Latest News

Tuesday, February 28, 2017

မြန်မာအိုင်ဒေါ ဘယ်သူတွေ အမြတ်ထွက်သလဲ

မြန်မာအိုင်ဒေါ ဘယ်သူတွေ အမြတ်ထွက်သလဲ

မြန်မာအိုင်ဒေါ ပြိုင်ပွဲကို အပတ်စဉ် ကြာသပတေးနေ့နဲ့ သောကြာနေ့တွေမှာ သီဆိုယှဉ်ပြိုင်ကြတာ ဖြစ်ပါတယ်။

ရန်ကုန်၊ ဖေဖော်ဝါရီ ၂၆ – မြန်မာအိုင်ဒေါ သီချင်းဆိုပြိုင်ပွဲမှာ အမြတ်ထွက်တာ ဘယ်သူလဲဆိုတာကို လူတော်တော်များများက စိတ်ဝင်စားနေကြပါတယ်။

မြန်မာအိုင်ဒေါပွဲကို လက်ရှိအချိန်မှာ ကျင်းပနေတာဖြစ်ပြီး တစ်ပတ်ပြီးတစ်ပတ် လူတစ်ဦးစီ ပြိုင်ပွဲကနေ ထွက်သွားရတာ ဖြစ်ပါတယ်။ သည်ပြိုင်ပွဲကို ပရိသတ်တွေက votting ပေးပြီး ရွေးချယ်ကြတာဖြစ် ပါတယ်။ မဲပေးတဲ့စနစ်မှာ အင်တာနက် ဖေ့စ်ဘုတ်ခ်အကောင့်ကနေ တစ်ကောင့်ကို တစ်မဲသာပေးနိုင်တာဖြစ်ပြီး ဖုန်းမက် ဆေ့ခ်ျနဲ့ဆိုရင်တော့ စိတ်ကြိုက် အကန့် အသတ်မရှိ မဲပေးနိုင်တာဖြစ်ပါတယ်။

သည်လိုမဲပေးတဲ့စနစ်တွေကို ကြိုက်တဲ့သူ၊ လက်ခံတဲ့သူတွေရှိသလို မဲပေးတဲ့ စနစ်က မှားယွင်းပြီး သဘောမကျတဲ့သူ တွေလည်းရှိနေတာဖြစ်ပါတယ်။ လူတစ်ယောက်ကို အပတ်စဉ် votting ပေးတာက အနည်းဆုံး ကျပ် ၂၀ဝ၀ ကျော်လောက် ကနေ ကျပ် ၅၀ဝ၀ ကျော်အထိ ပေးနေတဲ့သူတွေရှိသလို တချို့တွေဆိုရင် ပိုင် ဆိုင်တာတွေပေါင်ပြီး votting ပေးတာတွေလည်း ရှိပါတယ်။ သည်လိုပေးတာတွေက ကိုယ်ပေးချင်တဲ့သူတွေဆီကို တကယ် votting ရောက်မရောက်ကို လည်း မသိနိုင်တာကြောင့် သည်လို votting စနစ်ကြောင့် ကိုယ်အားပေးတဲ့သူ တကယ်မရဘဲ ကြားထဲက အမြတ်ထွက် တဲ့သူတွေရှိလားဆိုတာကို အဓိက စိတ် ဝင်စားနေကြတာ ဖြစ်ပါတယ်။

‘တစ်ခုကတော့ မဲပေးတဲ့စနစ်ကို မကြိုက်တာတော့ အမှန်ပဲ၊ အမ်ပီတီ က ဖုန်းမက်ဆေ့ခ်ျနဲ့ ပေးလို့ သူကတော့ ဖုန်း ဘေတွေများများရတာဆိုတော့ သူကလဲ ကြားထဲက အမြတ်ရတယ်၊ တခြားအော်ပရေတာကနေလဲ ဖေ့စ်ဘုတ်ခ်တွေ သုံးတာဆိုတော့ သူတို့တွေလဲ အမြတ်ထွက်တယ်၊ ကြားထဲကနေ အော်ပရေတာတွေကတော့ အဓိက အမြတ်ထွက်တာပေါ့၊ ကျန်တဲ့သူတွေကတော့ လူမုန်းမယ်၊ ချစ် မယ် ဒီလောက်ပဲ၊ ငွေကြေးပိုင်းတွေကတော့ အော်ပရေတာတွေပဲ အမြတ်ထွက်တယ်” လို့ ပရိသတ်တစ်ဦးဖြစ်တဲ့ မအိဖြူ သော်က ပြောပါတယ်။

သည်ပြိုင်ပွဲကို အမ်ပီတီက မိန်းစပွန်ဆာပေးထားတာဖြစ်တယ်လို့ သိရပါတယ်။ Votting ပေးမယ်ဆိုရင်လည်း အမ်ပီတီ ဖုန်းတစ်မျိုးတည်းနဲ့သာ ပေးလို့ ရတာဖြစ်ပါတယ်။ မြန်မာ အိုင်ဒေါ ပြိုင်ပွကို အပတ်စဉ် ကြာသပတေးနေ့နဲ့ သောကြာနေ့တွေမှာ သီဆိုယှဉ်ပြိုင်ကြတာဖြစ်ပြီး votting ပေးတာတွေကိုတော့ ယှဉ်ပြိုင်တဲ့ နေ့ည ၁၁းဝ၀ နာရီကနေ စပြီး နောက်နေ့ညနေ ၆းဝ၀ နာရီအထိ ပေးလို့ရ တာဖြစ်ပါတယ်။ သည်ပြိုင်ပွဲကိုတော့ ဇန်နဝါရီ ၂၃ ရက်နေ့ ကစတင်ပြီး top ၁၀ ဦးနဲ့ ပြုလုပ်ခဲ့တာ ဖြစ်တယ်လို့ သိရပါတယ်။



မဲပေးတဲ့အခါမှာ

သည်ပြိုင်ပွဲမှာ ပြိုင်ပွဲဝင်နေတဲ့သူတွေကို ကြိုက်တဲ့သူတွေလည်း အများအပြား ရှိနေတာဖြစ်ပါတယ်။ ကြည့်တဲ့သူတွေ ကတကယ်သဘောကျလို့ အားပေးတာ တွေ၊ မဲပေးတာတွေ ရှိနေတာ ဖြစ်ပါတယ်။ ဒေသစွန်၊ မြို့နယ်စွန်တွကြောင့် မဲပေးနေတာတွေလည်း ရှိပါတယ်။ သနားတဲ့စိတ်နဲ့ ပေးကြတာတွေရှိသလို တကယ်ကောင်းတဲ့ သူတွေကို မဲမပေးတာတွေလည်း ရှိပါတယ်။ ဒိုင်တွေကတော့ တကယ်ကောင်းတဲ့သူတွေကို မဲပေးစေချင်ကြောင်း ပြောကြတယ်။ မဲပေးနည်းသွားတာတွေ၊ ပရိသတ်နည်း တာတွေကြောင့်  တကယ်ကောင်းတဲ့သူတွေ ပြုတ်သွားခဲ့တာတွေလည်း ရှိပါ တယ်။ ဒိုင်တွေအနေနဲ့ က ပရိသတ်ပေးတဲ့ မဲတွေအပေါ်မှာ ဝင်ရောက်ပြောကြားတာတွေ မရှိပေမဲ့ကောင်းတဲ့သူတွေကိုပဲ မဲပေး စေချင်ကြောင်း ကိုတော့ အမြဲ တမ်းပြောတာ တွေ့ရပါတယ်။

‘အစက တော့ ပိုးမီကို အားပေးတာပါ၊ နောက်ပိုင်း ဦးသိန်းတန်ကို အမြင်ကတ်လို့ ရဲနောင်ကို အခုနောက်ပိုင်း vote ပေး ဖြစ်ပါတယ်၊ မတရားနှိမ်ပြီး နှိပ်ကွပ်တဲ့ သူများလို့ပါ၊ ရဲနောင်ရသွားရင်လဲ ကိုယ်နဲ့တော့ မဆိုင်ပါဘူး၊ ရဲနောင်ကိုတော့ ဒီထက်ပိုကောင်း စေချင်တယ်၊ အမြဲအားငယ်ပြီး နောက်မှာ နေတာကို မမြင်စေချင်ဘူး၊ သူလုပ်နေတဲ့ အလုပ်ကို အဆုံးအထိအကောင်းဆုံးပြီး ဆုံးတဲ့အထိ လုပ်စေချင်လို့ အခုနောက်ပိုင်းမှာ သူ့ကို မဲပေးဖြစ်တာပါ၊ မြို့နယ်စွဲ၊ဒေသစွဲတွေကြောင့်မဟုတ်ဘဲ သက်သက်ကြိုးစားစေချင်လို့ မဲပေးဖြစ်တာပါ” လို့ ပရိသတ်တစ်ဦးဖြစ်တဲ့ မမြတ်မွန်မွန်ရည်က ပြောပါတယ်။

ဒိုင်တွေက ပရိသတ်တွေကို vote ပေးတဲ့စနစ်တွေကို အမြဲတမ်းပြောနေတာ ကြောင့် ပရိသတ်အချို့က မကျေနပ်ကြပါဘူး။ ကိုယ်ကြိုက်တဲ့သူကို မဲပေးတာတွေကို လိုက်ပြီးပြောနေတာကြောင့် ပိုပို ပြီးမဲပေးဖြစ်နေတာဖြစ်တယ်လို့ သိရပါတယ်။ ကြိုးစားနေတဲ့ သူတစ်ယောက်ကို စိတ်ဓာတ်မကျသွားအောင် ဝိုင်းမဲပေးနေ တာဖြစ်ပြီး ဒိုင်တွေကို မကျေနပ်တာကြောင့် ဒိုင်တွေ သဘောမကျတဲ့သူတွေကို အများဆုံးဝိုင်းပြီး မဲပေးနေတာဖြစ်ပါတယ်။ဒါပေမဲ့လည်း တကယ်ကောင်းတဲ့သူကိုသာ မဲပေးရင် အကောင်းဆုံးဖြစ်နိုင်ပြီး သီဆိုတာမကောင်းတဲ့သူတွေကို မဲများများပေးပြီး winner ရသွားရင် နောက်ပိုင်းမှာ အောင်မြင်လာနိုင်မှာ မဟုတ်ပါဘူး။

‘တစ်ယောက်ထွက်တိုင်း ရဲနောင် ကြောင့်လို့ စွပ်စွဲကြတဲ့သူတွေက များတယ်၊ အမ်ပီတီက မဲပေးတဲ့စနစ်တွေကို စီးပွားရေးဆန်ဆန်လုပ်ထားတယ်၊ မကျေနပ်တာတွေ၊ အမ်ပီတီ ရုံးကို သွားပြောပြီး အဲဒီလိုလုပ်တာ မကြိုက်ဘူးတွေ ဘာတွေ ပြောလိုက်လို့ရတယ်၊ အားလုံးကတော့ ရဲနောင်ကြောင့် မဟုတ်ဘူး၊ သူလဲကောင်းလို့ ဒိုင်တွေကိုယ်တိုင်ရွေးထားတာ၊ ပရိသတ်တွေကလဲ သူတို့ကြိုက်တာကို မဲပေး ပိုင်ခွင့်ရှိတယ်၊ အဲဒီပေါ်မှာလဲ ဝေဖန်ပိုင် ခွင့်မရှိဘူး”လို့ ပရိသတ်တစ်ဦးဖြစ်တဲ့ မလမင်းက ပြောပါတယ်။

တစ်ခါတစ်ရံမှာတော့ ကိုယ်ပေးချင်တဲ့သူတွေကို မဲပေးလို့ မရတာတွေကို ကြုံ တွေ့နေရတာတွေလည်း ရှိပါတယ်။ သည်လိုမျိုးဖြစ်တာတွေအတွက် စပွန်ဆာပေးထားတဲ့ အမ်ပီတီဘက်ကလည်း ထုတ်ပြန်ပေးတာတွေမရှိဘူးလို့ သိရပါတယ်။ သည်လိုမျိုးတွေ ဖြစ်နေတာကြောင့် ကိုယ် ကြိုက်တဲ့သူတွေကို မဲမပေးနိုင်တာတွေရှိနေပါတယ်။ votting ပေးတာ အဆင်ပြေ တာကြောင့် ထပ်ခါထပ်ခါပေးနေရတာ ကြောင့် တစ်စောင်ကို ၁၀ ကျပ် သတ်မှတ်ထားပေမဲ့ ပိုပြီးကုန်ကျနေတာ ဖြစ်တယ် လို့ သိရပါတယ်။



ယှဉ်ပြိုင်သူတွေ ရလိုက်တာ

သည်ပြိုင်ပွဲမှာ အဓိက အမြတ်ထွက် သွားတာကတော့အော်ပရေတာတွေ ဖြစ်ပြီး အမ်ပီတီက အများဆုံးအမြတ်ထွက်တာ ဖြစ်ပါတယ်။ ပါဝင်ယှဉ်ပြိုင်သူတွေက လူမုန်းခံရတာလည်း ရှိပါတယ်။ ပြုတ်သွားတဲ့ သူတွေကို အားပေးနေတဲ့သူတွေနဲ့ ကျန်နေတဲ့သူတွေကို အားပေးနေတဲ့သူတွေကြားမှာ ပဋိပက္ခတွေ များလာတာတွေလည်း ရှိတတ်ပါတယ်။ ကိုယ်အားမပေးတဲ့ သူတွေ ကျန်ခဲ့တာအတွက်ကို သဘောမကျတဲ့သူတွေ ရှိနေတာဖြစ်ပြီး ကျန်ခဲ့တဲ့သူတွေကို မကောင်းပြောတာတွေ၊ ပုတ် ခတ်တာတွေ ရှိလာတယ်လို့ သိရပါတယ်။

‘အမှန်တော့ ဒီတစ်ခေါက် ပြိုင်ပွဲက အချင်းချင်းရန်တိုက်တဲ့ပွဲဖြစ်နေတာ၊ ဒိုင်တွေက တစ်ယောက်ကို ဝိုင်းဖိပြောတယ်၊ အဲဒီမှာ လူမုန်းများလာပြီး အရည်ချင်းမရှိဘဲ Votting အားကိုးနဲ့ တက်လာတာတွေဆိုပြီး စကားတွေထွက်လာတယ်၊ တကယ်တမ်းပြိုင်တဲ့သူတွေရတော့ ပရိသတ်တွေရဲ့ အမုန်းတွေ အမြင်ကတ်တာ တွေပဲရခဲ့တာ၊ အော် သူက ငါးယောက်မှာ ပါပါလား၊ ဘယ်သူကတော့ ကောင်းရဲ့သားနဲ့ ပြုတ်တယ်၊ ဘယ်သူကတော့ မကောင်းဘဲပါတယ်၊ မဲမပေးနဲ့ သူပြုတ်တာကောင်းတယ်တို့၊ အဲဒီလိုစကားတွေ ထွက်လာတယ်၊ သူငယ်ချင်းတွေအချင်း ချင်းလဲ သူတို့မကြိုက်တဲ့သူတွေကို vote ပေးလို့ ဘလော့ခ်သွားတာတွေလည်းရှိတယ်၊ အဲဒီလောက်တောင် အမုန်းခံနေရ တာ” လို့ ပရိသတ်တစ်ဦးဖြစ်တဲ့ မအေးမြမြအောင်က ပြောပါတယ်။

သူငယ်ချင်းတွေအချင်းချင်းမှာလည်း မကြိုက်တဲ့သူတွေကို မဲပေးနေတာ ကြောင့် ဘလော့ခ်တာတွေ black list သွင်းတာတွေကို လုပ်လာကြတာတွေကိုလည်း တွေ့ရပါတယ်။ သည်ပြိုင်ပွဲကြောင့် သူငယ်ချင်းအချင်းချင်းခင်မင်မှု တွေ ပျက်သွားတာတွေရှိလာပါတယ်။ ဒါတွေအပြင် သီဆိုသူတွေကိုပါ ပရိသတ်တွေက မုန်းတီးလာတာတွေပါ ဖြစ်လာတယ်လို့ သိရပါတယ်။

ကွာခြားချက်တွေ

အရင်တုန်းက ပြိုင်ပွဲတွေကတော့ မဲပေးတဲ့စနစ်မှာ စိတ်ကြိုက် ဆင်းမ်ကတ်တွေနဲ့ မဲပေးခွင့်ရှိပါတယ်။ အခုပြိုင်ပွဲမှာတော့ အမ်ပီတီတစ်ခုတည်းနဲ့သာ မဲပေးနိုင်တာကြောင့် သည်နေရာမှာတင် ကွာခြားချက်တော်တော်ရှိနေတာဖြစ်ပါတယ်။ အရင်နှစ်တုန်းက ပြိုင်ပွဲဝင်တွေကို အား ပေးတဲ့သူတွေကလည်း တကယ်ကောင်းတဲ့သူတွေကိုသာ ပေးတာဖြစ်ပြီး အခုပွဲမှာလောက် ပဋိပက္ခတွေ မရှိခဲ့ဘူးလို့ သိရပါတယ်။ အရင်နှစ်တုန်းကတော့ တစ်ကြိမ် ဆေ့ဖ်လုပ်ခွင့်ရှိတာဖြစ်ပြီး ပန်တင်း white card ကိုလဲ တစ်ကြိမ်သုံးခွင့်ရှိခဲ့တာဖြစ်ပါ တယ်။ အခုပြိုင်ပွဲမှာတော့ ပွဲစဉ်တစ်လျှောက်လုံးမှာ တစ်ကြိမ်သာ save လုပ်ခွင့်ရှိတာဖြစ်ပါတယ်။

“အရင်ပွဲတုန်းက တစ်ကြိမ်ပဲ ဖြစ် လိုက်တယ်၊ ဇော်မင်းဦးပြုတ်ပြီး ဆိုဖီယာ ဆေ့ဖ်ဖြစ်သွားတော့ ဒိုင်တွေနဲ့ ဖြစ်တာပေါ့၊ အခုတစ်ခေါက်ကကျတော့ တစ်ကြိမ်ပဲသုံးခွင့်ရှိတယ်၊ ပြီးတော့ သုံးလိုက်ပြီးပြီ ဆိုတော့ ကောင်းတဲ့သူတွေ ပြုတ်ဖို့ပဲရှိနေ တော့တယ်၊ အရင်ပွဲတုန်းကတော့ ကောင်းတဲ့သူရတယ်၊ ကျေနပ်ကြတယ်၊ အခုပွဲတော့ စလုပ်ကတည်းက မကျေနပ်တာတွေများတယ်ဆိုတော့ စောင့်ကြည့်ရဦးမှာပါ၊ အရင်ပွဲနဲ့ အခုပွဲ တော်တော်ကွာ ခြားသွားပါတယ်”လို့ မအေးမြမြအောင်က ပြောပါတယ်။

အရင်ပြိုင်ပွဲတုန်းကတော့ စောလားထော်ဝါးရခဲ့တာကို အကုန်လုံးက လက်ခံသဘောတူခဲ့ကြတယ်။ ဆိုဖီယာ ဆေ့ဖ် ဖြစ်ခဲ့တာကိုတော့ မကျေနပ်တာများတယ်လို့ သိရပါတယ်။ အခုပြိုင်ပွဲမှာတော့ ရဲနောင် votting အများဆုံးရနေတာကိုပဲ မကျေနပ်တာတွေ များပြားနေတာဖြစ်တယ်လို့ သိရပါတယ်။ အခုပြိုင်ပွဲနဲ့ အရင် ပြိုင်ပွဲခြားနားချက်ကတော့ အရင်ပွဲကျတော့ သိန်း ၂၀ဝ ဆုကြေးပေးတာဖြစ်ပြီး အခုပြိုင်ပွဲမှာ ကားတစ်စီးနဲ့ ဆုကြေးငွေပါ ပါပေးမှာဖြစ်တယ်လို့ သိရပါတယ်။ ပြိုင်ပွဲနှစ်ခုကြားမှာ ကြားနားချက်တွေကတော့ အများပြားရှိနေပြီး ပထမပွဲထက်ပိုပြီး အခု ပွဲကို လူတွေပိုပြီး စိတ်ဝင်စားလာကြတာ ဖြစ်ပါတယ်။

သည်အခုတစ်ခေါက် ပြုလုပ်တဲ့ပြိုင်ပွဲမှာ အမ်ပီတီက နှစ်ပေါက်တစ်ပေါက် ရိုက်ပြီးလုပ်စားသွားတာလို့ လူအများစုက မြင်နေကြပါတယ်။ အဓိက ပြိုင်ပွဲဝင်တွေကတော့ အမ်ပီတီရဲ့ vote ပေးတဲ့ စနစ်ကြောင့် အချင်းချင်းမလိုမုန်းထားမှု တွေ များလာတာဖြစ်ပါတယ်။ သည်ပြိုင်ပွဲမှာတော့ အများဆုံးအမြတ်ထွက်သွားတာတော့ အမ်ပီတီက ဖြစ်ပြီး လူအမုန်းခံရဆုံးကတော့ဒိုင်တွေနဲ့ Votting အများ ဆုံးရနေတဲ့ သူက လူမုန်းတာပဲ အဖတ် တင်တယ်လို့ ဆိုပါတယ်။

လိမ္မာ၊ မိပုံ့

Kumudra




No comments:

Post a Comment