၂၀၁၆ ခုနှစ်က လူရွှင်တော် အနုပညာရှင်တွေ ကျန်းမာရေးချူချာတဲ့ နှစ်တနှစ်လို့ ဆိုရမလားပါပဲ။ ဘာကြောင့်လဲဆိုတော့ ဒီနှစ်တနှစ်လုံးမှာ ကျန်းမာရေးမကောင်းလို့ ဆေးရုံတက်ပြီး ဆေးကုသမှုခံယူနေရတဲ့ လူရွှင်တော်တွေ တော်တော်များများ ရှိနေလို့ပါပဲ။
ပြည်သူချစ်အနုပညာရှင်တွေဖြစ်တဲ့ လူရွှင်တော် မန်းဝင်း၊ မိုးဒီ၊ ဧရာ၊ ကင်းကောင်တို့ဟာ နာမကျန်းဖြစ်တဲ့အတွက် ဆေးရုံတက်ပြီး ဆေးကုသမှု၊ ခွဲစိတ်မှုများအသီးသီးကို ခံယူနေကြရတာကို တွေ့ရပါတယ်။
လူရွှင်တော် ဧရာက အရိုးတီဘီဖြစ်ခဲ့တဲ့အတွက် ပြီးခဲ့တဲ့ နိုဝင်ဘာလအတွင်းက ဆေးရုံတက် ဆေးကုသမှု ခံယူခဲ့ ပါတယ်။ ဧရာအနေနဲ့က အရိုး၊ ခါး ကျီးပေါင်းမှတဆင့် ရောဂါဝေဒနာခံစားရကာ အရိုးကုဆေးရုံ အထူး ကြပ်မတ်ကုသဆောင်မှာ ခါးအရိုး ဝေဒနာကုသရန် တက်ရောက်ခဲ့ရပြီး တနှစ်အတွင်းမှာ ၃ ခါတိတိ ဆေးရုံတက် ဆေးကုသမှု ခံယူခဲ့ရတယ်လို့ သိရပါတယ်။
ရုပ်ရှင် ချစ်ပရိသတ်များကို နှစ်ပေါင်းများစွာ ဟာဒယရွှင်ဆေးတိုက်ကျွေးခဲ့တဲ့ အကယ်ဒမီဆုရှင် ဦးမိုးဒီကလည်း ဒီနှစ် အောက်တိုဘာလကုန်ပိုင်းလောက်က နှလုံးသွေးကြောကျဉ်းရောဂါကြောင့် ရန်ကုန်မြို့ SSC ဆေးရုံမှာ တက်ရောက် ဆေးကုသမှု ခံယူခဲ့ရပါသေးတယ်။ ဟာသလူရွှင်တော် ဦးမိုးဒီက ယခုအခါ အသက် ၇၀ ပြည့်တော့မှာဖြစ်ပြီး ကျန်းမာရေးကြောင့် အနားယူဖို့ လိုအပ်နေတယ်လို့လည်း သိရပါတယ်။
အသက်အရွယ်ကြီးတဲ့ လူရွှင်တော်များ ကျန်းမာရေးအတွက် ဆေးရုံတက်ရောက်ကုသမှုများရှိသလို အသက်ရှည်နဲ့ ကျန်းမာစွာ နေထိုင်နေသေးတဲ့ လူရွှင်တော်ကြီးတချို့လည်း ရှိနေကြပါသေးတယ်။
Source ; လူရွှင်တော်ဧရာ & ဧရာဝတီ
No comments:
Post a Comment