တစ်ညကို ၈ နာရီအိပ်ရင် ခန္ဓာကိုယ်အတွက်ရော စိတ်အာရုံအတွက်ပါ ခွန်အားဖြစ်ဆိုတာတော့ သိပါရဲ့။ ဒါပေမဲ့ ညတိုင်းလိုလို ညဥ့်နက်သွားပြီး အိပ်ရာဝင်နောက်ကျရတာလည်း အမြဲတမ်းလိုလိုပါပဲ။ နောက်နေ့မနက်မှာ အိပ်ချင်မူးတူးနဲ့ ရုံးကိုသွားပြီး အလုပ်မှာငိုက်နေရတာ တော်တော်ဆိုးပါတယ်။
ဖြစ်နိုင်သမျှတော့ အိပ်ရာဝင်ချိန်တွေ နောက်မကျအောင် သတိထားသင့်ပါတယ်။
၁။ မှတ်ဉာဏ်လျော့ကျ
အိပ်ရေးမဝတဲ့အခါ ဦးနှောက်ရဲ့ စွမ်းဆောင်ရည် ကျဆင်းပြီး မေ့လျော့လွယ်ပါတယ်။ မနက်စာ ဘာစားသလဲဆိုတာကို ညနေမှာပြန်ပြောဖို့တောင် အတော်စဉ်းစားလိုက်ရတာမျိုးဟာ အိပ်ရေးမဝတဲ့နေ့တွေမှာ ကြုံရတယ်မဟုတ်လား။
၂။ ချောင်းဆိုးအအေးမိ
အိပ်ရာဝင်နောက်ကျခြင်းကြောင့် အိပ်ရေးမဝဘဲ အိပ်ရာထရတဲ့နေ့တွေမှာ ကိုယ်ခံစွမ်းအားကလည်း ကျဆင်းရလို့ Nuffield Health ဆေးပညာဂျာနယ်က ဖော်ပြဖူးပါတယ်။ ရောဂါပိုးမွှားတွေလည်း ဝင်လွယ်ပြီး နှာစေးချောင်းဆိုးတာ ပိုဖြစ်နိုင်တဲ့အချိန်ပါပဲ။
၃။ တီထွင်ဖန်တီးမှုလျော့ကျ
ခေါင်းမကြည်ဘူးလို့ အလွယ်သုံးကြပေမဲ့ တကယ်တမ်းတော့ ဦးနှောက်နဲ့အာရုံကြောတွေ လန်းဆန်းမှု လျော့ကျနေတာဖြစ်ပါတယ်။ စိတ်ကလည်း မကြည်လင်တော့ အသစ်အဆန်းတွေ တွေးခေါ်ကြံဆဖို့ရာ ခက်ခဲရပါတယ်။
၎။ စိတ်တိုလွယ်
ထစ်ခနဲဆို စိတ်ဆိုးလွယ်၊ စိတ်တိုလွယ်နေပါတယ်။ ဘာမဟုတ်တာလေးနဲ့ ပြဿနာတက်ရတဲ့အထိကို ဖြစ်သွားရခြင်းဟာ အိပ်ရေးမဝခြင်းကြောင့်ပါပဲ။ ဒီလိုနေ့မှာ ချစ်သူနဲ့ချိန်းထားရင် ပြဿနာတက်ပြီး FA ဘဝ ရောက်သွားနိုင်ပါတယ်။ ဒါကြောင့်မို့လို့ ညဥ့်သန်းခေါင်ကျော်ထိအောင် ဖုန်းကိုသုံးတာ၊ ဇာတ်လမ်းကြည့်တာတွေကို လျှော့နိုင်သမျှ လျှော့ချပြီး အိပ်ရေးဝ၀ အိပ်နိုင်ဖို့ကို ဦးစားပေးပါလို့ တိုက်တွန်းလိုက်ပါရစေ။
Duwun
No comments:
Post a Comment