ပြည်သူများ ပြင်ဆင်ရန် လိုလားနေသော ဖွဲ့စည်းပုံအား တပ်မတော်အနေဖြင့် အကာအကွယ်ပေးရန် မလိုတော့

မနေ့က ပြန်လည် ကျင်းပတဲ့ ပြည်သူ့လွှတ်တော်တွင် ၄၅ ဦး ပါ ဖွဲ့စည်းပုံ ပြင်ဆင်ရေး ပူးပေါင်း ကော်မီတီက ပြင်ဆင် ဖြည့်စွက် ပယ်ဖျက်ရန် အချက်ပေါင်း ၃၇၆၅ ချက် ပါ စာမျက်နှာ ၃၅၃ ရှိ အဆို မူကြမ်းကို တင်သွင်းလိုက်ပြီ ဖြစ်ပါတယ်။

အဆိုပါ ပူးပေါင်း ကော်မီတီသည် အမျိုးသား ဒီမိုကရေစီ အဖွဲ့ချုပ်မှ ဦးဆောင်ပြီး ပါတီအသီးသီးမှ လွှတ်တော် ကိုယ်စားလှယ်များ နှင့် ဖွဲ့စည်းထားခြင်း ဖြစ်ပါတယ်။

အံ့သြစရာ ကောင်းနေရသည်က အဆိုပါ ပြင်ဆင်ရန် တင်သွင်းသည့် အဆိုပြုချက်များ တွင် အင်အယ်ဒီ က အဆိုပြု ချက် ၁၁၄ ချက်သာ ပါဝင်ပြီး ရှမ်းတိုင်းရင်းသာ ဒီမိုကရေစီ အဖွဲ့ချုပ်က ၁,၁၁၂ ချက်ဖြင့် ဦးဆောင်ခဲ့ပြီး ရခိုင် အမျိုးသား ပါတီ (ANP) က ၈၅၈ ချက်၊ မွန်အမျိုးသား ပါတီက ၆၄၁ ချက်၊ ပလောင် အမျိုးသား ပါတီက ၁၇၈ ချက်၊ ပအို့ အမျိုးသား အစည်းအရုံးက ၁၄၀၊ ကချင် ပြည်နယ် ဒီမိုကရေစီပါတီက ၁၁၁ ချက်၊ ဇိုမီ ပါတီ က ၅၃ ချက် ပါဝင်ပါတယ်။

ပိုပြီး အံ့သြစရာ ကောင်းတာက ကျင်းပခဲ့သည့် ကော်မီတီ ၏ ကျင်းပခဲ့သော အစည်းအဝေး ၂၅ ကြိမ် အတွင်း မိမိတို့၏ ထင်မြင်ချက် လုံးဝ မပေးပါဟု ပြောခဲ့သည့် ကြံခိုင်ရေး ပါတီက ၁၁ ချက် ပြင်ဆင်ဖို့ ထည့်သွင်းလာတာပဲ ဖြစ်ပါတယ်။ တပ်မတော်ကတော့ ၎င်းတို့အား နိူင်ငံရေး အရ ဦးဆောင်မှု ရအောင် ဦးတည် ရေးဆွဲခဲ့တဲ့ မူလ သဘောထား မပျက်ရအောင် တချက်တလေမျှ ပြင်ဆင်ဖို့ တင်သွင်းခဲ့ခြင်း မရှိတာ တွေ့ရပါတယ်။

အဆိုပါ အစီရင်ခံစာ ကို လာမည့် ရက်သတ္တပါတ်များ အတွင်း လွှတ်တော်မှာ ဆွေးနွေးကြဖို့ ရှိနေပါတယ်။

ယခု ဖွဲ့စည်းပုံ ပြင်ဆင်ရေး သည် အင်အယ်ဒီမှာ အာဏာရပြီးနောက် ပထမဆုံး အကြိမ် ကြိုးပမ်းခဲ့တာ ဖြစ်ပါတယ်။ အတည်မပြု နိူင်တဲ့ သတင်းများ အရ ၂၀၁၆ ရွေးကောက်ပွဲ အပြီး ဒေါ်အောင်ဆန်းစုကြည် နှင့် တပ်မတော် ခေါင်းဆောင်ပိုင်း များ ဆွေးနွေးရာမှာ ဖွဲ့စည်းပုံ ပြင်ဆင်ရေး အတွက် နှစ် နှစ် အတွင်း မကြိုးပမ်းပါ၊ ကြိုးပမ်း မည်ဆိုက ဗိုလ်ချုပ်မှုကြီး မင်းအောင်လှိုင်ကို ကြိုတင် အသိပေးပါမယ် ဆိုတဲ့ ကတိပေးခဲ့ရတယ်လို့ သိရပါတယ်။ ကတိ အတိုင်းလည်း ကြိုတင် အသိပေးထားခဲ့တယ် လို့ ဆိုပါတယ်။

အဆိုပါ ဖွဲ့စည်းပုံကား ၂၀၀၈ အတွင်း အတည်ပြု ပြဠာန်း ခဲ့တာလည်း ဖြစ်ပြီး ထိုအချိန်က စစ်အာဏာရှင် စနစ်အောက်တွင် ပြည်သူအများ ဒုက္ခ ပင်လယ် ဝေနေရပြီး တပူပေါ် နှစ်ပူဆင့် ဆိုသလို ပြင်းထန်လှတဲ့ နာဂစ် မုန်တိုင်းကြီး တိုက်ခိုက်ခံရပြီး လူပေါင်း တသိန်းလေးသောင်းခန့် သေဆုံးသွားတဲ့ အဖြစ်ဆိုးကြီး ပေါ်ပေါက်နေချိန်လည်း ဖြစ်ပါတယ်။

၁၉၉၀ ရွေးကောက်ပွဲ ရလာဒ်ကို န၀တ က ၁၉၉၀ ဇူလိုင်၂၇ ရက်တွင် ၁/၉၀ ကြေငြာချက် ဖြင့် ရွေးကောက်ပွဲသည် ဖွဲ့စည်းပုံ ရွေးဆွဲရန် ပြည်သူ့ကိုယ်စားလှယ်များ ရွေးချယ်ခြင်း ဖြစ်တယ်လို့ ချွေးသိပ်ခဲ့ပြီး အာဏာလွှဲပေးရန် ဗြောင်ကျကျ ငြင်းဆို သွားခဲ့ပါတယ်။ တကယ်တမ်း ဖွဲ့စည်းပုံ ရေးဆွဲရေး ညီလာခံ စတင် ကျင်းပချိန် မှာတော့ ၁၉၉၀ အတွင်း ပြည်သူများ ရွေးကောက်တင်မြှောက်ခဲ့တဲ့ ကိုယ်စားလှယ် ၁၅.၂၄ ရာနှုန်းသာ တက်ရောက်ဖို့ ခွဲတမ်းချပေးခဲ့ပြီး ကျန်တဲ့ ၈၅% ကိုတော့ လူထုလူတန်းစား အလွှာအသီးသီး မှ စစ်အစိုရ ရွေးချယ် စေလွှတ်တဲ့ ကိုယ်စားလှယ်တွေသာ တက်ရောက်ခွင့်ရခဲ့တာလည်း ဖြစ်ပါတယ်။

ပြည်သူများ က တော့ ဘာမှ မတတ်နိူင်ခဲ့ကြ၊ နောက်ဆုံးတွင်တော့ ရွေးကောက်ပွဲ ကျင်းပပေးပြီး ပြည်သူများအား အာဏာ လွှဲပေးမည်လို့ ကတိပေးထားတဲ့ အချက်တခုတည်းနှင့်ပင် အဆိုပါ ဖွဲ့စည်းပုံကို နောင်လာနောင်ခါဈေး ဆိုပြီး မျက်စိမှိတ် မဲပေးခဲ့ကြတာ ဖြစ်ပါတယ်။ စစ်အာဏာရှင် စနစ်အောက်တွင် မည်သို့မျှ လွတ်လပ်ပြီး တရားမျှတမှု မရှိခဲ့သည် အဖြစ်ကြောင့် လူထု၏ ဆန္ဒအမှန်ကို မည်သို့မျှ ထင်ဟပ်နိူင်ခြင်း မရှိသည့် အတုအယောင် ဆန္ဒခံယူပွဲ အဖြစ် နိူင်ငံတကာ က ကင်ပွန်းတပ်ခံခဲ့ရတဲ့ ဆန္ဒ ခံယူပွဲ အဖြစ် ထွက်ပေါ်လာခဲ့ရပါတယ်။

ယခုအခါ ပြည်တွင်း ပြည်ပ အခြေအနေများ ပြောင်းလဲလာပြီး စီးပွားရေး တိုးတက်လာသည်နှင့် အမျှ ပြည်သူများက လွတ်လပ်မှု၊ တရားဥပဒေ စိုးမိုးမှု များ ကို ပြင်းထန်စွာ တောင့်တလာနေကြပြီး ၎င်းတို့၏ မျှော်လင့်ချက်များ ကို ဖြည့်စည်းပေးနိူင်ခြင်း မရှိတော့ဟုသော ၂၀၀၈ ဖွဲ့စည်းပုံ ပြင်ဆင်ရေး ကို သောင်းသောင်းဖြဖြ ကြိုဆိုထောက်ခံလာခဲ့ကြတာလည်း ဖြစ်ပါတယ်။

တိုင်းပြည်တွင် မငြိမ်သက်မှု များ၊နှင့် အထိတ်ထိတ် အလန့်လန့် ဖြစ်အောင် ဖန်တီးခဲ့ကြတဲ့ အုပ်စုများသည်လည်း ၎င်းတို့ ကြောင့် ပြည်သူများက ၂၀၀၈ ဖွဲ့စည်းပုံ ကို ပြင်ဆင်လိုတဲ့ ဖက်ကို မရည်ရွယ်ပဲ တွန်းပို့ လိုက်သလို ဖြစ်သွားရပါတယ်။

အဆိုပါ ပြည်သူလွှတ်တော် အစည်းအဝေးသို့ ငြိမ်းချမ်းရေး နှင့် ပွင့်လင်း လူဘောင် အဖွဲ့အစည်းမှ ဦးမင်းကိုနိူင်၊ ဦးဂျင်မီ နှင့် ဒေါ်နီလာသိန်း တို့က ထောက်ခံသည့် အနေဖြင့် လေ့လာသူများ အဖြစ် တက်ရောက်လာတာကိုလည်း တွေ့ရပါတယ်။

ဒီအတွက် ဖွဲ့စည်းပုံ အခြေခံ ဥပဒေအား ကာကွယ် စောင့်ရှောက်သွားပါမည်ဟူသော တပ်မတော် အနေဖြင့်လည်း ပြည်သူများ မလိုလားသည့် ဖွဲ့စည်းပုံ ဟောင်းကြီးကို ဆက်လက် စောင့်ရှောက်သွားပါမည်ဟူသော ကြွေးကြော်သံသည်လည်း မည်သို့မျှ အဓိပ္ပါယ် မရှိ ဖြစ်လာနေပါတယ်။

သို့သော် တပ်မတော်က ဖွဲ့စည်းပုံ ပြင်ဆင်ရေးသည် အခန်း (၁၂) လုပ်ထုံး လုပ်နည်းများ နှင့် မညီ၊ NLD ၏ ပြည်သူများ ရွေးကောက်တင်မြှောက်ထားသော ကိုယ်စားလှယ်များကလည်း အခန်း (၁၂) နှင့်အညီ လုပ်ပါသည်ဟု ပြောဆိုနေပါတယ်။

ဒီနေရာ မှာ ဘာတွေ ကွဲလွဲနေသလဲ သိရအောင် အခန်း (၁၂) ကို ကျွန်တော် ပြန်လည် ကူးယူ တင်ပြလိုက်ပါတယ်၊ ပုဒ်မ ၄၃၃၊ ၄၃၄၊ ၄၃၅၊ နှင့် ၄၃၆ (က) ကြီး သာ ပါဝင်ပြီး တမျက်နှာ ကျော်ကျော်လေးပဲ ရှိပါတယ်။

========================
အခန်း (၁၂)
ဖွဲ့စည်းပုံ အခြေခံ ဥပဒေ ပြင်ဆင်ခြင်း

၄၃၃။ ။ ဤ ဖွဲ့စည်းပုံ အခြေခံ ဥပဒေပါ ပြဠာန်းချက် တရပ်ရပ်ကို အောက်ဖေါ်ပြပါ သတ်မှတ်ထားသော နည်းလမ်းအတိုင်း ဆောင်ရွက်ရမည်။

(က) ဖွဲ့စည်းပုံ အခြေခံ ဥပဒေကို ပြင်ဆင်ရန် တင်သွင်းသော အဆိုကို ဥပဒေ မူကြမ်း အဖြစ်ဖြင့် တင်သွင်းရမည်။
(ခ) ဖွဲ့စည်းပုံ အခြေခံ ဥပဒေကို ပြင်ဆင်ရန် အဆိုတင်သွင်းသော ဥပဒေ မူကြမ်းတွင် အခြား အဆိုများ မပါရှိစေရ။

၄၃၄။ ၊ ဖွဲ့စည်းပုံ အခြေခံ ဥပဒေကို ပြင်ဆင်ရန် ဥပဒေမူကြမ်းကို ပြည်ထောင်စု လွှတ်တော်တွင် တင်သွင်းရမည်။

၄၃၅။ ။ ဖွဲ့စည်းပုံ အခြေခံ ဥပဒေကို ပြင်ဆင်ရန် ဥပဒေမူကြမ်းကို ပြည်ထောင်စု လွှတ်တော်ရှိ လွှတ်တော် ကိုယ်စားလှယ် စုစုပေါင်း၏ ၂၀ ရာခိုင်နှုန်းက တင်ပြလာလျင် အဆိုပါ ပြင်ဆင်ချက် ဥပဒေ မူကြမ်းကို ပြည်ထောင်စု လွှတ်တော်က လက်ခံ ဆွေးနွေးရမည်။

၄၃၆။ ။ (က) ဤ ဖွဲ့စည်းပုံ အခြေခံ ဥပဒေရှိ ပုဒ်မ (၁) မှ (၄၈) အထိ၊ အခန်း (၂) ပုဒ်မ ၄၉ မှ ၅၆ အထိ၊ အခန်း (၃) ပုဒ်မ ၅၉၊ ၆၀၊ အခန်း (၄) ပုဒ်မ ၇၄၊ ၁၀၉၊ ၁၄၁၊ ၁၆၁၊ အခန်း (၅) ပုဒ်မ ၂၀၀၊ ၂၀၁၊ ၂၄၈၊ ၂၇၆၊ အခန်း (၆) ပုဒ်မ ၂၉၃၊ ၂၉၄၊ ၃၀၅၊ ၃၁၄၊ ၃၂၀၊ အခန်း (၁၁) ပုဒ်မ ၄၁၀ မှ ၄၃၂ အထိ၊ အခန်း (၁၂) ပုဒ်မ ၄၃၆ တို့ရှိ ပြဠာန်းချက်များကို ပြင်ဆင်လိုလျင် ပြည်ထောင်စု လွှတ်တော် ကိုယ်စားလှယ် အားလုံး၏ ၇၅% ကျော်က ပြင်ဆင်ရန် သဘောတူ လက်ခံပြီးနောက် ပြည်လုံးကျွတ် ဆန္ဒခံယူပွဲ ကျင်းပ၍ ဆန္ဒမဲ ပေးပိုင်ခွင့် ရှိသူ အားလုံး၏ ထက်ဝက်ကျော် ဆန္ဒမဲ ဖြင့်သာ ပြင်ဆင်ရမည်။

(ခ) ပုဒ်မခွဲ (က) တွင် ဖေါ်ပြထားသည့် ပြဠာန်းချက်များ မှ အပ အခြား ပြဠာန်းချက်များကို ပြည်ထောင်စု လွှတ်တော် ကိုယ်စားလှယ် အားလုံး၏ ၇၅% ကျော် ထောက်ခံမဲ ဖြင့် သာ ပြင်ဆင်ရမည်။

==================================

ထို့အတွက် မည်သို့များ လုပ်ထုံးလုပ်နည်း ကွဲလွဲနေလား မကွဲလွဲ ဘူးလား ဆိုတာ လေ့လာသိရှိ နိူင်ဖို့ ဖြစ်ပါတယ်။

တပ်မတော် အနေဖြင့်က မိမိတို့ အကျိုးစီးပွား အတွက် သေရေးရှင်ရေး ဟု မယူဆက ပြည်သူ့ တပ်မတော် ဖြစ်သည်နှင့် အညီ ပြည်သူ့ဆန္ဒ အတိုင်း လိုက်လျော ဖို့သာ ရှိပါတော့တယ်။

ပြည်သူများကတော့ တပ်မတော် သဘောပါသည် မပါသည် ဖြစ်စေ ၎င်းတို့ အပေါ် ချုပ်ကိုင် လွှမ်းမိုးနေသည့် အဆိုပါ ဖွဲ့စည်းပုံကြီးပါ အပိုဒ်များကို မျိုးဆက်သစ် များ အတွက် မရမနေ ပြင်ဆင်ကြတော့မှာလည်း ဖြစ်ပါတယ်။ ထို့အတွက် ယခု ကျင်းပနေသည့် ပြည်ထောင်စု လွှတ်တော်ကြီးသည် သမိုင်းတွင်မည့် လွန်စွာ အရေးပါသော အစည်းအဝေးကြီးလည်း ဖြစ်ပါတော့တယ်။
လှစိုးဝေ

Image Credit – Original creator and up loader