ပြည်ထောင်စုဝန်ကြီး ဒေါက်တာဝင်းမြတ်အေးနှင့်တွေ့ဆုံမေးမြန်းခန်း

ပြည်ထောင်စုဝန်ကြီး ဒေါက်တာဝင်းမြတ်အေးနှင့်တွေ့ဆုံမေးမြန်းခန်း

ဒေါက်တာဝင်းမြတ်အေး၊ ပြည်ထောင်စုဝန်ကြီး

ကျွန်တော်တို့ရဲ့ ဆောင်ရွက်နေမှုဟာ တကယ်ကို ငြိမ်းချမ်းမှု၊ ဖွံ့ဖြိုးမှုကို ဦးတည်တယ်၊ ငြိမ်းချမ်းမှုနဲ့ ဖွံ့ဖြိုးမှုဆက်စပ်နေတယ်၊
ဖွံ့ဖြိုးမှုကို အားစိုက်ဆောင်ရွက်တဲ့အတွက် ငြိမ်းချမ်းမှုလည်း လိုက်ပါလာမှာ ဖြစ်ပါတယ်။

ရခိုင်ပြည်နယ်အတွင်း လူသားချင်းစာနာမှု အကူအညီအထောက်အပံ့ပေးရေး၊ ပြန်လည်နေရာချထားရေး၊ ဖွံ့ဖြိုးရေးစီမံကိန်း(UEHRD) အနေဖြင့်လုပ်ငန်းစဉ်များ ထိရောက်အောင်မြင်ရေးအတွက် ပြီးခဲ့သည့်ရက်ပိုင်းက ကော်မတီဥက္ကဋ္ဌ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကိုယ်တိုင် မောင်တောဒေသသို့ ကွင်းဆင်း ဆောင်ရွက်ခဲ့သည်။အဆိုပါUEHRD စီမံကိန်းလုပ်ငန်းစဉ်များနှင့် စပ်လျဉ်းပြီး ပြည်သူများ ပိုမိုသိရှိနိုင်စေရန် UEHRD ဒုတိယဥက္ကဋ္ဌ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးနှင့် တွေ့ဆုံ မေးမြန်းထားပါသည်။

မေး။ ရခိုင်ပြည်နယ်အတွင်း လူသားချင်းစာနာမှု အကူအညီ
ထောက်အပံ့ပေးရေး၊ ပြန်လည်နေရာချထားရေး၊ ဖွံ့ဖြိုးရေးစီမံကိန်း(UEHRD) ကို ဘယ်လို ရည်ရွယ်ချက်တွေ နဲ့ ဖွဲ့စည်းခဲ့တယ်ဆိုတာ သိပါရစေခင်ဗျာ။
ဖြေ။ ရခိုင်ပြည်နယ်မှာ ဆောင်ရွက်ဖို့အတွက် ပြည်ထောင်စု
စီမံကိန်းဆိုပြီး Union Enterprise for Humani-tarian Assistance,Resettlement and Development ကို ဖွဲ့စည်းခဲ့တယ်။ အဲဒီစီမံကိန်းဖွဲ့စည်းဖို့အတွက် နိုင်ငံတော်၏အတိုင်ပင်ခံပုဂ္ဂိုလ်က အောက်တိုဘာ ၁၅ရက်မှာ ပြည်သူလူထုကို ရှင်းလင်းတင်ပြခဲ့တယ်။ အောက်တိုဘာ ၁၇ ရက်မှာ ဖွဲ့စည်းခဲ့ တယ်။
ပြည်ထောင်စုစီမံကိန်းဆိုတာ မြန်မာနိုင်ငံမှာရှိတဲ့ ပြည်သူ အားလုံးပါဝင်ပြီး ပြည်သူအားလုံးရဲ့အင်အားနဲ့ ဆောင်ရွက်မယ့် စီမံကိန်းတစ်ခုဖြစ်ပါတယ်။ ရည်ရွယ်ချက်ကတော့ ပထမအချက် အနေနဲ့ ရခိုင်ပြည်နယ်မှာ ဖြစ်ပွားခဲ့တဲ့ကိစ္စတွေနဲ့ ပတ်သက်ပြီး အလုပ်လုပ်နေတဲ့နေရာမှာ အဆင်မပြေတာတွေ၊ စားဝတ်နေရေး အဆင်မပြေတာ တွေရှိတဲ့အတွက် လူသားချင်းစာနာထောက် ထားမှု အကူအညီကို ပိုပြီးထိထိရောက်ရောက် ကူညီဆောင်ရွက်ဖို့ ဖြစ်ပါတယ်။
သြဂုတ် ၂၅ ရက်ကတည်းက လူသားချင်းစာနာထောက် ထားမှု အကူအညီတွေကို ပြည်ထောင်စုအစိုးရ၊ ပြည်နယ်အစိုးရနဲ့ ပြည်သူတွေ အားလုံးပူးပေါင်းပြီး အဓိက ဆောင်ရွက်ခဲ့ပါတယ်။ အစိုးရအနေနဲ့ တကယ်ကို အင်တိုက်အားတိုက် ချက်ချင်းရတဲ့ နည်းနဲ့ ဆောင်ရွက်ခဲ့တာ ရှိပါတယ်။ အခုထောက်ပံ့တဲ့ အစီအစဉ် က ပိုပြီးကျယ်ကျယ်ပြန့်ပြန့်နဲ့ အားလုံးကို လွှမ်းခြုံနိုင်အောင် ဆိုပြီး အရှိန်မြှင့်ဆောင်ရွက်တာဖြစ်ပါတယ်။
ဒုတိယအချက်က စနစ်တကျ ပြန်လည်လက်ခံရေးနဲ့ ပြန်လည်နေရာချထားရေး ဖြစ်ပါတယ်။ လူကြောင့်ဖြစ်တဲ့ ပဋိပက္ခကြောင့်ပဲဖြစ်ဖြစ်၊ သဘာဝဘေးကြောင့်ပဲဖြစ်ဖြစ် ဖြစ်ပြီး ရင် ပြန်လည်ထူထောင်တဲ့ လုပ်ငန်းဆိုတာလုပ်ရပါတယ်။ အခု ရခိုင်ပြည်နယ်မှာ ဖြစ်တာကတော့ လူကြောင့်ဖြစ်တဲ့ ပဋိပက္ခ ကြောင့်ဖြစ်တဲ့ ဘေးဖြစ်ပါတယ်။ ဒီဘေးနဲ့ ပတ်သက်လို့ ပြန်လည် ထူထောင်ရေးလုပ်ငန်းကို ထိထိရောက်ရောက် ဆောင်ရွက်ဖို့၊ ပိုမိုကောင်းမွန်တဲ့ အခြေအနေတစ်ရပ်ဖြစ်အောင် ဆောင်ရွက်ဖို့ ဖြစ်ပါတယ်။ တစ်ဖက်နိုင်ငံကို အကြောင်းအမျိုးမျိုးကြောင့် ရောက်ရှိသွားတဲ့၊ နိုင်ငံအတွင်းမှာ နေထိုင်ခဲ့တဲ့ သူတွေကို စနစ်တကျနဲ့ ပြန်လည်လက်ခံဖို့ဖြစ်ပါတယ်။
တတိယအချက်ကတော့ ဖွံ့ဖြိုးတိုးတက်ရေးနဲ့ ရေရှည် ပဋိပက္ခကင်းဝေးရေး ဖြစ်ပါတယ်။ ဖွံ့ဖြိုးတိုးတက်ရေး ဆောင်ရွက်တဲ့နေရာမှာ ဒီဒေသရဲ့ ဖွံ့ဖြိုးတိုးတက်ရေးကို ဆောင်ရွက်ခြင်းအားဖြင့် နောက်ထပ် ပဋိပက္ခဖြစ်ပွားမှုကို လျော့နည်းစေတဲ့ သဘောရှိပါတယ်။ ပြန်လည်ထူထောင်ရေးနဲ့ ဖွံ့ဖြိုးရေး တစ်ဆက်တည်းမှာပဲ ရေရှည်ပဋိပက္ခ ကင်းဝေးရေးကို ဖော်ဆောင်နိုင်မှာ ဖြစ်ပါတယ်။ ဒီရည်ရွယ်ချက်တွေနဲ့ ပြည်ထောင်စုစီမံကိန်းကို ဆောင်ရွက်ခဲ့တာ ဖြစ်ပါတယ်။

မေး။ ပြီးခဲ့တဲ့ သြဂုတ်လ ၂၅ ရက်နေ့ကARSA အစွန်းရောက်
အကြမ်းဖက်သမားတွေရဲ့ အကြမ်းဖက်လုပ်ရပ်ကြောင့် ရခိုင်ပြည်နယ်ဒေသအတွင်းက ပြည်သူတွေ အိုးပစ်အိမ်ပစ်ပြီး ဘယ်လောက်ထွက်ပြေးခဲ့ရသလဲဆိုတာ သိပါရစေခင်ဗျာ။
ဖြေ။ သြဂုတ်လ ၂၅ ရက်နေ့က ARSA အစွန်းရောက်
အကြမ်းဖက်သမားတွေရဲ့ လုပ်ရပ်နဲ့ပတ်သက်ပြီး ပြည်သူလူထုက စိုးရိမ်ကြောင့်ကြကြတယ်။ ဒေသခံတိုင်းရင်း သားတွေ အလွန်ကြောက်ရွံ့ပြီး နေရပ်ကို စွန့်ခွာကြတယ်။ မနေရဲကြတော့ဘူး။ စွန့်ခွာမှု တကယ်အဖြစ်များခဲ့တဲ့ နေရာတွေ ကတော့ မောင်တော၊ ဘူးသီးတောင်၊ ရသေ့တောင် ဖြစ်ပါတယ်။ မောင်တောကနေ ၂၇၂ ရွာ၊ ဘူးသီးတောင်ကနေ ၂၉ ရွာ၊ ရသေ့ တောင်ကနေ ၁၈ ရွာ။ အဲဒီရွာတွေက နေအိမ်တွေ မီးလောင် ပျက်စီးဆုံးရှုံးခဲ့တယ်။ အဲဒီရွာတွေက လူတွေ အကုန်လုံးနီးပါး ပိုပြီးလုံခြုံစိတ်ချရမယ်ဆိုတဲ့ နေရာတွေကို ထွက်ပြေးလာကြ တယ်။ အများစုကတော့ စစ်တွေ ရောက်ပါတယ်။

မေး။ UEHRD လည်း ဖွဲ့စည်းပြီးပြီဆိုတော့ နေရပ်စွန့်ခွာသူ
တွေအနေနဲ့ နေရပ်ကို ပြန်လည်နေထိုင်ဖို့ ဘယ်လို ဆောင်ရွက်နေလဲဆိုတာ သိလိုပါတယ်။
ဖြေ။ အဲဒီဒေသအတွက် လက်ရှိအခြေအနေမှာ လုံခြုံစိတ်ချ
ရဖို့က အရေးကြီးပါတယ်။ လုံခြုံစိတ်ချမှုရှိပြီဆိုရင် သူတို့ရဲ့ မူလနေရာတွေကို ပြန်ရောက်ဖို့ရှိပါတယ်။ မူလနေရာ ကကျေးရွာမှာ ဒီအတိုင်းပဲ အိမ်တွေ၊ ယာတွေရှိနေမယ်ဆိုရင် တက်နေရုံပါပဲ။ ဒါပေမယ့် တချို့ မြို၊ ဒိုင်းနက်အစရှိတဲ့ တိုင်းရင်း သားလူနည်းစုရွာတွေကျတော့ လုံးဝ မီးလောင်သွားတာ တွေ့ရှိရ ပါတယ်။ ပြန်လည်နေရာချထားရေးဆိုတာ အလွန်အရေးကြီးလာ ပါတယ်။
သူတို့ မီးမလောင်တဲ့ရွာတွေက ဆွေမျိုးသားချင်းတွေ၊ အသိ တွေဆီမှာ ပူးပေါင်းနေထိုင်နေရတာတွေ ရှိပါတယ်။ ဒါတွေကို ကျွန်တော်တို့ အရေးပေါ်ဆောင်ရွက်ပေးရပါမယ်။ ပြန်လည် နေရာချထားတဲ့အခါမှာ ပိုစိတ်ချရတဲ့ပုံစံနဲ့ တိုင်းရင်းသား လူနည်းစုတွေကို စုစုစည်းစည်းဖြစ်အောင် သူတို့နေရာတွေကို ပြန်လည်ဆောက်လုပ်ပေးပါမယ်။

မေး။ အားလုံးပါဝင်ဆောင်ရွက်ရေးဆိုတာနဲ့ ပတ်သက်ပြီး
ဘယ်လိုဆောင်ရွက်နေသလဲဆိုတာ သိပါရစေခင်ဗျာ။
ဖြေ။ ဒါနဲ့ပတ်သက်ပြီး ပြည်ထောင်စုစီမံကိန်းကြီးဆိုတာ
ပေါ်ပေါက်လာပါတယ်။ နေပြည်တော်ကောင်စီ အပါအဝင် တိုင်းဒေသကြီးနဲ့ ပြည်နယ်အသီးသီးမှာရှိတဲ့ ပြည်သူ လူထုနဲ့ သက်ဆိုင်ရာတာဝန်ရှိတဲ့ အကြီးအကဲတွေ အားလုံး ဦးဆောင်ပြီးတော့ ပါဝင်ဆောင်ရွက်လာတာ တွေ့ရပါတယ်။အခုစီမံကိန်းမှာ ညှိနှိုင်းရေးမှူးချုပ် ဒေါက်တာအောင်ထွန်းသက် ရှိပါတယ်။ ညှိနှိုင်းရေးမှူးချုပ်က ပြည်သူထဲကနေ လှူဒါန်းချင်တဲ့ ဆန္ဒရှိတဲ့ လူတွေ၊ စီပွားရေးလုပ်ငန်းရှင်တွေ၊ ဖောင်ဒေးရှင်းတွေ၊ ပါဝင်ဆောင်ရွက်မယ့်သူတွေ၊ ပြည်သူပြည်သားတွေ၊ ပြည်တွင်း လုပ်ငန်းရှင်တွေ၊ ပြည်တွင်းမှာရှိတဲ့ လူမှုအဖွဲ့အစည်းတွေ၊ ဆောင်ရွက်ချင်တဲ့လူတွေကို စုစည်းညှိနှိုင်းပေးပါတယ်။ ပြန်လည် တည်ဆောက်ရေးလုပ်ငန်းတွေလုပ်တာ၊ နေရာချဖို့အတွက် စီစဉ် တဲ့နေရာမှာ အားလုံးက ဝိုင်းဝန်းပြီး ဒီကိစ္စကို စတင်ဆောင်ရွက် နေပါတယ်။ စတင်တဲ့အခါမှာ အဖွဲ့တွေ ဖွဲ့ပါတယ်။ ဆွေးနွေး တိုင်ပင်တာတွေလုပ်ပါတယ်။ လိုအပ်ချက်တွေကို သက်ဆိုင်ရာ ဝန်ကြီးဌာနတွေနဲ့ ကျွန်တော်တို့ စီမံကိန်းမှာ တာဝန်ရှိတဲ့သူတွေ ညှိနှိုင်းပါတယ်။ ပြည်သူတွေကလည်း အရေးကြီးပါတယ်။ ဒေသခံ ပြည်သူတွေနဲ့လည်း ညှိနှိုင်းဖို့လိုပါတယ်။
ပြီးခဲ့တဲ့ အောက်တိုဘာလ ၂၈ ရက်နဲ့ ၂၉ ရက်မှာ ဒေါက်တာ အောင်ထွန်းသက်နဲ့ ကျွန်တော် ရခိုင်ဒေသကို ရောက်တယ်။ လူမှုအဖွဲ့အစည်းတွေနဲ့တွေ့ပါတယ်။ ကျွန်တော်တို့ရဲ့ လုပ်ငန်းမှာ အဓိကပါဝင်မယ့်သူတွေက လူငယ်ထုတွေဖြစ်တယ်။ မြန်မာ နိုင်ငံမှာက အင်မတန်မှကောင်းတဲ့ တက်ြ<ွကတဲ့ လူငယ်ထု အင်အားတွေ ရှိပါတယ်။ လူငယ်တွေ ပါဝင်ဆောင်ရွက်လို့ရအောင် လူမှုအဖွဲ့အစည်းတွေလည်း ဒီကိစ္စကို သိအောင်ဆိုပြီး လူမှုအဖွဲ့ အစည်းတွေနဲ့ တွေ့တာရှိပါတယ်။ ဒီလိုတွေ့ဆုံတဲ့အခါမှာ ဘယ်လို ဖြစ်ချင်တယ်ဆိုတဲ့ သူတို့ရဲ့ဆန္ဒတွေ၊ ခံစားချက်တွေ၊ ယုံကြည်မှု တွေကို သိရတဲ့အခါ အင်မတန်မှ ကောင်းပါတယ်။ ကျွန်တော်တို့ ဒါတွေအကုန်လုံးကို ထည့်သွင်းစဉ်းစားဆောင်ရွက်ရမှာဖြစ်ပါတယ်။ ပြည်သူလူထုရဲ့ ဖြစ်ချင်တဲ့ဆန္ဒတွေ၊ လိုလားချက်တွေနဲ့ တကယ်လက်တွေ့မြေပြင်မှာဖြစ်နေတဲ့ အဖြစ်အပျက်တွေကို စဉ်းစားဆောင်ရွက်ရမယ်။ ပြောမယ်ဆိုရင် ရခိုင်ဒေသရဲ့ကိစ္စဟာ တစ်နိုင်ငံလုံးနဲ့ သက်ဆိုင်ရုံသာမက တစ်က္ဘာလုံးနဲ့ ပတ်သက် လာတယ်။ ဒါကြောင့်မို့ ဆက်စပ်ပြီး စဉ်းစားဆောင်ရွက်ရမယ့် ကိစ္စတွေ အများကြီးရှိလာတယ်။ ဒါတွေကို ပွင့်ပွင့်လင်းလင်းနဲ့ ကျွန်တော်တို့ ဆောင်ရွက်သွားမှာ ဖြစ်ပါတယ်။
မျိုးမြင့်၊ မီမီဖြိုး(သတင်းစဉ်)
ဆက်လက်ဖော်ပြပါမည်