ရခိုင်ပြည်နယ် မောင်တောဒေသ အရေးနဲ့ပတ်သက်ပြီး အချက်အလက် ရှာဖွေရေးအဖွဲ့တွေ စေလွှတ်ဖို့ ကုလသမဂ္ဂအဖွဲ့ရဲ့ ဆုံးဖြတ်ချက်ကို မြန်မာအစိုးရအနေနဲ့ ပူးပေါင်းဆောင်ရွက်သွားမှာ မဟုတ်ဘူးလို့ နိုင်ငံတော်သမ္မတရုံးရဲ့ ညွှန်ကြားရေးမှူးချုပ် ဦးဇော်ဌေးက ပြောပါတယ်။
မြန်မာနိုင်ငံအနေနဲ့ လက်ရှိအချိန်မှာ ရခိုင်ပြဿနာတစ်ခုတည်း ရင်ဆိုင်နေရတာမဟုတ်ဘဲ အမျိုးသားရင်ကြားစေ့ရေး၊ ပြည်တွင်းငြိမ်းချမ်းရေး ပြဿနာတွေကိုပါ ရင်ဆိုင်နေရတာဖြစ်ကြောင်းနဲ့ လူ့အခွင့်အရေးကောင်စီရဲ့ ဒီကနေ့ ဆုံးဖြတ်ချက်ဟာ အဲဒီကြိုးပမ်းမှုတွေအပေါ် အထောက်အကူ မဖြစ်တဲ့အတွက် မြန်မာနိုင်ငံအနေနဲ့ သဘောမတူကြောင်း ဦးဇော်ဌေးက ပြောပါတယ်။
"တစ်ချိန်တည်းမှာပဲ ကျနော်တို့ နိုင်ငံ ရင်ဆိုင်နေရတာက ရခိုင်ပြည်နယ် ပြဿနာ တစ်ခုတည်းတင် မဟုတ်ဘူး၊ ကျနော်တို့ ပြည်တွင်းငြိမ်းချမ်းရေး၊ ကျန်တဲ့ အမျိုးသားပြန်လည်သင့်မြတ်ရေး တစ်ခုလုံးကို ကျနော်တို့က ဆောင်ရွက်နေတဲ့အချိန်မှာ လူ့အခွင့်အရေးကောင်စီရဲ့ ဆုံးဖြတ်ချက်က ဒီကြိုးပမ်းဆောင်ရွက်ချက်တွေအပေါ်မှာ အထောက်အကူမပြုတဲ့ သဘောမျိုး တွေ့ရတယ်၊ အထောက်အကူမပြုတဲ့ သဘောမျိုး တွေ့ရလို့လည်း ကျနော်တို့ နိုင်ငံက ဒါကို ကန့်ကွက်တယ်၊ ဒီဆုံးဖြတ်ချက်ကို ကျနော်တို့ နိုင်ငံက လက်မခံနိုင်ဘူး၊ ကျနော်တို့ နိုင်ငံက ဒါကို ပါဝင်ပတ်သက်ခြင်း မရှိဘူး၊ ကျနော်တို့ ဒီအတိုင်းပဲ ရပ်တည်ထားတာဖြစ်ပါတယ်"
မောင်တောဒေသကို အချက်အလက်ရှာဖွေရေးအဖွဲ့တွေ စေလွှတ်ဖို့အတွက် ကုလသမဂ္ဂက ဒီကနေ့ ဆုံးဖြတ်ချက်ချလိုက်တာ ဖြစ်ပါတယ်။
အဲဒီလို ဆုံးဖြတ်ရာမှာ အချက်အလက် ရှာဖွေရေးအဖွဲ့တွေကို ချက်ချင်းစေလွှတ်ရမယ်လို့လည်း ပါရှိပါတယ်။
ရခိုင်ပြည်နယ် မောင်တောဒေသမှာ လူအခွင့်အရေးချိုးဖောက်မှုတွေ များစွာရှိနေတယ်ဆိုပြီး ကုလသမဂ္ဂက ထုတ်ပြန်ထားတာ ဖြစ်ပါတယ်။
Photo: Win Ko Ko Latt/ RFA
No comments:
Post a Comment