ကရင်တိုင်းရင်းသားလူမျိုးများ၏ ရိုးရားယဉ်ကျေးမှုနှင့် စာပေစကားများကို ပြည်သူများ ပိုမိုသိရှိ လာအောင် ပေါင်မြို့နယ်အတွင်းရှိ ကရင်တိုင်းရင်းသားလူငယ်များတို့၏ စာပေစကားဝိုင်းဆွေးနွေးပွဲကို နိုဝင်ဘာ ၂၈ ရက် နံနက် ၁၁ နာရီက မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Center ခန်းမ၌ ပြုလုပ်ခဲ့ကြောင်း သိရသည်။
အခမ်းအနားတွင် ခရိုင်ပြန်/ဆက်ဦးစီးမှူးဒေါ်ခင်လေးနွယ် က နိုင်ငံတော်မှ ဆောင်ရွက်နေသည့် တိုင်းရင်းသားစည်းလုံးညီညွတ်ရေး၊ အမျိုးသားရင်ကြားစေ့ရေးနှင့်တိုင်းရင်းသားအချင်းချင်း ချစ်ကြည်ရင်းနှီရေးကို တစ်ဖက်တစ်လမ်းမှ အထောက်အကူပြုစေရန် တိုင်းရင်းသားလူမျိုးစုစာပေပွဲတော်ကို ကျင်းပရန်ရှိသောကြောင့် ပြုလုပ်ရခြင်းဖြစ်ကြောင်း ၄င်းက ပြောသည်။
"ဒီလိုပွဲတွေကိုများများလုပ်ပေးခြင်းအားဖြင့် ကိုယ့်မြို့နယ်မှာရှိတဲ့ လူငယ်တိုင်းရင်းသား တွေဟာ ကိုယ်ပိုင်ရိုးရာယဉ်ကျေးမှုဓလေ့ကို ပိုမိုသိရှိလာမှာပါ။နောက်ထပ် ပအိုဝ်း၊ မွန် စသည့် တိုင်းရင်းသားများ ၏ စာပေစကားဝိုင်းများလည်း လုပ်သွားဖို့ရှိပါတယ်" ဟု မြို့နယ် ပြန်/ဆက်ဦးမှူး ဒေါ်ဝင်းမင်းသန်း ကပြောသည်။
ဆက်လက်၍ မြို့နယ်ကရင်စာပေနှင့်ယဉ်ကျေးမှု ဥက္ကဌ ဦးစောတင်ထွန်း က ကိုယ်ပိုင် ယဉ်ကျေးမှု၊ ကိုယ်ပိုင်ဘာသာစကားနှင့် ကိုယ်ပိုင်စာပေစကားများကို မပျောက်မပျက်သွားအောင် လူငယ်များအနေဖြင့် ဆက်လက် ထိန်းသိမ်းသင့်ကြောင်း ရှင်းလင်းပြောကြားခဲ့သည်။
စာပေစကားဝိုင်းဆွေးနွေးပွဲကို စကောကရင်စာပေနှင့် ယဉ်ကျေးမှုအဖွဲ့ကိုယ်စား ဒေါ်နော်သီတာဝင်း မှ ကရင်နှစ်သစ်ကူးဖြစ်ပေါ်လာပုံနှင့် ပိုးကရင်စာပေနှင့်ယဉ်ကျေးမှုအဖွဲ့ကိုယ်စား နန်းမိုးမိုးနွယ် မှ ကရင် ရိုးရာချည်ဖြူဖွဲ့ မင်္ဂလာအကြောင်းတို့ကို ဦးဆောင်ဆွေးနွေးကြပြီး မြို့နယ်အတွင်းရှိ ကရင်တိုင်းရင်းသား ( ၅၀ )ဦးခန့် တတ်ရောက်ဆွေးနွေးခဲ့ကြပြီး သိရှိလိုသည်များကို ကရင်စာပေနှင့်ယဉ်ကျေးမှု ဥက္ကဌနှင့် အတွင်းရေးမှူးတို့က ရှင်းလင်းဆွေးနွေးပေးခဲ့ကြကြောင်း သိရသည်။
ဟံသာနွန်
No comments:
Post a Comment