ကိုသာယာ ( ပြန်/ဆက် )
ကျွန်တော်တို့ရဲ့ မိဘဘိုးဘွား တိုင်းရင်းသားတွေဟာ တိုင်းတစ်ပါးနယ်ချဲ့တွေရဲ့ ကုပ်သွေးစုပ်ခြယ်လှယ် အုပ်စိုးမှုအောက်မှာ နှစ်ပေါင်းကြာရှည်စွာ ဒုက္ခဆင်းရဲများစွာနဲ့ နေခဲ့ရတဲ့ သူ့ကျွန်ဘ၀အတိတ်သမိုင်းဟာ အလွန်ခါးသီးစရာ ကောင်းခဲ့ပါတယ်။ ဒါကြောင့်လည်း တိုင်းရင်းသားပြည်သူအားလုံးဟာ နိုင်ငံရဲ့နေရာအနှံ့မှာ ရရာလက်နက် စွဲကိုင်ပြီး နယ်ချဲ့လက်အောက်က လွတ်မြောက်ဖို့ နည်းမျိုးစုံနဲ့ တော်လှန်တိုက်ခိုက်ခဲ့ကြပါတယ်။ အသက်၊ သွေး၊ ချွေးမြောက်မြားစွာပေးဆပ်တွန်းလှန်ခဲ့ကြပါတယ်။ လက်နက်ကိုင် တော်လှန်ရုံသာမကဘဲ စိတ်ဓာတ် အင်အားများနဲ့ပါ နည်းမျိုးစုံကြိုးစားခဲ့လို့ နယ်ချဲ့တွေရဲ့ ကျွန်သက်ရှည်အောင်ထားလိုတဲ့ဆန္ဒသရုပ်ကို ရိုက်ချိုး နိုင်ခဲ့ပါတယ်။ မြန်မာ့သွေး၊ မြန်မာ့သတ္တိ၊ မြန်မာ့စိတ်ဓာတ်ကို ရဲဝံ့စွာပြသအနိုင်ယူခဲ့ပါတယ်။
ပင်လုံစာချုပ်နဲ့ ပြည်ထောင်စုစိတ်ဓာတ်
▄▄▄▄▄▄▄▄▄▄▄▄▄▄▄▄▄▄▄▄▄▄
နယ်ချဲ့တွေဟာ မိမိတို့တိုင်းရင်းသားတွေကို နိုင်ငံရေး၊ ဘာသာရေး၊ တိုင်းရင်း သားအရေး၊ ယဉ်ကျေးမှုဓလေ့ထုံးစံ၊ တောင်ပေါ်မြေပြန့် နေထိုင်မှုစရိုက်တို့ မတူညီ မှုများအပေါ် အခြေခံပြီး စိတ်ဝမ်းကွဲပြားအောင် နည်းမျိုးစုံနဲ့ သွေးခွဲအုပ်ချုပ်ခဲ့တာ ပါ။ တိုင်းရင်းသားလူမျိုးများစွာ စုပေါင်းနေထိုင်ကြတဲ့ ကျွန်တော်တို့ ပြည်သူတွေ အကြားမှာ အချင်းချင်းယုံကြည်မှုမရှိအောင်၊ သံသယတွေပွားလာအောင်၊ မုန်းတီး လာအောင်၊ စည်းလုံးညီညွတ်မှုပျက်ပြားလာအောင်၊ စိတ်ဓာတ်ပျက်ပြားစေမယ့် ဆောင်ရွက်ချက်တွေနဲ့ ကျွန်သက်ရှည်အောင် ကြိုးစားခဲ့ပါတယ်။ ဒါပေမယ့် ကျွန်တော်တို့ရဲ့ တိုင်းရင်းသားစည်းလုံးညီညွတ်မှုကို ဖျက်ဆီးနိုင်စွမ်းမရှိခဲ့တာဟာ ပင်လုံစာချုပ်သက်သေပါပဲ။
ပင်လုံစာချုပ်မှာ နိုင်ငံအတွင်း တိုင်းရင်းသားအားလုံးဟာ တစ်စိတ်တစ်ဝမ်း တည်း သဘောထားဆန္ဒတစ်ခုတည်း အေးအတူပူအမျှ ညီညွတ်စည်းလုံးပြီး ပြတ်သားခိုင်မာတဲ့ ပြည်ထောင်စုစိတ်ဓာတ်ကို ပြသနိုင်ခဲ့ပါတယ်။ ဒါကြောင့်လည်း နယ်ချဲ့ တွေဟာ သူတို့ မူလက စီစဉ်ထားတဲ့အတိုင်း တစ်နိုင်ငံလုံးလွတ်လပ်ရေးမပေးဘဲ တချို့ တိုင်းရင်းသားတောင်ပေါ်ဒေသတွေကို ဆက်အုပ်ချုပ်မယ့် အစီအမံကို စွန့်လွှတ်ပြီး တစ်နိုင်ငံလုံး လုံးဝလွတ်လပ်ရေးကို ပေးခဲ့ရတာပါ။ ပြည်ထောင်စု တိုင်းရင်းသားများရဲ့ သွေးစည်းညီညွတ်တဲ့စိတ်ဓာတ်ကြောင့် လက်မလွှတ်ချင် ပေမယ့် မပေးမဖြစ်လို့ လွတ်လပ်ရေးကို ပေးခဲ့တာပါ။ လွန်ခဲ့တဲ့ နှစ်ပေါင်း(၇၀)က ပင်လုံမြေမှာ ပြသနိုင်ခဲ့တဲ့ တိုင်းရင်းသားစည်းလုံးညီညွတ်မှုနဲ့ ပြည်ထောင်စု စိတ်ဓာတ်ဟာ လွတ်လပ်ရေးရဲ့ အခြေခံလို့ မှတ်ယူနိုင်ပါတယ်။ အဲ့ဒါကြောင့် လည်းတစ်နိုင်ငံလုံး သူ့ကျွန်လက်အောက်က လွတ်မြောက်ခဲ့ကြပါတယ်။
ပဋိပက္ခများနဲ့ တိုင်းရင်းသား ပြည်သူများ
▄▄▄▄▄▄▄▄▄▄▄▄▄▄▄▄▄▄▄▄▄▄
ဒါပေမယ့် ကျွန်တော်တို့နိုင်ငံရဲ့ သမိုင်းက မျှော်လင့်ခဲ့သလို မလှပခဲ့ပါ ဘူး။ နယ်ချဲ့တွေ့ရဲ့ သွေးခွဲအုပ်ချုပ်မှုရဲ့ အကျိုးဆက်နဲ့ မူလကရှိခဲ့တဲ့ မဖျောက် နိုင်မဖျက် နိုင်စွဲမြဲနေခဲ့တဲ့ သံသယတွေ ကြောင့်ရယ်၊ ဝါဒရေး၊ လူမျိုးရေးနဲ့ တခြား အကြောင်းတွေကြောင့် တိုင်းရင်းသားညီအစ်ကို မောင်နှများ အကြားမှာ ပဋိပက္ခတွေဖြစ်ခဲ့ပါတယ်။ စည်းလုံးညီညွတ်မှုပြိုကွဲပြီး လက်နက်ကိုင်တိုက်ပွဲတွေ ရှည်ကြာခဲ့ပါတယ်။ နေရာဒေသအနှံ့အပြားမှာ ငြိမ်းချမ်းသာယာမှု ပျောက်ကွယ်ခဲ့ပါတယ်။ လွတ်လပ် ရေးရပြီးခဲ့ပေမယ့် လွတ်လပ်ရေးရဲ့အသီးအပွင့်ကို ပြည့်ပြည့်၀၀ မခံစားကြရဘဲ တိုင်းရင်းသားပြည်သူတွေရဲ့ဘ၀ဟာ လုံခြုံစိတ်ချမှု ကင်းဝေးပြီး ပူပင်သောကတွေနဲ့ စိတ်ဆင်းရဲမှုတွေ ခံစားခဲ့ရပါတယ်။
အချင်းချင်းမညီမညွတ် ပဋိပက္ခလက်နက်ကိုင်တိုက်ပွဲတွေကြားမှာ တောမီး လောင် တောကြောင် လက်ခမောင်းခတ်ဆိုသလို ပြည်ပကျူးကျော်မှု၊ ရန်စမှု၊ နယ်မြေခြိမ်းခြောက်မှုအ္တရာယ်တွေကိုလည်း ကြုံဆုံတွန်းလှန် ခဲ့ရပါသေးတယ်။ အဲဒီလို ပြည်တွင်း ပြည်ပ ကျူးကျော်တိုက်ခိုက်မှုတွေကို တပ်မတော်ကကာကွယ်ရင်း အချိန်ကာလ ရှည်ကြာသည်နှင့်အမျှ နှစ်ဖက်ထိခိုက်ကျဆုံးဒဏ်ရာရ အင်အားဆုံးရှုံး မှုတွေနဲ့ တိုက်ပွဲတွေမှာ ကုန်ကျခဲ့တဲ့ အသုံးစရိတ်တွေဟာ နိုင်ငံရဲ့အရင်းအမြစ်တွေ ဆုံးရှုံးခဲ့ရတာပါပဲ။ ဆင်းရဲဒုက္ခမျိုးစုံရောက်ရတာလည်း ကျွန်တော်တို့ တိုင်းရင်းသား ပြည်သူတွေပါပဲ။ နိုင်ငံဟာလည်း အေးချမ်းတည်ငြိမ်မှုပျက်ပြားလာပြီး ဖွံ့ ဖြိုးတိုးတက် မှုနှေးကွေးခဲ့လို့ တိုင်းရင်းသားပြည်သူလူထုရဲ့ လူမှုစီးပွားဘ၀ဟာလည်း နိမ့်ကျခဲ့ ရပါတယ်။
ငြိမ်းချမ်းရေးအတွက် အခွင့်အလမ်း
▄▄▄▄▄▄▄▄▄▄▄▄▄▄▄▄▄▄▄▄
အစိုးရအဆက်ဆက်ကလည်း ပြည်တွင်းငြိမ်းချမ်းရေးအတွက် ကြိုးစား ဆောင်ရွက်ခဲ့ကြပါတယ်။ ဒါပေမယ့် မအောင်မြင်ခဲ့လို့ တိုက်ပွဲတွေလည်း မရပ်နိုင် ခဲ့ပါဘူး။ ခေတ်စနစ်ပြောင်းလဲလာတာနဲ့အမျှ အခုဒီမိုကရေစီအစိုးရလက်ထက်မှာ ပြည်တွင်းငြိမ်းချမ်းရေးနဲ့ ပစ်ခတ်တိုက်ခိုက်မှုရပ်စဲရေးကို ပိုမိုကြိုးစားဆောင်ရွက် လာတာ အားလုံးအသိပါ။ ဒီမိုကရေစီအပြောင်းအလဲရဲ့ ပထမအစိုးရဖြစ်တဲ့ ပြီးခဲ့တဲ့ အစိုးရလက်ထက်မှာ တစ်နိုင်ငံလုံးအပစ်အခတ်ရပ်စဲရေးကို တစိုက်မတ်မတ် ဆောင်ရွက်ခဲ့တာ အစိုးရသက်တမ်းကုန်ခါနီးကာလမှာ အဖွဲ့ရှစ်ဖွဲ့ဟာ သဘောတူ လက်မှတ်ရေးထိုးနိုင်ခဲ့ပါတယ်။ ဒီအခြေခံရလဒ်တွေနဲ့အတူ လက်ရှိအစိုးရလက်ထက် မှာ တစ်နိုင်ငံလုံးငြိမ်းချမ်းရေးကို ဦးစားပေးလုပ်ငန်းအဖြစ် အမြန်ဆုံးအောင်မြင် အောင် ကြိုးစားဆောင်ရွက်နေပါတယ်။ ပြည်ထောင်စုငြိမ်းချမ်းရေးညီလာခံ- (၂၁) ရာစုပင်လုံ ပထမအစည်းအဝေးဟာ အမျိုးသားပြန်လည်သင့်မြတ်ရေးနဲ့ ငြိမ်းချမ်း ရေးအတွက် တိုးတက်အောင်မြင်မှုရဲ့ သာဓကပါပဲ။
Dနေ့ဒီချိန်မှာ တစ်နိုင်ငံလုံးတည်ငြိမ်အေးချမ်းရေးဟာ အရေးကြီးဆုံးဖြစ်နေပါပြီ။ ဒါမှသာ ရှေ့ဆက်ရမယ့် ခရီးကရွေ့နိုင်မှာပါ။ အေးချမ်းသာယာပြီး ဖွံ့ ဖြိုးတိုးတက်တဲ့ ဒီမိုကရေစီဖက်ဒရယ်ပြည်ထောင်စု ပေါ်ပေါက်ရေးရည်မှန်းချက်ကို အောင်မြင်အောင် အကောင်အထည်ဖော်နိုင်မှာပါ။ တိုင်းရင်းသားပြည်သူအားလုံးဟာ စိတ်ချလုံခြုံမှု များနဲ့အတူ ပျော်ရွှင်သာယာချမ်းမြေ့စွာနဲ့ လွတ်လပ်ရေးရဲ့အရသာကို ပြည့်ပြည့်၀၀ ခံစားနိုင်ကြရမှာပါ။ ဒါကြောင့် ငြိမ်းချမ်းရေးဆွေးနွေးပွဲများအတွက် အဓိကတာဝန်ရှိတဲ့ အဖွဲ့အစည်းတွေအနေနဲ့ တိုးတက်အောင်မြင်အောင် အစွမ်းကုန်ကြိုးစားဆောင်ရွက် ကြဖို့ အားလုံးက မျှော်လင့်နေကြပါတယ်။
ခုလို ငြိမ်းချမ်းရေးဖြစ်စဉ်ကို အရှိန်အဟုန်မြှင့်ဆောင်ရွက်နေဆဲမှာပဲ တစ်ဖက်မှာ တိုက်ပွဲတွေဖြစ်နေတာဟာ စိတ်ပူစရာ၊ ရင်လေးစရာကောင်းလှပါတယ်။ တိုက်ပွဲတွေ ဖြစ်နေသေးသရွေ့ ငြိမ်းချမ်းရေးက ဝေးနေမှာပါပဲ။ သူကစလို့၊ ငါကစလို့၊ သူ့ကြောင့်၊ ငါ့ကြောင့် စတဲ့စွပ်စွဲချက်တွေနဲ့ ဆက်ဖြစ်နေကြမှာထက် ကိုယ့်ဘက်က ပြဿနာကို မစမိအောင် ထိန်းသိမ်းပြီး ပဋိပက္ခတွေချုပ်ငြိမ်းဖို့ ကြိုးစားကြစေချင်ပါတယ်။ နိုင်ငံ တော်ဖွဲ့စည်းပုံအခြေခံဥပဒေနဲ့ တည်ဆဲဥပဒေများကို အတတ်နိုင်ဆုံးထိန်းသိမ်းပြီး နှစ်ဖက်ညှိနှိုင်း ဆွေးနွေးသဘောတူထားကြတဲ့ သဘောတူညီချက်များအတိုင်း စောင့်ထိန်းလုပ်ဆောင်ကြပြီး ဖြစ်လာတဲ့ပြဿနာတွေအပေါ် ညှိနှိုင်းဆွေးနွေးဖြေရှင်း ကြမယ်ဆိုရင် တိုက်ပွဲတွေမရှိနိုင်တော့ပါဘူး။ ပြဿနာမှန်သမျှ ငြိမ်းချမ်းစွာဖြေရှင်း နိုင်ကြမှာပါ။
ဆွေးနွေးညှိနှိုင်း အဖြေရှာ၍ဖြေရှင်း
▄▄▄▄▄▄▄▄▄▄▄▄▄▄▄▄▄▄▄▄▄
ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီဥက္ကဋ္ဌ၊ နိုင်ငံတော်၏အတိုင်ပင်ခံပုဂ္ဂိုလ်က ကော်မတီ အစည်းအဝေးမှာ အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးမှာ ခွဲခြား၍မရကြောင်း၊ အမျိုးသားပြန်လည် သင့်မြတ်ရေးမှာ လက်နက် ကိုင်တိုက်ခဲ့တဲ့ အဖွဲ့အစည်းများနှင့် ငြိမ်းချမ်းရေးလုပ်ရုံသာမဟုတ်ဘဲ ပိုမိုကျယ်ပြန့် ကြောင်း၊ မတူကွဲပြားသည့် သဘောထားများ သင့်မျှစေရန်လိုကြောင်း၊ အပေးအယူ ညှိနှိုင်းမှုများကို ကိုယ့်ဘက်က တတ်နိုင်သလောက် ပေးဆပ်မည်ဆိုသည့် စိတ်ဖြင့် လုပ်ကြရန်နဲ့ အပြုသဘောဆောင်ပြီး ဆွေးနွေးကြရန် လမ်းòန်မှာကြားခဲ့ ပါတယ်။
အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးအတွက် လက်နက်ကိုင်ပဋိပက္ခ များနဲ့ သဘောထား ကွဲပြားခြားနားမှုများအတွက် အငြင်းပွားနေခြင်း၊ မသင့်မမြတ် ဖြစ်နေခြင်းတို့မှာ လိုအပ်သောအဖြေမဟုတ်နိုင်ပါ။ သက်ဆိုင်ရာ အဖွဲ့အစည်းများ အနေနဲ့ တွေ့ဆုံညှိနှိုင်း ဆွေးနွေးတိုင်ပင်ကြခြင်းဖြင့်သာ ငြိမ်းချမ်းသောနည်းဖြင့် ဖြေရှင်းနိုင်မှာ ဖြစ်ပါတယ်။ မတူကွဲပြားသောသဘောထားများကို အလျှော့အတင်း ညှိနှိုင်းကြခြင်းဖြင့် သဘောထားကွာဟမှုများ လျော့နည်းလာအောင်၊ တဖြည်းဖြည်း ပပျောက်အောင် ကြိုးစားအဖြေရှာကြရမှာဖြစ်ပါတယ်။ ပါဝင်ပတ်သက်သည့် အဖွဲ့ အစည်းများနဲ့ လူပုဂ္ဂိုလ်အသီးသီးအနေဖြင့် ပြည်ထောင်စုအရေးမျှော်တွေးပြီး စိတ်ကောင်းစေတနာဖြင့် အပြုသဘောဆောင်ကာ အားကြိုးမာန်တက်လုပ်ဆောင် ကြရမည်ဟု မျှော်လင့်ရပါတယ်။
မျှတတဲ့အမြင်နဲ့ဆွေးနွေးပွဲများဖြစ်သင့်
▄▄▄▄▄▄▄▄▄▄▄▄▄▄▄▄▄▄▄▄▄▄
ငိမ်းချမ်းရေးဆွေးနွေးပွဲများတွင် ပါဝင်ပတ်သက်သူအားလုံးဟာ နိုင်ငံတော် အတွက် ပြည်ထောင်စုအတွက်သာ စဉ်းစားဆောင်ရွက်ကြရမှာဖြစ်ပါတယ်။ ကိုယ့်အဖွဲ့ ကိုယ့်အရေးပေါ်တွင် အခြေခံရပ်တည်နေပါက မှန်ကန်သည့်ရလဒ်မရနိုင်ပါ။ မည်သည့် ဆွေးနွေးပွဲမဆို တစ်ဖက်နှင့်တစ်ဖက် အပေးအယူ အလျှော့အတင်း ညှိနှိုင်းမှုရှိရစမြဲပါ။ လိုချင်တာ၊ ဖြစ်ချင်တာကို မူသေဆုပ်ကိုင်ထားပြီး လှေနံဓားထစ် ရပ်တည်ခြင်းမျိုး မဖြစ်သင့်ပါ။ ကိုယ်ကပေးနိုင်တာကိုပေးမှ ကိုယ်ရချင်တာလည်း ရနိုင်မယ်ဆိုတဲ့ အခြေခံနဲ့ လုပ်ကြရမှာပါ။ အားလုံးမှာ လိုချင်တာတွေ ရှိနိုင်ပါတယ်။ ဒါပေမယ့်လိုချင် တာတွေအားလုံး ရချင်မှရနိုင်မှာပါ။ အားလုံးမရနိုင်သေးရင်လည်း ရတာနဲ့ စသင့် တယ်လို့ မြင်ပါတယ်။ အရေးကြီးတာက အလုပ်စဖြစ်ဖို့ပါ။ တဖြည်းဖြည်းနဲ့ ဆွေးနွေး ညှိနှိုင်းကြရင်း ကိုယ်လိုချင်တာကို တဖြည်းဖြည်း ရအောင်လုပ်သွားနိုင်ပါတယ်။
ဒါပေမယ့် အပေးအယူ အလျှော့အတင်းလုပ်ကြရာမှာ တရားမျှတဖို့၊ ဓမ္မဓိဋ္ဌာန် ကျဖို့၊ အဂတိကင်းဖို့ အရေးကြီးပါတယ်။ အခြေခံဥပဒေဘောင်အတွင်းက အတတ်နိုင် ဆုံး ဖြစ်သင့်သလို အများလက်ခံနိုင်တဲ့ ကျိုးကြောင်းဆီလျော်ညီညွတ်တဲ့ ညှိနှိုင်းမှု များ ဖြစ်သင့်ပါတယ်။ ဆွေးနွေးညှိနှိုင်းမှုအားလုံးရဲ့ ဆုံမှတ်ဟာ နိုင်ငံတော်အကျိုး၊ ပြည်ထောင်စုအကျိုးပဲဖြစ်သင့်ပါတယ်။ အဲဒီအတွက် ပါဝင်ပတ်သက်တဲ့အဖွဲ့အစည်း တွေဟာ လက်ရှိအခြေအနေထက် နစ်နာမှု၊ ထိခိုက်ဆုံးရှုံးမှုတွေ ရှိလာနိုင်မယ်ဆိုရင် လည်း ပြည်ထောင်စုအကျိုးဖြစ်လို့ တင်းတိမ်ရောင့်ရဲနိုင်ရပါမယ်။ အနစ်နာခံ စွန့်လွှတ် ရဲရပါမယ်။ ဆွေးနွေးပွဲရဲ့သဘောအရ ကိုယ်လိုချင်တာကို ရနိုင်တာ၊ မရနိုင်တာရှိသလို ကိုယ့်ဘက်က လက်လွှတ်ဆုံးရှုံးရမှာ၊ လျော့နည်းသွားမှာ၊ ရှုံးသွားမှာရှိရင်လည်း ကောင်းတာဖြစ်ဖို့အတွက် လျှော့ပေးနိုင်၊ အနစ်နာခံနိုင်ရမှာဖြစ်ပါတယ်။
နောက်တစ်ချက် ထည့်သွင်းစဉ်းစားသင့်တာက ဒီဆွေးနွေးပွဲတွေမှာ ဆွေးနွေး ဖက် တစ်ဖက်ပုဂ္ဂိုလ်အဖွဲ့အစည်းတွေရဲ့ ရပ်တည်ချက်နဲ့ တာဝန်စတာတွေလည်း စဉ်းစားသင့်တယ်လို့ ထင်တယ်။ ကိုယ့်လိုလားချက်၊ တောင်းဆိုချက်ဟာ တစ်ဖက်ရဲ့ ရပ်တည်ချက်အရ ဖြစ်နိုင်၊ မဖြစ်နိုင်နဲ့ မဖြစ်နိုင်ဘူးဆိုရင်လည်း လက်ခံနိုင်စွမ်းရှိရပါ လိမ့်မယ်။ နှစ်ဖက်အမြင်နဲ့ ဆွေးနွေးကြမှသာ အဖြေဟာ နီးစပ်နိုင်မယ်ထင်ပါတယ်။ မဖြစ်သင့်၊ မဖြစ်နိုင်၊ မရနိုင်တာတွေကို တောင်းဆိုနေကြတာမျိုး မဖြစ်သင့်သလို ဖြစ်သင့်ဖြစ်ထိုက် ရသင့်ရထိုက်တာမျိုးတွေကိုလည်း အလျှော့ပေးလိုက်လျောတာမျိုး ဖြစ်သင့်ပါတယ်။ တချို့ကိစ္စတွေကလည်း လက်ရှိအချိန်အခါနဲ့ အခြေအနေမှာ ညှိနှိုင်းလို့ရချင်မှရဦးမှာပါ။ တဖြည်းဖြည်းတိုးတက်လာမယ့် ပြုပြင်ပြောင်းလဲမှုများ နဲ့အတူ အချိန်ယူညှိနှိုင်းရမှာတွေလည်း ရှိနိုင်ပါတယ်။ ဒါကြောင့် ရေရှည်တွေ့ဆုံ ဆွေးနွေးနေကြမယ့် ငြိမ်းချမ်းရေးဖြစ်စဉ်မှာ ရနိုင်သမျှဖြစ်နိုင်သမျှနဲ့ စဖို့အလွန် အရေးကြီးပါတယ်။ အချိန်ကြာလာတာနဲ့အမျှ ပြဿနာများအားလုံး ပျောက်ကွယ် သွားပြီး လိုလားချက်များ ပြည့်ဝလာကြမယ်လို့ ယုံကြည်ပါတယ်။
ဆွေးနွေးပွဲများဟာ အောင်မြင်ထိရောက်ရန် လိုအပ်ပါတယ်။ ဒါမှသာ အချိန် ကုန်သက်သာမှာပါ။ မြန်မြန်ပြီးစီးမှာပါ။ အမျိုးသားပြန်လည်သင့်မြတ်ရေးနဲ့ ငိမ်းချမ်းရေးဖြစ်စဉ်ဟာ စောရင် စောနိုင်သမျှ နိုင်ငံနဲ့ ပြည်သူ အကျိုးရှိ မှာဖြစ်ပြီး အချိန်ကြာရင် ကြာ သလောက် ဆုံးရှုံးနစ်နာမှုတွေနဲ့ ဒုက္ခ တွေ ဆက်တွေ့နေကြရဦးမှာပါ။ ဒါကြောင့် ငြိမ်းချမ်းရေးဆွေးနွေးပွဲ တိုင်းမှာ တိကျပြတ်သားတဲ့ ဆုံးဖြတ် ချက်များ ချနိုင်အောင် ကြိုးစား လုပ်ဆောင်ကြရမှာပါ။
အားလုံးပါဝင်ပြီး ဝိုင်းဝန်းဆောင်ရွက်
▄▄▄▄▄▄▄▄▄▄▄▄▄▄▄▄▄▄▄▄
လောလောဆယ်မှာ တိုင်းရင်း သား လူမျိုးများအလိုက် အမျိုးသား အဆင့် ဆွေးနွေးပွဲတွေကျင်းပနေတာ တွေ့ရပါတယ်။ ဒါတွေဟာ မကြာခင် ကျင်းပ တော့မယ့် ပြည်ထောင်စုငြိမ်းချမ်းရေးညီလာခံ-(၂၁)ရာစုပင်လုံ ဒုတိယ အစည်းအဝေးအတွက် ကြိုတင်ပြင်ဆင်ဆောင်ရွက်နေကြခြင်းပါ။ (၂၁)ရာစုပင်လုံ ဒုတိယအစည်းအဝေးကို ဖေဖော်ဝါရီလ ၂၈ ရက် နေ့မှာ ကျင်းပနိုင်ဖို့ ရည်မှန်း ဆောင်ရွက်နေပါပြီ။ အောင်မြင်အောင် အားလုံးဝိုင်းဝန်းဆောင်ရွက်ကြရမှာပါ။
ဒီကြားထဲမှာ တစ်ခု ထူးထူးခြားခြားသတိထားမိတာက လက်မှတ်ရေးထိုးခြင်း မပြုရသေးတဲ့အဖွဲ့တွေလည်း ညီလာခံမှာ လက်မှတ်ရေးထိုးနိုင်ဖို့ကိုလည်း ကြိုးစား ညှိနှိုင်းဆောင်ရွက်နေကြောင်း သိရပါတယ်။ သာမန်အားဖြင့်တော့ (၂၁)ရာစုပင်လုံ ဒုတိယညီလာခံကို တစ်နိုင်ငံလုံးဆိုင်ရာ အပစ်အခတ်ရပ်စဲရေးသဘောတူစာချုပ် ကို လက်မှတ်ရေးထိုးထားသူတွေနဲ့ သတ်မှတ်ပြဋ္ဌာန်းထားသူများထဲကပဲ ကိုယ်စား လှယ်တွေအနေနဲ့ တက်ရမှာဖြစ်ပေမယ့် ဒီကြားထဲမှာ တိုးတက်မှုတွေရှိပြီး လက်မှတ် ထိုးမယ့်အဖွဲ့တွေရှိလာရင်လည်း အဲဒီအဖွဲ့တွေဟာ ညီလာခံမှာ ကိုယ်စားလှယ်အဖြစ် ပါဝင်တက်ရောက်နိုင်မှာမို့ ငြိမ်းချမ်းရေးတံခါးကတော့ အဆင်သင့်ပွင့်နေပါပြီ။ ဝင်ရောက်လာမယ့်အဖွဲ့ အစည်းများကို တိုင်းရင်းသားပြည်သူတစ်ရပ်လုံးက လှိုက်လှဲ ဝမ်းသာကြိုဆိုနေမှာပါ။
ဒါကြောင့် ယနေ့ ယခုကြိုးပမ်းဆောင်ရွက်နေတဲ့ တိုင်းရင်းသား သွေးချင်း တွေအချင်းချင်း သံသယများနဲ့ ပဋိပက္ခမှန်သမျှ ချုပ်ငြိမ်းပြီး ရေရှည်တည်တံ့စစ်မှန် တဲ့ ငြိမ်းချမ်းရေးနဲ့အတူ အားလုံးတောင့်တလိုလားနေတဲ့ ဒီမိုကရေစီဖက်ဒရယ် ပြည်ထောင်စု တည်ဆောက်ရေးမှာ အားလုံးပူးပေါင်းဆောင်ရွက်သင့်ကြပါပြီ။ စုပေါင်းတွေ့ဆုံ၊ စုပေါင်းညှိနှိုင်း၊ စုပေါင်းဆွေးနွေး၊ စုပေါင်းအဖြေရှာကြမယ့် ပြည်ထောင်စုငြိမ်းချမ်းရေးညီလာခံ-(၂၁)ရာစုပင်လုံ ညီလာခံအဆင့်ဆင့်မှာ ပါဝင် ပြီး ပြည်ထောင်စုအရေး ဦးစားပေးလုပ်ဆောင်သင့်ကြပါပြီ။
တိုင်းရင်းသားပြည်သူအားလုံးက ပင်လုံစိတ်ဓာတ်အရင်းခံတဲ့ စစ်မှန်တဲ့ ပြည်ထောင်စုစိတ်ဓာတ်နဲ့ စည်းလုံးညီညွတ်စွာဖြင့် အမျိုးသားပြန်လည်သင့်မြတ် ရေးနဲ့ ငြိမ်းချမ်းရေးအတွက် အားသွန်ခွန်စိုက် ကြိုးပမ်းဆောင်ရွက်ခြင်းဖြင့် ငြိမ်းချမ်း သာယာပြီး ဖွံ့ ဖြိုးတိုးတက်သော ဒီမိုကရေစီဖက်ဒရယ်ပြည်ထောင်စုကြီးဆီကို အရောက်လှမ်းကြပါစို့လို့ တိုက်တွန်းဖော်ပြအပ်ပါတယ်။
No comments:
Post a Comment