Latest News

Sunday, February 26, 2017

ကာလတန်ဖိုး သိန်းပေါင်း ၆သောင်းကျော်ရှိတဲ့ WY ဆေးပြားတွေ ရှမ်းပြည်နယ်မှာ ဖမ်းမိ

ကာလတန်ဖိုး သိန်းပေါင်း ၆သောင်းကျော်ရှိတဲ့ WY ဆေးပြားတွေ ရှမ်းပြည်နယ်မှာ ဖမ်းမိ

ရှမ်းပြည်နယ်၊ ဟဲဟိုးမြို့နဲ့ ညောင်ရွှေမြို့ကြားမှာ ခြောက်ဘီးယာဉ်တစ်စီးပေါ်ကနေ WY စိတ်ကြွရူးသွပ်ဆေးပြားအရေအတွက် သိန်း ၆၀ ကျော်ကို ရှမ်းပြည်နယ်ရဲတပ်ဖွဲ့က ဒီနေ့မနက်မှာ ဖမ်းဆီးရမိခဲ့ပါတယ်။

ဖမ်းဆီးရမိသူ ၂ ဦးကို မူးယစ်ဆေးဝါးရောင်းဝယ်ဖောက်ကားမှု ပုဒ်မတွေနဲ့ အမှုဖွင့်ထားပြီး နောက်ဆက်တွဲ အမှုနဲ့ပတ်သက်သူတွေကို ဖမ်းမိရေးဆောင်ရွက်နေတယ်လို့ ရှမ်းပြည်နယ်ရဲတပ်ဖွဲ့ ရဲမှူးချုပ်အောင်အောင် က ပြောပါတယ်။

"ကျနော်တို့ဟဲဟိုးနယ်မြေရဲစခန်းမှာတော့ အမှုစပြီးဖွင့်ထားပြီ။ တစ်ယောက်ကတော့ အေးသာယာတောင်ကြီး မှာနေတာ တစ်ယောက် နာမည်ကကျော်ထွန်းလှိုင် အသက် ၃၈ နှစ်ပေါ့။ နောက်တစ်ယောက်ကတော့ မင်္ဂလာဦးရပ်ကွက် တောင်ကြီးမှာနေတဲ့ စိုင်းသူရအောင်တဲ့ ၃၂ နှစ်ပေါ့။ ဆက်ပြီးတော့ ကွင်းဆက်ကတော့ ဖော်ထုတ်ဆဲပေါ့။ မူးယစ်ဆေးဝါးပုဒ်မကျတော့ ကျနော်တို့က ၁၅/၁၆/၁၉ နဲ့ဖွင့်ထားတာ "

ဖမ်းဆီးရမိတဲ့ မူးယစ်ဆေးဝါးတွေဟာ ကာလတန်ဖိုးအရ ကျပ်သိန်းပေါင်း ခြောက်သောင်းကျော် ရှိတယ်လို့ သိရပါတယ်။

ဟဲဟိုးမြို့နဲ့ ညောင်ရွှေမြို့ကြားက ဘဝသံသရာတံတားပေါ်ကို ဖြတ်သန်းလာတဲ့ ၆ ဘီးယာဉ် တစ်စီးပေါ်ကနေ ဖမ်းဆီးရမိခဲ့တာဖြစ်ပါတယ်။  

WY ဆေးပြားတွေကို အဖြူရောင်ဆာလာအိတ် အလုံး ၃၀ နဲ့ နမ့်ဆန်မြို့နယ်ကနေ တင်ဆောင်လာတာ ဖြစ်ပြီး စစ်ဆေးချက်အရ အဲဒီဆေးပြားတွေကို မိတ္ထီလာမြို့ကတဆင့် ရန်ကုန်ကို ပို့ဆောင်ဖို့စီစဉ်ခဲ့တာ ဖြစ်တယ်လို့ ရဲမှူးချုပ်အောင်အောင် က ပြောပါတယ်။

မူးယစ်ဆေးဝါး သယ်ဆောင်မှုတွေရှိနေတယ်ဆိုတဲ့ ကြိုတင်သတင်းရရှိမှုတွေကြောင့် စစ်ဖက်ရေးရာ လုံခြုံရေးအဖွဲ့ (စရဖ)၊ နယ်မြေခံရဲနဲ့ မူးယစ်ရဲတပ်ဖွဲ့တို့က စုပေါင်းရှာဖွေခဲ့ရာမှာ ဖမ်းဆီးရမိခဲ့တာ ဖြစ်ပါတယ်။

Photo: Min Thein Aung/RFA

( WY စိတ်ကြွမူးယစ်ဆေးပြားတွေကို တွေ့ရစဉ် )

No comments:

Post a Comment