တနိုင်ငံလုံး ပစ်ခတ်တိုက်ခိုက်မှုရပ်စဲရေး (အန်စီအေ) စာချုပ်ချုပ်ဆိုထားတဲ့ ရှမ်းပြည်ပြန်လည်ထူထောင်ရေးကောင်စီ RCSS/SSA နဲ့ အစိုးရတပ်မတော်တို့အကြား မနေ့မနက်ပိုင်းက ဟိုပုံမြို့နယ် မိုင်းပျဉ်ကျေးရွာအုပ်စုအတွင်း တိုက်ပွဲဖြစ်ပွားခဲ့တယ်လို့ တပ်မတော်က သတင်းထုတ်ပြန်ထားပါတယ်။
မိုင်းပျဉ်းကျေးရွာအုပ်စု အရှေ့ခြမ်းနယ်မြေအတွင်း တပ်မတော်စစ်ကြောင်းက နယ်မြေလုံခြုံရေးလုပ်ဆောင်ချိန် မနက် ၈ နာရီကနေ မွန်လွဲ ၁၂ နာရီကျော်အထိ တွေ့ဆုံတိုက်ပွဲ ၄ ကြိမ်ဖြစ်ပွားခဲ့တယ်လို့ ဖော်ပြထားပါတယ်။
RCSS/SSAအဖွဲ့ အင်အား ၃၀ ခန့်က သတ်မှတ်နယ်မြေ ကျော်လွန်ဝင်ရောက် လှုပ်ရှားလို့ တိုက်ပွဲဖြစ်ပွားရတာဖြစ်ပြီး တိုက်ပွဲကြောင့် တပ်မတော်စစ်ကြောင်းမှ စစ်သည်တဦး ထိခိုက်ဒဏ်ရာရရှိခဲ့တယ်လို့ ဖော်ပြပါတယ်။
ဖြစ်စဉ်ဖြစ်ပွားခဲ့တဲ့ နယ်မြေဟာ အတွက်သတ်မှတ်ထားတဲ့နယ်မြေမဟုတ်တဲ့အတွက် သတ်တ်မှတ်နယ်မြေကျော်လွန်ဝင်ရောက်လှုပ်ရှားလာမှုနှင့်ပတ်သက်ပြီး Joint Ceasefire Monitoring Committee-Union Level(JMC) မှတဆင့် ကန့်ကွက်အကြောင်းကြားစာ ပေးပို့သွားမည် ဖြစ်ကြောင်းလည်း ပတ်မတော်က ထုတ်ပြန်ထားပါတယ်။
ရှမ်းပြည် ပြန်လည်ထူထောင်ရေးကောင်စီ RCSS/SSA ပြောခွင့်ရသူ ဗိုလ်မှူးကြီး စိုင်းလကတော့ တိုက်ပွဲဖြစ်တာမှန်ကြောင်းနဲ့ အဆိုပါနယ်မြေဟာ မည်သူ့နယ်မြေဆိုတာ သတ်မှတ်ထားတာမရှိဘူးလို့ ဒီဗွီဘီကို ပြောပါတယ်။
“နယ်မြေမဟုတ်ဘူးဆိုတာကတော့ ကျနေ်ာတို့ နယ်မြေ သတ်မှတ်ထားတာတော့မရှိသေးပါဘူး။ အပစ်ရပ်နယ်မြေတို့၊ သူ့နယ်မြေ၊ ကိုယ့်နယ်မြေဆိုတာ JMC မှာ သတ်မှတ်ထားတာမရှိသေးပါဘူး။ နောက်ပြီး အန်စီအေစာချုပ်မှာလည်း မရှိသေးပါဘူး။ ကျနော်တို့ ပဏမ အပစ်ခတ်ရပ်စဲရေးယူတုန်းက နားလည်သဘောတူညီမှုတွေ၊ နားလည်မှုတွေ ရယူယူထားတာကတော့ ကျနော်တို့ ရောက်ရှိတဲ့နေရာ မှာ ကျနော်တို့နေမယ်။ တောထဲနေမယ်၊ မြို့မှာနေမယ်။ အပြန်အလှန် နှစ်ဖက်စလုံး ထိတွေ့မှုတွေ ရှိနိုင်မယ့်နေရာဆိုရင် ကြိုတင်နားလည်မှုတွေ ယူပြီးတော့ လှုပ်ရှားကြမယ်ဆိုတဲ့ သဘောတူညီမှုတွေ ရယူထားကြပါတယ်။ အခုတော့ ဒီကိစ္စကို ကျနော်တို့ နှစ်ဦးနှစ်ဖက်စလုံးက ရှေ့ဆက်နိုင်တဲ့အနေ အထားမျိုးမရှိသေးဘူး။ အပစ်ရပ်နယ်မြေက ဘယ်နေရာလဲ။ သူ့နယ်ကိုယ့်နယ်ဆိုတာက ဘယ်လိုမျိုး ကိုခေါ်လဲဆိုတာ အခုထက်ထိ ရှင်းရှင်းလင်းလင်းမရှိသေးတော့ ဒီကိစ္စကို JMC က တာဝန်ယူပြီး ညှိနှိုင်းနေဆဲဖြစ်ပါတယ်။ ”
အန်စီအေ လက်မှတ်ရေးထိုထားတဲ့ ရှမ်းပြည် ပြန်လည်ထူထောင်ရေးကောင်စီ အဖွဲ့ဟာအစိုးရတပ်နဲ့ ကြိုကြားကြိုကြား တိုက်ပွဲဖြစ်ခဲ့သလို လက်ရှိရှမ်းပြည်နယ်အတွင်း တအာန်းပလောင်လွတ်မြောက်ရေးတပ်ဦး TNLA တပ်ဖွဲ့နဲ့ တိုက်ပွဲဖြစ်ပွားနေပါတယ်။
Sources : DVB
No comments:
Post a Comment