Photo:RFA
(ရန်ကုန်တိုင်း လှိုင်သာယာမြို့ စက်မှုဇုန်အတွင်းက အထည်ချုပ်စက်ရုံတစ်ခုကို တွေ့ရစဉ်)
မြန်မာနိုင်ငံရဲ့ စက်မှု ထုတ်ကုန်လုပ်ငန်း ကဏ္ဍဟာ အကြီးအကျယ် တိုးတက်ဖို့ တာစူနေပြီလို့ ဒီကနေ့ ထုတ်ပြန်တဲ့ Nikkei Asian Review နစ်ကေး အေးရှင်းန် ရီဗျူး သတင်းက ဖေါ်ပြလိုက်ပါတယ်။
စီးပွားရေး ပိတ်ဆို့မှုတွေ ရုပ်သိမ်းမှုနဲ့ အလုပ်သမား လစာ သက်သာမှုတွေကြောင့် ထုတ်ကုန်လုပ်ငန်း အခုလို တိုးတက် လာတာ ဖြစ်ကြောင်း ဂျပန်နိုင်ငံက အဝတ်အစား ထုတ်တဲ့ Honeys ကုမ္ပဏီ ဆိုရင် မြန်မာနိုင်ငံ မှာ ၂ဝ၁၅ ခုနှစ် လုပ်ငန်းစတင်စဉ်က အလုပ်သမား ၃ဝဝ ပဲရှိရာကနေ အခု ၂၆ဝဝ ရှိလာပြီ ဖြစ်ကြောင်း၊ အဲဒီ ကုမ္ပဏီဟာ မူလက တရုတ်နိုင်ငံမှာ သွားရောက် လုပ်ကိုင်ရာကနေ အလုပ်သမားခ ပိုသက်သာတဲ့ မြန်မာနိုင်ငံကို ရွှေ့ပြောင်း လာတာ ဖြစ်ကြောင်းနဲ့ မြန်မာပြည်မှာ အလုပ်သမား တစ်ဦးကို လုပ်ခလစာ အဖြစ် တစ်လကို ကန် ဒေါ်လာ ၁၅ဝ လောက်ပဲ ပေးရတဲ့အတွက် ဘင်္ဂလားဒေ့ရှ်၊ ဗီယက်နမ် စတဲ့ နိုင်ငံတွေထက် သက်သာကြောင်း စသဖြင့် ရေးသားထားပါတယ်။
မြန်မာနိုင်ငံ အထည်အလိပ် လုပ်ငန်းရှင်များ အသင်း MGMA မှာ ၂ဝ၁၅ လောက်က အဖွဲ့ဝင် ၁ဝဝ လောက်ပဲ ရှိရာကနေ အခု ၄ဝဝ ခန့်ရှိလာပြီဖြစ်ပြီး အခုလို တိုးပွားလာရခြင်းရဲ့ အဓိကအချက်ဟာ စီးပွားရေး ပိတ်ဆို့မှုတွေ ရုပ်သိမ်းလိုက်ခြင်းကြောင့် ဖြစ်တယ် လို့လည်း နစ်ကေး သတင်းမှာ ဖေါ်ပြ ထားပါတယ်။
Sources; RFA
No comments:
Post a Comment