ဒါပေမဲ့ သင်္ချာဘာသာရပ်နယ်ပယ်မှာတော့ သုည ဟာ အရေးပါတဲ့ ကိန်းဂဏန်းတစ်လုံးပါ။
သမိုင်းမှာ သုည ဘယ်လို ဖြစ်ပေါ်လာသလဲ ဆိုတာ စဉ်းစားကြည့်ရင် သုညအကြောင်းတွေးမိဖို့ တော်တော်ခက်ခဲတာကို တွေ့ရမယ်။ တကယ်မရှိတဲ့ အရာတစ်ခု ၊ လက်တွေ့အပြင်မှာ မရှိတဲ့ မရှိခြင်း သဘောတရားတစ်ရက် ကို ဘယ်လို ဉာဏ်ကြီးရှင်တွေကများ စဉ်းစားမိတာ ဖြစ်နိုင်မလဲ။
အိန္ဒိယ လူမျိုးတွေကတော့ သုည ကို သူတို့ရဲ့ ရှေးနှစ်ပေါင်းများစွာ အကြာက ပညာရှင်တွေက စတင် တီထွင်ခဲ့တာပါလို့ မှတ်ယူထားကြပါတယ်။ အဲဒီ အတွက် ဂုဏ်လည်း ယူကြပါတယ်။ သူတို့က စပြီး သုည ဆိုတဲ့ ကိန်းဂဏန်းကို စတင်တီထွင်တယ်လို့ သက်သေပြစရာ အထောက်အထား အခိုင်အမာ မရှိပေမယ့် အ်ိန္ဒိယမှာ ထွန်းကားခဲ့တဲ့ ဗုဒ္ဓဘာသာ ၊ ဟိန္ဒူဘာသာ တို့မှာ မရှိခြင်း (နတ္ထိ) သဘောတရား အယူအဆတွေ ပါဝင်တာမို့ အိန္ဒိယပညာရှင်တွေက သုညကို တီထွင်တယ်ဆိုတာ ဖြစ်နိုင်ချေ ရှိပါတယ်။ တချို့ ဒဏ္ဍာရီဆန်ဆန် မှတ်တမ်းတွေကတော့ အိန္ဒိယလူမျိုး ပညာရှင် အရိယာဘာတ (Aryabhata) [ပုံထဲက ပုဂ္ဂိုလ် ] က သုညကို စတင်တီထွင်ခဲ့တယ်လို့ ဆိုကြပါတယ်။ တစ်ဖက်ကလည်း မာယာလူမျိုး အပါအဝင် တခြားကမ္ဘာ့ရှေးဟောင်း လူမျိုးစုတွေမှာလည်း သုည ကို အသုံးပြုခဲ့တဲ့ အကြောင်းအထောက်အထားတွေ ရှိနေတာမို့ ဘယ်သူက အစောဆုံးတီထွင် အသုံးပြုခဲ့သလဲ ဆိုတာ ပြောဖို့ခက်နေပါသေးတယ်။
လာမယ့် ဧပြီလထဲမှာတော့ အိန္ဒိယနိုင်ငံ နယူးဒေလီ မြို့မှာ “ Camp Zero” လို့ ခေါ်တဲ့ ဆွေးနွေးပြောဆိုပွဲတစ်ခုကို ပြုလုပ်သွားမှာ ဖြစ်ပါတယ်။ အဲဒီပွဲကို ပညာရှင်တွေ အများအပြားဖိတ်ခေါ်ပြီး သုည ဘယ်လိုဖြစ်လာသလဲ ၊ ဘယ်လို အတွေးအခေါ် နောက်ခံအခြေအနေတွေက တဆင့် သုညကို တီထွင်ဖြစ်ခဲ့ကြသလဲ ဆိုတာ အပေါ် သုံးရက်တိုင်တိုင် ဆွေးနွေးငြင်းခုံကြ၊ အထောက်အထားတွေ ၊ အယူအဆတွေ နှင်္ီးနှောဖလှယ်ကြမှာ ဖြစ်ပါတယ်။ အဲဒီပွဲကနေပြီး သုညနဲ့ ပတ်သက်တဲ့ သမိုင်းကြောင်းအခိုင်အမာတစ်ခုကို အပြီးသတ် သတ်မှတ်ပေးထားနိုင်ဖို့ မျှော်လင့်ထားပါတယ်။
ကျော်သန့် (ရိုးရာလေး)
No comments:
Post a Comment