" အိုဘားမားခေတ်လွန်အမေရိကန်တပ်မတော်နှင့်ထောက်လှမ်းရေးအခင်းအကျင်း "

" အိုဘားမားခေတ်လွန်အမေရိကန်တပ်မတော်နှင့်ထောက်လှမ်းရေးအခင်းအကျင်း "

အပိုင်း (၁)

လတ်တလော အမေရိကန်နိုင်ငံရေးတွင် လှုပ်လှုပ်ရှားရှားဖြစ်နေသော ကိစ္စတခုမှာ အမေရိကန်ရွေးကောက်ပွဲစနစ်အား ရုရှားဟက်ကာများကိုသုံး၍ထိုးဖေါက်ပြီး ထရမ့်ပ်အနိုင်ရရန် ရုရှားသမ္မတပူတင်မှ နောက်ကွယ်မှနေ၍ကြိုးစားခဲ့သည်ဟူ၍ဖြစ်သည်။ အဆိုပါကိစ္စအား  ဗဟိုထောက်လှမ်းရေးဋ္ဌာန (CIA) နှင့် ပြည်ထောင်စုစုံစမ်းစစ်ဆေးရေးအဖွဲ့ (FBI) တို့မှထောက်ခံခဲ့ပြီး၊ ပြန်လည်စိစစ်မှုပြုလုပ်မည်ဟု သမ္မတအိုဘားမားမှ ဒီဇင်ဘာလဆန်းပိုင်းတွင် အမိန့်ထုတ်ပြန်ခဲ့သည်။ သို့သော် အကယ်၍သာ အမေရိကန်ရွေးကောက်ပွဲစနစ်အား ရုရှားမှထိုးဖေါက်နေခဲ့သည်မှာ သေချာခဲ့ပါက ရွေးကောက်ပွဲမတိုင်မီကတည်းက မဖေါ်ထုတ်ပဲ မိမိအနိုင်ရပြီးမှသာ ဘာကြောင့်ထုတ်ဖေါ်လာသလဲဟု ထရမ့်ပ်မှမေးခွန်းထုတ်ခဲ့သည်။ ဆိုလိုသည်မှာ ရွေးကောက်ပွဲမတိုင်မီက ရွေးကောက်ပွဲတွင် ဟီလာရီကလင်တန် လုံးဝအနိုင်ရမည်ဟု လူတိုင်းနီးပါးကထင်ကြေးပေးယူဆခဲ့ကြသည့်အချိန်တွင် အဆိုပါရုရှားကိစ္စကို ထုတ်ဖေါ်ရန်သင့်သော်လည်း အိုဘားမားအစိုးရမှလိုလားထောက်ခံသည့် ဟီလာရီမှအသာစီးရနေသောကြောင့် ထိုကိစ္စအားသတင်းအမှောင်ချခဲ့ပြီး မထင်မှတ်ပဲ ယခု ထရမ့်ပ်အနိုင်ရသွားတော့မှသာ အိုဘားမားအစိုးရမှ အသံထွက်လာသည်ဟူ၍ ဖြစ်သည်။

ရုရှားဟက်ကာများကြောင့် (၂၀၁၆) ရွေးကောက်ပွဲတွင် ဟီလာရီကလင်တန်အရေးနိမ့်သွားခဲ့သည်ဟု ဆိုသော်လည်း ဒီမိုကရက်များအနေနှင့် သမ္မတရွေးကောက်ပွ္ပဲတွင်သာမကပဲ အမျိုးသားလွှတ်တော်၊ ပြည်သူ့လွှတ်တော်၊ ပြည်နယ်အုပ်ချုပ်ရေးမှုးနှင့် ပြည်နယ်အလိုက်လွှတ်တော်များတွင်ပါ ဘက်ပေါင်းစုံတွင်အရေးနိမ့်ခဲ့ရခြင်းကို ထောက်ကြည့်ချင်းအားဖြင့် ၄င်းတို့၏အရှုံးမှာ ၄င်းတိုိ့အပေါ်တွင် အမေရိကန်ပြည်သူလူထု၏ အယုံအကြည်ကင်းမဲ့လာပြီး ထောက်ခံမှုကျဆင်းလာခြင်းကြောင့်သာဖြစ်သည်ဟု ရုရှားသမ္မတပူတင်မှလည်း တုံ့ပြန်ခဲ့သည်။ အိုဘားမားအစိုးရအုပ်ချုပ်ခဲ့သော (၈) နှစ်တာ ကာလအတွင်းမှထွက်ပေါ်လာသောရလာဒ်ကို အိုဘားမားကိုယ်တိုင်ရော၊ ဟီလာရီကလင်တန်အပါအ၀င် ဒီမိုကရက်များခံစားခဲ့ရခြင်းဖြစ်ပြီး ယခုလိုသမိုင်းတွင်သည့် ဆုံးရှုံးမှုများကို ကြုံတွေ့ခဲ့စေခြင်းဖြစ်သည်။ ဒီမိုကရက်များအနေနှင့် အိုဘားမားအစိုးရ၏ ရှစ်နှစ်သက်တမ်းတလျှောက်၊ (၂၀၁၆) ရွေးကောက်ပွဲအပြီးတွင် ဒေါ်နယ်လ်ထရမ့်ပ်မှအနိုင်ရရှိခဲ့ရေုရသာ သမ္မတနေရာအပါအ၀င် အမျိုးသားလွှတ်တော်အမတ်နေရာ (၁၃) နေရာ၊ ပြည်သူ့လွှတ်တော်အမတ်နေရာ (၆၉) နေရာ၊ ပြည်နယ်အုပ်ချုပ်ရေးမှုးနေရာ (၁၁) နေရာနှင့် ပြည်နယ်အလိုက်လွှတ်တော်အမတ်နေရာ (၉၁၃) နေရာနှင့် ၄င်းတို့ထိန်းချုပ်မှုအောက်မှ ပြည်နယ်အလိုက်လွှတ်တော်စုစုပေါင်း ပြည်နယ် (၃၀) တွင်ဆုံးရှုံးခဲ့သည်။ အထူးသဖြင့် ၄င်းတို့မှအပိုင်တွက်ထားသော သမ္မတရွေးကောက်ပွဲတွင် မရှုမလှအရေးနိမ့်သွားခဲ့ရခြင်းမှာ ဒီမိုကရက်များအတွက် အထိအနာဆုံးဖြစ်သွားခဲ့သည်။

တကယ်တမ်းတွင်မူ အဓိကလက်သည်တရားခံများဖြစ်ကြသော သမ္မတအိုဘားမား၊ ကလင်တန်မောင်နှံနှင့် ဒီမိုကရက်တစ်ပါတီခေါင်းဆောင်ပိုင်းတို့၏ လုပ်ပုံကိုင်ပုံများမမှန်သောကြောင့် ယခုလိုသမိုင်းတွင်သည်ထိ အရေးနိမ့်ခဲ့ရခြင်းဖြစ်သော်လည်း  တာဝန်ယူလိုစိတ်ထက် အိုဘားမားနှင့် ပါတီခေါင်းဆောင်များမှ မိမိ၏နိုင်ငံရေးဘ၀မသေစေရန်အတွက် ကိုယ်လွတ်ရုန်းလိုကြသောကြောင့် ဒီမိုကရက်များအနေနှင့် ၄င်းတို့ရှုံးပွဲဝင်ခဲ့ကြရခြင်းအတွက် ခေါင်းစဉ်တပ်ရမည့် တရားခံရှာပုံတော်ဖွင့်နေခြင်းမှာ ယနေ့ထိအဆုံးမသတ်နိုင်သေးပဲ ပါတီတွင်းတွင်လည်း နာကျင်ခါးသီးမှုများ၊ တုန်လှုပ်ခြောက်ခြားမှုများ၊ မုန်းတီးရန်လိုမှုများ၊ စိတ်ဝမ်းကွဲပြားမှုများအပြည့်ဖြင့် ရှေ့ဆက်ရန်လမ်းပျောက်နေကြဆဲဖြစ်နေသည်။ လက်ရှိတွင် အမျိုးသားလွှတ်တော်အမတ် (၅၄) နေရာနှင့် ပြည်သူ့လွှတ်တော်အမတ် (၂၄၇) နေရာတို့အား လူများစု Majority နှင့် ရီပတ်ဘလစ်ကန်များမှ လွှတ်တော် (၂) ရပ်လုံးအားထိန်းချုပ်ထားသလို၊ ပြည်နယ်ပေါင်း (၅၀) အနက်မှ (၃၃) ပြည်နယ်၏ ပြည်နယ်အုပ်ချုပ်ရေးမှုးနေရာများကိုလည်း ရီပတ်ဘလစ်ကန်များမှရရှိထားသည့်အပြင်၊ ၄င်းတို့အနက်မှ (၂၅) ပြည်နယ်တွင် ပြည်နယ်အုပ်ချုပ်ရေးမှုးနှင့် ပြည်နယ်လွှတ်တော်များအားလုံးကို ရီပတ်ဘလစ်ကန်များမှ အပြည့်အ၀ထိန်းချုပ်ထား၍ ပြည်နယ်လွှတ်တော် စုစုပေါင်း (၃၂) ခုမှာလည်း ရီပတ်ဘလစ်ကန်များမှရရှိခဲ့ပြီး၊ ၄င်းတို့အနက်မှ ပြည်နယ် (၁၅) ခု၏ လွှတ်တော်များမှာ ရီပတ်ဘလစ်ကန်များ၏ အပြည့်အ၀ထိန်းချုပ်မှုအောက်တွင်ရှိသည်။

ဆီးရီးယား၊ အာဖဂန်နစ္စတန်နှင့် အီရတ်နိုင်ငံများရှိမတည်ငြိမ်မှုများ ISIS အရေးတို့အပါအ၀င် ကမ္ဘာနှင့်အ၀ှမ်း အကြမ်းဖက်မှုများ၊ တောင်တရုတ်ပင်လယ်အရေးအခင်း၊ ယူကရိန်းအရေးနောက်ပိုင်း ရုရှားမှဥရောပတွင်ခြိမ်းခြောက်လာခြင်း စသောစိန်ခေါ်မှုများစွာရှိနေချိန်တွင် ဇန်န၀ါရီလ (၂၀) ရက်နေ့တွင်အဆုံးသတ်တော့မည့် အိုဘားမားအစိုးရမှ ၄င်းအစိုးရသက်တမ်း (၈) နှစ်အတွင်း အမေရိကန်တပ်မတော်အား အင်အားလျှော့ချခဲ့ပြီး  ရည်ရွယ်ချက်ရှိရှိဖြင့် ချည့်နဲ့အောင်လုပ်ခဲ့သည်ဟု ဝေဖန်သူများမှဆိုကြသည်။ အိုဘားမားအစိုးရအနေနှင့် ယခင်အစိုးရများနှင့်မတူပဲ အမေရိကန်စစ်ဘက်စီမံခန့်ခွဲမှုများတွင် ကျွမ်းကျင်သူများကိုကျော်၍ အသေးစိတ်ဝင်ရောက်စွက်ဖက်ခြင်း (Micromanaging) များစွာရှိခဲ့ပြီး ယခင်ကာကွယ်ရေးဝန်ကြီး ရောဘတ်ဂိတ်စ်လက်ထက်တွင် အိမ်ဖြူတော်မှ ထိပ်တန်းအရာရှိတဦးမှ ဘောင်ကျော်၍ အာဖဂန်နစ္စတန်အခြေစိုက် အမေရိကန်အထူးစစ်ဆင်ရေးဋ္ဌာနချုပ်တွင် ၄င်းနှင့်တိုက်ရိုက်ဆက်သွယ်ထားသည့် ဖုန်းတပ်ဆင်ထားသည်အား တွေ့ရှိခဲ့ပြီး ၄င်းဖုန်းလိုင်းအား ဖြတ်တောက်ရန် ဂိတ်စ်မှအမိန့်ပေးခဲ့သည်။ အလားတူပင် ဂိတ်စ်အားဆက်ခံသော ကာကွယ်ရေးဝန်ကြီးပဲန်နက်တာနှင့် ပဲန်နက်တာအား ဆက်ခံသော ကာကွယ်ရေးဝန်ကြီးဟေဂယ်လ်တို့မှလည်း အိုဘားမားအစိုးရ၏ အလွန်အကျွံ Micromanage လုပ်နေမှုအား ထုတ်ဖေါ်သတိပေးခဲ့ကြသည်။ ဟေဂယ်လ်နှင့် အိမ်ဖြူတော်တို့အကြား မကျေလည်မှုများသိသိသာသာရှိခဲ့ပြီး (၂၀၁၄) နှစ်ကုန်တွင် ဟေဂယ်လ် နှုတ်ထွက်သွားခဲ့သည်။

အိုဘားမားအစိုးရနှင့် အမေရိကန်တပ်မတော်တို့အကြား ဆက်ဆံရေးအနေအထားအား (၂၀၁၆) ဇန်န၀ါရီလတွင် အမေရိကန်လွှတ်တော်တွင်ကျင်းပခဲ့သော သမ္မတအိုဘားမား၏ "State of the Union" မိန့်ခွန်းတွင် လူအများလက်ခုပ်တီးအားပေးနေချိန်တွင် လက်ခုပ်မတီးပဲရှုတည်တည်ဖြင့်ကြည့်နေသော ကာကွယ်ရေးဦးစီးချုပ်များကိုကြည့်လျှင် အကဲခတ်နိုင်ပါသည်။
အိုဘားမားအစိုးရ၏ သက်တမ်း (၈) နှစ်အတွင်း အကြောင်းအမျိုးမျိုးနှင့် ဗိုလ်ချုပ် စုစုပေါင်း (၁၉၇) ဦးအား အနားပေးခဲ့၍ ၄င်းတို့အနက်မှ (၃၇) ဦးမှာ ဗိုလ်ချုပ်ကြီးအဆင့် အရာရှိကြီးများဖြစ်သည်ဟုဆိုပြီး အိမ်ဖြူတော်နှင့် ထိပ်တန်းတပ်မှုးကြီးများ၊ FBI (ပြည်ထောင်စုစုံစမ်းစစ်ဆေးရေးအဖွဲ့)၊ NSA (နိုင်ငံတော်လုံခြုံရေးဋ္ဌာန)၊ CIA (ဗဟိုထောက်လှမ်းရေးဋ္ဌာန) ၊ DIA (တပ်မတော်ထောက်လှမ်းရေးဋ္ဌာန) စသည့် ထောက်လှမ်းရေးအဖွဲ့အစည်းများ၏ အဆင့်မြင့်ထောက်လှမ်းရေးအရာရှိများအကြားတွင် မကျေလည်မှုများ သိသိသာသာသာရှိခဲ့သည်။ အိုဘားမားအစိုးရနှင့် သဘောထားကွဲလွဲခဲ့သည်ဟုဆိုသော ထိပ်တန်းတပ်မှုးကြီးများအနက်မှလူသိသူအချို့မှာ ထရမ့်ပ်အစိုးရသစ်၏ ကာကွယ်ရေးဝန်ကြီးအဖြစ်အရွေးခံထားရသော ယခင်အလယ်ပိုင်းစစ်နယ်ဝှမ်းစစ်ဦးစီးချုပ် ဗိုလ်ချုပ်ကြီး/မရိန်း ဂျိမ်းစ်မက်တစ် (ငြိမ်း)၊ ယခင်တောင်ပိုင်းစစ်နယ်ဝှမ်းစစ်ဦးစီးချုပ် ဗိုလ်ချုပ်ကြီး/မရိန်း ဂျော်န်ကယ်လီ (ငြိမ်း)၊ ယခင်အလယ်ပိုင်းစစ်နယ်ဝှမ်းစစ်ဦးစီးချုပ်နှင့် CIA ညွှန်ကြားရေးမှုး ဗိုလ်ချုပ်ကြီး/ကြည်း ဒေးဗစ်ပီးထရေးရပ်စ် (ငြိမ်း)၊ ယခင်အာဖဂန်နစ္စတန်ရှိအမေရိကန်နှင့် နိုင်ငံတကာတပ်ဖွဲ့တပ်မှုးချုပ် ဗိုလ်ချုပ်ကြီး/ကြည်း စတဲန်လေမက်ခရစ္စတယ်လ် (ငြိမ်း)၊ NSA ညွှန်ကြားရေးမှုး ဗိုလ်ချုပ်ကြီး/ရေ မိုက်ခ်ရောဂျားစ်နင့် တပ်မတော်ထောက်လှမ်းရေးဋ္ဌာန (DIA) ညွှန်ကြားရေးမှုး ဒုတိယဗိုလ်ချုပ်ကြီး/ကြည်း မိုက်ခ်ဖလင်းန် (ငြိမ်း) တို့ဖြစ်ကြသည်။

ထရမ့်ပ်အစိုးရအဖွဲ့တွင် ဒုတိယဗိုလ်ချုပ်ကြီးဖလင်းန်မှာ နိုင်ငံတော်လုံခြုံရေးအကြံပေး၊ ဗိုလ်ချုပ်ကြီးမက်တစ်မှာ ကာကွယ်ရေးဝန်ကြီးနှင့် ဗိုလ်ချုပ်ကြီးကယ်လီမှာ ပြည်တွင်းလုံခြုံရေးဝန်ကြီးများအဖြစ် တာဝန်ထမ်းဆောင်ရန် ဒေါ်နယ်လ်ထရမ့်ပ်မှ ရွေးချယ်ခဲ့သည်။ ထူးခြားမှုတရပ်မှာ ဒေါ်နယ်လ်ထရမ့်ပ်ရွေးကောက်ပွဲအနိုင်ရပြီးသည်နှင့် DNI ဟုခေါ်သော အမျိုးသားထောက်လှမ်းရေးညွှန်ကြားရေးမှုး ဂျိမ်းစ်ကလက်ပါ (ဒုတိယဗိုလ်ချုပ်ကြီး/လေ-ငြိမ်း) မှ အိုဘားမားအစိုးရသက်တမ်းကုန်သည်နှင် အနားယူတော့မည်ဟု ဆိုခြင်းဖြစ်သည်။ အဖတ်ဆည်မရအောင်ဖြစ်နေသော အစ္စလာမ်ဘာသာနှင့် မွတ်စလင်များ၏သိက္ခာကိုဆယ်လိုပြီး အစ္စလာမ်မစ်အကြမ်းဖက်ဝါဒ၏ရန်ကို ခပ်ပေါ့ပေါ့အနေအထားချပြလိုသော အိမ်ဖြူတော်နှင့် နိုင်ငံတော်လုံခြုံရေးအား အစ္စလာမ်မစ်အကြမ်းဖက်ဝါဒ၏ခြိမ်းခြောက်မှုအန္တရာယ်ကို အလေးအနက်ထားသော ဒုတိယဗိုလ်ချုပ်ကြီးဖလင်းတို့အကြား မကျေလည်မှုများရှိခဲ့ပြီး ဒုတိယဗိုလ်ချုပ်ကြီးဖလင်းအား အိုဘားမားမှလုံးဝမနှစ်မြို့ခဲ့ပဲ၊ ဂျိမ်းစ်ကလက်ပါမှတဆင့် ဒုတိယဗိုလ်ချုပ်ကြီးဖလင်းအား (၂၀၁၄) တွင် ဖိအားပေးနှုတ်ထွက်စေခဲ့သည်။ အလားတူပင် အီရန်အရေးနှင့်ပတ်သက်ပြီး အီရန်နိုင်ငံအား ယုံကြည်မှုမရှိသော အလယ်ပိုင်းစစ်နယ်ဝှမ်းစစ်ဦးစီးချု ဗိုလ်ချုပ်ကြီးမက်တစ်အား၊ အီရန် နျူကလီးယားအရေးတွင် နိုင်ငံရေးအမြတ်ထုတ်လိုသော အိုဘားမားနှင့် ၄င်း၏အနီးကပ်အကြံပေးဗယ်လာရီဂျားရက်တို့အနေနှင့် မနှစ်မြို့ကြသောကြောင့် ဗိုလ်ချုပ်ကြီးမက်တစ်အား ဖိအားပေးနှုတ်ထွက်စေခဲ့သည်။ ထို့ပြင်  အနာဂတ်ကာလတွင် မဲရရန်အတွက် နိုင်ငံတွင်းသို့ တရားမ၀င်ဝင်ရောက်သူများကို အရေးယူရမည့်အစား အကာအကွယ်ပေးနေသော သမ္မတအိုဘားမားအနေနှင့် တောင်ပိုင်းစစ်နယ်ဝှမ်းစစ်ဦးစီးချုပ် ဗိုလ်ချုပ်ကြီးကယ်လီကိုလည်း အမြင်မကြည်လင်ခဲ့ပေ။

မကြာသေးမီကလည်း လက်ရှိ NSA ညွှန်ကြားရေးမှုးဖြစ်သော ဗိုလ်ချုပ်ကြီးမိုက်ခ်ရောဂျားစ်အားအနားပေးရန် ကာကွယ်ရေးဝန်ကြီးကာတာနှင့်  အမျိုးသားထောက်လှမ်းရေးညွှန်ကြားရေးမှုးကလက်ပါတို့မှ အိုဘားမားအားတင်ပြခဲ့သော်လည်း လက်ရှိနိုင်ငံရေးအနေအထားအရ ဗိုလ်ချုပ်ကြီးရောဂျားစ်အား အနားပေးရန်အဆင်မပြေသေးသဖြင့် ၄င်းအားဆက်လက်ခန့်ထားခဲ့သည်။  သို့သော် ထရမ့်မှရွေးကောက်ပွဲအနိုင်ရခဲ့ပြီးနောက် ဗိုလ်ချုပ်ကြီးရောဂျားစ်နှင့် နယူးယောက်မြို့တွင်တွေ့ဆုံခဲ့ပြီး၊ ၄င်းတွေ့ဆုံမှုနှင့်ပတ်သက်ပြီး ဗိုလ်ချုပ်ကြီးရောဂျားစ်မှ ၄င်း၏အထက်အရာရှိများကို အသိပေးခဲ့ခြင်းမရှိခဲ့ခြင်းကြောင့် ၄င်းအားအိမ်ဖြူတော်နှင့် ထိပ်တန်းအစိုးရအရာရှိအချို့မှ အမြင်မကြည်လင်ခဲ့ပေ။ ဗိုလ်ချုပ်ကြီးရောဂျားစ်အနေနှင့် နိုင်ငံတော်လုံခြုံရေးအတွက် အရေးပါလှသော ဋ္ဌာနကြီး (၂) ခုဖြစ်သည့် NSA နှင့် "မဟာဗျူဟာစစ်ဋ္ဌာနချုပ်" (Strategic Command) ၏လက်အောက်ခံဌာနဖြစ်သော "ဆိုင်ဘာစစ်ဋ္ဌာနချုပ်" (Cyber Command) တို့အား ပူးတွဲကိုင်တွယ်ရခြင်းဖြစ်ပြီး၊ အမျိုးသားထောက်လှမ်းရေးညွှန်ကြားရေးမှုးကလက်ပါအနေနှင့် ဗိုလ်ချုပ်ကြီးရောဂျားစ်၏ ဦးဆောင်မှုအား သဘောမကျပဲ ထိုဋ္ဌာနနှစ်ခုအား သီးခြားစီခွဲထုတ်လိုပြီး NSA အား အရပ်သားညွှန်ကြားရေးမှုးကိုသာ ဦးဆောင်စေလိုသည်ဟုဆို၏။ နိုင်ငံခြားရေးဝန်ကြီးတာဝန်အတွက် ထရမ့်ပ်မှတွေ့ဆုံခဲ့ရာတွင် ပါဝင်ခဲ့သော ဗိုလ်ချုပ်ကြီးပီးထရေးရပ်စ် (သို့မဟုတ်) ယခင်သမ္မတဘုရ်ှလက်ထက်တွင် CIA ပြင်ပအကြံပေးဘုတ်အဖွဲ့၏ဥက္ကဋ္ဌ နှင့် HP ကုမ္ပဏီ၏ ယခင် CEO ဖြစ်သော ကာလီဖီယော်ရီနာတို့အား "အမျိုးသားထောက်လှမ်းရေးညွှန်ကြားရေးမှုး" (DNI) အဖြစ်တာဝန်ပေးကောင်းပေးနိုင်သည်ဟု သတင်းထွက်နေသလို၊ အိုဘားမားအစိုးရမှ အနားပေးလိုသော NSA ညွှန်ကြားရေးမှုး ဗိုလ်ချုပ်ကြီးရောဂျားစ်ကိုလည်း ၄င်းနေရာတွင်ပင် ဆက်လက်ခန့်ထားလိမ့်မည်ဟု ယူဆရသည်။

(၂၀၁၆) ဒီဇင်ဘာ (၈) ရက်နေ့တွင် သမ္မတအိုဘားမားမှ ပယ်ချမှုမပြုနိုင်သည့် "Veto Proof" မဲအရေအတွက်ဖြစ်သော ( ၉၂ မဲ - ၇ မဲ) ဖြင့် " နိုင်ငံတော်ကာကွယ်ရေးခွင့်ပြုချက်အက်ဥပဒေ" (NDAA FY-2017) အား အမျိုးသားလွှတ်တော်မှ အတည်ပြုခဲ့ပြီး အိုဘားမားအစိုးရမှတောင်းခံခဲ့သည့် ပမာဏထက် ဒေါ်လာသန်း (၉) ထောင်တိုး၍ ဒေါ်လာသန်းပေါင်း (၆၁၉) ဘီလျံချပေးခဲ့ပြီး တပ်ဖွဲ့ဝင်အင်အားကိုလည်း အိုဘားမားအစိုးရမှ သတ်မှတ်ထားသော အင်အားထက် (၂၃၀၀၀) တိုးမြှင့်ခဲ့သည်။ အဆိုပါဥပဒေအား သမ္မတအိုဘားမားမှ လတ်တလော ဒီဇင်ဘာလ (၂၃) ရက်နေ့တွင် မတတ်သာပဲ လက်မှတ်ထိုးအတည်ပြုပြဋ္ဌာန်းခဲ့ရပြီး အမေရိကန်စစ်မှုထမ်းများ၏လစာအား တိုးပေးရန်အား အိုဘားမားမှကန့်ကွက်သော်လည်း ၄င်းဥပဒေအရ စစ်မှုထမ်းများအားလုံးကို မဖြစ်မနေ လစာ (2.1%) တိုးပေးရတော့မည်ဖြစ်သည်။ NDAA 2017 အရ NSA ညွှန်ကြားရေးမှုး ဗိုလ်ချုပ်ကြီးရောဂျားစ်မှ ကွပ်ကဲနေသည့် မဟာဗျူဟာစစ်ဋ္ဌာနချုပ်လက်အောက်ခံဋ္ဌာနဖြစ်သော ဆိုင်ဘာစစ်ဋ္ဌာနချုပ်အား သမ္မတလောင်းထရမ့်ပ်လက်ထက်တွင် Combatant Command (တိုက်ခိုက်ရေးဆိုင်ရာစစ်ဋ္ဌာနချုပ်) အသစ်တခုအဖြစ် အဆင့်မြှင့်မည်ဖြစ်သောကြောင့် လက်ရှိအရေအတွက်ဖြစ်သည့် တိုက်ခိုက်ရေးဆိုင်ရာစစ်ဋ္ဌာနချုပ် စုစုပေါင်း (၉) ခုမှ တခုထပ်တိုးပြီး (၁၀) ခုဖြစ်လာမည်ဖြစ်သည်။

အမေရိကန်တပ်မတော်တွင် "Unified Combatant Command" ဟုခေါ်သည့် တိုက်ခိုက်ရေးဆိုင်ရာစစ်ဋ္ဌာနချုပ် (၉) ခုဖွဲ့စည်းထားရှိပြီး ၄င်းတို့မှာ အာဖရိကစစ်နယ်ဝှမ်းစစ်ဋ္ဌာနချုပ် (AFRICOM)၊ အလယ်ပိုင်းစစ်နယ်ဝှမ်းစစ်ဋ္ဌာနချုပ် (CENTCOM)၊ ဥရောပစစ်နယ်ဝှမ်းစစ်ဋ္ဌာနချုပ်  (EUCOM)၊ မြောက်ပိုင်းစစ်နယ်ဝှမ်းစစ်ဋ္ဌာနချုပ် (NORTHCOM)၊ တောင်ပိုင်းစစ်နယ်ဝှမ်းစစ်ဋ္ဌာနချုပ် (SOUTHCOM)၊ ပစိဖိတ်စစ်နယ်ဝှမ်းစစ်ဋ္ဌာနချုပ် (PACOM)၊ အထူးစစ်ဆင်ရေးစစ်ဋ္ဌာနချုပ် (SOCOM)၊ မဟာဗျူဟာစစ်ဋ္ဌာနချုပ် (STRATCOM)၊ ပို့ဆောင်ရေးစစ်ဋ္ဌာနချုပ် (TRANSCOM) တို့ဖြစ်ကြသည်။ ဤစစ်ဋ္ဌာနချုပ် (၉) ခုအနက်မှ ကမ္ဘာတဝှမ်းရှိ အာဖရိက၊ အလယ်ပိုင်း၊ တောင်ပိုင်း၊ မြောက်ပိုင်း၊ ဥရောပနှင့် ပစိတ်ဖိတ်ဒေသများ၌ "Area of Responsibility" များ သတ်မှတ်ပိုင်းခြားထားသော စစ်ဋ္ဌာနချုပ်များမှာ ကမ္ဘာတခုလုံးအား ပထ၀ီသွင်ပြင်အရ ပိုင်းခြားသတ်မှတ်ထားသော "Theater" ဟုခေါ်သည့် "စစ်နယ်ဝှမ်းဇုန်" များအား တာဝန်ခံကြရ၍ ၄င်းတို့အား "Theater Commander" ဟုခေါ်သော စစ်နယ်ဝှမ်းမှုးများဖြစ်ကြသည့် ဗိုလ်ချုပ်ကြီးအဆင့် ၀ါရင့်ထိပ်တန်းတိုက်ခိုက်ရေးတပ်မှုးကြီးများမှကွပ်ကဲသည်။ ကျန်စစ်ဋ္ဌာနချုပ်များမှာမူ ၄င်းတို့၏သီးခြားစွမ်းဆောင်မှုများအရဖွဲ့စည်းတည်ရှိသော စစ်ဋ္ဌာနချုပ်များဖြစ်ကြပြီး၊ စစ်ဋ္ဌာနချုပ် (၉) ခု၏ စစ်ဋ္ဌာနချုပ်မှုးများအား စစ်ဦးစီးချုပ် (Commander-in-Chief, CINC) အဖြစ်သတ်မှတ်၍ အာဖရိက၊ ဥရောပ၊ ပစိတ်ဖိတ်၊ အလယ်ပိုင်း၊ တောင်ပိုင်းနှင့်မြောက်ပိုင်း စစ်နယ်ဝှမ်းစစ်ဦးစီးချုပ်များ၏လက်အောက်တွင် ကြည်း၊ရေ၊လေ၊မရိန်း စစ်လက်ရုံး (၄) ခု၏ ဒုတိယဗိုလ်ချုပ်ကြီးအဆင့် တပ်တော်မှုးများမှကွပ်ကဲသော တိုက်ပွဲဝင် ကြည်း၊ ရေ၊ လေ၊ မရိန်းတပ်များရှိသည်။ ဤစစ်ဦးစီးချုပ်များအား ကာကွယ်ရေးဦးစီးချုပ်များစုံညီအဖွဲ့ဥက္ကဋ္ဌ၊ ဒုတိယဥက္ကဋ္ဌနှင့် ကြည်း၊ရေ၊လေ၊မရိန်း-ကာကွယ်ရေးဦးစီးချုပ်များမှ အမိန့်ပေးကွပ်ကဲနိုင်ခြင်းမရှိပေ။ စစ်ဆင်ရေးတာဝန်များနှင့်ပတ်သက်၍ စစ်ဦးစီးချုပ်များအား ကာကွယ်ရေးဝန်ကြီးမှတဆင့် တပ်မတော်ကာကွယ်ရေးဦးစီးချုပ်ဖြစ်သော ပြည်သူလူထုမှရွေးကောက်တင်မြှောက်ထားသည့် နိုင်ငံတော်သမ္မတမှသာ အမိန့်ပေးညွှန်ကြားသည်။

အကြမ်းဖက်မှုများစိန်ခေါ်မှုများတိုးသထက်တိုးလာနေသော ယနေ့ကမ္ဘာ့နိုင်ငံရေးအနေအထားအရ လက်ရှိသမ္မတအိုဘားမားမှ အမေရိကန်တပ်မတော်အား ရည်ရွယ်ချက်ရှိရှိဖြင့် အင်အားချည့်နဲ့အောင်လုပ်ဆောင်နေခြင်းအား ပြန်လည်ပြင်ဆင်ရမည့် သမ္မတလောင်းထရမ့်ပ်အနေနှင့်လည်း အမေရိကန်တပ်မတော်၏ စစ်လက်ရုံးအသီးသီးအား  ပြန်လည်တည်ဆောက်ရန်အတွက် စစ်ရေယာဉ်များ၊ စစ်လေယာဉ်များ၊ ဆိုင်ဘာလုံခြုံရေးစနစ်၊ တပ်ဖွဲ့ဝင်အင်အား စသည်တို့ကို ပြန်လည်ဖြည့်တင်းရန် အဆိုပြုထားသည်။ အဓိကအားဖြင့် အရေးကြီးဆုံးအချက်တခုမှာ လက်ရှိအားဖြင့်နိုင်ငံတော်ကြွေးမြီ ဒေါ်လာ (၁၉.၈) ထရီလီယံ ရှိနေချိန်တွင် အခွန်ကောက်ခံမှုနှုန်းများအားလျှော့ချပြီး နိုင်ငံ့စီးပွားရေးနှင့် အလုပ်အကိုင်များကို တိုးတက်အောင်လုပ်ဆောင်မည်ဆိုသော ဘီလျံနာသမ္မတလောင်းထရမ့်ပ်အနေနှင့် မည်သို့မည်ပုံစီမံဆောင်ရွက်မည်ဖြစ်ပြီး လွှတ်တော် (၂) ရပ်လုံးတွင် ထရမ့်ပ်၏အဆိုအား သံသယရှိသူများစွာရှိနေ၏။ ရေတပ်အတွက်လက်ရှိစစ်ရေယာဉ်အစင်း (၂၇၀) ကျော်မှ (၃၅၀-၃၅၅) စင်း သို့တိုးမြှင့်ရန်၊ မရိန်းတပ်အင်အားကို လက်ရှိတပ်ရင်းစုစုပေါင်း (၂၄) ရင်းမှ (၃၆) ရင်းသို့လည်းကောင်း၊ ကြည်းတပ်အင်အားကို လက်ရှိအင်အား (၄) သိန်းကျော်မှ (၅၄၀၀၀၀) သို့လည်းကောင်း၊ လေတပ်အတွက် စစ်လေယာဉ်သစ် (၁၂၀၀) အားဖြည့်ရန်လည်းကောင်း၊ ဒုံးကျည်အရေအတွက်ထပ်မံဖြည့်တင်းရန်နှင့် ဆိုင်ဘာလုံခြုံရေးအဆင့်မြှင့်တင်ရန်များကို သမ္မတလောင်းထရမ့်ပ်မှအဆိုပြုခဲ့သည်။

ထို့ပြင် "Budget Contro Act of 2011" ဟုခေါ်သည့် "အသုံးစရိတ်ထိန်းချုပ်မှုဥပဒေ" ၏ နောက်ဆက်တွဲရလာဒ်အဖြစ် (၂၀၁၃) တွင်စတင်ခဲ့သော "Sequestration" ဟုခေါ်သည့် အလိုအလျောက်အစိုးရအသုံးစရိတ် ဖြတ်တောက်မှုအရ လာမည့် (၁၀) နှစ်အတွင်း လျှော့ချဖြတ်တောက်ရန် သတ်မှတ်ထားသော ဒေါ်လာဘီလျံ (၁၀၀၀) မှ ဘီလျံ (၄၅၀) ခန့်မှာ  ကာကွယ်ရေးဘတ်ဂျက်ဖြစ်နေသည့်အတွက် ၄င်းကာကွယ်ရေးဘတ်ဂျက်ဖြတ်တောက်မှုအား အဆုံးသတ်မည်ဟု ထရမ့်ပ်မှကတိပြုခဲ့ပြီး (၂၂.၁၀၂၀၁၆) တွင် ဗာဂျီးနီးယားကမ်းခြေတွင် မိန့်ခွန်းပြောခဲ့စဉ်ကလည်း ဒေသ၀င်ငွေ၏ သုံးပုံတပုံအား စစ်ဘက်နှင့်ဆက်နွယ်သောလုပ်ငန်းများမှရရှိနေသော ဗာဂျီးနီးယားကမ်းခြေဒေသနေ အမေရိကန်ပြည်သူများအနေနှင့် ကာကွယ်ရေးအသုံးစရိတ်တိုးမြှင့်မှုမှ အကျိုးခံစားကြရလိမ့်မည်ဟု ထရမ့်ပ်မှဆိုခဲ့သည်။ ကာကွယ်ရေးဝန်ကြီးဋ္ဌာနမှ ဖေါင်းပွနေသည့် ဗျူရိုကရေစီယန္တရားစနစ်အားဖြတ်တောက်လျှော့ချ၍လည်းကောင်း၊ ပြည်ထောင်စုအစိုးရ၏ မလိုအပ်သောစီမံကိန်းများကိုအဆုံးသတ်၍လည်းကောင်းနှင့် အစိုးရအနေနှင့် ရရန်ရှိနေသောအခွန်များကိုကောက်ယူ၍လည်းကောင်း အဆိုပါကာကွယ်ရေးအသုံးစရိတ်အတွက် ကုန်ကျစရိတ်များအား ပေးဆောင်သွားမည်ဖြစ်သည်ဟု ထရမ့်ပ်မှပြောကြားခဲ့သည်။ သို့သော်
ထရမ့်ပ်မှအဆိုပြုခဲ့သောနေရာများမှ ရရှိမည့်ငွေပမာဏမှာ Sequestration ကြောင့်ဖြတ်တောက်ခံရမည့် ဒေါ်လာဘီလျံပေါင်း (၄၅၀) ၏သုံးပုံနှစ်ပုံအောက်သာရှိနေသေးသည်ဟု ထရမ့်ပ်၏အဆိုပါစီမံချက်အား လေ့လာဆန်းစစ်ခဲ့သော ပြည်ထောင်စုအစိုးရအသုံးစရိတ်ဆိုင်ရာကော်မတီတရပ်မှ ထောက်ပြဝေဖန်ခဲ့သည်။ ဤနေရာတွင် သတိပြုရမည်မှာ နိုင်ငံရေးသမားမဟုတ်သော သမ္မတလောင်းထရမ့်ပ်အနေနှင့် ဟီလာရီကလင်တန်၏ရွေးကောက်ပွဲရံပုံငွေ တ၀က်ခန့်မျှသာရရှိခဲ့သော်လည်း "Make America Great Again" ဆိုသောဆောင်ပုဒ်ပါ ဦးထုပ်များအား ရောင်းပြီး၊ (၁၆) လခန့်သာရှိသောအချိန်ကာလအတွင်း အမေရိကန်သမ္မတရွေးကောက်ပွဲအား အောင်မြင်ခဲ့သော စီးပွားရေးလုပ်ငန်းရှင်ဘီလျံနာတဦးဖြစ်၍ လိုအပ်သောကာကွယ်ရေးဘတ်ဂျက်အား ၄င်းအနေနှင့် မည်သို့ရယူမည်ကိုစောင့်ကြည့်ရမည်ဖြစ်သည်။

လတ်တလောဖြစ်စဉ်တခုမှာ မွတ်စလင်အကြမ်းဖက်သမားများကို ဟန့်တားရန်လုပ်ဆောင်မည့် ထရမ့်ပ်အစိုးရ၏ "မွတ်စလင်မှတ်ပုံတင်" (Muslim Registry) ကို အကောင်အထည်ဖေါ်ရာတွင် နှောင့်နှေးစေရန် သမ္မတအိုဘားမားမှ ရည်ရွယ်ချက်ရှိရှိဖြင့် 9/11 အပြီး သမ္မတဘုရ်ှလက်ထက်တွင်စတင်ခဲ့ပြီး၊ အိုဘားမားမှ ၄င်း၏လက်ထက် (၂၀၁၁) ခုနှစ်တွင်ရပ်တန့်ခဲ့သော အစ္စလာမ်မစ်အကြမ်းဖက်မှုများနှင့်ဆက်နွယ်နေသော မွတ်စလင်နိုင်ငံ စုစုပေါင်း (၂၄) နိုင်ငံနှင့် မြောက်ကိုရီးယားနိုင်ငံတို့မှ လူဝင်လူထွက်များအားစိစစ်သည့် "National Security Entry-Exit Registration System" (NSEERS) ဟုခေါ်သော "နိုင်ငံတော်လုံခြုံရေးဆိုင်ရာ ၀င်/ထွက်မှတ်ပုံတင်စနစ်" အား ဒီဇင်ဘာလ (၂၂) ရက်နေ့တွင် ဖျက်သိမ်းခဲ့သည်။ မွတ်စလင်နိုင်ငံ (၂၄) နိုင်ငံမှ မွတ်စလင်များအားပစ်မှတ်ထားသည့် ဤစနစ်အား မနှစ်မြို့သော အိုဘားမားမှ (၂၀၁၁) ခုနှစ်၌ ရပ်တန့်ခြင်းမပြုမီအချိန်ထိ NSEERS အရ လူပေါင်း (၁၃၀၀၀) ခန့်အား ပြည်နှင်ဒဏ်ပေးခဲ့ပြီးဖြစ်သည်။

နိုင်ငံတော်လုံခြုံရေးနှင့်ပတ်သက်ပြီး ထရမ့်ပ်အစိုးရ၏ နံပတ်တစ်ဦးစားပေးချေမှုန်းမည့်ပစ်မှတ်မှာ ISIS အပါအ၀င် အစ္စလာမ်မစ်ကြမ်းဖက်သမားများဖြစ်ပြီး၊ ၄င်းတို့နောက်မှကပ်လိုက်သည့်ပစ်မှတ်များမှာ မက္ကဆီကိုနှင့် လက်တင်အမေရိကန်ဘက်မှ ၀င်ရောက်လာသော မူးယစ်ဂိုဏ်းများ၊ လူဆိုးဂိုဏ်းများ၊ လူမှောင်ခိုဂိုဏ်းများ၊ တရားမ၀င်ကျူးကျော်ဝင်ရောက်လာသူများဖြစ်ကြပြီး ထိုကိစ္စများကိုကိုင်တွယ်မည့် အဓိကတာဝန်ရှိကြသူများမှာ အစ္စလာမ်မစ်အကြမ်းဖက်ဝါဒ၊ အစ္စလာမ်မစ်အကြမ်းဖက်သမား စသည့်ဝေါဟာရများကို အပြီးဖျောက်ဖျက်လိုသော အိုဘားမားအစိုးရ၏ အမျက်ရှခြင်းကိုခံခဲ့ကြရ၍ ချောင်ထိုးခံခဲ့ကြရသော်လည်း ယခုထရမ့်ပ်အစိုးရသစ်လက်ထက်တွင် ကာကွယ်ရေးဝန်ကြီးဖြစ်လာမည့် မရိန်းဗိုလ်ချုပ်ကြီးမက်တစ်၊ ပြည်တွင်းလုံခြုံရေးဝန်ကြီးဖြစ်လာမည့် မရိန်းဗိုလ်ချုပ်ကြီးကယ်လီနှင့် နိုင်ငံတော်လုံခြုံရေးအကြံပေး ဒုတိယဗိုလ်ချုပ်ကြီးဖလင်းန် တို့ဖြစ်လာကြခြင်းမှာ အမေရိကန်နိုင်ငံရေးဖြစ်စဉ်၏ စိတ်ဝင်စားစရာကောင်းသော အလှည့်အပြောင်းတခုဖြစ်ပါသည်။

မည်သို့ဆိုစေ ISIS အဖွဲ့အားအပြီးသတ်ချေမှုန်းပြီး နိုင်ငံတော်စီးပွားရေး၊ ကုန်သွယ်ရေးနှင့် လုံခြုံရေးအား မြှင့်တင်မည်ဟုဆိုလာပြီး လာမည့်ဇန်န၀ါရီ (၂၀) ရက်နေ့တွင် စတင်မည့် ထရမ့်ပ်အစိုးရအနေနှင့် နောက်ကွယ်မှသာ ဦးဆောင်ရသည်ကိုနှစ်သက်ပြီး၊ အီရတ်တွင် Residual Force မထားခဲ့ပဲ ဆီးရီးယားနှင့် အီရတ်တွင် ISIS အဖွဲ့အားမွေးဖွားစေခဲ့ကာ အစ္စလာမ်မစ်အကြမ်းဖက်သမားများအား ပို၍အားကောင်းစေခဲ့သော အိုဘားမားအစိုးရနှင့် ဆန့်ကျင်ဘက်အနေအထားတွင် ရပ်တည်သွားမည့် အလားအလာရှိသည်ဟုယူဆရသည်။

Sources; စစ်နှင့်နိူင်ငံရေးစာစုများ