ရှိုက်ကြီးတငင် ငိုကြွေးနေ သော ဒေါ်နန့်တုက မိသားစုဓာတ်ပုံထဲမှ ရင်နှစ်သည်းချာသမီး၏ မျက်နှာကို ကတ်ကြေးဖြင့်ညှပ်ကာ ဖယ်ရှားပစ်လိုက်သည်။ ကရင်တိုင်းရင်းသူကြီး ဒေါ်နန့်တုသည် သမီးဖြစ်သူ၏ လေးနှစ်ကြာ အဆက်အသွယ်ဖြတ်ခြင်းကို ခံလိုက်ရပြီးနောက် အရူးမီးဝိုင်းဖြစ်ကာ လုပ်မိလုပ်ရာလုပ်ပစ်ခြင်းဖြစ်သည်။ ခင်ပွန်းဖြစ်သူ မန်းသိမ်းခိုက ဇနီးသည်ဒေါ်နန့်တုကို တစ်လှည့်၊ သမီးနေရာတွင် ကွက်လပ်ဖြစ်သွားသော မိသားစုဓာတ်ပုံကိုတစ်လှည့်ကြည့်ကာ မျက်လုံးအိမ်မှ ဝမ်းနည်းမျက်ရည်များ စီးကျလာ သည်။ ကျန်မိသားစုဝင်များက လည်း မိခင်အဖြစ်ကိုကြည့်၍ မှင်တက်အံ့သြနေကြသည်။
ဒေါ်နန့်တုမွေးခဲ့သည့် သား သမီးခုနစ်ဦးအနက် သမီးကြီးဖြစ်သူ မဇာဇာဦးသည် ၂၀၀၉ က စကာ စင်ကာပူနိုင်ငံတွင် အလုပ်သွား လုပ်သည်။ ၂၀၁၃ နှစ်ဦးပိုင်း တွင် မိဘနှစ်ဦးနှင့် ကျန်မွေးချင်း များကို ဘာသာရေးအကြောင်းပြ ကာ အဆက်ဖြတ်လိုက်သည်။ မိဘများနှင့် အဆက်အသွယ်ပြန် လုပ်ရန် အမျိုးမျိုးနားချခဲ့သော် လည်း မရသည့်အပြင် မိသားစု ဝင်များကိုပင် နတ်ဆိုးဟု သမုတ် ခဲ့သောကြောင့် သမီးအပေါ် ကရု ဏာဒေါသကြီးမားနေသည့် ဒေါ် နန့်တုက မိသားစုဓာတ်ပုံထဲမှ သမီး၏ မျက်နှာကို ဖယ်ရှားခဲ့သည်။ ယင်းဖြစ်ရပ်သည် ဧရာဝတီတိုင်းဒေသကြီး ကျုံပျော်မြို့နယ် လှည်းဆိပ်ကျေးရွာမှ မန်းသိမ်းခို နှင့် ဒေါ်နန့်တု၏ နေအိမ်တွင် နိုဝင်ဘာအစောပိုင်းက ဖြစ်ပွားခဲ့ခြင်း ပင်။ သမီးဖြစ်သူကို မိခင်အရင်းက ဒေါသဖြစ်စေသော အကြောင်းရင်းမှာ ဒေသခံများကြား၌ အစွန်းရောက်ဘာသာရေးအဖွဲ့ဟု နာမည်ကြီးနေသော လှည်းဆိပ်ကျေးရွာမှ ‘ခရစ်တော်၏ တပည့်တော် များမိတ်သဟာယ’အဖွဲ့နှင့် ဆက် စပ်၍ ဖြစ်ပါသည်။
‘‘ကျွန်မအမေဆို အခုမှသာ သက်သာသွားတာ။ အရင်ကဆို လေ ရူးမတတ်ပဲ’’
၂၀၁၃ က စတင်ဖြစ်ပွားခဲ့သော မိသားစုအရေးကို ဒေါ်နန့်တု ၏ အထွေးဆုံးသမီး နန့်အိအိဇာက အထက်ပါအကြောင်းအရာများ ကို ပြန်ပြောပြခြင်းဖြစ်သည်။ အစ်မဖြစ်သူ မဇာဇာဦးသည် ခရစ် တော်၏ တပည့်တော်များမိတ်သ ဟာရအဖွဲ့သို့ ဝင်ရောက်သွားပြီး နောက် မိသားစုအား ငွေကြေး ထောက်ပံ့မှု မသိမသာလျှော့ချခဲ့ သည်။ ၂၀၁၃ နှစ်ဦးပိုင်းတွင် ဇာတိရပ်ရွာသို့ ပြန်လာပြီး မိဘများရော မွေးချင်းများကိုပါ ခရစ်တော်၏ တပည့်တော်များမိတ်သဟာယ အဖွဲ့သို့် ဝင်ရောက်ရန် အသိပေး လာသည်။ ခရစ်ယာန်ဘာသာကို သက်ဝင်ယုံကြည်သော မိသားစု ဝင်များက ငြင်းပယ်သောအခါ မဇာဇာဦးက မိဘနှစ်ပါးနှင့် မွေးချင်းများကို ကျောခိုင်းစွန့်ခွာသွား တော့သည်။ ၂၀၁၇ နိုဝင်ဘာလ ဆန်းတွင် ဇာတိရပ်ရွာသို့ ပြန်လာ ခဲ့သော်လည်း ခရစ်တော်၏ တပည့်များမိတ်သဟာယအဖွဲ့ခြံ ဝင်းသို့ သာလာရောက်ခဲ့ပြီး ယင်း ခြံနှင့် ကိုက် ၅၀ ခန့်အကွာတွင်ရှိ သော မိဘအိမ်သို့ မလာရောက် ခဲ့ပေ။ လေးနှစ်ကျော်မမြင်ရသည့် သမီးဖြစ်သူကို မြင်ရလိုဇောဖြင့် မျှော်လင့်ခဲ့သော်လည်း သူ့ထံ ရောက်မလာသောအခါ ဒေါ်နန့်တု အရူးတစ်ပိုင်းဖြစ်ခဲ့ရသည်။ အိမ်နံရံမှ မိသားစုဓာတ်ပုံသည် သမီး အချစ်ငတ်နေသော အသက် (၅၈)နှစ်အရွယ် မိခင်အို၏ ထွက်ပေါက်တစ်ခုဖြစ်သွားသည်။
မဇာဇာဦးကဲ့သို့ပင် အဆိုပါ အဖွဲ့သို့ ဝင်ရောက်သွားပြီးနောက် မိဘများကို အဆက်အသွယ် ဖြတ်တောက်သွားသော အမျိုးသမီး ငယ် ၂၅ ဦးထက်မနည်း ရှိနေ သည်ဟု ခရစ်ယာန်အသိုင်းအဝိုင်း က ဆိုသည်။ ကျန်သော မိဘများ ကလည်း ၎င်းတို့၏ သမီးများအ တွက် ကိုယ်စီကိုယ်စီပူဆွေးသော ကရောက်နေကြသည်။
ခရစ်တော်၏ တပည့်တော်များ မိတ်သဟာယအဖွဲ့ဆိုသည်မှာ
စင်ကာပူနိုင်ငံသားခံယူထား သော မန်းကျော်စိုးဆိုသူက အဆို ပါအဖွဲ့ကို လှည်းဆိပ်ကျေးရွာတွင် ၂၀၁၁ ကစ၍ လာရောက်တည် ထောင်ခဲ့ခြင်းဖြစ်သည်။ ခြံဝင်း တစ်ခုအတွင်း သီးသီးသန့်သန့်နေ ခြင်းဖြစ်ပြီး လှည်းဆိပ်ကျေးရွာမှ အဖွဲ့တွင် အဖွဲ့ဝင် ၆၀ ခန့်ရှိနေ သည်။ လှည်းဆိပ်ကျေးရွာအပြင် ကျုံပျော် မြို့နယ်အောက်ရှိ အထောင်မြို့၊ ပဲခူးတိုင်းဒေသကြီး ပေါက်ခေါင်းမြို့နှင့် ကျောင်းကုန်း မြို့နယ် ထန်းကုန်းကျေးရွာတို့တွင် လည်း ရှိနေသည်။ တစ်မိသားစု ချင်းပြန့်ကျဲနေသူများလည်းရှိ သည်ဟု အဖွဲ့ဦးဆောင်သူ တစ်ဦး ဖြစ်သော ဦးအောင်ထွန်းကျော်က ဆိုသည်။
မိသားစုဝင်များဟု ၎င်းတို့ ကိုယ်၎င်းတို့ပြန်လည်ကင်ပွန်း တပ်ထားသည့် ထိုအဖွဲ့တွင် လူ ငယ်လူရွယ်အများစုပါဝင်သည်။ လှပချောမောသော မိန်းမပျိုအ များစုကိုလည်း ခြံအတွင်း တွေ့ရ သည်။ လူမမည်ကလေးငယ်များ လည်း ငါးဦးထက်မနည်းတွေ့ရ သည်။ ၎င်းတို့အားလုံးသည် ဝိညာဉ်မောင်နှမများဖြစ်သည်ဟု အဖွဲ့ဝင်များက ဆိုသည်။ ကရင်၊ ကယား၊ ကချင်ပြည်နယ်နှင့် ပဲခူးတိုင်း၊ ဧရာဝတီတိုင်းတို့မှ လူငယ်များ လာရောက်စုစည်းမိကြခြင်းဖြစ်သည်။ ခြံဝင်းထဲတွင် ရက် ၄၀ သင်တန်း တစ်နှစ်သုံးကြိမ်ဖြစ်ပြီး ယုံကြည်ကိုးကွယ်မှုအရ ခံစားရသည်ကို အချင်းချင်း မျှဝေခြင်းဖြင့် လူသစ်များ တိုးပွားလာခြင်းဖြစ်ကြောင်း ဦးအောင်ထွန်းကျော်က ဆိုသည်။
သင်တန်းကာလကို ရက် ၄၀ တစ်ကြိမ်သတ်မှတ်ထားပြီး တစ် နှစ်လျှင် သုံးကြိမ်ပြုလုပ်သည်။ ခြံအတွင်းရှိ အဆောက်အအုံတစ် ခုအတွင်းတွင် စုရုံး၍ သင်တန်းပေး သည်။ နှစ်စဉ် ဧပြီ၊ သြဂုတ်နှင့် နိုဝင်ဘာတို့တွင် ပြုလုပ်သော သင်တန်းကာလအတွင်း စုပေါင်း ဝတ်ပြုခြင်း၊ ချီးမွမ်းခြင်းဟု ခေါ်ဆိုသော သီချင်းဆိုခြင်းနှင့် တရား ဟောပြောခြင်းကို နေ့စဉ် နံနက်၊ နေ့လယ်နှင့် ညနေသုံးကြိမ်ပြု လုပ်သည်။ ကျန်အချိန်များမှာ ကစားခြင်း၊ အလုပ်လုပ်ခြင်းတို့ ပြုလုပ်ကြသည်။ ၎င်းတို့တစ်ဦးချင်း စီသည် ၎င်းတို့ယုံကြည်ရာ ဘုရား က ဖြစ်စေချင်သည့်အတိုင်း နေ ထိုင်ရပ်တည်ခြင်းဖြစ်သည်ဟု ဆိုသည်။
ခရစ်တော်၏ တပည့်တော် များမိတ်သဟာယအဖွဲ့ကို သွား ရောက်လေ့လာရာတွင် ခေါင်း ဆောင်ပိုင်းက လိုလိုလားလား လေ့လာခွင့်ပြုသည်။ လူငယ်များ ကလည်း ဖက်လဲတကင်းနှုတ် ဆက်သည်။ သို့သော် သံသယ မျက်လုံးဖြင့် မျက်ခြည်မပြတ်ကြည့်ကြသည်။ ပြောစကားများတစ်ဦးနှင့် တစ်ဦးရှေ့နောက်မညီ ဘဲ လွဲချော်မှုအချို့တွေ့ရသည်။
အဖွဲ့ဝင်ဦးရေ ၆၀ ခန့်၏ နေ့စဉ်စားဝတ်နေရေးနှင့် အဖွဲ့၏ ဝင်ငွေထွက်ငွေကို မေးမြန်းရာ ၎င်းအနေဖြင့် တိတိကျကျမပြော နိုင်သော်လည်း စာရင်းဇယားပြုစု ရန် ပြင်ဆင်နေကြောင်း အဖွဲ့ဦး ဆောင်သူတစ်ဦးဖြစ်သည့် ဦး အောင်ထွန်းကျော်က ပြောသည်။ ဦးဆောင်သူ နောက်တစ်ဦးဖြစ် သော မန်းဖိုးကြူး (ခေါ်) ဦးဉာဏ် ထွန်းကျော်က ဦးအောင်ထွန်း ကျော်နှင့် ကွဲလွဲစွာပြောသည်။ ၎င်းတို့နှစ်ဦးသည် ညီအစ်ကိုအ ရင်းဖြစ်သည်။
‘‘ကျွန်တော်တို့ ဘာမှစာရင်း ဇယားစစ်တာ မရှိဘူး။ ကျွန်တော် တို့ ကိုယ်လုပ်တဲ့အပေါ်မှာပဲ ဘုရားနဲ့ပဲ သွားရတဲ့ ကိစ္စဖြစ်တဲ့အတွက် ကြောင့်မို့လို့ ကိုယ်လုပ်တာသည် သာလျှင် ဘုရားအသိဆုံးပဲလေ။ ကိုယ်ရိုးဖြောင့်တာ၊ မရိုးဖြောင့် တာ ဘုရားနဲ့ပဲဆိုင်တယ်။ ဘုရား နဲ့ ရှင်းရမယ့် ကိစ္စ။ လူနဲ့ရှင်းရမယ့် ကိစ္စမဟုတ်ဘူး’’ဟု ဦးဉာဏ်ထွန်း ကျော်က ဆိုသည်။
ခရစ်တော်၏ တပည့်တော် များ မိတ်သဟာယအဖွဲ့သည် ခရစ် ယာန်ဘာသာနှင့် ဆက်စပ်၍ ဖြစ် ပေါ်လာသော်လည်း သမ္မာကျမ်း စာကို သွေဖည်၍ အယူလွဲနေသူများဟု ဒေသခံခရစ်ယာန်အသိုက်အဝန်းက ယုံကြည်နေကာ ခါးခါးသီးသီးဖြစ်နေသည်။ ထို့ကြောင့် အဆိုပါခြံဝင်းနှင့် အဆောက်အအုံများကို ဒေသခံအချို့က ခဲဖြင့် ပစ်ခြင်းများ ပြုလုပ်ကြသည်ဟု ဆိုသည်။ မူးယစ်ဆေးနှင့် အရက်စွဲနေသူများရှိနေသော ယင်းအဖွဲ့မှ လူငယ်အချို့နှင့်လည်း ဒေသခံများ ထိပ်တိုက်တွေ့ကာခိုက်ရန် ဖြစ်ပွားခဲ့ဖူးသည်။ အဖွဲ့ဝင်များအကြား ရှေ့နောက်မညီသည့် နောက်ထပ် စကားတစ်ခွန်းမှာ၎င်းတို့ကို မလိုလားသူများက ရန်ပြုတိုက်ခိုက်ပါက ဘုရား၏ အဆုံးအမအတိုင်းမေတ္တာတရားဖြင့် တုံ့ပြန်မည်ဟု တစ်ဦးကဖြေသော်လည်း အ ခြားတစ်ဦးကမူ ၎င်းတုိ့၏ ဘုရား အလိုတော်အတိုင်း ဘာမဆိုတုံ့ ပြန်မည်ဟု ဆိုသည်။
‘‘ကျွန်တော်တို့က ဘုရားအ လိုတော်အတိုင်းပဲ အသက်ရှင်တာ ပေါ့နော်။ ဘုရားက ကျမ်းစာထဲ မှာလည်း ပြောထားတယ်။ သူ သတ်ဆိုရင် သတ်၊ မွေးချင်းပေါက် ဖော်ထဲက ထွက်ဆိုရင် ထွက်။ ဘုရားအလိုအတိုင်းပဲ’’ဟု ကချင် ပြည်နယ်မှ လာရောက်သော လူ ငယ်တစ်ဦးက ဆိုသည်။
ခရစ်ယာန်ဘာသာဝင် အသိုင်းအဝိုင်း၏ တုံ့ပြန်မှု
ခရစ်ယာန်ဘာသာကို ယုံ ကြည်ကိုးကွယ်ခြင်းဖြစ်ကြောင်း ၎င်းတို့က ပြောသော်လည်း ၎င်း တို့၏ သင်ကြားပြသမှုများသည် သမ္မာကျမ်းစာ၏ အဆုံးအမနှင့် မကိုက်ညီကြောင်း ခရစ်ယာန်ဘာ သာအသိုင်းအဝိုင်းက ပြင်းပြင်း ထန်ထန်ဝေဖန်သည်။ ခရစ်ယာန် သမ္မာကျမ်းစာမှ အချို့အချက်များ ကိုသာ ရွေးထုတ်သင်ကြားပြီး လေလွင့်လူငယ်လူရွယ်များကို ပစ်မှတ်ထား လူစုဆောင်းသည်ဟု ဆိုကာ ခရစ်ယာန်ဘာသာအသိုင်းအဝိုင်း က ယင်းအဖွဲ့ကို ရှုတ်ချထား သည်။ မြန်မာနိုင်ငံ နှစ်ခြင်းခရစ် ယာန်အသင်းတော်များ အဖွဲ့ချုပ် ကလည်း မန်းကျော်စိုးသည် ခရစ် ယာန်ဓမ္မထုံးတမ်းများနှင့် ဆန့်ကျင်သွေဖည်သော ဓလေ့ထုံးထမ်းများ ဖြင့် ကျေးလက်နေ ကရင်အမျိုး သမီးများကို စည်းရုံးသိမ်းသွင်း၍ တရားမဝင် အဓမ္မဝါဒကျင့်သုံး သော ခရစ်ယာန်အဖွဲ့အစည်း တစ်ဖွဲ့တည်ထောင်ထားကြောင်း ယခုလအတွင်း ထုတ်ပြန်သတိ ပေးထားသည်။
ထိုအဖွဲ့သည် အလွန်အန္တ ရာယ်ကြီးသော အစွန်းရောက် ဘာသာရေးအဖွဲ့ဟု ဆိုကာ အဖွဲ့ ခေါင်းဆောင်ပိုင်းကို သာသနာ တော်ညှိုးနွမ်းစေမှုဖြင့် တရားစွဲဆို ထားသည်။ ကျုံပျော်မြို့နယ် မြန်မာနိုင်ငံခရစ်ယာန်အသင်း တော်ကောင်စီ၊ မြို့ပြကျေးလက် သာသနာဌာနကော်မတီဝင် မန်း ထောင်းစိန်က ခရစ်ယာန်ဘာသာ အသိုင်းအဝိုင်းကိုယ်စား တရားလို ပြုလုပ်၍ ကျုံပျော်မြို့နယ် တရား ရုံး၌ ၂၀၁၆ တွင် တရားစွဲဆိုခဲ့ သည်။ အဖွဲ့ခေါင်းဆောင် မန်း ကျေ်ာစိုးကို တရားရုံးက ဝရမ်း ထုတ်ထားသည်။
ယင်းအဖွဲ့ကို အစိုးရက အပြီးအပိုင်ဖျက်သိမ်းစေလိုကြောင်း ဒေသခံများက တောင်းဆိုပြီး အဓိကဝေဖန်ကြခြင်းမှာ သမ္မာကျမ်း စာပါ ဆုံးမသွန်သင်မှုများကို တလွဲယူပြီး အသုံးချနေခြင်းဟု ဆိုကြသည်။ တစ်စုံတစ်ဦးသည် အဖွဲ့ဝင်ပြီးပါက မိဘညီအစ်ကိုမောင် နှမများကိုပါ ယင်းအဖွဲ့အတွင်း ဝင်ရန် တိုက်တွန်းပြီးမဝင်ပါက မိသားစုကို အဆက်အသွယ်ဖြတ် တောက်သွားကြသည်။ ဒေါ်နန့်တုကို သမီးဖြစ်သူ မဇာဇာဦးက အဆက်အသွယ် မလုပ်တော့သည် မှာ ယင်းအဖွဲ့သို့ မဝင်ရောက်၍ ဖြစ်သည်။
ကျုံပျော်မြို့နယ် မရမ်းရိုး ကျေးရွာမှ မန်းနေ၀င်းနှင့် နော် သင်းလှတို့ ဇနီးမောင်နှံသည် လည်း သမီးဖြစ်သူက ယင်းအဖွဲ့ အတွင်းဝင်သွားပြီးနောက် အ ဆက်အသွယ်ဖြတ်တောက်ခံရသူ များဖြစ်သည်။ မိခင်နော်သင်းလှ က သမီးနှင့်တွေ့ဆုံခွင့်ရရန် ခရစ် တော်၏ တပည့်တော်များမိတ်သ ဟာရအဖွဲ့အတွင်း သင်တန်းတက် ခဲ့သေးပြီး ကိုးကွယ်ယုံကြည်မှု မပြောင်းလဲခဲ့၍ သမီးဖြစ်သူကို တွေ့ခွင့်မရခဲ့ပေ။ နော်သင်းလှ သည် ၂၀၁၅ အောက်တိုဘာ ၂၂ ရက်မှ ဒီဇင်ဘာ ၄ ရက်အထိ သင်တန်းတက်ခဲ့သည်။
‘‘သမီးက စင်ကာပူမှာ။ ဒီ သင်တန်းတက်ရင် သူနဲ့အဆက် အသွယ်ရမလားဆိုပြီး တက်တာ။ သူနဲ့လည်း အဆက်မရဘူး။ ပြန် လာမယ်ပြောပြီး သင်တန်းပြီးတဲ့ အထိ မလာဘူး’’ ဟု နော်သင်းလှ က ပြောသည်။
သင်တန်းကာလအတွင်း ဖုန်း၊မှတ်ပုံတင်နှင့် ပိုက်ဆံအိတ် ကို အဖွဲ့ခေါင်းဆောင်များက သိမ်းယူထားကာ အိမ်နှင့်အဆက် အသွယ်လုပ်ခွင့်မပေးတော့ပေ။ သမီးဇောဖြင့် ရက်၄၀ လှောင်ပိတ်ခံခဲ့သည့် နော်သင်းလှသည် စိတ်ရောကိုယ်ပါ နွမ်းနယ်နေပုံရပြီး သမီးနှင့် အဆက်အသွယ်ရနိုင်ရေး နည်းမျိုးစုံဖြင့်ကြိုးစားခဲ့သည်။နား၊ လည်ပင်းနှင့် လက်တွင် အဆင်တန်ဆာဗလာဖြစ်နေပြီး နွမ်းပါးပုံရသော နော်သင်းလှကသမီးဖြစ်သူနိုင်ငံခြားထွက်နိုင်ရေးလုံးပန်းခဲ့စဉ်သိန်းချီသောငွေများ ကြွေးတင်ခဲ့ရသည်။
နော်သင်းလှလိုပင် ယင်းအ ဖွဲ့တွင် သင်တန်းတက်ခဲ့ကာသင် ပြသည့်အရာများကို လက်မခံ၍ ပြန်ထွက်လာခဲ့သူ ခရစ်ယာန်ဘာ သာဝင်ဦးထွန်းတောက်လင်းက ‘‘သားသမီးတွေကို ဒီအဖွဲ့ထဲ ရောက်သွားရင် ပညာဆက်မသင် တော့ဘူး။ ပိုက်ဆံလည်း မရှာ တော့ဘူး။ ဘုရားအလုပ်ဆိုပြီး တော့ သူတို့ရဲ့ရိုက်သွင်းတဲ့မှိုင်းထဲ မှာပဲကိုယ့်မိဘလည်း ပြန်ကြည့်မှာ မဟုတ်တော့ဘူး’’ ဟု ပြောသည်။
အသက်(၄၈)နှစ်အရွယ်ဦး ထွန်းတောက်လင်းကတော့ ဒေါ် နန့်တု၊ နော်သင်းလှတို့ကဲ့သို့သား သမီးဇောဖြင့် သင်တန်းတက်ခဲ့သူ မဟုတ်။ ဇနီးသည်ကတောင်းဆို ၍ ခဏတာလိုက်တက်ခဲ့ခြင်းဖြစ် သည်။ ရလဒ်မှာတော့ ဦးထွန်း တောက်လင်း အရှုံးကြီးရှုံးခဲ့သည်။ ဇနီးသည်သည် အဖွဲ့တွင်ကျန်ရစ် ခဲ့ပြီး အိမ်ပြန်မလာတော့ပေ။ ဇနီး သည်အား မတွေ့ရသည်မှာ တစ် နှစ်ခွဲပင်ကျော်လေပြီ။
သမ္မာကျမ်းစာနှင့် မတူသောကွဲလွဲ မှုများ
သမ္မာကျမ်းစာ(ဧဖက် ၆း၁ -၃ ၁) တွင် ‘‘သားသမီးတို့၊ သခင် ဘုရား၏ အလိုတော်နှင့်အညီ မိဘစကားကို နားထောင်ကြ လော့။ မိဘစကားကိုနားထောင် ခြင်းအမှုသည် တရားသောအမှု ဖြစ်၏။ (၂-၃)တွင် မိဘကိုရိုသေ စွာပြုလော့။ ဤပညတ်တော်ကား သင်သည်ပြည်တော်၌ ကောင်းစား ၍ အသက်တာရှည်မည်အ ကြောင်းဟူ၍ ဂတိတော်နှင့်ဆိုင် သော ပဋ္ဌမပညတ်ဖြစ်၏’’ ဖော်ပြ ထားသည်။
သမ္မာကျမ်းစာက အထက်ပါ အတိုင်းသွန်သင်သော်လည်း အ ဆိုပါ အဖွဲ့သို့ဝင်ရောက်သူများ သည် ပထမဦးစွာမိဘများနှင့် မွေးချင်းများကို သင်တန်းလာ တက်ရန် ဖိတ်ခေါ်သည်။ ဆွယ် သည်ဟု သုံးနှုန်းကြသည်။ သင် တန်းမတက်ပါက (သို့မဟုတ်) ယင်းအဖွဲ့သို့မ၀င်ပါက မိဘများ နှင့်မွေးချင်းများကို အဆက်အ သွယ်ဖြတ်တောက်ပြီး ငွေကြေး ထောက်ပံ့မှုပါ ရပ်ဆိုင်းခဲ့သည်။ ၎င်းတို့ရှာသမျှ ငွေကြေးများသည် ၎င်းတို့ပိုင်မဟုတ်ဘဲ ဘုရားက ပိုင်သည်ဟု ယုံကြည်ကာ ယင်း အဖွဲ့သို့သာ ပေးအပ်ကြကြောင်း စွန့်ပယ်ခံမိဘများက ပြောသည်။ သမ္မာကျမ်းစာ၏ ဆုံးမသွန်သင်မှု နှင့် ဖြောင့်ဖြောင့်ကြီးဆန့်ကျင်နေ ကြောင်း ပြောကြသည်။
ကာယကံရှင်အဖွဲ့ဝင်များက ၎င်းတို့လုပ်သမျှ အရာရာတိုင်း သည် ၎င်းတို့၏ကိုယ်တွင်း၌ ဘုရားဝိညာဉ်ကိန်းအောင်းနေ ခြင်းကြောင့် ဖြစ်သည်ဆိုသည်။ ခရစ်တော်၏တပည့်တော်များ မိတ်သဟာယအဖွဲ့ဦးဆောင်သူ များ၏ ဖုန်းတွင် သမ္မာကျမ်းစာဟု ဆိုသော စာတစ်ပိုဒ်ကို မျဉ်းသား ထားသည်ကိုတွေ့ရသည်။ ထိုစာ ပုဒ်မှာ ဆာလံကျမ်း ၈၂ ဟု ရေး သားထားသောစာမျက်နှာမှ နံ ပါတ်စဉ်(၆)နေရာ၌ ‘‘သင်တို့သည် ဘုရားဖြစ်ကြ၏။ ရှိသမျှတို့သည် အမြင့်ဆုံးသော ဘုရား၏သားဖြစ် ကြ၏ဟု ငါဆိုသတည်း’’ဟု ပါရှိ သည်။ အဓိပ္ပာယ်သည် ၎င်းတို့ ကိုယ် ၎င်းတို့ ဘုရားဟုလွဲမှားစွာယုံ ကြည်ခြင်းဖြစ်ပြီး သမ္မာကျမ်းစာ အပြည့်အစုံတွင် ယင်းကဲ့သို့ အဓိပ္ပာယ်မသက်ရောက်ကြောင်း လှည်းဆိပ်ကျေးရွာပိုးကရင်နှစ် ခြင်းခရစ်ယာန်ကျောင်းသိက္ခာ တော်ရဆရာတော်မန်းချမ်းလွင် က ပြောသည်။
‘‘သူတို့က ကျမ်းစာထဲက တစ်စွန်းတစ်စကို ကြိုက်တဲ့အ ချက်တွေ ယူတယ်။ ယူပြီး ကြိုက် သလိုဆွဲဆန့်တယ်’’ ဟု သိက္ခာ တော်ရဆရာတော်မန်းချမ်းလွင် က ပြောသည်။
ထိုအဖွဲ့ခေါင်းဆောင်များ
အဖွဲ့ကို စတင်တည်ထောင် သူမန်းကျော်စိုးသည် စင်ကာပူနိုင် ငံသားခံယူထားပြီး သာသနာ တော်ညှိုးနွမ်းစေမှုဖြင့် တရားစွဲဆို ခံထားရကာ တရားရုံးက ၀ရမ်း ပြေးအဖြစ် ကြေညာထားသည်။ မန်းကျော်စိုးသည် စင်ကာပူနိုင်ငံ တွင် ရုံးပိတ်ရက်များ၌မြန်မာအမျိုး သမီးငယ်များလာရောက်လည် ပတ်လေ့ရှိသော ပန်းခြံများ၌ စည်း ရုံးဟောပြောပြီး အမျိုးသမီးငယ် အများစုကို အဖွဲ့ဝင်စေကြောင်း ခရစ်ယာန်အသိုင်းအ၀ိုင်းက ဆို သည်။ သို့သော်ထိုအချက်ကို 7Day က သီးခြားအတည်မပြုနိုင် သေးပေ။ မန်းကျော်စိုးသည် ထက် မြက်သော လူပုဂ္ဂိုလ်တစ်ဦးဖြစ်ပြီး ခရစ်တော်၏တပည့်တော်များ မိတ်သဟာယအဖွဲ့ဖွဲ့၍ သမ္မာ ကျမ်းစာနှင့် လွဲချော်သောတရား ဟောနေခြင်းမှာ ကြီးမားသောအ လွဲတစ်ခုဟု မန်းကျော်စိုးနှင့်ပုဂ္ဂိုလ် ရေးအရ နီးစပ်သောခရစ်ယာန် ဘာသာရေးအကြီးအကဲတစ်ဦးက ပြောသည်။
လှည်းဆိပ်ကျေးရွာတွင် နေ ထိုင်လျက် ခရစ်တော်၏တပည့် တော်များမိတ်သဟာယအဖွဲ့ကို ဦး ဆောင်နေသူငါးဦးထက်မနည်းရှိနေသည်။ ၎င်းတို့ထဲမှ မန်းဖိုးကြိုး (ခေါ်)ဦးဉာဏ်ထွန်းကျော်နှင့် ဦး အောင်ထွန်းကျော်သည် လူသိပို များသည်။ အဆိုပါအဖွဲ့ကို အ စွန်းရောက်ဘာသာရေးအဖွဲ့ဟု စွပ်စွဲခံရမှုမှန်သမျှကို ဒိုင်ခံဖြေရှင်း နေသူများဖြစ်သည်။ သာသနာ တော်ညိုးနွမ်းစေမှုဖြင့်လည်း တ ရားစွဲဆိုခံထားရကာ လတ်တ လော အမှုရင်ဆိုင်နေရသူများဖြစ် သည်။
မန်းဖိုးကြူးသည် ဦးသိန်းစိန် အစိုးရလက်ထက်တွင် လှည်းဆိပ် ကျေးရွာအုပ်ချုပ်ရေးမှူးအဖြစ် ဆောင်ရွက်ခဲ့သည်။ ယခင်က ဆိုး သွမ်းခဲ့ပြီး ထိုအဖွဲ့သို့ဝင်ရောက် ပြီးမှ စိတ်ပိုင်းဆိုင်ရာအေးချမ်းမှု ခံစားခဲ့ရသည်ဟုဆိုသည်။ မန်းဖိုး ကြူးက ၎င်းတို့အဖွဲ့ကိုမယုံကြည် သူများသည် နတ်ဆိုးများဖြစ်သည် ဟု ပြောသည်။
ဦးအောင်ထွန်းကျော်သည် မန်းဖိုးကြူး၏ အစ်ကိုဖြစ်ပြီး နှလုံး ရောဂါဖြစ်ပွားနေချိန် ဘာသာရေး ကိုလေ့လာရာမှထိုအဖွဲ့သို့ ၂၀၁၆ ဧပြီတွင် ၀င်ရောက်ခဲ့သည်။ သား တစ်ယောက်၊ သမီးတစ်ယောက်ရှိ ပြီး သားဖြစ်သူသည် သွားဘက် ဆိုင်ရာဆရာဝန်တစ်ဦးဖြစ်သည်။ သမီးသည်တက္ကသိုလ်တစ်ခုတွင် သရုပ်ပြဆရာမဖြစ်ပြီး နှစ်ဦးစလုံး က အဆိုပါအဖွဲ့ကို ယုံကြည်သက် ၀င်သည်ဟု ဦးအောင်ထွန်းကျော် က ဆိုသည်။
သူကိုယ်တိုင်လည်း သာသ နာတော်ညိုးနွမ်းစေမှုဖြင့် တရားစွဲ ဆိုခံထားရသူ ဦးအောင်ထွန်း ကျော်က တရားလိုသည်သမ္မာ ကျမ်းစာကို နားလည်ပါက တရား စွဲမည်မဟုတ်ဟု ယုံကြည်ကြောင်း ပြောသည်။
ဦးအောင်ထွန်းကျော်နှင့် ဦး ဉာဏ်ထွန်းကျော်၏ အစ်ကိုအရင်း ဖြစ်ပြီး စည်းရုံးခြင်းခံရသည့်တိုင် အောင်ခရစ်တော်၏တပည့်တော် များမိတ်သဟာယအဖွဲ့သို့ မ၀င်ခဲ့ သူဦးသန်းထွန်းကျော်က ညီဖြစ်သူ ၏လုပ်ရပ်ကို လက်မခံနိုင်ကြောင်း ပွင့်ပွင့်လင်းလင်းပြောသည်။
ဒေါ်နီလာထွန်း၊ မန်းဝင်းမြင့်၊ နန့်မွန်း၊ ကိုဘိုဘိုဆိုသူတို့ကလည်း လှည်းဆိပ်ကျေးရွာရှိခရစ်တော် ၏တပည့်တော်များ မိတ်သဟာယ အဖွဲ့ကို ဦးဆောင်သူများတွင် ပါဝင်သည်။
စိတ်ပညာရှုထောင့်မှ အကဲခတ် ခြင်း
လူပုဂ္ဂိုလ်တစ်ဦးက လူအ များစုအား စိတ်ပိုင်းဆိုင်ရာလွှမ်း မိုးမှုပြုလုပ်ကာ ကိုယ်ကျိုးအရ (သို့မဟုတ်)ဆိုင်ရာအဖွဲ့အစည်း ၏ အကျိုးအတွက်အသုံးချခဲ့သော၊ အရူးထခဲ့သောသဘာဝလွန်ဖြစ် ရပ်များ ကမ္ဘာရောမြန်မာမှာပါ ရှိ ခဲ့ဖူးသည်။ မကြာသေးမီက လူ ပြောများခဲ့သော မွန်ပြည်နယ် သထုံမြို့နယ် အလံတစ်ရာဒေသ မှ ခွန်တန်(ခေါ်)ဇာတ်လိုက်ဆိုသူ ဆေးမင်ကြောင်များနှင့် ခပ်ပေပေ လူငယ်တစ်ဦးအား အလံတစ်ရာ ဆရာတော်ဝင်စားသော ဘုရား အလောင်းဟု အယူသီးကာကိုး ကွယ်နေကြခြင်းနှင့် ကျုံပျော်မြို့ နယ်အပါအ၀င် မြစ်ဝကျွန်းပေါ် ဒေသအချို့တွင် ၁၉၉၀ ၀န်းကျင် က ပေါ်ထွက်ခဲ့ဖူးသည့် ဦးအောင် သိန်းထွဋ်းဂိုဏ်းဟူသော အစွန်း ရောက်ဘာသာရေးအဖွဲ့တို့၏ ဖြစ် ရပ်များသည် စိတ်ပိုင်းဆိုင်ရာ အားနည်းသူများကို လူတစ်စု (သို့မဟုတ်) အဖွဲ့အစည်းတစ်ခုခု က ရည်ရွယ်ချက်ရှိရှိ အသုံးခဲ့သည့် ဖြစ်စဉ်များဖြစ်သည်။ ဦးအောင် သိန်းထွဋ်းဂိုဏ်းဝင်များသည် ခန္ဓာစွဲမရှိသယောင်ဖြင့် ၎င်းတို့အား ယုံကြည်သူ အမျိုးသမီးများ၏ မိန်းမအင်္ဂါကို လက်နှင့် ထိတွေ့ ကိုင်တွယ်ခြင်းဖြစ်သည်။ ကိုင် တွယ်သူကလည်း ၎င်းတွင် ခန္ဓာစွဲမရှိသယောင်၊ အကိုင်ခံရသူက လည်း သူ၏အရှက်ကို မသိတော့ ဘဲ သူနှင့်မဆိုင်သော ခန္ဓာကိုကိုင် တွယ်ခြင်းဟု တလွဲယုံ ကြည်သည့် အစွန်းရောက်ဘာသာရေးဂိုဏ်း တစ်ခုဖြစ်သည်။ ယင်းဂိုဏ်းသည် အားမကောင်းခဲ့ဘဲ အချိန်တိုအ တွင်း ကွယ်ပျောက်သွားခဲ့သည်။ ကမ္ဘာတွင်လည်း ဦးဆောင်သူ ပုဂ္ဂိုလ်၏ ညွှန်ကြားမှုကို လိုက်နာ ကာ အစုလိုက်အပြုံလိုက် အဆိပ် သောက်သေဆုံးသည့် ဖြစ်ရပ် များ၊ အစုလိုက်အပြုံလိုက် ရယ် မောကြသည့် ဖြစ်ရပ်များရှိခဲ့ဖူး သည်။ ခရစ်တော်၏ တပည့်တော် များမိတ်သဟာယအဖွဲ့၏ ရုပ်သံ များကို ကြည့်ရှုပြီးနောက် စိတ်ရောဂါအထူးကုဆရာဝန် ဒေါက်တာ သက်အောင်က အောက်ပါအ တိုင်းမှတ်ချက်ပြုသည်။
‘‘ကျွန်တော်ထင်တယ်။ အဲကိုလာတဲ့လူတွေက စိတ်ပိုင်းဆိုင်ရာ တော်တော်ထိခိုက်ခံရသူတွေဖြစ် နေတယ်။ စိတ်အရမ်းဆင်းရဲစရာ တွေ့ကြုံလာခဲ့ကြပုံရတယ်။ ပြီး တော့ ကိုယ်ခံစားရတဲ့ စိတ်ဆင်းရဲ မှုကို ပြန်ပြီးဖြေနိုင်လောက်တဲ့ ပညာအရည်အချင်းနဲ့ ကျော ထောက်နောက်ခံအားပေးမှုလည်း ရှိပုံမပေါ်ဘူး’’
အမှန်တကယ်၌လည်း အထက်ပါအဖွဲ့တွင် မူးယစ်ဆေး သုံးစွဲသူများနှင့် အရက်စွဲနေသူများအများဆုံးပါဝင်နေသည်ဟု ယင်း အဖွဲ့ခေါင်းဆောင်ပိုင်းက ထုတ်ဖော်ပြောကြားသည်။ မိန်းကလေးအများစုမှာလည်း ပြည်ပတွင် အခြေခံလုပ်သားအဖြစ် သွားရောက်လုပ်ကိုင်နေသူများဖြစ် ကာ ပြည်တွင်းမှ လာရောက် သော မိန်ကလေးအချို့မှာလည်း နေအိမ်မိသားစုဝင်များနှင့် လူငယ်သဘာဝပြဿနာတက်ခဲ့ ကြသူ များဖြစ်သည်။ လက်ရှိအချိန်တွင် တော့ ၎င်းတို့သည် အေးချမ်းမှု ခံစားနေရကြောင်း တညီတညွတ်တည်းဆိုကြသည်။
‘‘စိတ်ဆင်းရဲမှုကို ခံစားနေရ သူတွေအတွက် စိတ်ရဲ့ လုံခြုံမှု၊ စိတ်ရဲ့ အေးချမ်းမှု ရဖို့ရာမှာ အ ရာရာကို ခေါင်းခံပေးမယ့်လူလို တယ်။ ဆိုလိုတာက သူတို့ကြုံ တွေ့ခဲ့ရတဲ့ မကောင်းတာတွေ၊ သူတို့ကိုယ်တိုင်လုပ်ခဲ့ရတဲ့ မကောင်းမှုတွေက အစပေါ့။ သိ စိတ်ကရော မသိစိတ်ကရော သူ တို့ထင်မြင်တဲ့ ဘုရားသခင်ရဲ့ အလိုတော်အရဆိုတဲ့ လက်ခံမှုကို သူတို့ယူလိုက်တယ်။ ယုံကြည်ရာ ဘုရားသခင်ရဲ့ အလိုတော်အရ လို့ လုံးဝလက်ခံလိုက်ရင် သူတို့ ဘာဖြစ်ခဲ့၊ ဖြစ်ခဲ့ လွှတ်ချနိုင်သွား ပြီလေ’’ဟု ဒေါက်တာသက် အောင်က ရှင်းပြသည်။
ညင်သာသော အခြေအနေ ဖြင့် အချိန်မီမတားဆီးနိုင်ပါက အလွန်အန္တရာယ်များသည်ဟု လည်း သတိပေးသည်။ လက်ရှိ အချိန်တွင် ခရစ်တော်၏ တပည့် တော်များမိတ်သဟာယအဖွဲ့ ရောက် လူငယ်များကို နေရပ်ပြန် ပို့ကာ လူစုခွဲရန် ဧရာဝတီတိုင်း အစိုးရက အဖွဲ့ဦးဆာင်သူများ အား ညွှန်ကြားထားသည်။ ခရစ် ယာန်ဘာသာရေးအသိုက်အဝိုင်း ကလည်း ယင်းအဖွဲ့ကို ဥပဒေအ ရ ဖျက်သိမ်းနိုင်ရေး ဆောင်ရွက် နေလေသည်။
သမီးအတွက်
ဒေါ်နန့်တု၏ သတင်းစကား
ဒေါ်နန့်တု၏ သမီးမဇာဇာဦး သည် ခရစ်တော်၏ တပည့်တော် များမိတ်သဟာယအဖွဲ့သို့ ဝင် ရောက်ပြီးနောက် ၎င်း၏နာမည်ကို ဇူလိုင်ဦးဟု ပြောင်းလိုက်သည်။ သူမသုံးသည့် ဖေ့စ်ဘွတ်ခ်အ ကောင့်တွင် ထိုအဖွဲ့ကို ယုံကြည်သည့် အကြောင်းအရာများသာ တင်ထားသည်။ ကျွန်တော်က ၎င်းကို ဆက်သွယ်၍ မိခင်နှင့် ဖခင်ဖြစ်သူက သတိရနေကြောင်းနှင့် မိသားစုထံ မပြန်ဖြစ်သည့် အကြောင်းရင်းကို မေးမြန်းသော် လည်း ပြန်မဖြေပေ။
ဇာတိရွာမှ သမီးမျှော်မိခင် ဒေါ်နန့်တုကတော့ သမီးစိတ်နှင့် နာကျင်ခံစားနေရစဉ် စိတ်ထဲရှိရာ ရေးချခဲ့သော ကဗျာတစ်ပုဒ်ကို လှည်းဆိပ်ကျေးရွာမှ မိသားစု အိမ်လေးထဲတွင် မကြာခဏဖတ် နေဆဲဖြစ်သည်။
‘‘အမေ ရူးမတတ်ခံစားရတယ်၊
သမီးအကြောင်းတွေးရင်ကွယ်၊
သမီးကြီး ဖုန်းဆက်နိုးနိုး အမေနေ့တိုင်း မျှော်ကိုး
တစ်ရက် တစ်ပတ် တစ်လ ကုန်သာသွား
သမီးဖုန်းသံကို မကြား
သမီးကြီးကို သတိရ
အမေ စာရေးပြီး မျက်ရည်ကျ
သမီးကတော့ ဘာမှမသိ သူ့ဘုရားနဲ့ သူတော့ ပီတိဖြစ်’’
ကဗျာဖတ်ပြီးနောက် ဒေါ် နန့်တုတစ်ယောက် ငိုပြန်သည်။ ငိုနေရင်းမှ သမီးဖြစ်သူထံ စကား တစ်ခွန်းပါးလိုက်လေသည်။
‘‘သူ့ပိုက်ဆံမစားရရင် နေပါ စေ။ သူပြန်လာရင် ပြီးရော။ သူ ဘယ်လောက်မရိုသေတယ်ပဲပြော ပြော။ အမြဲခွင့်လွှတ်တယ်’’ဟူ၏။
7Day News
No comments:
Post a Comment