စူပါကော်ဖီမစ်ရုံးမှ ဖုန်း ၂၆လုံး အခိုးခံရ
ကလေး၊ ဇန်နဝါရီ ၆။
စစ်ကိုင်းတိုင်းဒေသကြီး၊ ကလေးမြို့၊ ဘုရားကြီးလမ်းရှိ စူပါကော်ဖီမစ်ကုမ္ပဏီရုံးတွင် ယနေ့ နံနက်ပိုင်း၂နာရီကျော်က ဟန်းဆက် ၂၆လုံး အခိုးခံခဲ့ရကြောင်း ကလေးမြို့မရဲစခန်းမှ သိရသည်။
ဖြစ်စဉ်မှာ အဆိုပါရုံးမှ မန်နေဂျာဖြစ်သူသည် ညတစ်နာရီကျော်သည့်အထိ တီဗွီကြည့်ရှုပြီး ၀န်ထမ်းများအသုံးပြုသည့် ဟန်းဆက် ၂၆လုံးကို အားသွင်းပြီးနောက် အိပ်ယာဝင်ခဲ့ပြီး မနက်အိပ်ယာထသည့်အချိန်တွင် ဟန်းဆက်များပျောက်ဆုံးနေသည်ကို တွေ့ခဲ့ရခြင်း ဖြစ်သည်။
"မနက် ၆နာရီ၁၅မိနစ်မှာ အိပ်ရာနိုးတော့ ကျွန်တော့်ညီက သွားတိုက်နေတယ်။ ကျွန်တော်လည်းနောက်ဖေးသွား၊ မျက်နှာသစ်သွားတိုက်ပြီးတော့ စားပွဲပေါ်က အားတွေသွင်းထားတဲ့ ဝန်ထမ်းသုံး တယ်လီဖုန်းတွေမတွေ့တော့ဘူး။ တစ်ယောက်ယောက်ကများ နောက်တာလားဆိုပြီး ပတ်ဝန်းကျင်ကိုရှာတယ်။ ပတ်ပတ်လည်လည်း ခြံဝန်းတံခါးက သော့ခတ်ထားတယ်။ အစလည်း ရှာလို့မရတာနဲ့ ရဲစခန်းကို လာပြီး တိုင်ချက်ဖွင့်တာပါ"ဟု မန်နေဂျာကိုခင်မောင်မြင့်က ပြောကြားသည်။
ပျောက်ဆုံးသွားသော ဟန်းဆက်အမျိုးအစားများမှာ Y3C ဟာဝေးလ်အမျိုးအစား ဟန်းဆက် ၂၃လုံး၊ T1 ဟားဝေးလ်Tablet အမျိုးအစား ၃လုံးတို့ဖြစ်ပြီး အချို့၌ အိုကေ ငွေ့ဖြည့်ငွေလွှဲစနစ်ဖြင့် ထည့်သွင်းထားသည့် ငွေသားများပါဝင်သော ဖုန်းများလည်းပါဝင်ကြောင်း ကလေးမြို့မရဲစခန်းမှ သိရသည်။
၂၀၁၅ခုနှစ်၊ ဩဂုတ်လက ဖြစ်ပွားခဲ့သည် ကလေးမြို့လည်ရှိ မီလျံနာဖုန်းဆိုင်မှ ဟန်းဆက်နှင့် ကွန်ပျူတာများ ဖောက်ထွင်းခံရမှု၏ တရားခံကိုလည်း ယခုတိုင်ဖမ်းဆီးရမိခြင်း မရှိသေးပဲ စုံစမ်းဆဲသာ ဖြစ်သည်ဟု သိရသည်။
Sources; CentralNewsMyanmar/KalaymyoNews
Subscribe to:
Post Comments (Atom)
No comments:
Post a Comment