နှစ်သစ်အခါသမယမှာ
ပိုပြီး ကောင်းလာစေချင်လို့ရှိရင် . . .
ပိုပြီး သဒ္ဓါတရားတွေ ကောင်းလာအောင်၊
ပိုပြီးကိုယ်ကျင့်တရားတွေ လုံခြုံလာအောင်၊
ပိုပြီး စွန့်လွှတ်မှုတွေ ခိုင်မာလာအောင်၊
ပိုပြီး အသိဉာဏ်တွေ ကြွယ်ဝလာအောင်လုပ်ဖို့လိုပါတယ်။
အဲဒီအကြောင်းတရားတွေ ပြည့်စုံမှသာလျှင်
မိမိတို့ရဲ့ မျှော်လင့်ချက်နဲ့ ချမ်းသာသုခတွေ၊
မင်္ဂလာအပေါင်းနဲ့ ပြည့်စုံပါစေဆိုတဲ့ဆုတောင်းတွေ၊
တောင်းဆိုမှုတွေဟာ တစ်လုံးတစ်ဝကြီး ဖြစ်လာမှာပါ။
အေး ... နှစ်သစ်ကူးတာ သက်သက်နဲ့တော့
ကောင်းကျိုးချမ်းသာတွေ ရလာမှာ မဟုတ်ဘူးတဲ့။
လောကမှာ အသစ်အသစ်ဆိုတာ ရှည်တဲ့ကာလအပိုင်း
ကလေးတစ်ခုကိုကြည့်ပြီးတော့ အဟောင်းကုန်ပြီးရင်
အသစ်ကူးတယ်လို့ ဒီလိုပြောကြတာ။
ဓမ္မအမြင်နဲ့ ကြည့်မယ်ဆိုလို့ရှိရင် စက္ကန့်ပိုင်း
အတိုင်း အသစ်ကူးနေတာပါ။
အဟောင်းကုန်ပြီးရင်အသစ်ကို ပြောင်းနေတာပါ။
ဒီလကုန်ရင် နောက်လရောက်လာတာလည်း
လအသစ် ကူးနေတာပါပဲ။ ဒီကနေ့ကုန်လို့
နောက်တစ်ရက် ရောက်လာတာဟာ
ရက်အသစ်ကူးနေတာပါ။
ဒီနာရီကုန်လို့ နောက်နာရီဆိုတာလည်း
အသစ်ကူးနေတာပါ။
နောက်ဆုံး ဒီစက္ကန့်လေးကုန်သွားလို့
နောက်စက္ကန့်လေး ဆိုတာလည်း ကူးနေတာပါ။
နေ့စဉ်နဲ့အမျှ အသစ်အသစ်တွေချည်းပါပဲ။
အဲသလို အဟောင်းအဟောင်းတွေ ချုပ်သွားပြီး
အသစ်အသစ်တွေ ပေါ်လာနေတယ်ဆိုတာ
လောကရဲ့ မမြဲတဲ့၊ ရပ်တည်မနေတဲ့၊
အစဉ်ထာဝရရွှေ့ပြောင်းနေတဲ့
သဘာဝတရားကြီးမျှသာဖြစ်ပါတယ်။
တကယ်စဉ်းစားကြည့်မယ်ဆိုလို့ရှိရင် “အသစ်”ကို
မျှော်တာဟာ တဏှာလောဘရဲ့ သွေးဆောင်မှုတစ်ခုသာ
ဖြစ်ပါတယ်။ အသစ်ကိုမျှော်လင့်ခြင်းသည်
တဏှာမကင်းသူတို့ရဲ့ အတွေးတစ်ခုမျှသာဖြစ်ပါတယ်။
နေ့စဉ်နဲ့အမျှ ကြည့်လေ။
ဒီကနေ့ နေကြီးထွက်လာပြီးတော့ ဝင်သွားလို့ရှိရင်
မနက်ဖြန်ခါ နေအသစ်ပေါ့။
နက်ဖြန်ခါ ထွက်လာတဲ့ နေဟာ အသစ်ပဲ။
အဲတော့ ဒီလိုလတွေ၊နေ့တွေ
အသစ်အသစ်ပြောင်းနေတဲ့ အချိန်ကိုတော့
အသစ်လို့မထင်ဘူး။
နည်းနည်းလေး ကြာလာတဲ့အခါကျတော့
လပေါင်း ၁၂ လ၊ ရက်ပေါင်း ၃၆၅ ရက်
ကြာညောင်းလာတဲ့အခါကျတော့
နှစ်ဟောင်းကုန်လို့ နှစ်သစ်ရောက်လာပြီလို့
လူတွေက သတိထားမိလာတာပါ။
ဝိပဿနာဉာဏ်နဲ့ ဆက်စပ်သုံးသပ်မယ် ဆိုလို့ရှိရင်
စက္ကန့်ပိုင်းမှာ အသစ်အသစ် ပြောင်းနေတယ်လို့
သိလာနိုင်ပါတယ်။ အဲဒီတော့ အသစ်ပြောင်းတာ
တွေကို မျှော်လင့်နေမယ်ဆိုရင် တဏှာ လောဘရဲ့
အမြင်နဲ့ မျှော်လင့်နေတာသာဖြစ်ပါတယ်။
ကောင်းကျိုးတရားတွေ ဖြစ်မလာနိုင်ပါဘူး။
ဘာကြောင့်တုန်းဆိုလို့ရှိရင် လောကမှာ
မိမိတို့ လုပ်ဆောင်နေတာ
အကောင်းလည်း လုပ်သလို ၊
အဆိုးတွေလည်းလုပ်ဆောင်နေကြတာ
ဖြစ်သောကြောင့်၊ အဆိုးတွေလည်း ပါနေတာ
ဖြစ်သောကြောင့် အကောင်းတွေချည်း ဖြစ်လာဖို့ဆိုတာ
သံသရာထဲမှာ မမျှော်လင့်နိုင်ပါဘူး။
ဒါကြောင့်မို့ နောက်ဆုံး အသစ်ကိုမျှော်တာကို
ရုပ်သိမ်းလိုက်တယ်။ တရားအမြင်နဲ့ ကြည့်လိုက်မယ်
ဆိုရင် အသစ်ရော အဟောင်းရော အတူတူပါပဲတဲ့။
အသစ်မမျှော်တော့ဘူး။ ဒါကြောင့်မို့ မြတ်စွာဘုရားက
တရားဓမ္မ ရပြီးတဲ့အခါ “အယမန္တိမာ ဇာတိ၊
နတ္ထိ ဒါနိပုနဗ္ဘဝေါ”
“ငါ့ဘဝဟာ ဒါနောက်ဆုံးပဲ။
နောက်ထပ်မရှိတော့ဘူး” လို့ မိန့်တော်မူပါတယ်။
အသစ်ကို မမျှော်တော့ဘူး ဆိုလို့ရှိရင် ဒါဟာ
သံသရာမှာ ဒုက္ခတွေချုပ်ငြိမ်းသွားခြင်းသာဖြစ်ပါတယ်။
အသစ်မျှော်နေသေးသမျှ သံသရာထဲမှာ
ဒုက္ခတွေနဲ့ ဆုံကြ၊ ကြုံကြရဦးမှာ ဖြစ်ပါတယ်။
ဒါကြောင့်မို့ တဏှာရဲ့ မျှော်လင့်ချက်မျိုး မဖြစ်ဘဲ
နဲ့ မိမိတို့ရရှိလာတဲ့ နှစ်သစ်ကာလ
အခါသမယမှာ . . .
သဒ္ဓါတရားအသစ်တွေ၊
မဖြစ်သေးတဲ့ သဒ္ဓါတရားတွေဖြစ်လာအောင်၊
မဖြစ်သေးတဲ့ ကိုယ်ကျင့်တရားတွေ ကြီးထွားလာအောင်၊
မဖြစ်သေးတဲ့ စာဂတရားတွေ များပြားလာအောင်၊
မဖြစ်သေးတဲ့ ပညာတရားတွေ အသစ်ဖြစ်လာအောင်
ကြိုးစားခြင်းသည်သာလျှင်တကယ့်အစစ်အမှန်
ဖြစ်တယ်ဆိုတာ ယုံကြည်ပြီး အားလုံးသော တရားချစ်ခင်
သူတော်စင် ပရိသတ်တို့သည် နှစ်သစ်ကူးပြီးစ နှစ်ဦးကာလ
အခါသမယမှာ ဗုဒ္ဓမြတ်စွာဟောကြားတဲ့ တရားဓမ္မကို
လိုက်နာကျင့်သုံးနိုင်ကြပါစေလို့ ဓမ္မလက်ဆောင်ပေးတဲ့အနေနဲ့
ဒီတရား ကို ဟောကြားအပ်ပါတယ်။
အားလုံးသော သူတော်စင် အပေါင်းတို့သည်
ကိုယ်စိတ်နှစ်ဖြာ ချမ်းသာ၍ နှစ်သစ်မင်္ဂလာ အခါ
သမယမှာ ချမ်းသာသုခရကြောင်း သူတော်ကောင်း
တရားကို ပွားများအားထုတ်နိုင်ကြပါစေကုန်သတည်း။ ။
-【ပါမောက္ခချုပ်ဆရာတော် ဒေါက်တာ
အရှင်နန္ဒမာလာဘိဝံသ】
Sources; Young Buddhist Association
No comments:
Post a Comment