ဗန်းမောက်မြို့နယ်တွင် ဖမ်းဆီးရမိသော ရှားပါးမျိုးစိတ် ၀က်ဝံပေါက်နှစ်ကောင်ကို စစ် ကိုင်းတိုင်းဒေသကြီး သစ်တောဦး စီးဌာနက ထိန်းသိမ်းစောင့်ရှောက်မည်ဖြစ်ကြောင်း ယင်းဌာနညွှန်ကြားရေးမှူး ဦးခင်မောင်ဝင်းက ပြောသည်။
နှစ်လသားအရွယ် ၀က်ဝံ ပေါက်(အထီး) နှစ်ကောင်ကို ဖေဖော်ဝါရီလကုန်တွင် စစ်ကိုင်းတိုင်းဗန်းမောက်မြို့နယ်ဒေသခံများ က ဖမ်းဆီးရမိပြီး ဗန်းမောက်မြို့နယ် လွှတ်တော်ကိုယ်စားလှယ် က မတ်လ ၅ ရက်တွင် တိုင်းဒေသကြီးအစိုးရ အဖွဲ့ဝန်ကြီးချုပ်ထံအပ်နှံခဲ့သည်။ ထို့နောက် စစ်ကိုင်းတိုင်းဝန်ကြီးချုပ်က သစ်တောဦးစီးဌာနသို့ မတ်လ ၇ ရက်၌ အပ်နှံခဲ့သည်။ ‘‘တိုင်းဒေသကြီးအစိုးရက စစ်ကိုင်းမှာ တိရစ္ဆာန်ဥယျာဉ်တစ် ခုတည်ထောင်ဖို့ ရည်ရွယ်ချက်ရှိ တယ်။ ၀န်ကြီးချုပ်က သူတို့ရည် ရွယ်ချက်လေးရှိတော့ ဒါလေးကို ထိန်းသိမ်းစောင့်ရှောက်ဖို့ လွှဲအပ် ထားတာ’’ ဟု ဦးခင်မောင်ဝင်းက ပြောသည်။
‘‘ဒီဝက်ဝံလေးဟာ ရှားပါး မျိုးစိတ်ထဲမှာပါတယ်။ မြန်မာနိုင် ငံမှာ ၀က်ဝံတွေကိုအဓိက နှစ်မျိုး တွေ့ရတယ်။ မလေးဝက်ဝံနဲ့ ဟိမ၀န္တာဝက်ဝံဆိုပြီး။ မလေးဝက်ဝံ က လည်ပင်းမှာအဖြူအရစ်ကို ကွေးကွေးလေးပါတယ်။ ဟိမ၀န္တာ ၀က်ဝံလည်ပင်း အဖြူအရစ်က ဗီပုံစံနဲ့။ အခုတွေ့ရှိတာက ဟိမ ၀န္တာဝက်ဝံ။ ဒီဟိမ၀န္တာဝက်ဝံတွေ က မျိုးတုံးဖို့ စိုးရိမ်ရတဲ့အဆင့် သတ်မှတ်ထားတဲ့ တိရစ္ဆာန်တွေ’’ ဟု ၎င်းကပြောသည်။
စစ်ကိုင်းတိုင်းဒေသကြီး ဟုမ္မလင်းမြို့နယ်တွင်လည်း ပြီးခဲ့သည့် ဖေဖော်ဝါရီ ၈ ရက်က ရှားပါးမျိုးစိတ်ဖြစ်သော အင်းကျားပေါက်တစ်ကောင်ကို ဒေသခံများက ဖမ်းဆီးရမိခဲ့သည်။ ဖမ်းဆီးရမိခဲ့သော အင်းကျားပေါက်ကို လည်း စစ်ကိုင်းတိုင်းဒေသကြီး သစ်တောဦးစီးဌာနက မန္တလေးရတနာပုံတိရစ္ဆာန်ဥယျာဉ်သို့ ပေးပို့ခဲ့သည်။
7Day News Journal
No comments:
Post a Comment