ခေါင်းချမယ့် မြေနေရာမရှိပါ

““ဒီသင်္ချိုင်းမြေကို မူလအတိုင်း ပြန်မရဘူးဆိုရင် ကျွန်တော်တို့ရွာ အများကြီး အခက်အခဲ ရှိလာပါလိမ့် မယ်။ ဒီနေရာအပြင် တခြားလည်း မြှုပ်စရာနေရာ မရှိတော့ဘူး။ ကျေးရွာရဲ့ ပိုင်ဆိုင်မှုက ဒီသင်္ချိုင်းမြေပဲရှိ တော့တာပါ””လို့ ငရုတ်ကောင်းမြို့ ကျွေချိုင်ရွာက ကိုဇော်မင်းဦးက ပြောပါတယ်။

ကိုမင်းဇော်ဦးဟာ အနောက်ဘက် ကမ်းခြေဒေသ ငရုတ်ကောင်း မြို့ရဲ့ ကမ်းခြေဒေသတွေမှာ ဖြစ်ပေါ် နေတဲ့ သုသာန်မြေနေရာ(သို့) သင်္ချိုင်းမြေယာ အငြင်းပွားမှုတွေမှာ သင်္ချိုင်းမြေ ဖော်ထုတ်ရေး ကော်မတီဝင် အဖြစ် တာဝန်ယူထားတဲ့ သူတစ်ယောက်ပါ။

အနောက်ဘက် ကမ်းခြေဒေသ အိမ်ထောင်စု (၃၀၀)၊ လူဦးရေ တစ်ထောင်ခန့် ရှိတဲ့ကျွေချိုင် အုပ်စုနဲ့ အိမ်ထောင်စု ခြောက်ရာကျော် လူဦးရေ (၂၀၂၈)ဦးရှိတဲ့ နတ်မော် အုပ်စုတို့မှာ သင်္ချိုင်း သုသာန်မြေနေရာ သတ်မှတ်ရေး အငြင်းပွားမှုတွေ ဖြစ်ပေါ်နေတာပါ။ ဒါ့ကြောင့် ကမ်းခြေ ဒေသမှာဖြစ်ပေါ်နေတဲ့ သင်္ချိုင်းမြေ အငြင်းပွားမှုကြောင့် ဒေသခံ များက စုပေါင်းပြီး သင်္ချိုင်းမြေ ဖော်ထုတ်ရေး ကော်မတီဝင် အဖွဲ့ဖွဲ့ကာ တိုင်းဒေသကြီး အစိုးရအဖွဲ့ဝန်ကြီးချုပ်ထံ တင်ပြဖို့ ကြိုးစားနေကြတ လည်း ဖြစ်ပါတယ်။

ကျေးလက်ဒေသတွေမှာ လူသေမြှုပ်ရန် ရွာဦးရွာထိပ် သို့မဟုတ် ရွာနဲ့ မလှမ်းမကမ်းဝေးတဲ့ နေရာမှာ သုသာန်၊ အရပ်ခေါ် သင်္ချိုင်းကုန်းဆိုတာ ရှိပါတယ်။ ကျေးလက် ဒေသအလေ့ အထအရ ဘုန်တော်ကြီးများနှင့် လူပျို၊ အပျိုများ ကွယ်လွန်ရင်သာ မီးသဂြိုဟ်တတ် ကြသော်လည်း အခြားသူများ နာရေးဖြစ်ပါက မြေမြှုပ်သဂြိုဟ် တတ်ကြပါတယ်။

““ကုန်ကျစရိတ်ကလည်း မတူဘူး၊ မြေမြှုပ်တာက သက်သာတယ်။ မီးရှို့ရင် ထင်းဖိုးကုန်တယ်။ တတ်နိုင်တဲ့ သူက ဂူတည်ချင်တောင် အုတ်ဘိလပ်မြေသဲ အဆင်သင့်မရှိဘူး။ ဒါပေမဲ့ လူပျို အပျိုတွေ သေရင်တော့ မီးသဂြိုဟ်တယ်။ ဒါက ဘာလို့လဲဆို ဒီဘက်ရဲ့ အယူအဆ တစ်ခုပေါ့၊ ဟိုတုန်းက မှော်ဆရာတွေက လူပျို အပျိုတွေသေရင် သူတို့ အရိုးကိုယူထားပြီး ဆေးဖော် တာတွေရှိခဲ့လို့ အစဖျောက်တဲ့ သဘောပေါ့။ အများစုကတော့ မြေမြှုပ်ကြရတာပဲ””လို့ ကမ်းခြေဦး ဒေသခံ ကိုမျိုးဇော်ထွန်းက ပြောပါ တယ်။

ကျွေချိုင် သင်္ချိုင်းမြေနေရာ အငြင်ပွားမှုဟာ ဒေသခံ ရွာသားတွေက မူလ သင်္ချိုင်းကုန်း သုသာန် မြေပေါ်မှာ လူသေအလောင်းထား ဖို့သာလာယံ ဇရပ်တည်ဆောက်ရာက မိမိဝယ်ယူထားတဲ့ မြေဖြစ်ကြောင်း လုပ်ငန်းရှင် တစ်ဦးဖြစ်တဲ့ ဦးကျင်ရှိတ်က တားမြစ်ခဲ့ရာက စတင်ခဲ့တာပါ။

““အလောင်းတင်ဖို့ သာလာယံ ဇရပ်လေး ဆောက်တော့ လုပ်ငန်းရှင် တစ်ယောက်က ဒီမြေကွက်ဟာ သူတို့ပိုင်ပါတယ်။ သူတို့ဝယ်ထားတာ လာပြောတာနဲ့ ရပ်ထားရတယ်။ အဲဒီတော့ ၀န်ကြီးချုပ်ကို ဒီဖြစ်စဉ်ကို တင်ပြထားတယ်””လို့ ကျွေချိုင်အုပ်စု နာရေးကူညီမှုအသင်း ဥက္ကဋ္ဌ ကိုမြင့်နိုင်က ပြောပါတယ်။

ယခင်က ကျွေချိုင်ကမ်းခြေမှာ တည်ရှိတဲ့ သင်္ချိုင်းကုန်း(၀ါ) သုသာန်မြေဟာ ငါးဧကခန့် ရှိသော်လည်း ယခုအခါ တစ်ဧကခန့်သာ ရှိပါတော့တယ်။

ဒါနဲ့ ပတ်သက်ပြီး ကျွေချိုင်အုပ်စုမှာ ပါဝင်တဲ့ အနိမ့်ချောင်း၊ သဲကုန်း၊ ရွာမကျေးရွာက ဒေသခံ တွေက သင်္ချိုင်းမြေနေရာ သတ်မှတ်ရေး ပြဿနာ ဖြစ်ပေါ်နေမှုကို ဖြေရှင်းပေးဖို့ တိုင်းဒေသကြီး အစိုးရထံ တင်ပြသွားမယ်လို့လည်း ဆိုပါ တယ်။

အလားတူပဲ လူဦးရေ နှစ်ထောင်ကျော်ရှိတဲ့ နတ်မော်အုပ်စု ကမ်းခြေ ဦးကျောက်ချောင်းလေး ကျေးရွာတွေမှာ သင်္ချိုင်းမြေ သုသာန်မြေ ပြဿနာ ဖြစ်ပေါ်နေပါတယ်။

““ခုဖြစ်နေတာက အရင်က သူလှူထားတာ မြှုပ်ထားတာလည်း အလောင်းပေါင်း လေးငါးဆယ် လောက်မြှုပ်ပြီးပြီ။ တန်ဖိုးမရှိခင်တုန်း ကတော့ ဘာမှမဖြစ်သေးဘူး။ ခု မြေယာကတန်ဖိုး ရှိလာတော့ သူက ခြံခတ်လိုက်တယ်။ သူ့မြေထဲ ၀င်မမြှုပ်နဲ့ဆိုပြီး ပြောတယ်၊ လာတားတာပေါ့။ ကျွန်တော်တို့က သတ်သတ် မှတ်မှတ်လေး ရှိစေချင်တာ”” လို့ နတ်မော်အုပ်စု မြတ်ကုသိုလ် နာရေးကူညီမှု အသင်းဝင် တစ်ဦးက ပြောပါတယ်။

ဒီလို သုသာန်မြေ ပြဿနာ တွေဟာ ကမ်းခြေဒေသ တစ်လျှောက် အခြားရွာတွေမှာလည်း ရှိလာပါတယ်။

““သုသာန်မြေ ပြဿနာက ပန်းမော်တို့ ငန်းချောင်း ဒေသတွေမှာလည်း ဖြစ်လာတယ်၊ ဘာကြောင့်လဲဆို ရွာတွေကကမ်းခြေတွေမှာ ရှိနေတော့ မြေဈေးတွေက တက်လာတော့ သင်္ချိုင်းမြေ အနားက သူတွေကလည်း ကျူးကျော်လာတာပေါ့”” လို့ဒေသခံ ကိုဝင်းစိုးက ပြောပါတယ်။

လတ်တလော သုသာန်မြေနေယာ အငြင်းပွားမှု ဖြစ်ပေါ်နေတဲ့ မြေနေရာဟာ ပင်ပယ်ကမ်းခြေ တစ်လျှောက်ဖြစ်ပြီး ဂေါ်ရန်ဂျီကျွန်းအနီး တစ်ဝိုက်က ကမ်းခြေနေရာတွေပါ။

ဧရာဝတီတိုင်း ဒေသကြီး ငရုတ်ကောင်းမြို့မှာရှိတဲ့ ဂေါ်ရန်ဂျီကျွန်းနဲ့ ပင်လယ်ကမ်းခြေ ရှုခင်းတွေကို ၂၀၁၄ ခုနှစ် စက်တင်ဘာလမှာ ငရုတ်ကောင်း နံ့သာပု ကျေးရွာတွင် ကျောက်မိးသွေးစက်ရုံ စီမံကိန်း တစ်ခု အကောင်အထည်ဖော်ဖို့ အစိုးရက ဆောင်ရွက်လာရာမှ ဒီဒေသကို လူတွေ သတိထားမိခဲ့ ကြတာပါ။ ကျောက်မီးသွေး စက်ရုံနဲ့တွဲပြီး ငရုတ်ကောင်းကို သိလာသလို ငရုတ်ကောင်းမှာ ဂေါ်ရန်ဂျီကျွန်းနဲ့ လှပတဲ့ ပင်လယ်ကမ်းခြေတွေကို လူတွေ သတိထားမိလာကြ တာကနေ ၂၀၁၅ မှာ ခရီးသွားတွေ လာလည် ကြတယ်။ ၂၀၁၆ မှာတော့ စံချိန်တင် ခရီးသွားများလာ တာပေါ့။ လူဦးရေက သုံးသိန်းလောက်အထိ လာရောက် လည်ပတ်ကြတယ်လို့ အနောက်ဘက် ကမ်းခြေ ဧရာဝတီ သဘာဝ ပတ်ဝန်းကျင် ထိန်းသိမ်း စောင့်ရှောက်ရေး အဖွဲ့က ပြောပါတယ်။

လူသိများလာတာနဲ့အမျှ ဂေါ်ရန်ဂျီကျွန်းအနီး တစ်ဝိုက်ကမ်းခြေ ဒေသတစ်လျှောက် မြေယာဈေးက တစ်ဟုန်ထိုး တိုးတက်လာ ပါတယ်။ ဒီနေရာမှာ ကမ်းခြေဒေသတွေရဲ့ လူသေမြှုပ်တဲ့နေရာ သုသာန် (၀ါ) သင်္ချိုင်းကုန်းမြေယာ အငြင်းပွားမှု ပြဿနာများပင် ဖြစ်ပေါ်လာပါ တယ်။

လက်ရှိ အငြင်းပွားနေတဲ့ သုသာန် မြေတွေဟာ တစ်ဧကကျော်မှ ငါးဧကအထိ ရှိနေပြီး လတ်တလောမှာ ကမ်းခြေဒေသက တစ်ဧက မြေကွက်တစ်ကွက်ဟာ သိန်းတစ်ထောင်ခန့် ပေါက်ဈေးရှိနေ ပါတယ်။

““၀ယ်တဲ့သူကလည်း သင်္ချိုင်းမြေမှန်းမသိ ဘာမှန်းမသိကို ၀ယ်ကြတာပဲ၊ ဒေသဖွံ့ဖြိုးမှုနဲ့အတူ လူဦးရေ တိုးပွားလာမယ်ဆို လူသေနှုန်းလည်း တိုးပွားလာနိုင် တာကြောင့် နေရာတွေ သတ်သတ်မှတ်မှတ် ရှိသင့်ပြီ”” လို့ ကျွေချိုင်အုပ်စု နာရေးကူညီမှု အသင်း ဥက္ကဋ္ဌ ကိုမြင့်နိုင်က ဆိုပါတယ်။

ကမ္ဘာကျော် ခရီးသွားဒေသ တစ်ခုဖြစ်လာနိုင်တဲ့ ဒီဒေသမှာ သုသာန်မြေအပါဝင် မြေယာ သတ်မှတ်မှု မြေယာပိုင်ဆိုင်မှု ပုံစံတွေကို အစိုးရ အဖွဲ့အ၀င် သက်ဆိုင်ရာ မြေစာရင်းနဲ့ တာဝန်ရှိသူတွေက စနစ်တကျ ကွင်းဆင်းဆောင်ရွက်ပေးဖို့ တာဝန်ရှိလာပါပြီ။

ကမ်းခြေဒေသမှာ သင်္ချိုင်းမြေယာ လုရာက မလိုလားအပ်တဲ့ ပဋိပက္ခ တွေရှိလာနိုင်သလို မူလ သုသာန်မြေ
 ပြန်လည်ရရှိရေးဆိုတဲ့ ဆန္ဒထုတ်ဖော်မှုတွေအထိ ဖြစ်လာရင်တော့ ပြောစရာတွေ ဖြစ်လာနိုင်ပါတယ်။

messenger news journal