ကျောက်တံခါး ဒီဇင်ဘာ ၂၄
ပဲခူးတိုင်းဒေသကြီး ကျောက်တံခါးမြို့မရဲစခန်းအပိုင် ရန်ကုန် မန္တလေးကားလမ်းဟောင်းမိုင်တိုင်အမှတ်၁၁၂/၆နှင့်၇အကြားကန်ရွာကျေးရွာအနီး၌ ဒီဇင်ဘာ၂၃ရက်ည၁၀နာရီက ဆန်အိတ်များ တင်ဆောင်လာသော(၁၂)ဘီးယာဉ်တစ်စီး လမ်းဘေးထိုးကျ တိမ်းမှောက်မှုဖြစ်ပွားခဲ့သည်။
ဖြစ်စဉ်မှာ မန္တလေးဘက်မှရန်ကုန်ဘက်သို့ ယာဉ်မောင်းမျိုးအောင် ၃၀နှစ် (၃)လမ်းဖြူးမြို့နယ်နေသူမောင်းနှင်ပြီး ယာဉ်ပေါ်တွင် မြင့်မိုရ်ထက်၂၂နှစ် ယာဉ်နောက်လိုက် မြို့မအရှေ့ရပ်ကွက် ဖြူးမြို့နယ်နေသူတို့လိုက်ပါလာသော ယာဉ်အမှတ်YGN-2M/------ISUZU GIGA TRUCK အမျိုးအစားအပြာရောင် (၁၂)ဘီးယာဉ်သည် ဆန်အိတ်များတင်ဆောင်မောင်းနှင်လာစဉ် လမ်းအကွေ့၌ အရှိန်မထိန်းနိုင်ဘဲလမ်းယာဘက်ခြမ်း တံတားအောက် ချောင်းထဲသို့ထိုးကျတိမ်းမှောက်ခဲ့ရာ ယာဉ်မောင်းမျိုးအောင်မှာပြင်းထန်ဒဏ်ရာများဖြင့်နေရာတွင်သေဆုံးခဲ့ပြီးယာဉ်နောက်လိုက်မြင့်မိုရ်ထက်တွင် ပေါက်ပြဲဒဏ်ရာ(အတွင်း လူနာစိုးရိမ်ရ)ရရှိကာကျောက်တံခါးမြို့နယ်ပြည်သူ့ဆေးရုံသို့ပို့ဆောင်ခဲ့သည်။ ယာဉ်မှာလည်းရှေ့ဦးခေါင်းပိုင်းကြေမွ၍ဘော်ဒီ ဝဲ/ယာဘက်ခြမ်းပိန်ချိုင့်ပျက်စီးခဲ့သည်။
ဖြစ်စဉ်နှင့်ပတ်သက်ပြီး စခန်းမှူးဒုရဲမှူးဇ်ာထွန်းမှ စစ်ဆေး ဆောင်ရွက်ကာ ကျောက်တံခါးမြို့မရဲစခန်းမှ ယာဉ်မောင်း မျိုးအောင် အား အအမှုဖွင့် အရေးယူဆောင်ရွက်ထားကြောင်း သိရသည်။
ခင်ကို(ကျောက်တံခါး)
No comments:
Post a Comment