အမျိုးသမီးရေးရာ အဖွဲ့ချုပ်ကို ပြုပြင်ပြောင်းလဲရန် အစိုးရ ပြင်ဆင်

အမျိုးသမီးရေးရာ အဖွဲ့ချုပ်ကို ပြုပြင်ပြောင်းလဲရန် အစိုးရ ပြင်ဆင်

မြန်မာနိုင်ငံ အမျိုးသမီးရေးရာ အဖွဲ့ချုပ်ကို လူကြီးကတော်တွေနဲ့ ဖွဲ့စည်းတာမျိုး မဟုတ်ဘဲ တကယ်လွတ်လပ်ပြီး အမျိုးသမီးထုကို ကိုယ်စားပြုတဲ့ အဖွဲ့တခု ဖြစ်လာဖို့ မြန်မာနိုင်ငံလုံးဆိုင်ရာ အမျိုးသမီးရေးရာ ကော်မတီက ပြင်ဆင်နေပြီ ဖြစ်တယ်လို့ သတင်း ရရှိပါတယ်။

“အမျိုးသမီးရေးရာ အဖွဲ့ချုပ်ကို အရင်ကနဲ့ မတူဘဲ ပြန် ဖွဲ့စည်းမယ်။ သူက NGO ၊ အစိုးရမဟုတ်တဲ့ အဖွဲ့အစည်းတခု။ သီးခြား လွတ်လပ်စွာ တည်ရှိနေရမယ်။ အဲဒါကြောင့် အမျိုးသမီးရေးရာ အဖွဲ့ချုပ်နဲ့ ဆွေးနွေးပြီးတော့ လွတ်လပ်ပြီး တက်ကြွစွာ ပါဝင်တဲ့ အမျိုးသမီးတွေနဲ့ ဖွဲ့စည်းဖို့ လိုတယ်လို့ ကျနော်တို့ မှတ်ချက်ပေးထားတယ်”လို့ မြန်မာနိုင်ငံ အမျိုးသမီးရေးရာ ကော်မတီ ဥက္ကဋ္ဌ ဒေါက်တာ ဝင်းမြတ်အေးက ဧရာဝတီကို ပြောပါတယ်။

လက်ရှိ ဖွဲ့စည်းပုံအရ တိုင်း၊ ပြည်နယ်၊ ခရိုင်နဲ့ မြို့နယ် အမျိုးသမီးရေးရာအဖွဲ့တွေမှာ အထွေထွေ အုပ်ချုပ်ရေး ဦးစီးဌာနက အကြီး အကဲတွေရဲ့ ဇနီးတွေက ဥက္ကဋ္ဌ တာဝန်တွေ ယူထားတာဖြစ်လို့ လွတ်လပ်ပြီး လူထု အခြေပြုတဲ့ CSO အဖွဲ့တခု ဖြစ်ဖို့ဆိုရင် ၎င်းတို့ရဲ့ ဖွဲ့စည်းပုံကို ပြန်လည် ပြင်ဆင်ရမှာ ဖြစ်ပါတယ်လို့ လူမှုဝန်ထမ်း၊ ကယ်ဆယ်ရေးနဲ့ ပြန်လည်နေရာချထားရေး ဝန်ကြီးလည်းဖြစ်သူ ဒေါက်တာ ဝင်းမြတ်အေးက ဆိုပါတယ်။

“လက်ရှိမှာ အဲဒီလိုဖြစ်နေတော့ ကျနော်တို့က ဘယ်လို ဖွဲ့စည်းမှာလဲဆိုတာကို အသေးစိတ် ပြန်ဆွေးနွေးရဦးမယ်။ နောက်ပိုင်းမှာ ဒီနေရာမှာ သူပဲ ဥက္ကဋ္ဌ ဖြစ်ရမယ်ဆိုပြီး မဟုတ်တော့ဘူး။ အဲဒီလို ပြောင်းလဲလာတဲ့ အကြောင်းတရားတွေ ရှိလာမယ်။ အခုမှ လုပ်ဖို့အတွက် ဆောင်ရွက်နေတယ်။ စီစဉ်နေတုန်းပဲ ရှိသေးတယ်။ ပြောင်းလဲဖွဲ့စည်းလိုက်ရင် ကြေညာမှာပါ”လို့ သူက ဆိုပါတယ်။

ဝန်ကြီး ဒေါက်တာ ဝင်းမြတ်အေး ဥက္ကဋ္ဌ တာဝန်ယူထားတဲ့ နိုင်ငံတော်အဆင့် အဖွဲ့အစည်းတခုဖြစ်တဲ့ မြန်မာနိုင်ငံလုံးဆိုင်ရာ အမျိုးသမီး ရေးရာ ကော်မတီရဲ့ အောက်မှာ ဌာနဆိုင်ရာ အဖွဲ့အစည်းတွေ ပါသလို အမျိုးသမီးအရေးနဲ့ ပတ်သက်ပြီးတော့ တက်ကြွစွာ လှုပ်ရှား နေတဲ့ အမျိုးသမီး အဖွဲ့အစည်တွေနဲ့အတူ မြန်မာ နိုင်ငံ အမျိုးသမီးရေးရာ အဖွဲ့ချုပ်လည်း တခု အပါအဝင် ဖြစ်တယ်လို့ သိရပါတယ်။

အမျိုးသမီး အခွင့်အရေး လှုပ်ရှားဆောင်ရွက်နေသူတဦးဖြစ်တဲ့ ဒေါ်မေစံပယ်ဖြူကတော့ ယခင် အစိုးရလက်ထက်အထိ အမှီအခို မကင်းခဲ့တဲ့ အမျိုးသမီးရေးရာ အဖွဲ့ချုပ်မှာ အစိုးရ အဆင့်မြင့် အရာရှိတွေရဲ့ ကတော်တွေက နေရာယူထားတဲ့ ဖွဲ့စည်းပုံအစား လူတွေရော၊ မူတွေရော သာမက လုပ်ဆောင်တဲ့ နည်းလမ်းတွေ အားလုံးကိုပါ ပြောင်းလဲသင့်ပြီလို့ အကြံပြုပါတယ်။

လက်ရှိ အမျိုးသမီးရေးရာ အဖွဲ့ချုပ်ဟာ နိုင်ငံတော် အဆင့်ကနေ အောက်ခြေအထိ အဆင့်ဆင့် Top, Down နဲ့ ဖွဲ့စည်းထားပြီး ဖွဲ့စည်းပုံ Structure က ခိုင်မာပြီး အဖွဲ့ဝင် အရေအတွက်ကလည်း အရမ်း များနေပြီဖြစ်လို့ မှီခိုမှုကင်းပြီး လွတ်လပ်စွာနဲ့ ဘယ်အစိုးရ၊ ဘယ် နိုင်ငံရေးပါတီနဲ့မှ မဆက်စပ်ဘဲ အမျိုးသမီးတွေရဲ့ လိုအပ်ချက်တွေကို ကူညီပံ့ပိုးပေးနိုင်ဖို့ တက်ကြွတဲ့ စိတ်ပါဝင်စားသူတွေနဲ့ ပြင်ဆင် ဖွဲ့စည်းနိုင်မယ်ဆိုရင် အမျိုးသမီးထုအတွက် ကောင်းမွန်တဲ့ လုပ်ငန်းတွေကို လုပ်ဆောင်ပေးနိုင်လိမ့်မယ်လို့ မျှော်လင့်ကြောင်း ဒေါ်မေစံပယ်ဖြူက ပြောပါတယ်။

“ကျမတို့နိုင်ငံရဲ့ အခက်အခဲက အပြောင်းအလဲကို လိုလားတဲ့ အစိုးရ၊ အပြောင်းအလဲကို လိုလားတဲ့ ပြည်သူတွေ ရှိပေမယ့် တကယ့် လက်တွေ့မှာ မပြောင်းလဲနိုင်သေးတဲ့ လူတွေကလည်း အများကြီးပဲ။ တကယ့် အပြောင်းအလဲတွေ မဖြစ်ဘဲနဲ့တော့ ဘယ်လိုပဲ ပြင်ဆင် ဖွဲ့စည်းပါစေ အမှီအခိုကင်းတဲ့ အဖွဲ့အစည်းတခု ဖြစ်လာမှာ မဟုတ်ဘူးလို့ ကျမ သုံးသပ်တယ်”လို့ သူက ဧရာဝတီကို ပြောပါတယ်။

ဒေါ်မေစံပယ်ဖြူ တောင်းဆိုသလို အမျိုးသမီး လွှတ်တော် ကိုယ်စားလှယ်တဦးဖြစ်တဲ့ ဒေါ်အိအိပြုံးကလည်း နိုဝင်ဘာလ ၁၇ ရက်နေ့က ကျင်းပခဲ့တဲ့ အမျိုးသား လွှတ်တော်မှာ မိခင်နဲ့ ကလေးစောင့်ရှောက်ရေး အသင်းနဲ့ မြန်မာနိုင်ငံ အမျိုးသမီးရေးရာ အဖွဲ့ချုပ်တို့ကို လွတ်လပ်တဲ့ အဖွဲ့အစည်းတွေ ဖြစ်ဖို့ မေးခွန်းထုတ်ခဲ့ပါသေးတယ်။

အဲဒီတုန်းက လွှတ်တော်မှာ လာဖြေတဲ့ ကျန်းမာရေးနဲ့ အားကစားဝန်ကြီး ဒေါက်တာမြင့်ထွေးက မိခင်နဲ့ ကလေးစောင့်ရှောက်ရေး အသင်းကိုတော့ လွတ်လပ်တဲ့ အဖွဲ့တခုဖြစ်လာဖို့ တာဝန်ခံခဲ့ပေမယ့် အမျိုးသမီးရေးရာ အဖွဲ့ချုပ်ကိုတော့ သူနဲ့ တိုက်ရိုက် မသက် ဆိုင်ဘူးဆိုပြီး တာဝန် မခံခဲ့ပါဘူး။

အဲဒါကြောင့် ဧရာဝတီတိုင်းဒေသကြီးက အမျိုးသား လွှတ်တော် ကိုယ်စားလှယ် ဒေါ်အိအိပြုံးဟာ အမျိုးသမီးရေးရာ အဖွဲ့ချုပ်ကို ဘယ်လို ဆက်လုပ်မလဲဆိုတာ သိချင်လို့ ပြည်ထောင်စု အစိုးရအဖွဲ့ထံကို ဆက်လက်မေးမြန်းခဲ့ပါတယ်။

ပြည်ထောင်စု အစိုးရအဖွဲ့က လူမှုဝန်ထမ်း၊ ကယ်ဆယ်ရေးနဲ့ ပြန်လည် နေရာချထားရေး ဝန်ကြီးဌာနကို တာဝန်ပေးတဲ့အခါ ဝန်ကြီး ဖြစ်သူ ဒေါက်တာ ဝင်းမြတ်အေးက အမျိုးသမီးရေးရာ အဖွဲ့ချုပ်နဲ့ ညှိနှိုင်းပြီး လုပ်ထုံး၊ လုပ်နည်း စည်းမျဉ်း၊ စည်းကမ်းတွေနဲ့အညီ ပြင်ဆင်ဖွဲ့စည်းနိုင်ဖို့ ဆောင်ရွက်သွားမယ်ဆိုတဲ့အကြောင်း အမျိုးသား လွှတ်တော် ကိုယ်စားလှယ် ဒေါ်အိအိပြုံးဆီကို တိုက်ရိုက် စာပြန် အကြောင်းကြားခဲ့ပါတယ်။

အမျိုးသမီးရေးရာ အဖွဲ့ချုပ်ကို လူထု အခြေပြု အရပ်ဘက်အဖွဲ့အစည်းအဖြစ် ရပ်တည်ဖို့ဆိုရင် ပွင့်လင်းမြင်သာစွာနဲ့ အဆင့်ဆင့် ရွေး ချယ်တင်မြောက်မှုနဲ့ ပြန်လည် ဖွဲ့စည်းဖို့ လိုအပ်ပြီး လက်ရှိ ထွေ/အုပ် အကြီးအကဲတွေရဲ့ ဇနီးတွေက ဥက္ကဋ္ဌအဖြစ် တာဝန်ယူ ဆောင်ရွက် နေတာ မှန်ပေမယ့် အဖွဲ့ချုပ်အနေနဲ့ ရပ်ရွာအတွင်းမှာ ပိုမိုအားကောင်းစွာ ဆောင်ရွက်နိုင်ရေးအတွက် အမျိုးသမီးထု ဖွံ့ဖြိုး တိုးတက်ရေး ကို အမှန်တကယ် စိတ်ဝင်စားတဲ့ ပြည်သူက တင်မြှောက်တဲ့ တက်ကြွတဲ့ အမျိုးသမီးတွေ ဖြစ်ဖို့ လိုတယ်လို့ ဝန်ကြီးရဲ့ အကြောင်းပြန်စာမှာ ဖော်ပြထားပါတယ်။

“တက်ကြွတဲ့ အမျိုးသမီး ဆိုတာက ဘယ်သူမဆို ဖြစ်နိုင်တယ်။ ရပ်ကွက် ဥက္ကဋ္ဌရဲ့ ဇနီးလည်း ဖြစ်နိုင်သလို တခြား ရပ်ကွက်ထဲက အမျိုးသမီးတယောက်လည်း ဖြစ်နိုင်တယ်။ အဲဒါကြောင့် နောက်ပိုင်းမှာ အဲလို ပုံစံမျိုးတွေ ဖြစ်သွားမှာ”လို့ ဒေါက်တာ ဝင်းမြတ်အေးက ဧရာဝတီကို တယ်လီဖုန်းမှ တဆင့် ပြောဆိုခဲ့ပါတယ်။

လက်ရှိ အမျိုးသမီးရေးရာ အဖွဲ့ချုပ်ဟာ ၂၀၀၃ ခုနှစ်မှာ စပြီးတော့ ပြည်ထဲရေးဝန်ကြီးဌာန၊ အသင်းအဖွဲ့များ ဖွဲ့စည်း ခွင့်ပြုရေးနဲ့ ကြီးကြပ်ရေး ဗဟို အဖွဲ့ဆီမှာ မှတ်ပုံတင်ခဲ့ပြီး ၂၀၁၇ ခုနှစ် ဒီဇင်ဘာလ ၃၁ ရက်နေ့အထိ မှတ်ပုံတင်သက်တမ်း ကျန်ရှိနေသေးတဲ့ အဖွဲ့တခု ဖြစ်တယ်လို့ သိရှိရပါတယ်။

Sources: Womenထက်နိုင်ဇော်The Irrawaddy