Latest News

Tuesday, February 28, 2017

ရတနာပုံတက္ကသိုလ်ကျောင်းကားပြေးဆွဲနိုင်ဖို့ စစ်တမ်းကောက်ယူမည်

ရတနာပုံတက္ကသိုလ်ကျောင်းကားပြေးဆွဲနိုင်ဖို့ စစ်တမ်းကောက်ယူမည်

မန္တလေး၊ ဖေဖော်ဝါရီ ၂၈

ရတနာပုံတက္ကသိုလ်ရှိ ကျောင်းသူ၊ ကျောင်းသားတွေနဲ့ ဆရာ၊ ဆရာမတွေအတွက် ကျောင်းကားပြေး ဆွဲနိုင်ဖို့ စစ်တမ်းတစ်ခုကောက်ယူမယ်လို့ အဲသည်တက္ကသိုလ်ရဲ့ ကျောင်းသားများသမဂ္ဂဆီက သိရပါတယ်။

လက်ရှိအခြေအနေမှာ ရတနာပုံတက္ကသိုလ်ကို လာရောက်ဖို့ ဆရာ၊ ဆရာမတွေအတွက်ဖယ်ရီကားရှိ ပေမယ့် လူဦးရေနဲ့ ကားအရေအတွက် မမျှတတာ၊ ကျောင်းသား၊ ကျောင်းသူတွေအတွက် ကျောင်းကားမရှိ တာ၊ ဖယ်ရီကားခက အကုန်အကျများတာ၊ ဖယ်ရီကားတွေက ကျောင်းပြင်ပမှာရပ်နားတာကြောင့် ကျောင်းသူ၊ ကျောင်းသူတချို့က ကျောင်းဝင်းအတွင်းထဲ မဝင်ရောက်တာဟာ ဘေးပတ်ဝန်းကျင်အမြင်မှာ သိက္ခာကျစရာ ဖြစ်နိုင်တယ်လို့ ရတနာပုံတက္ကသိုလ်ကျောင်းသားများသမဂ္ဂ၊ အမှုဆောင်အဖွဲ့ဝင် ကိုရဲမျိုးဆွေက ပြောပါတယ်။

ကျောင်းကားပြေးဆွဲနိုင်ဖို့ ကောက်ယူတဲ့စစ်တမ်းမှာ ကျောင်းသား၊ ကျောင်းသူတွေရဲ့ အမည်၊ အထူး ပြုဘာသာ၊ အီးမေးလ်၊ ဖုန်းနံပါတ်၊ မြို့နယ်တွေ ပါဝင်မှာဖြစ်ပါတယ်။

သည်စစ်တမ်းကို မတ်လ ၁ ရက်ကစတင်ကောက်ယူမှာဖြစ်ပြီး ကျောင်းကားစီးချင်တဲ့ကျောင်းသား၊ ကျောင်းသူတွေရဲ့ လက်မှတ် ၅,၀၀၀ နဲ့ ၁၀,၀၀၀ ကြားရပါက တိုင်းအစိုးရအဖွဲ့ကိုတင်ပြမှာဖြစ်တယ်လို့ ဆိုပါတယ်။

ရတနာပုံတက္ကသိုလ်အတွက် ကျောင်းကားပြေးဆွဲပေးဖို့ ၂၀၁၆ ခုနှစ်၊ နှစ်ကုန်ပိုင်းက မန္တလေးတိုင်း အစိုးရအဖွဲ့ဆီ တင်ပြထားပေမယ့် အကြောင်းပြန်မကြားတာကြောင့် ယခုလိုစစ်တမ်းကောက်ယူကာ တွေ့ဆုံဆွေးနွေးသွားမှာဖြစ်ပါတယ်။

သည်တက္ကသိုလ်မှာ ကျောင်းကားအနေနဲ့ ဒိုင်နာကားတွေပြေးဆွဲဖူးတာဖြစ်ပြီး ၂၀၀၇ နောက်ပိုင်းက စတင်ကာ ရပ်နားသွားတာဖြစ်တယ်လို့ ဆိုပါတယ်။

ရတနာပုံတက္ကသိုလ်မှာ ဆရာ၊ ဆရာမဦးရေ ၈၀၀ ခန့်၊ ကျောင်းသား၊ ကျောင်းသူဦးရေ ၂၀,၀၀၀ ခန့်ရှိပါတယ်။

အေးစုမွန်

Kumudra


No comments:

Post a Comment