ရခိုင်ပြည်နယ်မှာ မွတ်ဆလင်တွေကို ၁၉၈၂ ခုနှစ်မြန်မာနိုင်ငံသားဥပဒေနဲ့အညီ မှန်မှန်ကန်ကန် စိစစ်ပေးဖို့ စစ်တွေနဲ့ မောင်တောမြို့တွေမှာ ဒေသခံတွေက ဒီနေ့ ဆန္ဒပြတောင်းဆို ကြပါတယ်။
အစိုးရက မွတ်ဆလင်တွေကို နိုင်ငံသားစီစစ်ရေးကဒ်ပြားတွေထုတ်ပေးရာမှာ ဥပဒေနဲ့မညီညွတ်တဲ့ သူတွေ ကဒ်ပြားရရှိနေတာကြောင့် တောင်းဆိုတာလို့ စစ်တွေမြို့က ဆန္ဒပြပွဲ ဦးဆောင်သူတွေ ကပြောပါတယ်။
အစိုးရရဲ့ နိုင်ငံသားစီစစ်ရေးအဖွဲ့တွေထဲမှာ ဒေသခံတိုင်းရင်းသားကိုယ်စားလှယ်တွေကိုပါ ထည့်သွင်းပေးဖို့နဲ့ ဥပဒေနဲ့မညီတဲ့ နိုင်ငံသားအသိအမှတ်ပြုကဒ်ပြားတွေထုတ်ပေးထားတာကို ပြန်လည်သိမ်းဆည်းပေးဖို့၊ နိုင်ငံသားကိစ္စအတွက် ဥပဒေမဲ့ဆောင်ရွက် နေသူတွေကို အရေးယူအပြစ်ပေးဖို့ကိုလည်း တောင်းဆိုခဲ့ကြပါတယ်။
အစိုးရအနေနဲ့ နိုင်ငံသားခွင့်ပြုပေးတဲ့ကိစ္စနဲ့ပတ်သက်ပြီး ဒေသခံတိုင်းရင်းသားတွေရဲ့ ယုံကြည်မှု ကိုရရှိအောင် ပွင့်လင်းမြင်သာစွာ ချပြပြောဆိုတာမရှိသလို အခုလိုမွတ်ဆလင်တွေကို နိုင်ငံသား ပေးတဲ့ကိစ္စဟာ အထက်အမိန့်အရ ပေးတာလို့ လ.ဝ.က အရာရှိတွေက ဒေသခံတွေကို တုန့်ပြန်ပြောဆိုတဲ့ကိစ္စဟာလည်း လက်ခံလို့မရနိုင်ဘူးလို့ ဆန္ဒပြပွဲ ဦးဆောင်သူတွေကပြောပါတယ်။
အစိုးရက မောင်တောဒေသက မွတ်ဆလင် ၅၃ ဦးကို နိုင်ငံသားအထောက်အထားကဒ်တွေကို အခုလအတွင်းထုတ်ပေးခဲ့တဲ့ကိစ္စဟာ ဥပဒေနဲ့မညီဘူးဆိုပြီး ဒေသခံတွေက ကန့်ကွက်ပြောဆိုနေကြ တာ ဖြစ်ပါတယ်။
Photo: Min Thein Aung/ RFA
( ၁၉၈၂ နိုင်ငံသားဥပဒေနဲ့အညီ စိစစ်ပေးဖို့ ဖေဖော်ဝါရီလ ၂၇ ရက်နေ့က စစ်တွေ နဲ့ မောင်တောမြို့ခံတွေ တောင်းဆိုဆန္ဒပြစဉ် )
No comments:
Post a Comment