ဧရာဝတီတိုင်းဒေသကြီးအတွင်း ယခုရက်ပိုင်းအတွင်းတွင် အင်း ကိစ္စပြသနာများတော်တော်ဖြေရှင်းရသည်။
အဓိကဖြစ်သည်က ရေပေါ်ရေလျှံ ရေလုပ်သားငယ်များ နှင့် အင်းသားကြီးတို့အကြား မကြေလည်ကြ
သည့်ပြသနာဖြစ်သည်။
မည်သူ့ဘက်ကိုမျှ ဘက်မလိုက်လိုသည့်အတွက် သူတို့နှစ်အုပ်စုကြား ဥပဒေကို ကြားချကာ အသေးစိတ်လေ့လာခဲ့မိသည်။
ရေချိုငါးလုပ်ငန်း ဥပဒေ လုပ်ထုံးလုပ်နည်းများ ကို အသေးစိတ်ရှာဖွေဖတ်ရှုကြည့်ပြီး ယခုပြသနာ၏
ဇာစ်မြစ်ကိုမြေလှန်ရှာဖွေကြည့်မိသည်။
ပြသနာ၏ဇာစ်မြစ်သည် အင်းသားကြီးများ အာဏာပိုင်ဆိုသူများနှင့်ခေတ်အဆက်ဆက်ပေါင်း၍ ဒေသခံအရပ်သူအရပ်သားများကို အနိုင်ကျင့်ခဲ့ခြင်းကစတင်ခဲ့သည်။
ငွေများတရားနိုင်ခေတ်တွင် အင်းသားကြီးများသည် အာဏာကိုပိုင်စိုးခဲ့သည်။
အင်းသူကြီးဆိုသည့် ဂုဏ်ပုဒ် နှင့် တွဲမြင်နိုင်သည်က ထိုသူသည် သူဌေးကြီး အမြတ်ကြီးစားကြီး ဖြစ်သည်ဆိုခြင်းပင်။
ကိုယ့်ရပ်ကိုယ့်ရွာမှာရှိသည့် အင်းရေပြင်ကိုကြည့်ပြီး ရွာသူရွာသားတို့ထမင်းငတ်ခဲ့ကြရသည်။
ငါးမမျှားရ ပိုက်မချရ…မိလျှင် ဖမ်းသည်….အချုပ်ချသည်….။
ငုံ့ခံယုံကလွဲ၍ ခေါ်စရာအဖေကမရှိ….
နာမယ်ဆိုလျှင်လည်း နာကျည်းချင်စရာ…
အင်းသူကြီးဆိုသူများကလည်း မိုးကောင်းတုန်းရွာခဲ့ယုံတင်မက လေပြင်းပါပြင်းပြင်းတိုက်ခဲ့ကြသည်…
အခုတော့ သူတို့ခေတ်ကုန်ခဲ့လေပြီ….။
……………………………………………………………………………
အင်း နှင့် ပတ်သတ်၍ပြောမည်ဆိုလျှင် အင်းတွင်
အင်းကြီး နှင့် အင်းလေးဟူ၍ အတန်းအစား နှစ်ရပ်ခွဲရပေမည်။
အင်း လေးဟူသည်မှာ သိန်း ၃၀ အောက် တန်ဖိုးနည်း အင်းများကိုဆိုလိုပါသည်။
အင်းကြီး ဆိုသည်မှာ သိန်း ၃၀ မှစကာ သိန်း ၁၀၀ ၂၀၀ ၃၀၀ ၄၀၀ ၈၀၀ သိန်း ရာထောင်ချီတန်သည့် အင်းများကို ဆိုလိုသည်။ တနည်းအားဖြင့် အင်းကြီးများကို ဂရန်အင်း ဟု ခေါ်လေ့ရှိပြီး အင်းလေးများကို ဘုံစားအင်း တနိုင်တပိုင်အင်းများအဖြစ်ခေါ်လေ့ရှိသည်။
ဂရန်အင်းများကို နှစ်ရှည်စာချုပ် ၃ နှစ်ဖြင့်ချုပ်ဆိုသောအင်းများကိုတော့ ကြေးတိုင်အင်းဟုခေါ်သည်။
တိုင်းဒေသကြီး အစိုးရအတွက် အင်း ခွန်ငွေ အများဆုံးရှာဖွေပေးနေသည်မှာ
ထိုအင်းကြီး/ကြေးတိုင်အင်းများ မှဖြစ်သည်။
အင်းလေလံဆွဲသည့်ရာသီသည် ငါးဖမ်းရာသီကုန်ဆုံးပြီးသည့် မတ်လကုန်တွင် ဆွဲလေ့ရှိကြသည်။
လေလံဆွဲသည့်အခါတွင် ဈေးပြိုင်စနစ်ဖြင့် ၀င်ရောက်ယှဉ်ပြိုင်ကြရသည်။
လေလံအောင်ပြီးသော အင်းသားကြီးသည် မိမိလုပ်ပိုင်ခွင့်ရရှိသည့် အင်း ကို ငါးကန်တစ်ခုသဖွယ်ဖြစ်အောင်
မိမိ အင်း အတွင်းမှ ငါးများ အပြင် ချောင်းမြောင်းထဲသို့လွတ်ထွက်မသွားစေရန်အတွက် မျှောတိုင်များစိုက်ကာ
ငါးထွက်ပေါက်များကို ယင်းလိပ်များ ပိုက်ချပ်များကာဆီးခြင်းများလုပ်ဆောင်ရပေသည်။
ထို့ပြင် မိမိလုပ်ပိုင်ခွင့်ရ အင်းရေကန်ထဲသို့ ငါးသားပေါက်များဝယ်ယူ၍ စိုက်ထုတ်မွေးမြူခြင်းများကိုလည်း လုပ်ဆောင်ရပေသည်။
အလွယ်ကူဆုံးပြောရလျှင် စက်များဖြင့်ငါးကန်တူးဖော်ပြီး ငါးကန်လုပ်သူများသည် ငါးသားပေါက်များထည့်ရုံအပြင် ငါးများကြီးထွားရန်အတွက် ငါးစာကျွေးခြင်းကိုပါလုပ်ဆောင်ရပေသည်။
အင်းကြီးများ တွင်တော့ ငါးသားပေါက်များသည် အင်းအတွင်းရှိ ရေညှိရေမှော် သဘာဝအစားစာများကို ရှာဖွေစားသောက်ကြသည့်အတွက် ငါးများသည် သဘာအတိုင်းကြီးထွားကြသည်။
သိန်း ရာထောင်ချီတန်သည့် အင်းကြီးများတွင် ဒေသခံအရပ်သူ အရပ်သားများ
စားဝတ်နေရေးပြေလည်စေရန်ဆိုကာ မည်သည့်နေရာသည် ဒေသခံရွာသူရွာသားများ အလကားရှာဖွေဖမ်းဆီနိုင်သည့်နေရာဖြစ်သည်ဟုဆိုကာ ငါးဖမ်းလုပ်ကွက်နေရာများကို ငါးလုပ်ငန်းဦးစီးဌာနက အတိအကျသတ်မှတ်ပေးရသည်။
ထို့အပြင် မည်သည့်နေရာသည် အင်းသားကြီးသာလျှင် လုပ်ပိုင်ခွင့်ရရှိသည့်နေရာဆိုသည်ကိုလည်း အတိအကျသတ်မှတ်ပေးရသည်။
နှစ်ယောက်စလုံး စည်းမကျော်လျှင် စည်းကမ်းလိုက်နာလျှင် မည်သည့်ပြသနာမျှ ဖြစ်စရာမရှိပေ။
………………………………………………….
သို့သော် မိုးကောင်းစဉ်အချိန်က ကိုရွှေအင်းသားကြီးများသည် လောဘဇော တက်ကာ အားလုံးကို အပိုင်သိမ်းခဲ့ကြသည်။ မည်သည့်နေရာကိုမျှ ရှာဖွေခွင့် ဖမ်းဆီးခွင့်မပေးခဲ့။
ပိုင်သည် နိုင်သည်ဆိုကာ အနိုင်ကျင့်ခဲ့ကြသည်။
အခုတော့…အခုတော့…သူတို့ခေတ်ကုန်လေပြီ…ခေတ်ပြောင်းခဲ့လေပြီ….။
………………………………………………….
ပြောင်းလဲခြင်းသည် လက်သီးလက်မောင်းတန်းခြင်းနှင့်အတူရောက်ရှိလို့လာသည်။
ခေတ်အဆက်ဆက် အနိုင်ကျင့်ခံတို့ ရင်ဖွင့်ကြလေပြီ။
ရလျှင်ရ မရလျှင်ချ။ ဖျက်သိမ်းပစ်။ ကြေးတိုင်အင်းတွေဖျက်သိမ်းပစ်။
အစွန်းသည် ကျကွဲတတ်သည်။
အင်းသားကြီးသည် လည်သည်။ ဥာဏ်ပြေးသည်။ ထို့ကြောင့်လည်း သူဌေးဖြစ်နေခြင်းဖြစ်သည်။
တစ်ချိန်က နိုင်လို့ရ၍ နိုင်ခဲ့သော်လည်း ယခုအချိန် သူခေါင်းထောင်လျှင် ခေါင်းကွဲရုံမက ခေါင်းပါပြုတ်
သွားနိုင်သည်ကို ရိပ်စားမိသည်။
ခြေတစ်လှမ်းနောက်ဆုတ်သည်။
သူရေရှည်ရပ်တည်နိုင်ရေးအတွက် ပေးသင့်တာတွေ လျှော့သင့်တာတွေလျှော့လာသည်။
လုပ်ပါ။ ပေးပါတယ်။ ဖမ်းပါ။
သူ့လုပ်ပိုင်ခွင့်ဧရိယာ၏ ၂၀ ရာခိုင်နှုန်းအား ဒေသခံများစားဝတ်နေရေးပြေလည်စေရန်
ပေးအပ်ရမည်ဟုဆိုလာသည်။
သိသည်။ ပါးတာမှ ပါးပါးလေး။
ရပါတယ် လုပ်ပါ လုပ်ပါ ခွဲပေးပါတယ် ၂၀ ရာခိုင်နှုန်းဆိုလည်း ပေးပါတယ်။
သို့သော်ငြားလည်း ၂၀ သည် ၁၀၀ မဟုတ်ဟုဆိုကာ ဒို့အရေးများဆက်လာတော့သည်။
အလုပ်အကိုင်အခွင့်အလမ်းများရရှိရေး - ဒို့အရေး
ကြေးတိုင်အင်းများ ဖျက်သိမ်းရေး - ဒို့အရေး
ဆင်းရဲနွမ်းပါးမှုပပျောက်ရေး - ဒို့အရေး
ဒို့အရေး ဒို့အရေး ဒို့အရေး…………..
အင်း ဥပေဒအရ ရေလုပ်သားငယ်များသည် မိမိ၏ရပိုင်ခွင့်မဟုတ်သည့် အင်းသားကြီး၏တရားဝင်လုပ်ပိုင်
ခွင့်ရဧရိယာအားရေများရေနိုင် မီးများမီးနိုင် လူများလူနိုင်ဆိုသည့် ထုံးကိုယူကာ ၁၀၀ ရာခိုင်နှုန်းဖျက်သိမ်း
ပစ်မှသာလျှင်ဒီမိုကရေစီအစိုးရဆိုလျှင်တော့
သိန်းရာထောင်ချီတန် သည့် အင်းကြီးများအားလုံးကိုဖျက်သိမ်းပစ်ပြီး ဒေသခံများအား ရော့ အင့်
လုပ်ပေတော့ကွာဆိုပြီး ပေးပစ်လိုက်ရုံသာရှိတော့သည်။
ဇာနည်မောင်မောင်ကျော်
ဓါတ်ပုံ။ ။ အင်တာနက်။
No comments:
Post a Comment