နေပြည်တော် ဇန်န၀ါရီ ၆
နိုင်ငံတော်၏အတိုင်ပင်ခံပုဂ္ဂိုလ်၊ နိုင်ငံခြားရေး ၀န်ကြီးဌာန ပြည်ထောင်စု ၀န်ကြီး ဒေါ်အောင်ဆန်းစုကြည်သည် မြန်မာနိုင်ငံမဟာဗျူဟာနှင့် နိုင်ငံတကာလေ့လာရေး အဖွဲ့ဥက္ကဋ္ဌ အငြိမ်းစားသံအမတ်ကြီး ဦးညွန့်မောင်ရှိန် ဦးဆောင်သော အဖွဲ့ဝင်များအား ယနေ့နံနက် ၁၀ နာရီတွင် နေပြည်တော် ရှိ နိုင်ငံခြားရေးဝန်ကြီးဌာန ဧရာဝတီ ခန်းမ၌ လက်ခံတွေ့ဆုံသည်။
တွေ့ဆုံစဉ် မြန်မာနိုင်ငံမဟာဗျူဟာနှင့် နိုင်ငံတကာလေ့လာရေးအဖွဲ့ဥက္ကဋ္ဌ အငြိမ်းစားသံအမတ်ကြီး ဦးညွန့်မောင်ရှိန် က မြန်မာနိုင်ငံမဟာ ဗျူဟာနှင့် နိုင်ငံတကာ လေ့လာရေးအဖွဲ့၏ လုပ်ငန်းစဉ်များနှင့် ဆောင်ရွက် လျက်ရှိသော နိုင်ငံတကာနှင့် ဒေသဆိုင်ရာ သုတေ သနလုပ်ငန်းများကို ရှင်းလင်းတင်ပြသည်။
ထို့နောက် အငြိမ်းစားသံအမတ်ကြီး ဦးညွန့်မောင်ရှိန်နှင့် အငြိမ်း စားညွှန်ကြားရေး မှူးချုပ် ဦးအေးလွင်တို့က ကိုယ်ပိုင် စုဆောင်း ထားသည့် မြန်မာ့နိုင်ငံခြားဆက်ဆံရေး ဆိုင်ရာ မှတ်တမ်းများကို နိုင်ငံခြားရေး ၀န်ကြီးဌာနသို့ ပေးအပ် လှူဒါန်းခဲ့သည်။
ယင်းတွေ့ဆုံပွဲသို့ နိုင်ငံခြားရေးဝန်ကြီးဌာန ဒုတိယ၀န်ကြီး ဦးကျော်တင်၊ အမြဲတမ်းအတွင်းဝန် ဦးကျော်ဇေယျ၊ နိုင်ငံခြားရေး ၀န်ကြီးဌာနရှိ ဦးစီးဌာနများမှ ညွှန်ကြားရေးမှူးချုပ်များနှင့် တာဝန်ရှိသူများ တက်ရောက်ခဲ့ကြသည်။
Sources ; ပြန်ကြားရေးဝန်ကြီးဋ္ဌာန
No comments:
Post a Comment