Latest News

Monday, March 26, 2018

ကျွန်တော်တို့ကို ဒုက္ခပေးနေတဲ့၊ ဒုက္ခဆက်ပေးမယ့် Groupthink


ကျွန်တော်တို့ ချစ်တဲ့ နိုင်ငံမှာ ဖြစ်နေတာတွေနဲ့ ပတ်သက်ပြီး မကြာခဏ ခေါင်းထဲ ရောက်ရောက်လာတဲ့ စကားလုံးက Groupthink ပဲ။ မြန်မာလိုဆိုရင်တော့ အုပ်စုစွဲ၊ ဂိုဏ်းစွဲ ပေါ့။
.
Case Study တစ်ချို့ကို ခပ်လွယ်လွယ်နဲ့ ခပ်မြန်မြန်လုပ်ကြည့်ရအောင်လားဗျာ
.
(၁) မြန်မာ့ရုပ်ရှင်လောကထဲမှာ ကနေ့ထိ ပေါကားလည်း ရှိတယ်။ အဆင့်အတန်းတစ်ခုရှိတဲ့ ကားတွေလည်း ရှိတယ်။ ပေါကားအရိုက်များတဲ့သူတွေလည်း ရှိသလို၊ ပေါကားမဟုတ်တဲ့ကားတွေပဲ အများရိုက်တဲ့သူတွေလည်း ရှိတယ်။ ပေါကားရော မပေါကားရော ကြုံသလို ရိုက်တဲ့သူတွေလည်း ရှိတယ်။ ဒါပေမယ့် ပေါကားတွေ ဝေဖန်ခံရတဲ့အခါ သိမ်းကျုံးနာကြတယ်။
.
(၂) ဆရာဝန်ထဲမှာ အသပြာမက်တဲ့သူရှိတယ်။ စေတနာအရင်းခံနဲ့ ကုတဲ့သူရှိတယ်။ အဟောက်သန်တဲ့သူ ရှိတယ်။ သိပ်ဟောက်လေ့ မရှိတဲ့ ဆရာဝန်ရှိတယ်။ ဒါပေမယ့် ဝေဖန်ခံရရင် ကိုယ်ပါပါ မပါပါ ငါတို့ ဆရာဝန်တွေကို ပြောရက်လေခြင်း ဆိုပြီး ဖြစ်ကြတယ်။
.
(၃) စစ်တပ်ထဲမှာလည်း ရာထူးအာဏာကို သုံးပြီး ကျော်မကောင်း ကြားမကောင်းချမ်းသာတဲ့သူရှိတယ်။ ရာထူးအာဏာကို အလွဲသုံးစားလုပ်ပြီး မိသားစုပေါင်းများစွာကို သေကွဲရှင်ကွဲ ဒုက္ခပေးခဲ့သူရှိတယ်။ ရိုးရိုးသားသားနဲ့ ထားရာနေ စေရာသွားပြီး စည်းနဲ့ ကမ်းနဲ့ တိတိကျကျ မှန်မှန်ကန်ကန် လုပ်နေသူလည်း ရှိတယ်။ ဒါပေမယ့် ကိုယ့်အဖွဲ့ထဲက မှားယွင်းထားတဲ့သူတစ်ချို့ကို ဝေဖန်ရင် ဘာမှ မလုပ်ထားတဲ့သူတွေကလည်း အုံနဲ့ကျင်းနဲ့ နာကြတယ်။
.
(၄) NLD လည်း ထိုနည်းလည်းကောင်းပဲ။ အရည်အချင်းရှိတဲ့သူလည်း ရှိတယ်။ အရည်အချင်းအတော်လေး လိုသေးတဲ့ သူတွေလည်း ရှိတယ်။ ဒါပေမယ့် လိုတဲ့သူကို ဝေဖန်ရင် မျက်ထောင့်နီနဲ့ ကြည့်ချင်တဲ့သူတွေ ရှိတယ်။
.
အဲလို အုပ်စုစွဲတွေ ဥပမာဆက်ပေးရရင် အများကြီးပဲ။ နိုင်ငံခြားပြန်နဲ့ ပြည်တွင်းဖြစ်၊ ဗုဒ္ဓဘာသာနဲ့ ဘာသာခြား၊ ဇော်ဂျီနဲ့ ယူနီကုဒ်၊ သတင်းဂျာနယ်တိုက်တွေ၊ စသဖြင့် ရေးလို့မကုန်တော့ဘူး။
.
Groupthink ၀င်နေတဲ့သူတွေမှာ ဖြစ်လေ့ဖြစ်ထရှိတဲ့ အမူအကျင့် အချင်းအရာတွေ ရှိတယ်။ အဲဒါတွေက .....
.
Out-group stereotyping - ကိုယ့်အဖွဲ့က မဟုတ်တဲ့သူမှန်သမျှကို လူဆိုး၊ အသုံးမကျ၊ အမြင်ကျဉ်း၊ အဆိုးမြင်၊ တလွဲကောင်လို့ ထင်တယ်။ (ဥပမာ - တပ်နဲ့ NLD ကိုကြည့်။ တစ်ဖက်အဖွဲ့ကကောင်တွေထဲမှာ အသုံးကျတဲ့သူတစ်ေယာက်မှ မပါလို့ ထင်နေတဲ့သူတွေ တပ်ရော NLD မှာပါ ရှိတယ်။)
.
Collective rationalization - ကိုယ့်အဖွဲ့ရဲ့ အားနည်းချက်ကို ဝေဖန်ရင် ထောက်ပြရင် ငါတို့တကယ်လိုအပ်အားနည်းနေသလားဆိုတာ စဉ်းစားဖို့ထက် ကိုယ့်ဘက်ကို ဖြည်တွေး၊ ဖော့တွေး တွေးတယ်။ အဖြေမရှာဘဲ ဆင်ခြေပေးတယ်။ ခြေမမကောင်း ခြေမ၊ လက်မမကောင်း လက်မလို့ မတွေးနိုင်ဘဲ ခြုံငုံပြီး ဖာထေးတယ်။ (ဥပမာ - ဆရာဝန်မှန်သမျှ သမားတော်။ လာမပြစ်မှားနဲ့။ အဲလိုတော့ ဘယ်ဟုတ်မလဲဗျာ။ တကယ် စေတနာ ၀ါသနာ အရင်းခံနဲ့ လုပ်နေတဲ့သူတွေလည်း ရှိသလို ကျင့်ဝတ်နဲ့ မညီသူတွေလည်းရှိကိုရှိတယ်။ တစ်ခါတစ်လေ တစ်ချို့ဆရာဝန်ဖက်က ဖောင်းမိတာလည်း ရှိမှာပေါ့။ ဒါကို လက်ခံရမယ်။)
.
Belief in Inherent Morality of the Group - နောက်တစ်ချက် အပေါ်ကအချက်နဲ့ ဆက်စပ်တယ်။ ကိုယ့်အဖွဲ့ရဲ့ လိုအပ်ချက်ကို ကျိုးကြောင်းဆီလျော်စွာ ထောက်ပြလာရင်တောင် အရှိအတိုင်း လက်မခံနိုင်ဘူး။ ငါတို့အဖွဲ့ မကောင်းဘူးဆိုတာ မဟုတ်။ ငါတို့သည်သာ အကောင်းဆုံးအဖွဲ့အစည်း၊ ငါတို့ မှားယွင်းသည်မှာ မဖြစ်နိုင်၊ ငါတို့သည် အစဉ်အမြဲ ကောင်းမွန်သော အဖွဲ့ လို့ မျက်လုံးမှိတ်ယုံကြည်တယ်။ စာစကားနဲ့ Unquestioned belief လို့လည်း သုံးတယ်။ ကျွန်တော်တို့ မြန်မာတွေသုံးနေကျစကားလုံးနဲ့ ပြောရင် blind trust ပေါ့။ (ဥပမာ - ပြောလိုက်ရင်တော့ တပ်မတော်သည် အမျိုးသားရေးကို ဘယ်တော့မှ သစ္စာမဖောက်။ ၁၉၉၀ မှာ အနိုင်ရပါတီကို ဘာလို့ အာဏာမလွှဲတာတုန်း။ ဖုန်းကဒ်က ဘာလို့ သိန်း ၄၀ ထိဖြစ်ခဲ့တာတုန်း။ ၂၀၀၇ မှာ ဘာလို့ ဘုန်းကြီးတွေကို နားပန်ကျင်းတာတုန်း လို့ မေးလိုက်ရင်တော့ ရွာသာကြီးကလိုလို တိုးကြောင်ကလေးကလိုလို လုပ်နေရော)
.
Illusion of unanimity - ကိုယ့်အဖွဲ့ဟာ လုံးဝညီညွတ်နေတယ်၊ ခေါင်းဆောင်ကိုပဲ ဖြစ်ဖြစ်၊ အချင်းချင်းကိုပဲ ဖြစ်ဖြစ် အမြင်မတူသူတွေမရှိဘူးလို့ မှားယွင်းစွာယူဆတယ်။
.
Direct pressure on dissenters to conform - အဲဒီလို ဇွတ်ကို ညီညွတ်ချင်နေတော့ ကိုယ့်အဖွဲ့ထဲကပင် ဖြစ်ပစေ၊ အမြင်မတူရင် အဲဒီအသံကို နားမထောင်နိုင်ဘူး။ ပိုဆိုးတဲ့သူတွေက အဲဒီအသံကို တိတ်သွားအောင် ဖိအားပေးတယ်။ (ဥပမာ - ကျွန်တော် ရွာသားလို့ပြောတာ လက်ခုပ်မတီးရင် ရန်သူ)
.
Accusation of disloyalty - အဲဒီလို ဖိအားပေးလို့မှ အဲဒီအမြင်မတူတဲ့ အသံက မတိတ်သေးဘူးဆိုရင် အဲဒီ အသံပိုင်ရှင်ကို သစ္စာဖောက်လို့ စွပ်စွဲတယ်။ (ဥပမာ - ဘဘဘိုကလေး တင့်အောင်သိသွားရင် ဘာဖြစ်မလဲ)
.
Self-censorship - အဲဒီတော့ အဖွဲ့ထဲက လူတွေက အပြင်လူမပါဘဲ အဖွဲ့အတွင်း အချင်းချင်းဆွေးနွေးတဲ့အခါမှာတောင် မတူညီတဲ့ အမြင်တွေကို မတင်ပြတော့ဘဲ အားလုံးကောင်းပါသည်ခင်ဗျား လုပ်ကြတယ်။ ကိုယ့်စိတ်ထဲမှာ တကယ်ရှိတာကို ကိုယ်ယုံကြည်တာကို အဖွဲ့အတွင်းမှာ မပြောတော့ဘူး။ (ဥပမာ - စစ်တပ်မှာ ဒီပြဿနာက တော်တော်ကြီးခဲ့တယ်။ တောက်လျှောက်ပဲ။ ဒါကို အားလုံးအသိ။ အခု NLD လည်း တစ်ချို့နေရာတွေမှာ စလာနေပြီလို့ ထင်တယ်)
.
Self-appointed mindguards - ပြီးတော့ အဖွဲ့အပြင်က ပြောတဲ့အသံကို ကိုယ့်အဖွဲ့က မကြိုက်လောက်ဘူးလို့ထင်ရင် အဲဒါကို အဖွဲ့ထဲမှာ အပြင်ကတော့ ဒီလို ပြောနေပြီနော်လို့ မပြောတော့ဘူး။ အဖွဲ့ခေါင်းဆောင်ကိုပဲ ဖြစ်ဖြစ်၊ အချင်းချင်းပဲ ဖြစ်ဖြစ် မပြောတော့ပဲ ရေလိုက်ငါးလိုက်စကားကိုသာ ဆိုကြတော့တယ်။ ပိုပြင်းထန်တဲ့သူတွေက အဖွဲ့တွင်းမှာသာမက အပြင်ကိုပါ လိုက်လံဖာထေး ကြတယ်။ (ဥပမာ - အစိမ်းကြောင် အနီကြောင် ၂ ဖက်လုံးမှာရှိ)
.
Illusion of Invulnerability - နောက်တစ်ချက်က ငါတို့သည် ထာဝရ စင်ပေါ်က နေနေမယ့် အဖွဲ့၊ ဘယ်တော့မှ မရှုံးမယ့်အဖွဲ့ လို့ ထင်နေတယ်။ ငါသည်လည်း တစ်သက်လုံး လွှတ်တော်အမတ်ဖြစ်နေမယ်။ လူကြီးဖြစ်နေမယ်။ အာဏာရှိနေမယ်။ (ဥပမာ - NLD အဖွဲ့ဝင်တစ်ချို့မှာလည်း အဲလို သွေးနားထင်ရောက်နေတဲ့ ပြုမူပြောဆိုချက်တွေ တွေ့တွေ့နေရတယ်)
.
groupthink ဟာ လူတိုင်းမှာ အနည်းနဲ့အများ ရှိတယ်။ (ကျွန်တော့်မှာလည်း ရှိတယ်။) ဒါကို သတိကပ်ပြီး ထိန်းနိုင်မှ တော်ကာကျမယ်။ ကိုယ့်အဖွဲ့က လုပ်သမျှထောက်ခံဖာထေးနေရင် အားနည်းချက်ကို မသုံးသပ်ဖြစ်တော့ဘူး။ မသုံးသပ်ရင် မသိဘူး။ ကိုယ့်အားနည်းချက်ကိုယ်မသိရင် မတိုးတက်ဘူး။ ဝေဖန်သံမကြားနိုင်လို့ လက် ၂ ဖက်လုံးနဲ့ နား ၂ ဖက်ကို ပိတ်ထားရင် အမှန်တရားကို ဆုပ်ကိုင်ဖို့ လက်မအားတော့ဘူး။
.
နိဂျုံးခုတ်ရရင်တော့ Groupthink ကို လျှော့မတွက်ပါနဲ့။ သေးသေးလေးလို့ ထင်ရပေမယ့် ကမ္ဘာပေါ်မှာ ဖြစ်ခဲ့သမျှကြီးကြီးမားမား ဆိုးဆိုးရွားရွား ကိစ္စတွေဟာ groupthink စံနက်မကင်းဘူး။ Groupthink နဲ့ ပတ်သက်တဲ့ case study တွေ အများကြီး ရှိတယ်။ ချယ်လင်ဂျာ ဒုံးပျံလွှတ်တုန်းက ပေါက်ကွဲပျက်စီးတာကအစ၊ ကုမ္ပဏီအကြီးကြီးတွေ ပြိုလဲတာ အလယ်၊ ကမ္ဘာစစ်ဖြစ်တာ အဆုံး သင်ခန်းစာတွေ အများကြီးရှိခဲ့တယ်။
.
ဒါကိုမှ သင်ခန်းစာမယူနိုင်ဘဲ အုပ်စုစွဲ၊ ဂိုဏ်းစွဲ၊ အဖွဲ့စွဲတိမ်က ဥာဏ်မျက်လုံးကို ဖုံးနေသူတွေအဖို့တော့ လက်ရှိပကတိအမှန်တရားကေ၀၀ါးနေမှာပဲ။ အုပ်စုစိတ်ဇောကြီးပြီး အချင်းချင်းလက်မထောင်ပြရင်း၊ ကျောသပ်ရင်း၊ အတင်းတုပ်ရင်း၊ အဖွဲ့အုပ်စုမတူသူကို နှိပ်ကွပ်ဖို့ကြိုးစားရင်း အချိန်တွေကုန်ပြီး သံသရာလည်နေမှာပဲ။ ကိုယ့်အစုအဖွဲ့ကိုပဲ ကာကွယ်ရင်း အမှန်တရားကို လျစ်လျူရှုမိလျက်သား၊ တိုးတက်မှုကို ကျောခိုင်းမိလျက်သား ဖြစ်နေမှာပဲ။
.
.
(ကျမ်းကိုးကို ကွန်မန့်တွင်ရှုပါ)
.
.
(တောင်းပန်ချက်။ စိတ်ထဲတွေးမိနေတာတွေကို အရိုးခံအတိုင်း ချရေးမိပါတယ်။ ဘယ်သူ့ကိုမှ ထိခိုက်နစ်နာစေခြင်းမရှိဘဲ အတွေးတစ်ခုရသွားမလားဆိုတဲ့ ရည်ရွယ်ချက်နဲ့ပါ။ ဆရာကြီးလုပ်တယ်လည်း မထင်စေချင်ဘူးဗျာ။ ကောင်းစေ တိုးတက်စေလိုတဲ့ စေတနာကို ပေါ်အောင် မရေးနိုင်ခဲ့ဘူးဆိုရင် ကျွန်တော့်ညံ့ဖျင်းချက်ပါ။ စာရှည်ကြီးကို ဖတ်ပေးတာ ကျေးဇူးပါပဲခင်ဗျာ။)
ထက်နေလင်းဦး
.
ရေးသားသူ - တပ်မတော်နဲ့ NLD ကို ကောင်းသထက်ကောင်းစေချင်သော မြန်မာ့ရုပ်ရှင်ချစ်သူ ဆရာဝန်တစ်ဦး

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Trailer Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post