ချိန်းဆိုတဲ့အခါ လာမှာလား

ချိန်းဆိုတဲ့အခါ လာမှာလား

(တစ်)

တစ်ခါက မြေလတ်ဒေသရှိ တက္ကသိုလ်ကျောင်းကလေးတစ် ကျောင်း၌ တာဝန်ကျခဲ့ဖူးပါသည်။ ကျောင်းက တက္ကသိုလ်ကျောင်းဟု ဆိုသော်လည်း တော်တော်ကလေး ငယ်သည့် တက္ကသိုလ်ပေါက်စ ကလေးဖြစ်ပါသည်။ ဌာနအကြီး အကဲက အမျိုးသမီး။ ထို့အပြင် အပျိုကြီးတစ်ယောက်။ ယေဘုယျ အနေဖြင့် ဌာနဆိုင်ရာလောကတွင် အမျိုးသမီးတစ်ယောက် အကြီးအကဲတာဝန်ဖြင့် ရောက်လာမည်ကို စိုးရိမ်လေ့ရှိကြပြီး ထိုအ မျိုးသမီးက အပျိုကြီးပါဖြစ်နေခဲ့ပြီ ဆိုလျှင်ကား အားလုံးလိုလိုမှာ မျက်နှာမကောင်းကြပါလေတော့။ သူတို့က သူတို့၏ လုပ်ငန်းခွင်အ တွေ့အကြုံများကို အခြေခံကာ စည်းကြီးကမ်းကြီး စာအုပ်ကြီးများဖြင့် မလူးသာ မလွန့်သာအောင် တင်းကျပ်တော့မည်။ ပုံသေကားကျ လှေနံဓားထစ် အလျှော့အ တင်းမရှိ စီမံခန့်ခွဲတော့မည်ဟူသော ကြိုတင်ခန့်မှန်းချက်များဖြင့် စိတ်ပျက်မိကြမြဲဖြစ်ပါသည်။

သို့သော် ကျွန်တော်ရည်ညွှန်းနေသည့် ဌာနအကြီးအကဲ အပျို ကြီးကမူ ကျွန်တော်တို့၏ အတွေး အမြင်များကို ပြောင်းပြန်လန်သွားစေပါသည်။ သူက မထင်မှတ် လောက်အောင် စိတ်သဘာဝကြီးမားကာ အရာရာကို ဆင်ခြင်တွက် ဆနိုင်လွန်း၍ ဖြစ်ပါသည်။

ဌာနတွင်း၌ အစည်းအဝေး ကျင်းပကြတော့မည်ဟု ဆိုသောအခါ သူချိန်းဆိုပုံက လှလွန်း၍ ဖြစ်ပါသည်။ သူက ဆရာတို့၊ ဆရာမတို့အားလုံး မနက်ဖြန် ဘယ်အချိန်အားပါသလဲတဲ့။ အားလုံး အဆင်ပြေမယ့်အချိန်ကို ပြောပါတဲ့။ ကျွန်မက တစ်ယောက်တည်းသမားတဲ့။ ဘယ်အချိန်ဖြစ်ဖြစ် အဆင်ပြေတယ်တဲ့။ အားလုံး သဘောကျတဲ့အချိန်ပြောပါ။ အစည်းအဝေးလုပ်မယ်တဲ့။

ကျွန်တော် ကျက်သရေရှိသည့် ထိုအမျိုးသမီး၏ မျက်နှာကို လေးစားစွာ ကြည့်နေမိခဲ့ဖူးပါသည်။ သူချိန်းဆိုပုံက သူ့စိတ်ကြိုက်အချိန်မဟုတ်။ အများကြိုက် အချိန်။ အများအဆင်ပြေနိုင်သည့် ကာလ။

(နှစ်)

တစ်ခါတစ်ရံ အကြောင်းသင့်သည့်အခါ ညနေခင်းကလေးများ၌ ဧည့်ခံကျွေးမွေးရင်း စကားစမြည်ပြောကြဖို့ လှမ်းလှမ်းချိန်းတတ်သည့် မိတ်ဆွေတစ်ယောက် ကျွန်တော့်တွင်ရှိပါသည်။

သူ့ကိုလည်း ကျွန်တော့်စိတ်ထဲ၌ စွဲထင်နေသည်ဟုဆိုလျှင် ဘာကြောင့်ဟူ၍ သိချင်ကြလေမလားမဆိုတတ်။ သူချိန်းသည့် ဒေသ၊ သူချိန်းသည့်နေရာကို သဘောကျမိတာပဲ ဖြစ်ပါသည်။ သူက.. ခင်ဗျားတို့နေရာကိုတော့ မလာနိုင်ဘူးဗျာတဲ့။ ကျုပ်နေရာကျတော့လည်း ခင်ဗျားအတွက်က နည်းနည်းလှမ်းတယ်တဲ့။ ဒီလိုလုပ်ရအောင်တဲ့။ တံတားကလေးလမ်းဝနားကို ချိန်းရအောင်တဲ့။ အဲဒါဆို သမိုင်းလမ်းဆုံနဲ့ရော၊ မြောက်ဥက္ကလာနဲ့ရော ကြားကျ တယ်တဲ့။ မျှတတယ်တဲ့။ ခင်ဗျားလာဖို့ အဆင်ပြေရင် ချိန်းရအောင်တဲ့။

ကျွန်တော်ကြိုက်သွားပါသည်။ သူရွေးချယ်လိုက်သည့်နေရာကို ဖြစ်ပါသည်။ နှစ်ဦးသားနေထိုင်ကြရာ ကြားတစ်နေရာကို ရွေးချယ်လိုက်၍ ဖြစ်ပါသည်။ အများအားဖြင့် လူတို့၏ သဘောထားက နေရာကိုလည်း ကိုယ့်စိတ်ကြိုက် ကိုယ်အဆင်ပြေရာကိုသာ ရွေးတတ်ကြမြဲဖြစ်၍ ဖြစ်ပါသည်။ ဒါငါတည်ခင်း ဧည့်ခံတဲ့ပွဲ၊ ငါ့ဆီလာခဲ့ကြဆိုသည့် စိတ်မျိုးက လူများစုကို လွှမ်းမိုးထား၍ ဖြစ်ပါသည်။ ယခု ကျွန်တော့်ကို ကျွေးမွေးမည့်မိတ်ဆွေက နှစ်ဦးသားလာရောက်ရန် မျှတလွယ်ကူသောနေရာတဲ့။ အများအဆင်ပြေနိုင်သည့်ဒေသ။

(သုံး)

ကျွန်တော်က မည်ကဲ့သို့ တွေ့ဆုံကြမှာလဲဆိုသည်ကိုလည်း စိတ်ဝင်စားပါသည်။

ဤနေရာ၌ ကျွန်တော်ဖတ်ဖူးသည့် ဗဟုသုတအတိုအစ ကလေးကို မျှဝေချင်ပါသည်။

ဒုတိယကမ္ဘာစစ်အတွင်းက အမေရိကန် ပြည်ထောင်စု၏ ပုလဲဆိပ်ကမ်းကို ဂျပန်က ဗုံးကြဲလိုက်သဖြင့် ဒုတိယကမ္ဘာစစ်ထဲသို့ ပါဝင်လာခဲ့သော အမေရိကန်က ဩဂုတ်လ ၆ ရက်နှင့် ၈ ရက်နေ့ များတွင် ဂျပန်နိုင်ငံ ဟီရိုရှီးမားနှင့် နာဂါဆာကီမြို့များပေါ်သို့ အဏုမြူဗုံးကြဲချလိုက်သည့်အခါ စစ်ဝါဒီ ဂျပန်ဝန်ကြီးချုပ် တိုဂျိုလက်နက်ချရန် ဆုံးဖြတ်ခြင်းဖြင့် ဒုတိယကမ္ဘာ စစ်ကြီး ပြီးသွားပါသည်။ ဂျပန်ဘုရင်က လက်နက်ချကြဖို့ အမိန့် ပေးပါသည်။

လက်နက်ချပွဲကို အမေရိကန်စစ်သင်္ဘောပေါ်တွင် ကျင်းပသည် ဟုဆိုပါသည်။ ထိုစဉ်က အမေရိကန် ဗိုလ်ချုပ်ကြီးမှာ မက်အာသာ (McArthur)ဖြစ်ပါသည်။

အမေရိကန် စစ်သည်တို့က သင်္ဘောပေါ်၌ ဂျပန်တို့ရောက်လာသောအခါ စစ်လက်နက်ကိရိယာ အစုံအလင် စစ်ဝတ်စုံအသစ်စက် စက်များဖြင့် ဝတ်ဆင်ကာ တွေ့ဆုံရမည်လားဟု မေးပါသည်။ ဤတွင် ဗိုလ်ချုပ်ကြီး မက်အာသာ ဆုံး ဖြတ်ပုံက ဤချိန်းဆိုပွဲတွင် အမေ ရိကန်စစ်မှုထမ်းတို့ မည်သည့် လက်နက်ကိရိယာမှ ကိုင်ဆောင်မထားရ၊ ခါးဝတ်ခါးစား ကြည့် ပျော်ရှုပျော် ဝတ်စုံကလေးမျှဖြင့်သာ ချိန်းဆိုပွဲသို့ တက်ရောက်ကြရမည်တဲ့။

နိုင်သူနှင့် ရှုံးသူတို့ တွေ့ဆုံကြသည့်ပွဲ၊ အားကြီးသူနှင့် အားနည်းသူတို့ တွေ့ဆုံကြသည့်ပွဲ၊ အ မြင့်နှင့် အနိမ့်တို့ တွေ့ဆုံကြသည့် ပွဲတွင် နိုင်သူ၊ အားကြီးသူ၊ မြင့်သူ တို့က တောက်တောက်ပပ သား သားနားနား ပြည့်ပြည့်စုံစုံဖြင့် တွေ့ဆုံသည့်အနေအထားကို ရှောင်ကွင်းထားကြောင်း ဖတ်မိခဲ့ရာ ကျွန်တော် သဘောကျသွားမိပါသည်။

(လေး)

ကျွန်တော်တို့အားလုံး လူဟူ၍ ဖြစ်လာခဲ့ကြပြီမို့ ချိန်းဆိုမှုများ ဖြင့် နပန်းလုံးနေကြရသည်မှာ နေ့ စဉ်နှင့်အမျှပင် ဖြစ်ပါသည်။ လူမှုရေးကိစ္စ ချိန်းကြရပါ၏။ စီးပွားရေးကိစ္စချိန်းကြရပါ၏။ ပညာရေးကိစ္စ ချိန်းကြရပါ၏။ နိုင်ငံရေးကိစ္စ ချိန်း ကြရပါ၏။ စနေနေ့ ည ၉ နာရီလား။

 ဒီဒေး (D-Day) သို့မဟုတ် ၁၉၄၄ ဇွန်လ ၆ ရက်နေ့လား။ရ န္တပိုရွာကလေးမှာလား။ နော်မန် ဒီကမ်းခြေ (Normandy) မှာလား။ ရွာဦးက ထနောင်းပင်အောက်မှာလား။ မသိ။ ချိန်းတော့ဖြင့် ချိန်းကြရပါ၏။

မည်သည့်အချိန်၌ တွေ့ကြမလဲ၊ မည်သည့်နေရာ၌ တွေ့ကြမလဲ၊ မည်သို့သော ပုံစံဖြင့် တွေ့ ကြမလဲဆိုသည်များကမူ ချိန်းဆိုသူတို့၏ သဘောထားအကြီးအသေးများပင် ဖြစ်ပါသည်။

ဩော်.. ချိန်း၍ မဆုံးနိုင်သည့် ကမ္ဘာကြီး။     ။



7Day News Journal