ရန်ကုန်မြို့တော် စည်ပင်သာယာရေးကော်မတီက အကျင့်ပျက်ဝန်ထမ်းတွေကို အရေးမယူလို့ဆိုပြီး ရန်ကုန်တိုင်းဝန်ကြီးချုပ် ဦးဖြိုးမင်းသိန်းနဲ့ ရန်ကုန်မြို့တော်ဝန် ဦးမောင်မောင်စိုး တို့ကို ရန်ကုန်မြို့ခံ ၁၄ ယောက်က ဒီကနေ့ ပျဉ်းမနားမြို့မှာ ဆန္ဒပြကြပါတယ်။
အကျင့်ပျက်ဝန်ထမ်းတွေကို အရေးယူပေးဖို့ ပျက်ကွက်ခဲ့တဲ့ကိစ္စကို နိုင်ငံတော်သမ္မတ ဦးထင်ကျော် သိစေချင်တဲ့အတွက် အခုလို ပျဉ်းမနားမြို့မှာ လာရောက်ဆန္ဒပြတာဖြစ်တယ်လို့ ဆန္ဒပြပွဲကို ဦးဆောင်သူ ဦးညီညီထွန်း က ပြောပါတယ်။
အခုလို ဆန္ဒထုတ်ဖော်ဖို့အတွက် ရန်ကုန်မြို့နဲ့ နေပြည်တော်မှာ ခွင့်တောင်းခဲ့ပေမယ့် သက်ဆိုင်ရာက လုံခြုံရေးအကြောင်းပြချက်နဲ့ ခွင့်မပြုခဲ့ဘူးလို့ ဦးညီညီထွန်းက ပြောပါတယ်။
ရန်ကုန်မြို့၊ မင်္ဂလာတောင်ညွန့်မြို့နယ်၊ အထက်ပုဇွန်တောင်လမ်းမကြီးမှာရှိတဲ့ ၂ ခန်းတွဲ ၆ ထပ် အဆောက်အဦးဆောက်လုပ်ရာမှာ စည်းကမ်းချက်နဲ့ မညီဘဲ အခန်းတွေကို ပိုဆောက်နေသလို ဆက်သွယ်ရေးတာဝါတိုင် စိုက်ထူနေတဲ့အတွက် ရန်ကုန်မြို့တော် စည်ပင်သာယာရေးကော်မတီအဆင့်ဆင့်နဲ့ ၀န်ကြီးချုပ်ကို တိုင်ကြားခဲ့ပေမယ့် အရေးယူမှုမရှိတာကြောင့် အခုလို ဆန္ဒပြရတာ ဖြစ်တယ်လို့ ပြောပါတယ်။
ဆန္ဒပြသူတွေဟာ ပြည်သူတို့ရဲ့တိုင်စာနဲ့ နစ်နာမှုတိုင်ကြားချက်များကို အလေးထားဆောင်ရွက်ပေးပါ၊ ပြည်သူများအား လျစ်လျူရှု မပစ်ပယ်ပါနဲ့၊ လာဘ်စားဝန်ထမ်း အလိုမရှိ၊ ဥပဒေရဲ့ အထက်မှာ မည်သူမျှမရှိစေရ စတဲ့ ကြွေးကြော်သံတွေကို ကြွေးကြော်ခဲ့ကြပြီး ပျဉ်းမနားမြို့ ဘုရားကိုးဆူထောင့်ကနေ ကျောက်တိုင်ကွင်းအထိ ချီတက်ဆန္ဒပြကြတာဖြစ်ပါတယ်။
Photo: Win Naung Toe/RFA
( ရန်ကုန်တိုင်းဝန်ကြီးချုပ် ဦးဖြိုးမင်းသိန်း နဲ့ ရန်ကုန်မြို့တော်ဝန် ဦးမောင်မောင်စိုး တို့ကို ရန်ကုန်မြို့ခံ ၁၄ ယောက်က ပျဉ်းမနားမြို့မှာ မတ်လ ၃ ရက်နေ့က ဆန္ဒပြစဉ် )
No comments:
Post a Comment