Thursday, March 23, 2017
လုပ်ငန်းခွင်မှာ ခေါင်းကိုက်တဲ့အခါ
လုပ်ငန်းခွင်မှာ ခေါင်းကိုက်တဲ့အခါ
(၁) အလုပ်ပတ်ဝန်းကျင်ကိုပြုပြင်ပါ
ခေါင်းကိုက်စေတဲ့ အမွှေးနံ့၊ ရေမွှေး၊ ဆပ်ပြာစသည်တို့ကို ဖယ်ရှားပါ။ အလုပ်ထဲမှာ ကော်ဖီအလွန်အကျွံသောက်ခြင်းရှောင်ပါ။ ရေများများသောက်ပါ။ အစာစားချိန်ထက်မကျော်ပါစေနှင့်။ ကွန်ပျူတာမော်နီတာရှေ့မှာ အလင်းပြန်မှုလျှော့ချနိုင်တဲ့ မှန်တစ်ချပ်တစ်ဆင်ပါ။
(၂) ခေါင်းကိုက်ခြင်း၏ ကနဦးလက္ခ ဏာများကို သတိပြုပါ
အချို့ပုဂ္ဂိုလ်များ၌ ခေါင်းမကိုက်ခင် စိတ်တိုခြင်း၊ မူးဝေခြင်း၊ ပျို့ချင်အန်ချင်သလိုဖြစ်ခြင်း စသည်တို့ခံစားရတတ်သည်။ မိမိပင်ကိုယ် လက္ခဏာများအား ဂရုပြုမှတ်သားပြီး ခေါင်းမကိုက်ခင် အဆိုပါ ဝေဒနာများ ဖြစ်ပေါ်လာပါက ခေါင်းကိုက်ပျောက်ဆေးများ ကြိုသောက်ပါ။
(၃)တာဝန်လွှဲပြောင်းပါ
လုပ်ငန်းတာဝန်များကို တစ်ဦးတစ်ယောက်တည်း လုပ်ကိုင်ရခြင်းကြောင့် စိတ်ဖိစီးမှု ဖြစ်စေပြီး ခေါင်းကိုက်စေသည်။ လုပ်ဖော်ကိုင်ဘက်အချင်းချင်းတာဝန် လွှဲပေးပါ။
(၄) ဆေးကုသမှုခံယူရန် လိုမလို စောင့်ကြည့်ပါ
ခေါင်းကိုက်ခြင်းကြောင့် အလုပ် မကြာခဏ ပျက်ကွက်သည့်အခါ၊ လုပ်ငန်းခွင်မှ မကြာခဏစောပြန်ရသည့်အခါ၊ အလုပ်တွင်အာရုံမစိုက် နိုင် သည့်အခါ ဆေးကုသမှုခံယူပါ။
(၅) အမြင်အာရုံ စမ်းသပ်မှုခံယူပါ
ခေါင်းကိုက်ခြင်းသည် မျက်စိ မှုန်ခြင်း၊ မျက်စိအားနည်းခြင်းကြောင့် လည်းဖြစ်လေ့ရှိသည်။ မျက်လုံးတစ်ချက်ချင်းစီ ပိတ်ပြီးအနီးအဝေးကြည့်ပါ။ မျက်လုံးတစ်ဖက်ဖက်က ပိုမှုန်နေပါသလား။ မျက်မှန် တပ်လိုက်ခြင်းဖြင့် ခေါင်းကိုက်ဝေဒနာသက်သာလာပါလိမ့်မည်။
ဇော်ကို /Health Central
လုပ်ငန်းခွင်မှာ ခေါင်းကိုက်တဲ့အခါ
Reviewed by Ar Ti
on
2:15 PM
Rating: 5
![](https://4.bp.blogspot.com/-ic0BPK_hnUU/WNQ6-nm_LuI/AAAAAAAARK0/RIQzbv8OS-cW36r5u17l8hdpkNTVg81SwCLcB/s72-c/headache-treatment.jpg)
Subscribe to:
Post Comments (Atom)
No comments:
Post a Comment