Latest News

Sunday, March 11, 2018

နိုင်ငံ တကာမှာ လူရာသွင်းခံရတဲ့ မြန်မာ ရုပ်ရှင်ကား -"မုဒြာရဲ့ခေါ်သံ" Mudras Calling


* နိုင်ငံ တကာမှာ လူရာသွင်းခံရတဲ့ မြန်မာ ရုပ်ရှင်ကားကို ကြည့်ဖူးလား?
* အင်္ဂလိပ်စကားပြော နဲ့ ရိုက်ထားတဲ့ နိုင်ငံတကာအဆင့်မီ မြန်မာရုပ်ရှင်ကားကို ကြည့်ဖူးလား?

ဒီလ (မတ်လ) ၁၆ ရက်နေ့မှာ ရုံတင်တော့မယ့် "မုဒြာရဲ့ခေါ်သံ" ကို သွားကြည့်ပါလို့ပဲ တိုက်တွန်းပါတယ်။ ဘာလို့အခုလို တိုက်တွန်းရသလဲ ဆိုတာ နဲ့ ပက်သက်ပြီး အောက်မှာ ခိုင်လုံတဲ့ အကြောင်းပြချက်တွေ နဲ့ အကျိုးသင့်၊ အကြောင်းသင့် ရှင်းပြထားပါတယ်။ ကျနော့်အနေနဲ့ ဒီရုပ်ရှင်ကို Promotion လုပ်ပေးနေတာမဟုတ်ပါ။ ဒီရုပ်ရှင်ရဲ့ ထုတ်လုပ်သူတွေ၊ ဒါရိုက်တာ၊ မင်းသား၊ မင်းသမီးတွေ နဲ့လည်း ကျနော် မသိပါဘူး။

"မုဒြာရဲ့ခေါ်သံ" ကို ဘာကြောင့် သွားကြည့်သင့်သလဲ?

+ ပထမဦးဆုံး အချက်ကတော့ - နိုင်ငံတကာက လက်ခံထားတဲ့ မြန်မာရုပ်ရှင်ကား တစ်ကား ဖြစ်နေလို့ပါပဲ။ "ဥပါယ်တံမျဉ်" ဇာတ်ကား နဲ့ ပက်သက်ပြီး မြန်မာ့ရုပ်ရှင် အသိုင်းအ၀ိုင်းမှာ အကြီးအကျယ် ဂယက်ရိုက်ခဲ့ တုန်းက "နိုင်ငံတကာ" ဆိုတဲ့စကားလုံးကို ပြောလို့ အထေ့အငေါ့၊ အစောင်းအမြောင်း စကာလုံးတွေ အင်တာနက်မှာ ပလူပျံသလို ပျံခဲ့ကြတာ အားလုံးအသိပါပဲ။

ရုပ်ရှင်ကား တစ်ကားဆိုတာ အဲဒီရုပ်ရှင်ကို ရိုက်ကူးတဲ့ ဒါရိုက်တာ အတွက်တော့ ကိုယ့်ဝမ်း နဲ့ လွယ်ပြီးမှ မွေးထုတ်လိုက်တဲ့ သားသမီးလိုပါပဲ။ ကိုယ့်သားသမီးကို လူရာဝင်စေချင်တယ်၊ လူတောတိုးစေချင်တယ်ဆိုတဲ့ ဆန္ဒက မိဘတိုင်းရဲ့ ဆန္ဒပါ။ လူရာဝင်တယ်၊ လူတောတိုးတယ်ဆိုတာ ကိုယ့် မိသားစုအ၀န်းအ၀ိုင်းထဲမှာတင် မကဘူး။ အပြင်လူ့ပတ်ဝန်းကျင် လူ့အသိုင်းအ၀ိုင်းရဲ့ တန်ဖိုးထားခြင်းကိုခံရတာ၊ အသိအမှတ်ပြုခြင်းကိုခံရတာ၊ လူရာသွင်းခြင်းကို ခံရတာကို ဆိုလိုပါတယ်။ အဲဒီလို အပြင်ပတ်ဝန်းကျင် အသိုင်းအ၀ိုင်းထဲ လူဝင်ဆန့်ဖို့ဆိုတာကလည်း ကိုယ့်သားသမီးရဲ့ ကိုယ်ရည်ကိုယ်သွေး (personality) ကောင်းမှ ဖြစ်တာပါ။

အဲဒီလိုပဲ မုဒြာရဲ့ခေါ်သံ ကလည်း အပြင် နိုင်ငံတကာ ရုပ်ရှင် အသိုင်းအ၀ိုင်းက လက်ခံနိုင်တဲ့ ရုပ်ရှင် ဇာတ်ကား တစ်ကားရဲ့ အရည်အသွေးတွေ နဲ့ ပြည့်မီလို့ "နိုင်ငံတကာမှာ လူရာသွင်းခံရတဲ့ မြန်မာ့ရုပ်ရှင်" လို့ ပြောတာပါ။ အဲဒီအတွက် ကျနော်တို့ မြန်မာလူမျိုးတွေ ဂုဏ်ယူရမှာပါ။

+ ဒုတိယအချက်ကတော့ ဇာတ်ညွှန်းအကြောင်းပါ။ မြန်မာ ရုပ်ရှင် ဈေးကွက်မှာ မူရင်းရုပ်ရှင် ဇာတ်ညွှန်း (Original Screenplay) ကောင်းကောင်း နဲ့ ရိုက်တဲ့ ရုပ်ရှင်ဇာတ်ကားတွေ အတော်လေးကို ရှားပါတယ်။ အဲလို ရှားတော့ နာမည်ကြီး ၀တ္ထုတွေ၊ နာမည်ကြီး စာရေးဆရာတွေရဲ့ အရှိန်အ၀ှာကို သုံးပြီး ၀တ္ထုကနေ တစ်ဆင့် ဇာတ်ညွှန်းပြန်ခွဲတဲ့ မှီငြမ်းဇာတ်ညွှန်း (Adapted Screenplay) တွေ နဲ့ ရိုက်ကြပါတယ်။ နာမည်ကြီး မြန်မာ စာရေးဆရာတွေရေးတဲ့ ၀တ္ထု (အများစုက) မြန်မာ စာဖတ်ပရိသတ်အတွက် မြန်မာကြိုက် ရေးထားတဲ့ ၀တ္ထုတွေပါ။ အဲဒီလို ၀တ္ထုတွေကို ဇာတ်ညွှန်းပြန်ခွဲပြီး ရိုက်တဲ့ ရုပ်ရှင်ကလည်း မြန်မာကြိုက်ပဲ ဖြစ်မှာပါ။ နိုင်ငံတကာမှာ ၀င်တိုးနိုင်ဖို့ မလွယ်ပါဘူး။

(ကျနော်ပြောတာကို မယုံရင် အရင့်အရင်နှစ်တွေတုန်းက နာမည်ကြီး စာရေးဆရာတွေရဲ့ ၀တ္ထုတွေကို ဇာတ်ညွှန်းပြန်ခွဲပြီး ရုပ်ရှင်ပြန်ရိုက်ထားတဲ့၊ မြန်မာ့ရုပ်ရှင် ထူးချွန်ဆု အကယ်ဒမီတွေ ရထားတဲ့ ရုပ်ရှင်ကားတွေကို အင်္ဂလိပ်စာတန်းထိုးပြီး နိုင်ငံတကာရုပ်ရှင် ပွဲတော်တွေမှာ သွားပြိုင်ကြည့်ပါ။ အဲဒီဇာတ်ကားတွေ နိုင်ငံတကာ ရုပ်ရှင် အသိုင်းအ၀ိုင်းမှာ လူတော တိုး၊ မတိုး အဖြေကို သိရပါလိမ့်မယ်။ နိုင်ငံခြားတိုင်းပြည်တွေမှာ သွားပြခွင့်ရတာ နဲ့ ပြိုင်လို့ ဆုရတာ နဲ့ မတူပါဘူး။ အများကြီး ကွာပါတယ်။)

"မုဒြာရဲ့ခေါ်သံ" က ရုပ်ရှင် ရိုက်ဖို့ အတွက်ပဲ သီးသန့် ရည်ရွယ်ပြီး ရေးထားတဲ့ ဇာတ်အိမ်ခိုင်မာတဲ့ မူရင်းဇာတ်ညွှန်း (Original Screenplay) ဖြစ်နေတာရယ်၊ မြန်မာရုပ်ရှင် ဇာတ်ကားတစ်ကားမှန်း သိသာစေတဲ့ တင်ပြပုံတွေ၊ မြန်မာပြည်ရဲ့ အလှ၊ မြန်မာလူမျိုးတွေရဲ့ ယဉ်ကျေးမှု ဓလေ့ထုံစံတွေကို နိုင်ငံကာကသိအောင် ပေါ်ပေါ်လွင်လွင် ရိုက်ပြနိုင်တဲ့ ဇာတ်ကား တစ်ကားဖြစ်နေတာရယ်ကြောင့် အခုလို နိုင်ငံတကာမှာ တိုးလို့ရတာပါ။

"မုဒြာရဲ့ခေါ်သံ" နဲ့ ပက်သက်ပြီး ကျနော့်အနေနဲ့ ဂုဏ်ယူမိတာကတော့ နိုင်ငံတကာအဆင့်မီ အင်္ဂလိပ်စကားပြော နဲ့ ရိုက်ထားတဲ့ ပထမဦးဆုံး မြန်မာကား ဖြစ်နေလို့ပါပဲ။ မြန်မာ ပြည်မှာရှိစဉ်တုန်းကတော့ အင်္ဂလိပ် စကားပြောတဲ့ မြန်မာ ဇာတ်ကားဆိုလို့ ဦးမောင် (ဇင်ယော်မောင်မောင်) ရိုက်ပြီး မခိုင် (ထွန်းအိန္ဒြာဗိုလ်) နဲ့ ဂျပန်မင်းသား သရုပ်ဆောင်ထားတဲ့ "လရောင်နမ်းတဲ့ အလွမ်းသစ်ပင်" ဆိုတဲ့ ဇာတ်ကားကို န၀ဒေး ရုပ်ရှင်ရုံမှာ ကြည့်ခဲ့ဖူးပါတယ်။ Dialogue တွေက အင်္ဂလိပ်စကားတွေ ဆိုပေမဲ့ အဲဒီဇာတ်ကားထဲမှာ မခိုင် အင်္ဂလိပ်လိုပြောတာက မုဒြာရဲ့ခေါ်သံ ထဲက လှယဉ်ကျေး အင်္ဂလိပ်လိုပြောတာ နဲ့ ယှဉ်ရင် အများကြီး ကွာပါတယ်။

အဲလိုပါပဲ။ ဒီနှစ် အကယ်ဒမီဆုပေးပွဲမှာ ဇာတ်ကားဆုရမယ်လို့ ကျနော် (ခန့်မှန်း) မိတဲ့ "ထာဝရ အမေ" ဇာတ်ကားမှာလည်း အသည်းအထူးကုဆရာဝန်ကြီး ဒေါက်တာ ခင်မောင်ဝင်းအဖြစ် သရုပ်ဆောင်တဲ့ နေတိုးရဲ့ အင်္ဂလိပ်အသံထွက် လေယူလေသိမ်းပါ။ စင်္ကာပူက လူတွေပြည့်နေတဲ့ အစည်းအဝေးခန်းမကြီးထဲမှာ စင်ပေါ်တက်ပြီး စကားပြောရတဲ့ ဆရာဝန် တစ်ယောက်ရဲ့ (နေတိုးရဲ့) အင်္ဂလိပ် အသံထွက် လေယူလေသိမ်းက အတော်လေးကို လိုနေပါသေးတယ်။

"မုဒြာရဲ့ခေါ်သံ" ဇာတ်ကား နမူနာတွေကို ကြည့်တုန်းက ဇဏ်ခီ နဲ့ လှယဉ်ကျေးတို့ နှစ်ယောက် အပြန်အလှန် အင်္ဂလိပ်လို ပြောနေကြတာ ကို နားထောင်ရတာ အတော်လေးကို အဆင်ပြေချောမွေ့ပါတယ်။ သူတို့ အင်္ဂလိပ်လိုပြောနေတာကိုလည်း နားထောင်ရင်း၊ အောက်က မြန်မာလို စာတန်းထိုးထားတာကိုလည်း လိုက်ဖတ်ရင်း သတိထားမိတာက မြန်မာ စာတန်းထိုးထားတဲ့အပိုင်းမှာလည်း ပြောသွားတဲ့ အင်္ဂလိပ်စကားလုံးတွေ ကို တစ်လုံးချင်းစီလိုက်ပြီး ဘာသာပြန်ထားတာမဟုတ်ပဲ မူရင်း အင်္ဂလိပ်စကားပြော နဲ့ လည်းကွာဟမှုမရှိအောင်၊ မြန်မာလို ဖတ်တဲ့ သူတွေအတွက်လည်း အဆင်ပြေပြေ၊ ချောချောမွေ့မွေ့ ဖြစ်အောင် စာတန်းထိုးထားတာကို တွေ့ရတာပါ။

"မုဒြာရဲ့ခေါ်သံ" ကို သွားကြည့်တဲ့သူတွေအနေနဲ့လည်း ကြည့်ပြီးသွားရင် "ဥပါယ်တံမျဉ်" တုန်းကလိုပဲ ကောင်းသည်ဖြစ်စေ၊ ဆိုးသည်ဖြစ်စေ review လေးတွေရေးကြပါဦးလို့။ ဘာလို့လဲဆိုတော့ ကျနော်ကတော့ မြန်မာပြည်မှာ ရှိနေတဲ့သူမဟုတ်တော့ ကြည့်ခွင့်ရမှာ မဟုတ်ပါဘူး။ ကြည့်ပြီးသွားတဲ့သူတွေ ရေးတဲ့ review လေးတွေကိုပဲ ဖတ်ပြီး အာသာဖြေရမှာ မို့လို့ပါ။ အင်တာဗျူးတစ်ခုမှာ ဒါရိုက်တာ ခရစ္စတီးနားက "မုဒြာရဲ့ခေါ်သံ ကို ကြည့်ပြီး ဥပါယ်တံမျဉ် လိုမဟုတ်ပဲ ဇာတ်လမ်းက အရမ်းအေးနေတယ်ဆိုပြီး ပရိသတ်မကြိုက်မှာ စိုးတယ်" ဆိုပြီး ပြောထားကို နားထောင်လိုက်ရတယ်။

ဘာပဲဖြစ်ဖြစ် ပရိသတ်အနေနဲ့ "မုဒြာရဲ့ခေါ်သံ" ကို ကြိုက်သည်ဖြစ်စေ၊ မကြိုက်သည် ဖြစ်စေ အနည်းဆုံးတော့ "နိုင်ငံတကာမှာ လူတောတိုးတဲ့ ငါတို့ မြန်မာရုပ်ရှင်ဆိုတာ ဒါမျိုးပါလား" ဆိုတာလောက်တော့ သိသွားမှာပါ။
ကျော်သိင်္ခ




No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Trailer Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post