မိုင်းလားဒေသ ကြူဆိုင်း တပ်စခန်းတွေက ပြန်လည်ခေါ်ယူလိုက်တာဖြစ်ပြီး နှစ်ဖက်ခေါင်းဆောင်တွေ သဘောညီမှုကြောင့် ပြန်လည်ခေါ်တာလို့ ‘ဝ’ပြည်နယ်ပြင်ပဆက်ဆံရေးရုံး ပြောခွင့်ရသူ ဦးညီရန်းက ပြောပါတယ်။
“မိုင်းလားမှာရှိတဲ့ ကြူဆိုင်းတပ်စခန်းတွေပါပဲ။ မနေ့က မိုင်းလားအဖွဲ့ကို ပြန်ပြီး လွှဲပြောင်းပေးလိုက်ပြီ။ ထိန်းချုပ်တယ်ရယ်လို့မဟုတ်ပါဘူး။ တာဝန်ခေတ္တယူတဲ့ သဘောပါပဲ။ ဒါကတော့ နှစ်ဖက် ခေါင်းဆောင်တွေရဲ့ သဘောတူညီမှုအရ ဒါမျိုးပြီးမှ လွှဲပြောင်းပေးတာပေါ့။ အခု ပြီးခဲ့တဲ့နှစ် ၉ လပိုင်း၊ ၂၈ ရက်နေ့မတိုင်ခင် ကတည်းက အခြေအနေပြန်ပြီးမှ ဖြစ်သွားပြီလို့ပဲ ပြောလို့ရပါတယ်။”
ဝ တပ်ဖွဲ့တွေဟာ မိုင်းလားတပ်ဖွဲ့ရဲ့ တပ်စခန်းတချို့ကို ပြီးခဲ့တဲ့ စက်တင်ဘာ ၂၈ ရက်နေ့က သိမ်းပိုက်ခဲ့တာပါ။
ဝတပ်ဖွဲ့နဲ့ အစိုးရတပ်အကြား တင်းမာမှုတွေရှိနေချိန်မှာပဲ မိုင်းလားဒေသနဲ့ ဆက်သွယ်ထားတဲ့ ဝမ်တာပင်းနဲ့ မိုင်းယုဂိတ်(၂)ခုကို အစိုးရတပ်က ဖြတ်သန်းသွားလာမှုကို ပြီးခဲ့တဲ့နှစ် အောက်တိုဘာ ၂၃ ရက်နေက ပိတ်ပင်မှုတွေ လုပ်ဆောင်ခဲ့ပါတယ်။
DVB
No comments:
Post a Comment