အမျိုးသားလွှတ်တော် ကိုယ်စားလှယ်ဟောင်း ဦးလှဆွေနဲ့ အမျိုးသားလွှတ်တော်ကိုယ်စားလှယ်ဟောင်း ဒေါ်ခင်ဝိုင်းကြည်တို့က ဟောပြောခဲ့ကြပါတယ်။
ရခိုင်နဲ့ ရှမ်းပြည်နယ်မြောက်ပိုင်းဒေသတို့မှာ ထိုးစစ်ဆင်နေတဲ့ တပ်မတော်အောင်မြင်မှု ရရှိရေးနဲ့ တပ်မတော်ကိုထောက်ခံမှုပြုလုပ်တဲ့ ဆန္ဒပြပွဲကို ရန်ကုန်မြို့မှာ လူနှစ်ထောင်ခန့်က မနေ့က ပြုလုပ်ခဲ့ပါတယ်။
သံဃာတော်တွေ၊ စစ်မှုထမ်းဟောင်းတွေ၊ အမျိုးသားရေးလှုပ်ရှားသူတွေ နဲ့ ကချင်၊ ရှမ်းနဲ့ အခြားတိုင်းရင်းသားဝတ်စုံ ဝတ်ဆင်ထားသူ လူအချို့အပါအဝင် လူနှစ်ထောင်ခန့်ဟာ တပ်မတော်ကို ထောက်ခံကြောင်း ဆန္ဒပြခဲ့ကြတာဖြစ်ပါတယ်။
အဆိုပါပွဲမှာ မျိုးချစ်မြန်မာရဟန်းတော်များ သမဂ္ဂ(ရန်ကုန်) အတွင်းရေးမှူး ဆရာတော် ဦးသုစိတ္တ၊ ပြည်ခိုင်ဖြိုးပါတီမှ အမျိုးသားလွှတ်တော် ကိုယ်စားလှယ်ဟောင်း ဦးလှဆွေနဲ့ အမျိုးသားလွှတ်တော်ကိုယ်စားလှယ်ဟောင်း ဒေါ်ခင်ဝိုင်းကြည်တို့က ဟောပြောခဲ့ကြပါတယ်။
တပ်မတော်ကို ထောက်ခံကြောင်း ဆန္ဒပြပွဲမှာ ပါဝင်သူအများစုဟာ ယခင်ရခိုင်ပြည်နယ်ရှိ ဘင်္ဂါလီအရေးနဲ့ အမျိုးဘာသာ သာသနာရေးတို့မှာ အကြိမ်ကြိမ်ကန့်ကွက်ဆန္ဒပြသူတွေဖြစ်တာကိုလည်း တွေ့ရတယ်လို့ 7Day Daily ရဲ့ သတင်းတစ်ရပ်မှာ ရေးသားထားပါတယ်။
Source: 7Day Daily
Photos: ရန်ကုန်သတင်းစာမျက်နှာများ
No comments:
Post a Comment