X2O အမှုမှာ မတရားအစီရင်ခံခဲ့ရတဲ့ အပြစ်မဲ့တပည့်အတွက် သူ့ဆရာ ရင်ဖွင့်ပြီ ...

မြန်မာနိုင်ငံရဲ့ တရားစီရင်ရေး ဘာတွေလွဲနေလဲ ...
X2O အမှုမှာ မတရားအစီရင်ခံခဲ့ရတဲ့ အပြစ်မဲ့တပည့်အတွက်
သူ့ဆရာ ရင်ဖွင့်ပြီ ...

"လက်​ညိုးထိုးသိပ်​လွယ်​သူ​တွေ ရဲ့ ကြားထဲ" ...

...

ဗစ်​တိုးရီးယားအမှုရဲ့ တရားခံဆိုတဲ့ ​အောင်​ကြီးအ​ကြောင်း ဆူညံ​နေတာ​တွေ့​တော့ လွန်​ခဲ့တဲ့နှစ်​ ၂၀​ကျော်​ဆီကို စိတ်​​ရောက်​သွားရပြန်​ပါတယ်​...အမှတ်​တရ​တွေကများသ​လောက်​ ​ပြောစရာ​တွေကလည်းများ ဆို​တော့ စာနည်းနည်းရှည်​မှာမို့​ ရင်​နင့်​ဖွယ်​ ဖြစ်​ရပ်​မှန်​၀တ္ထုတို​လေးတပုဒ်..​လို့သာ သ​ဘောထားပြီး ဆုံး​အောင်​ဖတ်​​ပေးကြဖို့ ​မေတ္တာရပ်ခံပါတယ်...

၁၉၉၆ခုနှစ် အစ,​ဦး​လောက်​မှာပဲ ​အေးသာယာGTIက​ ကျ​နော်​အလုပ်​ထွက်​ခဲ့တယ်​ ဘာရယ်​​ကြောင့်​မဟုတ်​ပါဘူး ၀န်​ထမ်းအလုပ်​နဲ့ကျ​နော့်​စိတ်​ ဘယ်​လိုမှအဟပ်​မမိနိုင်​တာ​ကြောင့်​ အရှည်​​မျှော်​​တွေးပြီး လက်​ပြနှုတ်​ဆက်​ခဲ့ခြင်းပါပဲ တတ်​​မြောက်​စ အီလက်​ထရွန်းနစ်​ပညာ​လေး လက်​​တွေ့လုပ်​ငန်းခွင်​ထဲက​နေပဲ သင်​ယူရင်းသက်​​မွေးဝမ်း​ကြောင်း ပြု​တော့မယ်​ဆိုတဲ့ ခံယူချက်​နဲ့​ပေါ့...

ရည်​မှန်းထားခဲ့သလို အိမ်​မှာပဲ ​သင်​ရင်းပြင်​ရင်းနဲ့ အလုပ်​နဲ့လက်​မပြတ်​ လုပ်​ရပါတယ်​ မချမ်းသာ​ပေမဲ့ ​နေ​ပျော်​တဲ့ဘ၀​လေး​ပေါ့​လေ. ဒီလိုနဲ့ တ​နေ့​တော့...

မှတ်​မှတ်​ရရ က​လောသား စိုးလွင်​ဆိုတဲ့​ကျောင်းသားတ​ယောက်​ အိမ်​​ပေါက်​၀​ရောက်​လာပြီး​မေးတယ်​ "ဆရာဦး​အောင်​လွင်​မိုးတို့အိမ်​ ဟုတ်​ပါသလား?"တဲ့ "ဟုတ်​ပါတယ်​​"ပေါ့ "ဆရာရှိလားခင်​ဗျ" "ရှိပါတယ်​ ကျ​နော်​​အောင်​လွင်​မိုးပါ ဘာကိစ္စပါလိမ့်​"ဆို​တော့ သူအံ့သြတကြီးဖြစ်​သွားတယ်​ အဲ့တုန်းက ကျ​နော့်​အသက်​ ၂၆,၂၇ သူက ၃၀​ကျော်​ပြီ ပြီး​တော့ ကျ​နော့်​အိမ်​​နေရင်း အ​ပေါ်​အောက်​ အတို​လေးနဲ့ဟာကိုး "ကျ​နော့်​ကို ဆရာဦးကျင်​ညွန့်​လွှတ်​လိုက်​တာပါ လက်​​တွေ့လုပ်​ငန်းခွင်​​လေ့လာချင်​ ဆရာ့ဆီသွားဆိုလို့ပါ".. တဲ့ ဒါနဲ့ပဲ က​လောသားကိုစိုးလွင်​ကအစ,ပြုလို့ သူရို့​ကျောင်းသားအချင်းချင်းလမ်းညွှန်​တာ​ရော E.Pက ဆရာဦးကျင်​ညွန့်​တို့ ဆရာဦး​အောင်​​မောင်းတုိ့တွန်းပို့တာ​ရောနဲ့ လခစားဆရာဘ၀က​နေ ထွက်​ပြီးကာမှ အိမ်​ကထမင်းပါချက်​​ကျွေးရတဲ့ လခစိုက်​ဆရာဘ၀​ပြောင်းသွားလိုက်​တာ ၂၀၀၀ပြည့်​နှစ်​လယ်​ ကျ​နော်​ ဆိုက်​​ခေါင်​​ပြောင်းသွားတဲ့အထိဆိုပါ​တော့...

အဲ့လိုနဲ့ ​ကျောင်းပုရ၀ဏ်​ပြင်​ပ​ရောက်​ပြီးမှ သင်​​ပေးခဲ့ရတဲ့တပည့်​​တွေထဲမယ်​ ကျ​နော့်​ရင်​ထဲအ​ရောက်​ဆုံးတပည့်​တ​ယောက်​ရှိတယ်​ ဟင်္သာတသား​"ဖြိုး​ဝေ​အောင်​"တဲ့ အစ္စလာမ်​ဘာသာဝင်​တ​ယောက်​ပါ ဆရာဆိုတာမျိုးက ဆိုးတဲ့တပည့်​​တွေရယ်​ ​တော်​တဲ့တပည့်​​တွေရယ်​ကို ပိုမှတ်​မိတာ ဓမ္မတာပါပဲ...

ဒီက​လေးကျ ​တော်​တဲ့အပြင်​ ကျ​နော်​နဲ့ နှလုံးသားချင်းနီးစပ်​တယ်​ဆိုရမယ်​ ​ကျောင်းစာပြင်​ပ သုတ,ရသ ကျ​နော်​နဲ့ထပ်​တူကျ အပြန်​အလှန်​​ဆွေး​နွေးနိုင်​တယ်​ အစ္စလာမ်​ဆို​ပေမဲ့ အယူသီးဖို့​ဝေး ကျ​နော့်​အိမ်​မယ်​ အလျဉ်းသင့်​တဲ့အခါ အိပ်​,စား ပညာသင်​ရင်း ​လောကဓမ္မအ​ကြောင်း​တွေပါ ​​ပြောကြဆိုကြနဲ့ ​နောင်​အခါ ဆရာတပည့်​ဆက်​ဆံ​ရေးဆိုတာထက်​ ​သွေးချင်းဆက်​ဆံ​ရေးလိုဖြစ်​လာခဲ့တာမှ တခါသား သူ ကျ​နော့်​ကို​ပြောရှာတယ်​ "ဆရာ ဗုဒ္ဓဘာသာဝင်​​တွေ ​ပြောသလိုဆို ဆရာနဲ့ကျ​နော်​ အရင်​ဘ၀က သားအဖ​တော်​ခဲ့သလားပဲ​နော်​"... တဲ့ မျက်​ရည်​​လေး အ၀ဲသားနဲ့...

ကျောင်းအားတဲ့တရက်​မှာ​တော့ ကျ​နော့်​အိမ်​ကို ​ကောင်​မ​လေးတ​ယောက်​နဲ့အတူ ​ရောက်​လာတယ်​ ကျ​နော့်​​ရှေ့အတူလာထိုင်​ပြီး မိတ်​ဆက်​​ပေးရှာတယ်​ "ဆရာ သူ့နာမည်​ ​ဌေး​ဌေး...တဲ့ ​ကျောက်​တံခါးက" ဆိုပြီး ပြုံးစိစိလုပ်​​နေ​သေးတာ ဆရာဆို​တော့ ဘာ​ပြောရမှာလဲ ​အေး​အေး ဘယ်​year ဘာ major? အဲ့​လောက်​ပဲ​ပေါ့ သူက "ဒီ​နေ့​တော့ကျ​နော်​တို့ ​ကျောင်းစာအတူကျက်​မလို့ ဆရာ့အိမ်​ဆို​တော့ နား​အေးပါ​​အေး​လေ ​နော့" ဒါနဲ့ အိမ်​​ရှေ့ဝရံတာမှာ ဖျာ​လေးတချပ်​ခင်း စားပွဲ​သေး​လေးချ​ပေးထားလိုက်​တယ်​ အိမ်​တွင်းကျ​တော့ ​ကျောင်းသား​တွေ စက်​လာပြင်​,လာ​ရွေးသူ​တွေနဲ့ဟာကိုး သူတို့လည်း စာကျက်​လိုက်​ သဖန်းသီးစားလိုက်​နဲ့ ​နေ့ခင်းပိုင်းကျ နှုတ်​ဆက်​ပြီးပြန်​သွားကြ​လေရဲ့...

နောက်​ရက်​ကျ​တော့ လာပါပြီစပ်​ဖြီးဖြီးနဲ့ "ဘယ်​လိုမြင်​လဲဆရာ?" "​အေး အ​ချောသားပဲ မင်းနဲ့​တောင်​မတန်​ဘူး"ဆို​တော့ "ဟာ.. ဆရာကလည်း.." တဲ့ ​"ကျ​နော်​​ပြောတာက သူ့type​လေးနဲ့ကျ​နော်​ အဟပ်​မိ,မမိ​မေးတာ"ဆို​တော့ "​အေး မင်းဟတ်​ထိ​နေတာမလား ပြီး​ရော​ပေါ့ကွ ​ပေါင်းရမှာကမင်းတို့" "ဆရာသ​ဘောတူပါတယ်​​နော်​"တဲ့ ရင်​ထဲ လှိုက်​ခနဲဖြစ်​သွားတယ်​ သူကကိုယ့်​ကို အဖ​နေရာထားပြီး ​သူ့​ကောင်​မ​လေး​ခေါ်လာပြရှာတာကိုး... ဒါနဲ့ပဲ "​အေးပါကွာ ဘာသ​ဘောမတူစရာရှိလဲ မင်းတို့ ဘာသာတူ ပညာအဆင့်​အတန်းလည်းတူ နှစ်​​ယောက်​သားလည်း ​နားလည်​ချစ်​ခင်​​နေကြတာကို" ဆို​တော့ သူ့မျက်​နှာအပြုံးလက်​ခနဲ "အိမ်​ကသ​ဘောမတူရင်​ ဆရာလိုက်​​တောင်း​ပေးရမှာ အဲ့လိုသာဆို ကျ​နော်​တို့ ဟိုဖက်​လည်းမ​နေဘူး ဒီဖက်​လည်းမ​နေဘူး ဆရာ့အရိပ်​​အောက်​ လာ​နေမှာဗျ"တဲ့ အရည်​အချင်းရှိတဲ့က​လေး သူ့​ကြောင့်​ကျ​နော့်​မှာ ၀န်​ပိုမယ်​လို့ကို ​တွေးမထားပါဘူး နှုတ်​၏​စောင်​မခြင်းနဲ့ကို အထက်​​ရောက်​မယ့်​​ကောင်​မျိုးမို့ စိတ်​​ရောကိုယ်​ပါ ​ခေါင်းညိတ်​ခဲ့ပါတယ်​...

ပြောရအုံးမယ်​ ဒီ​ကောင်​ကစကား​ပြော သိပ်​မြန်​တာရယ်​ သူ​ပြောတဲ့စကား ကယားမကို စကားပြန်​ထားပြီး နား​ထောင်​ရတာကခပ်​များများ အပြင်​စာအ​ကြောင်း​တွေ​ပြောလို့ သူစိတ်​အားသန်​လာရင်​ပိုဆိုး ကျ​နော့်​မှာ တဟမ်​ဟမ်​နဲ့ ပြန်​ပြန်​​မေး​နေရတာကတလုပ်​ တခါတ​လေ​တော့လည်း နားလည်​ချင်​ဟန်​​ဆောင်​ပြီး "အင်း"လိုက်​​ပေး နား​အေး​ရော ဆို​တော့ သူနဲ့ကျ​နော့်​အိမ်​သူ​ရော သားသမီး​တွေပါ မိသားစုလိုဖြစ်​​နေတာ​ပေါ့..

သူကလည်း ​နောက်​ပိုင်းနှစ်​​တွေကျ​နော့်​အိမ်​လာတယ်​ဆိုတာ သင်​ရတာကနည်းနည်း ဆရာတပည့်​နှစ်​​ယောက်​သား စကားတ​ပြော​ပြောနဲ့ ကျ​နော့်​အပ်​ထည်​​တွေ ထိုင်​ပြင်​ကူ​နေကျ အားတဲ့အချိန်​ဆို ကျ​နော်​ကပုလင်းကိုင်​ သူကတခွက်​တ​လေ က​လေးထိန်းကူရင်းလိုက်​​မော့ ဟန်​ချက်​ကို ညီလို့ရယ်​ ခု ပုံတင်​တင်​​နေတဲ့ အသည်း​ကျော်​​လေးရဲ့အ​မေ ကျ​နော့်​သမီးကြီးဆို သူ့လက်​​ပေါ်များများ​ပေါ့...

ဒီလိုနဲ့ ၂၀၀၀ခုနှစ်​ထဲကျ​တော့ ​အေးသာယာအိမ်​ ​ဟောင်​​လောင်းထားခဲ့ပြီး တမိသားစုလုံး ဆိုက်​​ခေါင်​​ပြောင်းဖြစ်​​ရော ဟို​ရောက်​​တော့လည်း ရုန်းရကန်​ရနဲ့​ပေါ့​လေ...

တ​နေ့သား ဖုန်းဆိုင်​ဖွင့်​ထားတဲ့(အဲ့တုန်းက ဆိုက်​​ခေါင်​တရွာလုံး​ပေါင်း ဖုန်း၂လုံးပဲရှိတယ်​ အခ​ပေးဆက်​ကြရတာ​ပေါ့​လေ ကိုယ်​ကဆက်​လည်း​ပေး ဟိုက​ခေါ်လာလို့ သွားနား​ထောင်​လည်း​ပေး ဘာပဲ​ပြော​ပြော ဆက်​သွယ်​မှုဧရိယာပြင်​ပ မ​ရောက်​ခဲ့ရတာ​လေး ​ကျေးဇူးတင်​ရပါတယ်​) ဦးသန်းထူးအိမ်​က​ကောင်​မ​လေးတ​ယောက်​ ​ဈေးထဲစက်​ပြင်​ဆိုင်​ဖွင့်​ထားတဲ့ကျ​နော့်​ကိုလာ​ခေါ်တယ်​ ဘယ်​သူ​ခေါ်တာတုန်းဆို​တော့ "နာမည်​မ​ပြောဘူး ဆရာဖြူ့တပည့်​လို့​ပြော​ပေးပါ"တဲ့ ဇ​ဝေဇ၀ါနဲ့ထလိုက်​သွား ဟို​ရောက်​​တော့ "ဟဲလို ကျ​နော်​ကိုဖြူပါ"ဆိုတာနဲ့ "ဆရာ ကျ​နော်​ငဖြိုးပါ"တဲ့ "ဟ ငဖြိုး မင်းဘယ်​ကဆက်​​နေတာလဲ ဒီဖုန်းနံပါတ်​ ဘယ်​ကရတာလဲ" အဲ့အချိန်​ သူ​ကျောင်းပြီးသွားတာ ၂နှစ်​​ကျော်​ပြီထင်​ပါရဲ့ ဒါ​ကြောင့်​တအံ့တသြနဲ့​မေးမိတာ ဆိုက်​​ခေါင်​ဖုန်းနံပါတ်​​တွေက ကျ​နော့်​အမျိုး​တွေပဲသိတာကိုး သူက"ခုကျ​နော်​ ​တောင်​ကြီး​ရောက်​​နေတာဆရာ ညခင်းကျ ဆရာ့ဆီဆင်းလာ​တွေ့မလို့ လမ်းညွှန်​​ပေးပါအုံးဆရာ" .. ​

ပြောပြရတယ်​ ဟိုမှာကကျ​နော်​လူပျိုဘ၀နဲ့ အိမ်​​ထောင်​ဦးကာလ​တွေမှာလည်း ​နေခဲ့ဖူးတာဆို​တော့ လူသိများပါတယ်​ စက်​ပြင်​ဆိုင်​ကလည်းနည်း ဆို​တော့​လေ.... အဲ့ညခင်းက သူ​ရောက်​မလာဖြစ်​သလို သူ့ရဲ့စကားသံကြားရခြင်းဟာ အဲ့ဒီစကားလုံး​တွေက ​နောက်​ဆုံးဖြစ်​လိမ့်​မယ်​လို့ ​မျှော်​လင့်​မထားခဲ့မိပါဘူး...

ဘ၀ဇာတ်​ခုံ​ပေါ် ထင်​သလိုက,ရင်းနဲ့ မ​မျှော်​လင့်​ပဲ ​အေးသာယာမှာ ဒုတိယမ္ပိအ​ခြေချမိပြန်​​တော့ တ​နေ့သား ဆရာဦး​စောသာထွန်းက ဖိတ်​စာတ​စောင်​ အိမ်​အ​ရောက်​လာ​ပေးတယ်​ က​လော/​အေးသာယာ ဂျီတီအိုင်​​ကျောင်းသူ/​ကျောင်းသား​ဟောင်းများရဲ့ အာစရိယပူ​ဇော်​ပွဲတက်​​​ရောက်​အပူ​ဇော်​ခံဖို့... တဲ့ က​လော​မြေမှာကျင်းပတဲ့ ၂၅ကြိမ်​​မြောက်​ K/Aအာစရိယပူ​ဇော်​ပွဲအတွက်​ပါ...

ဒိုင်းခနဲဝမ်းသာသွားတယ်​ ကိုယ်​က ​ကျောင်းအသိုက်​အ၀န်းပြင်​ပ ​ရောက်​​နေခဲ့တာကြာပြီကိုး လုပ်​​ဖော်​ကိုင်​ဖက်​ ဆရာ/ဆရာမများနဲ့လည်းပြန်​ဆုံခွင့်​ရ တပည့်​​ဟောင်းများနဲ့လည်း ပြန်​​တွေ့ခွင့်​ရ တဆက်​ထဲ ပထမဆုံးသတိရမိတာက အဲ့​ကောင်​"ငဖြိုး" တပည့်​မက,သားသမီးလိုပါ ချစ်​ခင်​ခဲ့ရသူကိုး...

ဒီလိုနဲ့ က​လော​မြေကိုနင်းမိ​တော့ ၀မ်းသာအားရ နှုတ်​ဆက်​ကြ "ငဖြိုး"​မေးဖို့ကျ ဘယ်​သူ့ဆီ​မေးရမယ်​မသိဖြစ်​​နေတာ သူက ကျ​နော်​​ကျောင်းဆရာဘ၀ကတပည့်​မဟုတ်​ အိမ်​မှာလာသင်​တဲ့ တပည့်​​တွေထဲက​ယောက်​ဆို​တော့ အဲ့လိုတပည့်​​တွေထဲက မှတ်​မိနိုင်​သ​လောက်​​လေးစဉ်းစား​နေတုန်း ကံအား​လျော်​စွာပဲ ​"​ကျော်​စွာဝင်း"ဆိုတဲ့တပည့်​​လေးတ​ယောက်​ လာနှုတ်​ဆက်​တယ်...

 ​"​ကျော်​စွာ​ရေ မင်းက ဖြိုး​ဝေ​အောင်​နဲ့တနှစ်​ထဲမလား အဲ့​ကောင်​လာလား? ဆရာအရမ်း​တွေ့ချင်​လို့"ဆို​တော့ ၀မ်းနည်းမျက်​နှာနဲ့ "ငဖြိုးဆုံးပြီ​လေဆရာ ဆရာသတင်းစာ/ဂျာနယ်​​တွေ မဖတ်​ဖြစ်​ဘူးလား?"တဲ့ ရင်​ထဲ ​အောင့်​ခနဲဖြစ်​သွားရတဲ့အထဲ ​တချက်​​ကြောင်​သွားပြန်​တယ်​ သတင်းစာ/ဂျာနယ်​နဲ့ ငဖြိုးဆုံးတာ ဘာဆိုင်​လဲ​ပေါ့ ကား​ပေါ်ကဆင်းဆင်းချင်း ဆရာ/ဆရာမ​တွေကို အတီးအမှုတ်​​တွေနဲ့ ကြိုဆို​ရေးလုပ်​​နေတဲ့​နေရာ ရပ်​စကား​ပြော​နေတာဆို​တော့ လူနည်းနည်းရှင်းတဲ့​နေရာ​ခေါ်သွား ​သေချာ​မေးကြည့်​​တော့ "ရန်​ကုန်​သင်္ကြန်​ X2Oမဏ္ဍပ်​ ဗုံးကွဲတဲ့ကိစ္စ တရားခံဆိုပြီး အဖမ်းခံရတာဆရာ"တဲ့လေ..

"ဟာ.. ဒီ​ကောင်​ ဒီအစားမဟုတ်​ဘူး မဖြစ်​နိုင်​ဘူး"ဆို​တော့ "ကျ​နော်​လည်း အဲ့လိုပဲယူဆပါတယ်​ဆရာ"တဲ့ ..."ဒါနဲ့ ငဖြိုးက အိမ်​​ထောင်​ကျခဲ့​သေးလား? ​ဌေး​ဌေးနဲ့ပဲလား?"ဆို​တော့ "ဟုတ်​တယ်​ဆရာ ​ဌေး​ဌေးနဲ့ပဲ သမီး​လေးတ​ယောက်​ သား​လေးတ​ယောက်​ ကျန်​ရစ်​ခဲ့တယ်​"တဲ့​လေ.. ရင်​နင့်​​နေတဲ့ကြား စိတ်​သက်​သာရာတချက်​​ပေါ့ က​လေးမကို အိမ်​​ခေါ်လာပြတုန်းက သူ့မျက်​နှာ​ပေါ်ကအပြုံး ကျ​နော်​အတိအကျ ဘာသာပြန်​တတ်​ခဲ့တာကိုး..

စကားရှင်း​အောင်​ထပ်​​မေးချိန်​မရပါဘူး ဆရာ​တွေကို စာရင်းအလိုက်​ ဟိုတယ်​​တွေမှာ​နေရာချထား​ပေးဖို့ လာ​ခေါ်​နေတာနဲ့လိုက်​သွားရ ရင်​ထဲ တအုံ​နွေး​နွေးနဲ့ ဗုံးကွဲတဲ့ကိစ္စနဲ့ငဖြိုး ဘယ်​လိုမှကို တွဲစပ်​စဉ်းစားလို့မရခဲ့တာ ဒီ​နေ့ထိပါပဲ...​နောက်​ထပ်​ သူ့အ​ပေါင်းအသင်းများနဲ့ဆုံတိုင်း​မေး ဘယ်​သူမှလည်း ​ရေ​ရေရာရာမ​ပြောနိုင်​ အာစရိယပူ​ဇော်​ပွဲဆို​တော့လည်း ကိစ္စများ​မြောင်​ဟာကိုး.. ​နော့

ဒီလို​နေလာရင်း ​အေးသာယာမှာကျင်းပတဲ့ ၂၇ကြိမ်​​မြောက်​ K/Aအာစရိယပူ​ဇော်​ပွဲကျ​တော့ ​နေ့ခင်းစာအပြီး အိမ်​ပဲအ​စောပြန်​လာမိတယ်​ အိမ်​​ရောက်​ပြီးတ​အောင့်​​နေ ဖုန်းဝင်​လာတယ်​ "ဆရာဖြူ့ဖုန်းလားဗျ"တဲ့ "ဟုတ်​ပါတယ်​"ဆို​တော့ " ဆရာ ကျ​နော်​​ဇော်​​ဇော်​​အောင်​ပါ ဆရာ့တပည့်​မ​,​ဌေး​ဌေးက ဆရာနဲ့​တွေ့ချင်​လို့ပါ ဆရာ့ကို​ကျောင်းထဲလိုက်​ရှာ​နေတာ မ​တွေ့လို့ ဖုန်းဆက်​ကြည့်​တာပါ"တဲ့ "​အေးဟ ဆရာက အိမ်​ပြန်​​ရောက်​​နေပြီ အိမ်​ပဲလိုက်​လာလိုက်​ကြ ဆရာလည်း​ သူ့​တွေချင်​​နေတာ အ​တော်​ပဲကွာ"ဆိုပြီး ခဲရာခဲဆစ်​လမ်းညွှန်​ ​ရောက်​လာကြ သမီး​ဌေးနှယ်​ ငိုပါ​လေ​ရော့​ပေါ့... ​နောက်​ အ​ကြောင်းစုံ​မေးကြည့်​​တော့ သိရတာက ဒီလို...

အခင်းဖြစ်​​နေ့မှာ ငဖြိုးဘယ်​​နေရာမှာရှိပြီး ဘာလုပ်​​နေတယ်​ဆိုတာ နာရီပိုင်းအလိုက်​ကို အလီဘိုင်​ပြနိုင်​တယ်​ လူသက်​​သေ​တွေလည်းရှိတယ်​ သူ့ကိုလာဖမ်းတာက ၂၀၁၀ ဧပြီ ၂၂ရက်​ညပိုင်း အခင်းဖြစ်​ပြီး တပါတ်​အကြာဆိုပါ​တော့ ဖမ်းပြီဆိုတာနဲ့ ​အောင်​သ​ပြေစစ်​​ကြော​ရေးကိုပို့လိုက်​တယ်​ ​ဌေး​ဌေးပြန်​​ပြောပြတဲ့ နှိပ်​စက်​နည်း​တွေကြားရ​တော့ ​"​တောက်​​"​ခေါက်​မိတယ်​ ...

ဘယ်... ​ ဖက်​ဆစ်​ကင်​​ပေတိုင်​က အဘ​ခေါ်ရမယ့်​နည်း​တွေ လူစိတ်​မရှိတဲ့​ကောင်​​တွေမို့သာ အဲ့လိုနည်း​တွေစိတ်​ကူးရက်​ စိတ်​ကူးရဲမှာကိုး...ဖက်​ဆစ်​ရဲ့အဘ စစ်​ဖက်​.. ​အောင်​သ​ပြေမှာချည့်​ ၉ရက်​ ဒီအတွင်း ငဖြိုးအလီဘိုင်​ပြတဲ့​လူ​သက်​​သေ​တွေကို နည်းမျိုးစုံနဲ့ခြိမ်း​ခြောက်​ သက်​​သေမလိုက်​ရဲ​အောင်​​ပေါ့ ...

နောက်​ လှိုင်​မြို့နယ်​တရားရုံး​ခေါ်သွားပြီး ​ဖြောင့်​ချက်​​ပေးခိုင်း ပြီးတာနဲ့အင်းစိန်​​ထောင်​မှာ သီးသန့်​တိုက်​ပိတ်​ထား ​နောက်​၂လ​နေမှ အမှုရုံးတင်​ပါသတဲ့...၂၀၁၀ ဂျူလိုင်လောက်မှာ စွဲချက်စတင်တယ် အမှုစစ်ဆေးချိန် ၂နှစ်နီးပါးဆိုပါတော့ ၂၀၁၂ မေ ၈ရက်မှာမှ အမိန့်ချတယ် အမိန့်ချပြီးနောက်တရက်မှ ဆေးရုံတင်ပေးပါသတဲ့...

အဲ့အချိန်ကျတော့ ငါ့သားတပည့်လေးငဖြိုး(ဖြိုးဝေအောင်)ခမျာ ခါးအောက်ပိုင်းချည့်သွားရှာပြီ လူပွေ့ထူ ဆေးရုံရောက် သံခြေကျင်းမဖြုတ်ပေးပါတဲ့လေ.. နောက် ကုလကိုယ်စားလှည် မစ္စတာကင်တားနားတို့ရောက်လာ မေတ္တာရပ်ခံပါမှ ခြေကျင်းဖြုတ်ပေး သူ့ဇနီးဌေး အနီးကပ်ပြုစုခွင့်ရခဲ့ပါတယ်...
..
ပြစ်ဒဏ်လား?

ဗုံးခွဲတယ်ဆိုတော့ သေ,နာ,ကျိုး,ကန်း
၃၀၂အတွက် သေဒဏ်, ၃၂၆က ၁၀နှစ်, ၃၂၄က ၆နှစ် ပြစ်ဒဏ်စု သေဒဏ်အဖြစ် တပေါင်းတည်းကျခံစေ... ဒါက ပြစ်မှုတအုပ်စု
နောက်ဆက်တွဲက ဖောက်ခွဲ(၃)အတွက် တသက်တကျွန်း မတရားသင်း၁ရ(၁)အတွက် ၃နှစ် နယ်စပ်ဖြတ်ကျော် ၆နှစ်...
သေဒဏ်အပြင်ကို တပျော်တပါးချထည့်လိုက်တာများ အားရစရာပေါ့..

နိုင်ငံတော်တည်ငြိမ်ရေး,တရားဥပဒေစိုးမိုးရေးကို ဦးတည်ပါသည်ပေါ့...

ခက်တာက ကျနော့်တပည့် နယ်စပ်လည်းမရောက်ဖူးဘူး ကရင်ဖောက်ခွဲရေးတာဝန်ခံဆိုတဲ့ကောင် သူ့သူငယ်ချင်းကမိတ်ဆက်ပေးလို့ လက်ဖက်ရည်ဆိုင်မှာ တခါဆုံဖူးတယ် နောက်တပါတ်အကြာ တခါထပ်ကြုံတယ် သွားရင်းလာရင်း မိတ်ဆက်ခံရဖူးသူတယောက်နေနဲ့ အလ္လာပသလ္လာပပြောမိခြင်းလောက်ပါပဲ...
ဒီအချက်အပေါ်ခြေကုတ်ယူပြီး ဇွန်းခက်ရင်းနဲ့ အထိုးခံလိုက်ရတာ.....

X2Oဗုံးကွဲတယ်ဆိုတော့ တရားခံရှာ ကရင့်ဖောက်ခွဲရေးတာဝန်ခံ ရန်ကုန်ရောက်နေတယ်ဆိုတာကလည်း MIတွေသိနေသားပဲ ဗုံးကွဲပီးနောက်ရက် အဲ့ကောင်ကလစ်ပြီ တကယ်ငါကြားရသလောက် အက်ကောင်နဲ့ဒီကိစ္စ ဘာမှမဆိုင်ပါဘူး...

ရဲနဲ့MI ပေါင်းပြီးတရားခံရှာကြ ငဖြိုး ထိုးကျွေးခံလိုက်ရတယ်...
ငါ့ရဲ့ဘဝနဲ့စက် ကျိန်ဆိုနိုင်ပါတယ် ငဖြိုးသည် တရားခံမဟုတ် လုပ်ပိုင်ခွင့်များပေးရင် အဲ့တုန်းကတရားခံ ခုချိန်မှာကို လက်ဆွဲထုတ်ပြလိုက်ချင်တယ်...

၂၀၁၂ မေ၈ အမိန်ချ နောက်ရက်ဆေးရုံတင် သြဂုတ်လ ၃ရက်မှာ သမ္မတဦးသိန်းစိန်အမိန့်နဲ့ သူ့တဦးတည်းလွတ်လာတယ် ထူးဆန်းတယ်နော်...
ကျနော့်တပည့် သူရို့ပြောသလို ဒီပြစ်မှုကျူးလွန်ရိုးမှန်ရင် သတ်ပစ်လိုက် ၅ကြိုးလောက်ဆက်ပေးပလိုက် ဝမ်းနည်းစရာအကြောင်းကိုမရှိတာ...

ဒီ့လောက်ကြီးတဲ့ပြစ်မှု ဒီလိုအပြစ်ဒဏ်ချပြီး ၃လအကြာ ကွင်းလုံးကျွတ်လွတ်လာတယ်...

ဒါပေမဲ့ ငဖြိုးခမျာ လွတ်လူဘဝနဲ့ဆေးရုံပေါ်ပက်လက် မှတ်မှတ်ရရ ၂၀၁၃ ဇန်နဝါရီ၎ မြန်မာ့လွတ်လပ်ရေးနေ့မှာ တဘဝစာလုံးအတွက် လွတ်မြောက်သွားခဲ့ရှာပါတယ်...
မောင်သန်းရွှေဆင်းကာနီး သူ့မြေးလဒကောင်ရဲ့မဏ္ဍပ်မှာ စ,လိုက်တဲ့အမှု ..

ငဖြိုးရေ... မင့်ကြမ္မာငင်ချင်လို့ဟ...
အဲ့နှစ်က သူ့အိမ်သူဌေးဌေးကို တဖွဖွပြောနေပါသတဲ့ ငါတို့ ဆရာဖြူ့အရိပ်ဆီပဲ သွားခိုပြီးလုပ်စားရအောင်လေ...တဲ့
ခွေးလေး... လွမ်းနင့် ကျန်ရစ်အောင်လုပ်တာ အရောက်လာဖြစ်ခဲ့မယ်ဆိုရင်လည်း ဒီလိုခွေးထိုးလောက်ကိုက် ခံရမှာမဟုတ် ငါဘယ်လိုဖြေရမှာလဲငဖြိုးရာ...

...

သူ့ဆန်စား ရဲရမယ်...တဲ့
တော်ရုံဆို ငါနားလည်ပေးပါတယ် ဒါပေမဲ့...

မင်းတို့ တလုပ်တဆုပ်အတွက် တွေ့ကရာလူဆွဲသွင်း တရားခံစာရင်းထဲ မထည့်လိုက်ကြပါနဲ့...

အပြစ်ရှိသူအယောက်တရာ လွတ်သွားပါစေ
အပြစ်မဲ့သူတယောက် တရားခံမဖြစ်စေရ... ဆို?

မင်းတို့က တယောက်သာဆွဲသွင်းတယ်ဆိုပေမဲ့
သူ့နောက်မှာ ဘဝများစွာကျန်ရစ်တယ်
နောင်တ,နောင်မှရသတဲ့
မင့်တို့နောင်တရမယ့်အချိန် ဘဝတွေကြွေလွင့်ကုန်ပေါ့....

ခု နေပြည်တော် 'အောင်ကြီး' ကြည့်လုပ်ကြ
ငါ ဒလိုရေး သောက်ပုဒ်မနဲ့တရားလာစွဲ
ယိတောင် ဂုစိုက်မယ်မထင်နဲ့
ငါ့တပည့်ဖြစ်ရပ်မှန်ကိုအခြေခံ မတရားစွတ်စွဲခံရသူများအတွက် ငါရေးတယ် လာခေါ်လှည့် ပျော်ပျော်ကြီးလိုက်မယ်...
ငတို့နိုင်ငံတော် ကြီး တရားဥပဒေ စိုးမိုးနိုင်စေသောဝ်....

Saya O Phyu