Latest News

Tuesday, February 28, 2017

ဇန်န၀ါရီမှ ဖေဖော်ဝါရီ ဒုတိယပတ်အထိ တစ်နိုင်ငံလုံး၌ ၀က်သက်ရောဂါဖြစ်ပွားသူ ၁၇၀ ကျော်ရှိပြီး ရန်ကုန်တိုင်းဒေသကြီးတွင် အစုလိုက် ကပ်ရောဂါအသွင် ဖြစ်ပွားခဲ့

ဇန်န၀ါရီမှ ဖေဖော်ဝါရီ ဒုတိယပတ်အထိ တစ်နိုင်ငံလုံး၌ ၀က်သက်ရောဂါဖြစ်ပွားသူ ၁၇၀ ကျော်ရှိပြီး ရန်ကုန်တိုင်းဒေသကြီးတွင် အစုလိုက် ကပ်ရောဂါအသွင် ဖြစ်ပွားခဲ့


၂၀၁၇ ခုနှစ် ဇန်န၀ါရီမှ ဖေဖော်ဝါရီလ ဒုတိယပတ်အထိ ရထားသည့် အချက်အလက်များအရ တစ်နိုင်ငံလုံး၌ ၀က်သက်ရောဂါဖြစ်ပွားသူ ၁၇၄ ဦး ရှိခဲ့ပြီး ရန်ကုန်တိုင်းဒေသကြီးတွင် အစုလိုက်ကပ်ရောဂါအသွင် ဖြစ်ပွားခဲ့ကြောင်း ပြည်သူ့ကျန်းမာရေးဦးစီးဌာန၊ ဗဟိုကူးစက်ရောဂါ တိုက်ဖျက်ရေးဌာနမှ သိရသည်။

ရန်ကုန်တိုင်းဒေသကြီးအတွင်း လှိုင်သာယာ၊ တွံတေး၊ အင်းစိန်၊ ကြည့်မြင်တိုင်နှင့် သာကေတမြို့နယ်များတွင် အစုလိုက်ကပ် ရောဂါအသွင် ဖြစ်ပွားခဲ့ခြင်းကြောင့် ယင်းမြို့နယ်များရှိ အသက်ကိုးလမှ ၁၅ နှစ်အရွယ် ကလေးငယ် သုံးသိန်းကျော်ကို ၀က်သက်ရောဂါ ကာကွယ်ဆေး ထိုးနှံပေးခဲ့ပြီးဖြစ်ကြောင်းနှင့် ကာကွယ်ဆေးထိုးနှံမှုကို ဖေဖော်ဝါရီ ၆ ရက်မှ ၂၀ ရက်အထိ ထိုးနှံပေးခဲ့ပြီး လွှမ်းခြုံမှု ရာခိုင်နှုန်း ၉၁ ဒသမ ၅ ရာခိုင်နှုန်းရှိခဲ့ကြောင်း သိရသည်။

ကျန်းမာရေးနှင့် အားကစားဝန်ကြီးဌာနအောက်ရှိ ဆေးရုံများနှင့် ကျန်းမာရေးဌာနများတွင် ၀က်သက်ရောဂါ သံသယလူနာများ စနစ်တကျ ကုသနိုင်ရေးအတွက် ရောဂါစောင့် ကြပ်ကြည့်ရှုရေးနှင့် ရောဂါကုသရေးတို့အတွက် လုပ်ငန်းလမ်းညွှန်ချက်များကို ဖြန့်ဝေထားပြီး ဖြစ်ကြောင်းနှင့် ၂၀၁၆ ခုနှစ်အတွင်း တစ်နိုင်ငံလုံး၌ ၀က်သက်ရောဂါဖြစ်ပွားသူ ၃၀၃ ဦး၊ သေဆုံးသူ ၂၁ ဦးထိ ရှိခဲ့ကြောင်း သိရသည်။

ဝက်သက်ရောဂါအပါအ၀င် ကာကွယ်ဆေးဖြင့် ကာကွယ်၍ရသော ရောဂါများဖြစ်ပွားမှု လျော့ကျစေရေး၊ ပုံမှန်ကာကွယ်ဆေးထိုးလုပ်ငန်း တိုးမြှင့်ဆောင်ရွက်နိုင်ရေးအတွက် တိုင်းဒေသကြီးနှင့် ပြည်နယ်အစိုးရအဖွဲ့များ၊ ပြည်သူလူထုနှင့် မိတ်ဖက်အဖွဲ့အစည်းများကို အသိပေး ဆွေးနွေးခြင်းများကိုလည်း ဆောင်ရွက်လျက်ရှိကြောင်းနှင့် မြန်မာနိုင်ငံ အနေဖြင့် ၂၀၂၀ ပြည့်နှစ်တွင် ၀က်သက်ရောဂါကင်းစင်ရန် အတွက် နည်းဗျူဟာများ ချမှတ် ဆောင်ရွက်သွားမည်ဖြစ်ကြောင်း သိရသည်။

အစုလိုက်ဝက်သက်ရောဂါ ကာကွယ်ဆေးထိုးလုပ်ငန်း လုပ်ဆောင်ရခြင်းမှာ ကလေးအသက် ကိုးလအရွယ်တွင် ပထမအကြိမ် စတင်ထိုးပေးသော ၀က်သက်ရောဂါ ကာကွယ်ဆေးသည် ကာကွယ်ဆေးထိုးပြီး ကလေးများ၏ ၈၅ ရာခိုင်နှုန်းကိုသာ ကာကွယ်မှုပေးပြီး ကျန်ကလေး ၁၅ ရာခိုင်နှုန်းသည် ရောဂါကာကွယ်မှု မရနိုင်ကြောင်း၊ ထိုကဲ့သို့ ရောဂါကာကွယ်မှု မရနိုင်သော ကလေးများသည် ကာလတစ်ခုအတွင်းတွင် စုပြုံလာပြီး အရေအတွက် များလာကာ ထိုအခါတွင် ၀က်သက်ရောဂါသည် ကပ်ရောဂါအသွင် ဖြစ်ပေါ်တတ်ခြင်းကြောင့် ကလေးများကို အစုလိုက် ကာကွယ်ဆေးထိုးနှံပေးခြင်းဖြင့် ရောဂါကာကွယ်နိုင်စွမ်းအား တိုးမြှင့်ပေးခြင်းဖြစ်ကြောင်း သိရသည်။


အိသဉ္ဇာကျော်

Eleven Media Group

No comments:

Post a Comment