ကင်း ရှင်းရေးသည် အဓိကကျကြောင်း လွှတ်တော်ကိုယ်စားလှယ်အချို့ က သုံးသပ်သည်။

အစိုးရသစ်လက်ထက်တွင် တရားသူကြီးတစ်ဦးနှင့် တရားရုံး စာရေးတစ်ဦးတို့၏ အဂတိလိုက် စားမှုနှစ်ခုကို ဖော်ထုတ်နိုင်ခဲ့ပြီး ၎င်းတို့ကို အဂတိလိုက်စားမှုတိုက် ဖျက်ရေးကော်မရှင်က တရားစွဲဆိုထားသည်။

တစ်မှုမှာ ကျမ်းကျိန်လွှာပြု လုပ်ရန် လာရောက်သူများထံမှ ကျပ်နှစ်သိန်းတောင်းခံမှု စစ်ဆေး ပေါ်ပေါက်ခဲ့သော ကလေးဝမြို့ နယ် တရားရုံးဘိလစ်စာရေးအမှု ဖြစ်ကာ နောက်တစ်မှုမှာ ယစ်မျိုးမှုနှင့် လောင်းကစားမှုတွင် လာဘ် ယူခဲ့ကြောင်း စွပ်စွဲချက်ဖြင့် တိုင် ကြားခံရသည့် ပွင့်ဖြူမြို့နယ်တရားသူကြီးအမှုဖြစ်သည်။

တရားသူကြီးသည် ယစ်မျိုးမှု ဖြင့် တရားစွဲခံရသူများအနက် ငွေ မပေးသူများကို ထောင်ချပြီး ငွေပေးသူများကို ငွေဒဏ်ချသည်ဟု တိုင်ကြားလာမှုကို တိုင်းဒေသကြီး အစိုးရအဖွဲ့က အဂတိလိုက်စားမှု တိုက်ဖျက်ရေးကော်မရှင်သို့ လွှဲ ပြောင်းခဲ့သည်။

အဂတိလိုက်စားမှုတိုက်ဖျက် ရေးကော်မရှင်က စုံစမ်းစစ်ဆေး ရေးအဖွဲ့ ဖွဲ့စည်းစစ်ဆေးရာ ယစ်မျိုးအမှုတွင် လိုက်ပါဆောင်ရွက်နေသော အထက်တန်းရှေ့နေမှတစ်ဆင့် ငွေကျပ်ငါးသိန်းတောင်းခံရယူခဲ့ကြောင်း စစ်ဆေးပေါ်ပေါက်ခဲ့သည်။

ထို့အပြင် လောင်းကစားမှု တစ်ခုတွင်လည်း တရားခံအပေါ် ပြစ်ဒဏ်သက်ညှာစွာ စဉ်းစားပေးရန် တရားခံ၏ဇနီးထံမှ ငွေကျပ်ငါးသိန်းလက်ခံရယူခဲ့ခြင်းပါ ပေါ် ပေါက်ခဲ့သည်။

ယင်းသို့ အဂတိလိုက်စားသူ များကို ဖော်ထုတ်ပြီး ထိထိရောက်ရောက် အရေးယူနိုင်ရေးအတွက် တိကျသော သက်သေအထောက်အထားနှင့် တိုင်ကြားမည့်သူများ လိုအပ်နေကြောင်း ရန်ကုန်တိုင်း ဒေသကြီး လွှတ်တော်တရားစီရင် ရေး၊ ဥပဒေစိုးမိုးရေးနှင့် တိုင်ကြား စာများ၊ အသနားခံစာများ စိစစ် ရေးကော်မတီအဖွဲ့ဝင်လွှတ်တော် ကိုယ်စားလှယ် ဦးကျော်ကျော်ထွန်းက အကြံပြုသည်။

၎င်းတို့ကော်မတီထံသို့ လာ ရောက်တိုင်ကြားသူများ ရှိသော် လည်း တိကျသော သက်သေအ ထောက်အထား မရရှိသဖြင့် အရေးယူမှုများ ပြုလုပ်နိုင်ရန်ဆက်လက်ဆောင်ရွက်၍ မရကြောင်း ဦးကျော်ကျော်ထွန်းက ဆိုသည်။ ‘‘လုပ်ကိုလုပ်နေတယ်။ အဲဒါက ငြင်းလို့မရဘူး။ ကိုယ်တို့ဆီကို ရောက်လာတဲ့သူတွေက ပါးစပ်နဲ့ လာပြောပေမယ့် သူတို့သည် ယုံ ကြည်ရတဲ့သူတွေပဲ’’ဟု ၎င်းကြုံ တွေ့ရသည့် အခြေအနေကို ပြော ပြသည်။

 ‘‘ကျွန်တော်တို့ မြင်တာ၊ တွေ့တာ၊ ကျွန်တော်တို့ သဘော ပေါက်တာကတော့ အားနည်းချက်တွေက လူကြောင့်ဖြစ်တာ ပေါ့။ ဘာဖြစ်လို့လဲဆိုတော့ တရားစီရင်ရေးနဲ့ပတ်သက်တဲ့ ဥပဒေ တွေရှိတယ်လေ။ အဲဒီဥပဒေတွေ ကလည်း ပြည့်ပြည့်စုံစုံရှိတယ်။ နောက်ပြီးတော့လည်း အလုပ် လည်း ဖြစ်တယ်ပေါ့။ ဒါပေမဲ့ လည်း ခုနကပြောသလို လိုက်နာ ရမယ့် လုပ်ထုံးလုပ်နည်းတွေ၊ လိုက်နာရမယ့် ညွှန်ကြားချက်တွေ ကို တိတိကျကျ  အချိန်တိုအတွင်း မှာ ကောင်းလာဖို့ အလားအလာ ရှိတယ်ပေါ့။ မလိုက်နာဘူး။ အဲဒါ တွေကြောင့် တရားစီရင်ရေးနဲ့ပတ် သက်ပြီး ပြည်သူတွေက စိတ်ပျက် နေတဲ့ အပိုင်းတွေရှိတယ်။ ပထမဆုံးအနေနဲ့ တရားသူကြီးတွေက ဥပဒေတွေ၊ လုပ်ထုံးလုပ်နည်းတွေ ကို သေသေချာချာ လိုက်နာပြီး တော့ ဆောင်ရွက်မယ်ဆိုရင် တရားစီရင်ရေးက အချိန်တိုအတွင်း ကောင်းလာမယ်’’ဟု တရားလွှတ်တော်ရှေ့နေ၊ အမျိုးသားဒီမို ကရေစီအဖွဲ့ချုပ်ပါတီဥပဒေပြုအ ထောက်အကူအဖွဲ့ဝင် ဦးကျော်ဟိုးက အကြံပြုသည်။

7Day News Journal