လွန်ခဲ့သည့် မျိုးဆက် တစ်ဆက်လောက်ကဆိုလျှင် အိုင်တီနည်းပညာနှင့် ဒစ်ဂျစ်တယ် မီဒီယာတို့သည် ခေတ်ရှေ့ပြေး နည်းပညာသမားများအတွက်ဟု ထင်မှတ်ထားခဲ့ကြသည်။ ယခုမူ လူတိုင်း အိမ်ထဲသို့ ရောက်နေချေပြီဟု ဆိုသော် ရသည်။ ကမ္ဘာ့ဒုတိယ အဆင်းရဲဆုံး နိုင်ငံဖြစ်သည့် မြန်မာနိုင်ငံသည်ပင် မိုဘိုင်းလ်နှင့် ဗိုက်ဘာနှင့် ဖေ့ဘွတ်နှင့် ဖြစ်နေကြလေပြီ။ မဖိတ်ခေါ်ပါဘဲ ဝင်လာသည့် ဧည့်သည်ပင်ဖြစ်သည်။ အိမ်ထဲ ရောက်တော့လည်း အဆင်ပြေသားဟု တယုတယ ဖြစ်လာနေလေပြီ။ နေ့တိုင်း အလုပ်အတွက် ရုံးသို့လာရန် မလို၊ မိမိနေထိုင်သည့် နေရာမှပင် အလုပ် လုပ်၍ရသည်ဆိုသော ရန်ကုန်မှ အလုပ်ခေါ်သော ကြေညာစာကို အညာမှ ဘကြီးကဖတ်ကာ ခေါင်းယမ်းသွားလေတော့ သည်။ သို့သော် ကွန်ပျူတာနှင့် အွန်လိုင်းမီဒီယာ အတော်အသင့် ရင်းနှီး ကျွမ်းဝင်ရမည်ဟု ဆိုထားသည်။ တောင်းဆိုထားသည့် လိုအပ်ချက်သည် အရည်အချင်းပင် မဟုတ်ပါလော။ မည်သည့် တက္ကသိုလ်ကမျှ အောင်လက်မှတ် ထုတ်ပေးခြင်း မရှိသေးသော အရည်အချင်း၊ ကျွမ်းကျင်မှုကို တောင်းဆိုထားခြင်း ဖြစ်သည်။ ထိုကဲ့သို့ ကြော်ငြာများ ခပ်စိပ်စိပ် တွေ့လာနေရသည်။ ပညာ အရည်အချင်း တောင်းဆိုမှုအသွင် တစ်ခု မဟုတ်ပါသလော။
ဈေးကွက် စီးပွားရေးနှင့် ဒီမိုကရေစီ အသွင်ကူးပြောင်းရေးကို တစ်ပြိုင်နက်တည်း လှမ်းလိုက်သောအခါ စီးပွားရေး အခင်းအကျင်းသစ်များ လှိမ့်ဝင်လာတော့သည်။ လုပ်သား အင်အားကား အဆင်သင့် ရှိနေသည်။ အဆင်သင့် မဖြစ်သည်ကား နည်းပညာ ကျွမ်းကျင် ရင်းနှီးမှုပင် ဖြစ်သည်။ ဖွံ့ဖြိုးဆဲနိုင်ငံများတွင် ပညာရေး နောက်ကျမှုကြောင့် ခေတ်မီနည်းပညာနှင့် ရင်းနှီးမှု အဆက်ပြတ်နေရခြင်းသာ ဖြစ်သည်။ ထိုကွက်လပ်အတွက် အဆင်သင့် ဖြစ်စေရန် စိတ်ကူးပင် ရှိကြသေးဟန် မတူပေ။ လက်ရှိ ခေတ်မမီ ပညာရေးကိုပင် ကောင်းမွန်လာစေရန် အားစိုက်ပြုပြင်ရန် လုံးပန်းနေရသောကြောင့် ဖြစ်သည်။ ပညာရေးအတွင်း သွတ်သွင်း၍ သင်ကြားမည် ဆိုပါကလည်း မည်သည်ကို မည်သို့ သင်ကြားပေးကြပါမည်နည်း။ X နှင့် Y မျိုးဆက်ကိုပင် မနေ့တစ်နေ့ကမှ ကွဲကွဲပြားပြား သဘောပေါက်ခါစရှိသေးချိန် Z ဆိုသည့် မျိုးဆက်အတွက် အဆင်သင့် လုပ်ထားကြပါဟုဆို လာသောအခါ နားဝေတိမ်တောင် ဖြစ်ရချေတော့သည်။
ပညာရေးတွင် မည်သည့် ဒစ်ဂျစ်တယ် ကျွမ်းကျင်မှုကို အဓိကထား သင်ကြားကြပါမည်နည်း။ ဒစ်ဂျစ်တယ် ပညာရေးစနစ် မရှိသည့် နိုင်ငံသည် နည်းပညာရယူ ဖမ်းဆုပ်နိုင်မှု မညီမမျှနှင့် နောက်ကျခြင်း၊ ဆင်းရဲချမ်းသာ ပိုမိုကွာဟချက် ဖြစ်လာနိုင်ပြီး လူမှုစီးပွားရေး ဆိုင်ရာများတွင် နောက်ကျ ကျန်နေခဲ့နိုင်သည်ဟု ပညာရှင်များက သုံးသပ်လာကြသည်။ ထို့ကြောင့် ပညာရေးတွင် DQ ကို ထည့်သွင်းလာရတော့သည်။
DQ ဆိုသည်မှာ ဒစ်ဂျစ်တယ် ဉာဏ်ရည် (Digital Intelligence) ကို ဆိုလိုခြင်း ဖြစ်သည်။ ပညာရေး လမ်းပြသူတို့ အတွက်လည်း အိုင်တီကို ပညာရေး အသုံးချကိရိယာ တစ်ခုဆိုသည်ထက်ပို၍ နက်နက်ရှိုင်းရှိုင်း တိုးဝင် လေ့လာကြည့်သင့်သည်။ ဒစ်ဂျစ်တယ် နည်းပညာ လွှမ်းမိုးထားခံရပြီးဖြစ်သော ကမ္ဘာကြီးတွင် အင်တာနက်လိုင်း အသုံးပြုခြင်းဖြင့်လည်းကောင်း၊ မသုံးမပြုဘဲသော်လည်းကောင်း အခြေအနေ နှစ်ရပ်လုံးအတွက် အရည်အချင်းနှင့် ယုံကြည်မှု ရှိလာအောင် မည်သို့ သင်ကြား ပြုစု ပျိုးထောင်ကြမည်ကို တွေးတော ကြံဆရန် လိုအပ်လာနေပါသည်။
IQ နှင့် EQ ကဲ့သို့ပင် တစ်ဦးတစ်ယောက်ချင်း ပိုင်ဆိုင်သည့် ဒစ်ဂျစ်တယ် အသုံးအဆောင်နှင့် ဒစ်ဂျစ်တယ် မီဒီယာ အသုံးချတတ်မှုများသည် ထည့်သွင်းတိုင်းတာ တွက်ချက်ရတော့မည့် အဓိကအချက် ဖြစ်လာခဲ့ပါတော့သည်။ ထို့ကြောင့် DQ ဟုဆိုရချေတော့မည်။ DQ နှင့် ပတ်သက်၍ အားသာချက်မှာ ပြုပြင်ပြောင်းလဲ လိုက်ရောညီထွေ ဖြစ်အောင် လုပ်ယူ၍ ရခြင်းပင်ဖြစ်သည်။
DQ တွင်လည်း အဓိက အခြေခံ သုံးမျိုးရှိသည်။ ထိုသည်တို့မှာ
(၁) ဒစ်ဂျစ်တယ်နိုင်ငံသား (Digital citizenship) ၊
(၂)ဒစ်ဂျစ်တယ်တီထွင်ဖန်တီးနိုင်မှု (Digital creativity) နှင့်
(၃) ဒစ်ဂျစ်တယ် စွန့်ဦးတီထွင်လိုစိတ် (Digital Entrepreneurship) ဟူ၍ဖြစ်သည်။
(၁) နည်းပညာနှင့် မီဒီယာကို အန္တရာယ်ကင်းကင်း၊ အကျိုးရှိရှိ၊ တာဝန်သိသိ သုံးတတ်သည့် အရည်အချင်းသည် ဒစ်ဂျစ်တယ် နိုင်ငံသား အရည်အချင်းဖြစ်သည်။
(၂) ဒစ်ဂျစ်တယ် မီဒီယာကို အသုံးပြုပြီး ဒစ်ဂျစ်တယ် ကွန်ရက်တွင် အလိုက်သင့် စီးမျောရင်း၊ မိမိတတ်စွမ်းသည့်ဘက်မှလည်း ပူးပေါင်း ဖန်တီးရမည်။ မိမိစိတ်ကူးများကိုလည်း အွန်လိုင်း အသုံးပြုကာ လက်တွေ့ အကောင်အထည် ပေါ်လာအောင် ဖော်ဆောင်နိုင်သည့် အရည်အချင်းသည် ဒစ်ဂျစ်တယ် တီထွင်ဖန်တီးမှုပင် ဖြစ်သည်။
(၃) ဒစ်ဂျစ်တယ်ကို အသုံးပြု၍ ကမ္ဘာ့စိန်ခေါ်မှုများကို ရင်ဆိုင် ဖြေရှင်းနိုင်ရမည် (သို့မဟုတ်) အခွင့်အရေးသစ်များ ဖန်တီးနိုင်ရမည်။ ထိုစွမ်းရည်ကို ဒစ်ဂျစ်တယ် စွန့်ဦးတီထွင်ခြင်းဟု ဆိုသည်။
ထိုအရည်အချင်း သုံးရပ်အနက် ဒစ်ဂျစ်တယ်ကို အသုံးပြုကာ မီဒီယာများကို ရေလည်ပတ်လည် အသုံးပြုတတ်ရန်၊ ကုဒ်များ ရေးသားတတ်စေရန်နှင့် ရိုဘော့များကို နားလည်စေရန် စာသင်ကျောင်းများမှ ကလေးများကို သင်ကြား ပေးတတ်ကြသည်။ ထိုသို့ သင်ကြားရခြင်း ရည်ရွယ်ချက် မှာ အနာဂတ် လုပ်ငန်း လိုအပ်ချက်နှင့် အလုပ် ဖန်တီး တည်ဆောက်နိုင်ရေး အတွက်ပင် ဖြစ်သည်။ ထို့အတူ အနာဂတ် ပညာရေး အဆောက်အဦကို တည်ဆောက်ထားသော အွန်လိုင်းဝက်ပေ့ခ်ျ ဖန်တီး ရေးသားထားသည့် ကွန်ပျူတာ ဘာသာဗေဒကို နားလည်နိုင်စေရန်အတွက် ဖြစ်သည်။ အမေရိကန် ကွန်ပျူတာ ဘာသာဗေဒအဖွဲ့ (America's code.org) နှင့် အာဖရိက အိုင်အမ်သကုဒ်အဖွဲ့ (Africa's I amThe Code.org) တို့မှ အဓိက ပညာရေး မျှော်မှန်းချက်ဟုလည်း ဆိုထားပါသေးသည်။
ဒစ်ဂျစ်တယ် ခေတ်ပညာရေး အဆောက်အဦ၏ တတိယအဆင့် ဖြစ်သော ဒစ်ဂျစ်တယ် စွန့်ဦးတီထွင်မှုကိုလည်း အလေးထားကြသည်ကို တွေ့နေရသည်။ နည်းပညာ ဆန်းသစ် တီထွင်မှုနှင့် စီးပွားရေးအရလည်း စွန့်ဦးတီထွင်မှုတို့ကို ထိပ်သီး တက္ကသိုလ်များတွင် သင်ရိုးအဖြစ်ပင် ထည့်သွင်းကာ မျှော်မှန်းချက်ကြီးကြီး ထားနေကြပေပြီ။ ကလေးငယ်များအတွက်ကိုပင် ကလေးငယ်များ၏ ပတ်ဝန်းကျင်တွင် စွန့်စား တတ်စေရန် ထိန်းကျောင်းပေးသည့် အစီအစဉ်များနှင့် ကျောင်းတွင်း အစီအစဉ်များဖြင့် အင်တိုက်အားတိုက် အကောင်အထည် ဖော်လျက် ရှိနေပေပြီ။
ဒစ်ဂျစ်တယ် နိုင်ငံသား အရေးကိုမူ ခေါင်းဆောင်များနှင့် ပညာရှင်များကပါ လျစ်လျူရှုထားသကဲ့သို့ ဖြစ်နေရပြီး ကျော်ကြည့်နေမိလျက် ရှိကြသည်။ နည်းပညာကို အသုံးပြုပြီး ဒစ်ဂျစ်တယ် ကမ္ဘာမှာ နေထိုင် ရှင်သန်နိုင်သည့် ကိုယ်ရည်ကိုယ်သွေးသည် အဓိက အခြေခံကျနေပေသည်။ ငယ်စဉ်တောင်ကျေး ကလေးဘဝကပင် ထိုကိုယ်ရည်ကိုယ်သွေး တဖြည်းဖြည်း လိုအပ်လာခဲ့သည်ဟု ဆိုရမည်။ ထို့ကြောင့် ရင်သွေးငယ်တို့အတွက် ဒစ်ဂျစ်တယ် နိုင်ငံသား စိတ်ဓာတ်ကို စောနိုင်သမျှ စောစော သင်ယူ လေ့လာရန် လိုအပ်သည်။ လက်တွေ့တွင်မူ ဂိမ်းဆော့ချိန်၊ လူမှုကွန်ရက် မီဒီယာ သုံးသည့်အခါ သို့မဟုတ် ဒစ်ဂျစ်တယ်ပစ္စည်း တစ်မျိုးမျိုးကို စတင် သုံးစွဲသည့်အချိန်မှ ထိုဒစ်ဂျစ်တယ် နိုင်ငံသား စိတ်ဓာတ် လိုအပ်သည်ဟု ယူထား ကြသည်။
ပညာတတ် ပုဂ္ဂိုလ်များကပင်လျှင် ကလေးငယ်က မိမိဘာသာသော်လည်းကောင်း၊ အိမ်မှာသော်လည်းကောင်း လေ့လာ လိုက်စားပြီး ထိုအရည်အချင်းကို ရလာလိမ့်မည်ဟု ယူဆထားမိကြသည်။ ဒစ်ဂျစ်တယ် မျိုးဆက်နှင့် အဟပ်ကွာမှုကြောင့် လူမှုကွန်ရက်နှင့် စမတ်ဖုန်းဖြင့် အမှန်တကယ် ကြီးပြင်းလာသော ဒစ်ဂျစ်တယ် မျိုးဆက် (Z မျိုးဆက်) ကို လိုအပ်သည့် အရည်အချင်းများ သင်ကြားညွှန်ပြဖို့ရန်မှာ ဆရာရော မိဘများပါ နားလည်ခြင်းငှာ မစွမ်းသာလျက် ဖြစ်ကုန်ကြရသည်။ မိမိတို့ကိုယ်တိုင် သေသေချာချာ နားမလည်သည့် အခင်းအကျင်းကို အန္တရာယ် များသည်ဟုဆိုကာ ပိတ်ပင်၍လည်း မဖြစ်မှန်း သိကြသည်။ မိမိတို့ နားမလည်သည်ဖြစ်၍ ကြိုက်သလိုသာ သုံးကြပေတော့ဟုလည်း အဟောသိကံ လုပ်၍ မဖြစ်ပြန်ပေ။ မိမိတို့ ရင်သွေးငယ်များကို ဒစ်ဂျစ်တယ် နိုင်ငံသား တစ်ပိုင်းဖြစ်လာမည့် မည်သည့်အရာများ သင်ကြား ညွှန်ပြကြပါမည်နည်း။ ထိုအခြေအနေကို ကြိုတင် တွေးဆနိုင်သော ပညာရှင်များမှ သင်ကြား ညွှန်ပြပေးရမည့် အဓိက အချက် ရှစ်ချက်ကို သုတေသနလုပ် ကြိုတင် လုပ်ထားပေးခဲ့ပါသည်။
(၁) အွန်လိုင်းပေါ်က ဝန်းကျင်ဘဝနှင့် အပြင်လက်တွေ့ လူမှုဝန်းကျင် ဘဝနှစ်ခုစလုံးတွင် မိမိတို့၏ နိုင်ငံသား လက္ခဏာကို မိမိတို့၏ ဂုဏ်သိက္ခာဖြင့် အမြဲလန်းဆန်း ရှင်သန်နိုင်စေသည့် အရည်အချင်းနှင့် ပြည့်စုံသူသာလျှင် ဒစ်ဂျစ်တယ် နိုင်ငံသားဟု ဆိုနိုင်ပေမည်။
(၂) ဒစ်ဂျစ်တယ် အသုံးပြုခြင်း၊ အခြား လုပ်ငန်းဆောင်တာများ ဆောင်ရွက်ခြင်း၊ လူမှုကွန်ရက် အသုံးပြုခြင်း၊ အွန်လိုင်းဂိမ်းများ ဝင်နွှဲခြင်းတို့ကို မိမိတို့ကိုယ်တိုင် ထိန်းထိန်းသိမ်းသိမ်း စီမံခန့်ခွဲနိုင်သည့် အရည်အချင်း ရှိရမည်။
(၃) အွန်လိုင်းပေါ်မှ နောက်ပြောင်ခြင်း၊ သွေးဆောင်ခြင်း၊ နှောင့်ယှက်ခြင်းများကို ရိပ်စား နားလည်နိုင်စွမ်း ရှိပြီး ပညာပါပါဖြင့် ကိုင်တွယ် ဖြေရှင်းနိုင်စွမ်း ရှိရမည်။
(၄) မိမိတို့၏ ကိုယ်ရေး ကိုယ်တာ အချက်အလက်များကို အွန်လိုင်း ခိုးယူ တိုက်ခိုက်မှုများမှ ကာကွယ်နိုင်ရန် လျှို့ဝှက် သင်္ကေတများ ပြုလုပ်ခြင်းနှင့် လိုအပ်သည့် လုံခြုံရေး ညွှန်ကြားချက်များအတိုင်း ကာကွယ်နိုင်စွမ်း ရှိရမည်။
(၅) မိမိတစ်ကိုယ်ရေ လွတ်လပ်လုံခြုံရေးနှင့် အခြားသူများ လွတ်လပ်လုံခြုံရေးကို အလေးထားပြီး ကိုယ်ရေး အချက်အလက်များကို အွန်လိုင်းပေါ်သို့ အလွယ်တကူ တင်လိုက်ခြင်းမျိုး မဖြစ်ရအောင် ကိုင်တွယ်ထိန်းချုပ်တတ်သူ ဖြစ်ရမည်။
(၆) အွန်လိုင်းပေါ်မှ အပေါင်းအသင်းများသည် မည်မျှ ယုံကြည်ထိုက်သည်၊ မည်သည့် သတင်းအချက်လက်မျိုးက အမှားဖြစ်သည်၊ အမှန် ဖြစ်သည်၊ အန္တရာယ်ရှိသည်၊ မရှိသည်ကို ခွဲခြားနိုင်သည့် ဆင်ခြင်တုံတရား ရှိရမည်။
(၇) ဒစ်ဂျစ်တယ် လက်ဗွေရာ၏ သဘော သဘာဝနှင့် လက်တွေ့ဘဝ အကျိုးဆက်များကို နားလည် သဘောပေါက်ပြီး တာဝန် ယူတတ်သည့် စိတ်ဓာတ်ဖြင့် သုံးစွဲတတ်ရမည်။
(၈) အွန်လိုင်းပေါ်မှ မိတ်ဆွေ အပေါင်းအသင်းများ၏ လိုအင်၊ ခံစားချက်များကို နားလည်နိုင်ရမည်ဖြစ်ပြီး မိမိ၏စာနာ နားလည်မှုကိုလည်း ပြသတတ်သူ ဖြစ်ရမည်။
ဒစ်ဂျစ်တယ် အွန်လိုင်းဧ။် အတိမ်အနက်၊ ထိရောက်မှုကို နားလည်ပြီး အထက်ပါ အရည်အချင်း ရှစ်ခုဖြင့် ထိန်းသိမ်း သုံးစွဲမှသာ ဒစ်ဂျစ်တယ် နိုင်ငံသား စိတ်ဓာတ်ရှိသူ ဖြစ်ပေမည်။ ဤသည်ကို သဘောပေါက် နားလည်ပြီး ဒစ်ဂျစ်တယ် အသိဉာဏ် (DQ)ကို ငယ်စဉ်ကပင် ကလေးငယ်များ နားလည်အောင် ညွှန်ပြပေးရန်မှာ အမျိုးသား ခေါင်းဆောင်တိုင်း၏ တာဝန်ဖြစ်သည်။ ပညာရေး ဦးဆောင်သူများကလည်း ဤသည်ကို အလေးအနက်ထား ဖော်ဆောင်ကြစေရန် တိုက်တွန်းသည်။ ဒစ်ဂျစ်တယ် ပညာရေးကို မိမိတို့ ဝန်းကျင်တွင် ပြန့်ပွားအောင် လူတိုင်းက ကြိုးစားဖော်ဆောင် ပေးကြရပေမည်။ မိဘများက အိမ်တွင်လည်းကောင်း၊ ဆရာများက ကျောင်းတွင်လည်းကောင်း၊ ခေါင်းဆောင်များက မိမိတို့ ဦးဆောင်ခွင့် ရသည့်အသိုင်း အဝိုင်းဝန်းကျင်တို့တွင်လည်းကောင်း ဤကဲ့သို့သော စိတ်ဓာတ် အရည်အချင်း ထားရှိစေရန်၊ ရှင်သန်စေရန် ဝိုင်းဝန်းကြိုးပမ်း ကြရပေတော့ မည်။ အနာဂတ် ရင်သွေးငယ်တို့အတွက် အန္တရာယ်ကင်းသော ဒစ်ဂျစ်တယ် နိုင်ငံသား စိတ်ဓာတ်ကို အမျိုးသားရေးတာဝန် တစ်ရပ်အဖြစ် ပြုစု ပျိုးထောင်ကြရပေတော့မည်။ ။
မောင်နိုးဝေ
Ref: Eight digital life skills all children need and a plan for teaching them by Yuhyun Park
Sources: The Voice
No comments:
Post a Comment