ရန်ကုန်မြို့ရဲ့ ဘတ်(စ်)ကားစနစ် အပြောင်းအလဲမှာတော့ မလိုက်နိုင်တဲ့သူတွေ ကျန်ခဲ့မှာပါ။ အခုလည်း တက္ကစီတွေကို မကြာခင်ပြောင်းလဲပါတော့မယ်။ လောလောဆယ်မှာတော့ ယာဉ်ကြောကျပ်တည်းမှုကို ဖြေလျော့ဖို့အတွက် ရန်ကုန်မြို့ရဲ့အငှားယာဉ်အရေအတွက်ကို ထက်ဝက်လျော့ချမှာ ဖြစ်ပါတယ်။ တက္ကစီစီးတဲ့အခါမှာ အငှားယာဉ်မောင်းတွေရဲ့ ဗိုလ်ကျသမျှကို ခံနေစရာမလိုပါဘူး။ တက္ကစီငှားစီးတဲ့ ခရီးသည်တစ်ယောက်မှာလည်း ကိုယ်ပိုင်အခွင့်အရေးရှိပါတယ်။
ဘတ်(စ်) ကားတွေကိုတော့ YRTA ( Yangon Regional Transport Authority ) ရန်ကုန်တိုင်းဒေသကြီး သယ်ယူပို့ဆောင်ရေးအာဏာပိုင်အဖွဲ့ ကကြီးကြပ်နေပါပြီ။ တက္ကစီတွေကိုလည်း ထိန်းချုပ်ရေးစင်တာတစ်ခု ထားပြီးထိန်းချုပ်သွားမယ်လို့ သိရပါတယ်။ ဒါဟာတကယ်ကို လိုအပ်ပါတယ်။ အခုဆိုရင် တက္ကစီတွေက အထိန်းအကွပ် မရှိသလိုဖြစ်နေလို့ပါ။
လတ်တလောကြုံရတဲ့ပြသာနာ
လေဆိပ်မှာ ပြင်ပတက္ကစီဝင်ခွင့်ပိတ်လိုက်လိုက်တဲ့အခါမှာ လေဆိပ်က တက္ကဆီတွေက မတန်တဆဈေးတောင်းတာပါတယ်။ ဒီအထဲမှာမှ စာရေးဆရာ မောင်သာချိုတို့၊ ကာတွန်းဆရာ အော်ပီကျယ်တို့တောင်မလွတ်ပါဘူး။ တကယ်တော့ မီတာစနစ်ကိုတစ်ပြေးညီကျင့်သုံးမယ်ဆိုရင် ဒီပြသာနာကပြေလည်သွားမှာပါ။
လူကြုံတင်တတ်တယ်
နောက်တစ်ခုက လမ်းကြုံလူတင်တာပါ။ တကယ်တော့ လမ်းကြုံလူခေါ်တင်တာကို ခရီးသည်အနေနဲ့ လက်ခံစရာလုံးဝမလိုပါဘူး။ တက္ကစီငှားတယ်ဆိုတာက စင်းလုံးငှားစီးတာပါ။ အကယ်၍ တက္ကစီယာဉ်မောင်းက လူကြုံတင်မယ်လို့ပြောတာမျိုးပဲဖြစ်ဖြစ်၊ မပြောပဲခေါ်တင်တာမျိုးပဲဖြစ်ဖြစ်ကြုံလာခဲ့ရင် ပြတ်ပြတ်သားသား ငြင်းဆန်ပါ။ ဒါမျိုးအများစုကြုံရတာက အောင်မင်္ဂလာ အဝေးပြေးကားဝင်းထဲမှာ ဖြစ်ပါတယ်။ ခရီးသည်တစ် ယောက်ကိုခေါ်ပြီး ကားပေါ်ခေါ်တင်ထား၊ ပြီးရင်ပျောက်သွားပြီးနောက်ထပ်တစ်ယောက်ထပ်ရှာတင်၊ ဒီလိုနဲ့လေးယောက်ရမှ ကားထွက်တာမျိုးပါ။ ဒါကတော့ လုပ်လို့ရလို့လုပ်နေကြတာပါ။
လမ်းကြောင်းရွေးချယ်ခြင်း
တက္ကစီစီးတဲ့အခါမှာ ကျွန်တော်တို့က သွားမယ့်လမ်းကြောင်းကို ရွေးချယ်ခွင့်ရှိပါတယ်။ စပြီးငှားကတည်းက ယာဉ်မောင်းကို ဒီလမ်းအတိုင်းမောင်းပေးပါလို့ပြောပြီးမောင်းခိုင်းပါ။ ယာဉ်မောင်းကလည်း သူ့ရဲ့အတွေ့အကြုံနဲ့ယာဉ်ကြောကြပ်တည်းနိုင်မှုအခြေအနေကို ပြောလာရင်လည်း ပြေပြေလည်လည်ညှိနှိုင်းပါ။တချို့ယာဉ်မောင်းတွေက လမ်းကြားတွေထဲအထိ လိုက်မပို့ချင်ကြပါဘူး။ လမ်းထိပ်လောက်မှတင်ရပ်ပေးပြီးပိုက်ဆံတောင်းတတ်ကြပါတယ်။ အဲ့ဒါမို့လို့ စစီးကတည်းကသူ့ကို သေချာပြောပြပါ။ သေချာပြောပြထားရက်နဲ့မှ လမ်းထိပ်မှာဆင်းခိုင်းတယ်ဆိုရင်တော့ ပိုက်ဆံမပေးခဲ့ပါနဲ့တော့။
နားငြီးတယ်လို့ခံစားရရင်
ကားပေါ်မှာ သီချင်းအကျယ်ကြီးဖွင့်ထားတာမျိုးကို ကိုယ်မကြိုက်ဘူးဆိုရင် ယာဉ်မောင်းကိုပိတ်ခိုင်းလို့ရပါတယ်။ယာဉ်မောင်းကမလိုအပ်ပဲ စကားတွေအများကြီးလာပြောနေမယ်ဆိုရင်လည်း သူ့ကို တိတ်တိတ်ဆိတ်ဆိတ်နေပေးဖို့ပြောပါ။
ကားစုတ်ကြီးဖြစ်နေခဲ့ရင်
တက္ကစီတစ်စီးဟာ မြို့တွင်းမှာမောင်းနှင်ဖို့ လုံလောက်တဲ့ကြံ့ခိုင်မှုရှိရပါမယ်။ ကားက မှန်တင်လို့မရတာမျိုးပဲဖြစ်ဖြစ်၊ အဲယားကွန်းမကောင်းတာမျိုးဖြစ်ဖြစ်ဆိုတာမျိုးကလက်ခံလို့မရပါဘူး။(အဲယားကွန်းကတော့ အခုနည်းနည်းသည်းခံထားပါဦးနော်) ကားရဲ့အတွင်းခန်းကလည်း သန့်ရှင်းသန့်ရပ်မှုရှိနေရပါမယ်။ အနံ့အသက်မကောင်းတာ၊ ညစ်ပတ်နေတာ မျိုးဆိုရင် ခရီးသည်အနေနဲ့ တိုင်တန်းခွင့်ရှိပါတယ်။ လောလောဆယ်တော့ တိုင်ရမယ့်နေရာမရှိသေးပါဘူး။ နောက်ပြီး တက္ကစီယာဉ်မောင်းက ကျွန်တော်တို့ကို မချေမငံဆက်ဆံမယ်။ ရင့်ရင့်သီးသီးပြောမယ်ဆိုရင် ကျွန်တော်တို့အနေနဲ့ သက်ဆိုင်ရာတက္ကစီထိန်းချုပ်ရေးစင်တာကို အကြောင်းကြားခွင့်ရှိပါတယ်။
ယာဉ်မောင်းရဲ့အမည်၊ လိုင်စင်နံပါတ်နဲ့ ယာဉ်အမှတ်တို့ကိုလည်း ကားရဲ့ဒက်(စ်)ဘုတ်ပေါ်မှာ မြင်သာထင်သာရှိအောင်ဖော်ပြထား၊ မထားကြည့်တတ်အကျင့်လေးလုပ်ပေးပါ။ ဘာလို့လဲဆိုတော့ ကားငှားတဲ့အချိန်မှာ ဘယ်သူမှကားနံပါတ်ကိုသတိမထားမိပါဘူး။ ပစ္စည်းကျန်ခဲ့တာမျိုးကျရင် အဲ့ဒါလိုလဲမှတ်ထားမိတာက နည်းနည်းအထောက်အကူပြုပါတယ်။
ကျွန်တော်တို့ဟာ ထိုက်သင့်တဲ့ငွေကြေးတန်ဖိုးပေးပြီး တက္ကစီတစ်စီးကိုငှားစီးတာပါ။ ကျွန်တော်တို့မှာလည်းခရီးသည်တစ်ယောက်ရဲ့ အခွင့်အရေးရှိပါတယ်။
မင်းသုခ (အခရာ)
Akhayar
No comments:
Post a Comment