ပုသိမ်၊ ဧပြီ ၂၈ ရက်။
ဧရာဝတီတိုင်းဒေသကြီး၊ ပုသိမ်မြို့၊ အမှတ်(၁၄) ရပ်ကွက်တွင် ဧပြီလ ၂၈ ရက်နေ့(ယနေ့) ညနေပိုင်းတွင် မီးလောင်မှုဖြစ်ပွား ခဲ့ကြောင်း သတင်းရသည်။
ဥမ္မဒန္တီ ပန်းဆက်လမ်းမကြီးဘေးလယ်ကွင်းများမှ ၂၀၁၈ ခုနှစ်၊ ဧပြီလ ၂၈ ရက်နေ့ (ယနေ့) ညနေ ၄ နာရီအချိန်တွင် မီးစတင် လောင်ကျွမ်းခဲ့တာဖြစ်ပြီး သက်ဆိုင်ရာတာဝန်ရှိသူများ၊ ရဲတပ်ဖွဲ့ဝင် များ၊ ကြက်ခြေနီတပ်ဖွဲ့ဝင်များနှင့် မီးသတ်တပ်ဖွဲ့မှ မီးသတ်ယာဉ် ၇ စီးဖြင့် မီးသတ်တပ်ဖွဲ့ဝင်များ၊ ရပ်ကွက်နေပြည်သူများ ပူးပေါင်း မီးငြိမ်းသတ်ခဲ့ရာ ညနေ ၅ နာရီတွင် မီးငြိမ်သတ်နိုင်ခဲ့သည်။
မီးလောင်ကျွမ်းမှုကြောင့် လူနေအိမ် (၃) လုံး၊ ဘုန်းကြီးကျောင်း
(အနည်းငယ်) မီးလောင်ပျက်စီးဆုံးရှုံးခဲ့ပြီး လူနှင့်တိရစ္ဆာန် ထိခိုက် ဒဏ်ရာရရှိမှုမရှိကြောင်း ရပ်ကွက်နေပြည်သူများ၏ ပြောပြချက်အရ သိရသည်။
အဆိုပါမီးလောင်းကျွမ်းမှုနှင့်ပတ်သက်ပြီး သက်ဆိုင်ရာတာဝန် ရှိသူများမှ စုံစမ်းစစ်ဆေးမှုများပြုလုပ်နေပြီး ၂၀၁၈ ခုနှစ်၊ မတ်လ တွင်လည်း ပုသိမ်မြို့၊ မြကျွန်းသာအိမ်ယာနောက်ဘက်ခြမ်း လယ်ကွင်းများတွင်မီးလောင်မှုဖြစ်ပွားခဲ့ကြောင်း သိရသည်။
သတင်း- တန်ခူး (တိုင်းဧရာ)
No comments:
Post a Comment