Political Analysis Paper (အပိုင်း - ၁)

Political Analysis Paper (အပိုင်း - ၁)

The effectiveness of the Political Disaster

1. Divided
2. Collapse
3. Falling Down
4. Lawless
5. Dictatorship

နိဒါန်း

ဒီလိုအခြေအနေမျိုးဟာ လွန်ခဲ့တဲ့ 1987 - 1988 ကာလအတွင်းမှာ အဆင့်ဆင့် ဖြစ်ပေါ်ခဲ့ပါတယ်။ ဒီသဘောတရားဟာ တစ်ခုနှင့်တစ်ခု ကျော်ပြီးမဖြစ်ဘူး Program လိုဘဲ တစ်ခုဖြစ်ပြီးမှ နောက်တစ်ခု ဆက်ပြီးဖြစ်ပါတယ်။ ဖြစ်ရပ်တစ်ခုနှင့် တစ်ခုကြားမှာ မြန်ချင်မြန်နေပါ လိမ့်မယ်။ တစ်ခုကျော်ပြီးတော့ မဖြစ်နိုင်ပါဘူး။

ကျွန်တော်က ကြားနေ၀ါဒသမားလား၊ Third Party လား မေးစရာရှိကောင်းရှိပါလိမ့်မယ် လုံးဝမဟုတ်ပါဘူး။ ၂၀၀၈ ကို ထောက်ခံတဲ့သူထဲမှာ ကျွန်တော်မပါဘူး။ အမှန်ပြောရရင် အသစ်ဘဲလိုချင်တယ်။ ဖြစ်နိုင်ရင်ပေါ့လေ။ သို့သော် ငွေကုန်ကြေးကျတွေကများ၊ အချိန်တွေလည်းထပ်ပြီးကုန်မှာ အရမ်းစိုးရိမ်ပါတယ်။ ထို့ကြောင့် လောလောဆယ်လျောက်နေတဲ့လမ်းမှာ ဆက်သွားရင်း တဖြည်းဖြည်း ညှိနှိုင်းပြင်ဆင်သွားမယ်ပေါ့..ဒီလို လျောက်တာဟာ အားလုံးအတွက် ကောင်းလိမ့်မယ် သက်တောင့်သက်သာဖြစ်လိမ့်မယ်လို့ ယူဆယုံကြည်မှုနှင့် ကျွန်တော်တို့ဟာ National Reconciliation ကို မဖြစ်မနေလိုအပ်နေတဲ့အခါမှာ စောနိုင်သမျှစောတာ တိုင်းပြည် (ပြည်သူ) အတွက် သိပ်မနစ်နာဘူး ဆိုတဲ့ အယူအဆလမ်းကြောင်းပေါ်မှာဘဲ ရပ်တည်နေခြင်းသာဖြစ်ပါတယ်။

လက်ရှိသက်တမ်းမှာ ဖြစ်နိုင်ခြေနှစ်ရပ်ရှိပါတယ်..ပိုလည်း ပိုနိုင်ပါတယ်။

1. Basement (Reconstruction)
2. Future Plan (Political, Peace, Economic, Development)

သို့သော် လက်ရှိ နိုင်ငံရေးဖြစ်စဉ်မှာ Constructive Engagement ဘယ်လောက်ထိရှိသလဲ ဆိုတဲ့အပေါ်မှာမှီနေပါလိမ့်မယ်။ Constructive Engagement လမ်းကြောင်းကနေခွဲထွက်လိုက်မယ်ဆိုလျှင် Risk အရမ်းများပါတယ်။ ထိပ်တိုက်တွေ့မှာက ထင်တဲ့သူ ထင်ထားတဲ့အနေအထား မဖြစ်နိုင်ပါဘူး။ Extremism အစွန်းတွေ ထိပ်တိုက်ထိတွေ့နိုင်ပါတယ်။ Leadership Crisis ကြုံတွေ့ရနိုင်ပါတယ်။ (ကျွန်တော့်အမြင်ပေါ့လေ ဒီအချိန် ဒီနေရာတွေမှာ Think Tank တွေလိုအပ်ပါတယ်။)

Constructive Engagement ဆိုတာ National Reconciliation ရဲ့ ရှေ့က ဦးစွာတည်ဆောက်ရတဲ့ Concept တစ်ရပ်ပါ ဒီနှစ်ခုက အပြန်အလှန်အမှီသဟဲပြုနေပါတယ်။ သဘောကတော့ Constructive Engagement မဖြစ်ရင် National Reconciliation မဖြစ်နိုင်ဘူးဆိုတဲ့သဘောပါဘဲ။

NLD ဖြစ်ဖြစ် တပ်မတော်ဘဲဖြစ်ဖြစ် ကြံဖွံ့ဖြစ်ဖြစ် လူကြီးတစ်ယောက်ဟာ မှန်ကန်တဲ့အလုပ်လုပ်ပြီး လူကြီးစကားပြောနေသ၍ ကျွန်တော့်မှာ ဆန့်ကျင်စရာ အကြောင်းမရှိပါဘူး အားပေးလျက်ပါဘဲဗျာ.. အားပေးထောက်ခံချင်နေတာပါ..ဒီခက်ခဲတဲ့ လမ်းပေါ်ကို ရောက်နေပြီ လျောက်ခဲ့ကြပြီ အကောင်းဆုံးဖြစ်အောင် ဘယ်လိုလုပ်ကြမလဲဆိုတဲ့ အပေါ်မှာဘဲ အကြံပြု ဝေဖန်ထောက်ပြတာဘဲဖြစ်ပါတယ်။ ကျွန်တော်တို့ဟာ သာမန် လူသားတွေဖြစ်နေတဲ့အခါမှာ မှားနိုင်ပါတယ်၊ ပိုနေတာတွေရှိမယ် လိုနေတာတွေလည်းရှိပါလိမ့်မယ် ရှေ့နောက်မတည့်တာတွေလည်းရှိပါလိမ့်မယ်။ ဒါကို ၀ိုင်းဝန်းတည့်မက်ဖို့ အတွက် တစ်ထောင့်တစ်နေရာကနေ ကြိုးပမ်းအားထုတ်ပါတယ်ဆိုတဲ့ သဘောတရားထက် မပိုပါဘူး။

ကျွန်တော်တို့တိုင်းပြည်ဟာ ဒုတိယကမ္ဘာစစ်ကြီးပြီးစမှာဘဲ လွတ်လပ်ရေးရပါတယ်။ လွတ်လပ်ရေးနှင့်အတူ ရန်ပွဲစပါတယ်။ ယခုကမ္ဘာပေါ်မှာ နောက်ထပ်စစ်ပွဲကြီးတွေ ဆင်နွဲဖို့ အသီးသီးတာဆူနေကြသည့် တိုင်အောင် ကျွန်တော်တို့တိုင်းပြည်က ရန်ပွဲက ခုချိန်ထိမပြီးသေးပါဘူး ကောင်းတုန်းဘဲ ငြင်းကောင်းတုန်းဘဲ ဒါကိုဘဲ နိုင်ငံရေးဆိုရင် မခက်ပေဘူးလားဗျာ..

ဝါဒစင်ကြယ်ဖို့ လိုတယ် ဆိုတဲ့ စကားလုံးကိုလည်း အရမ်းသဘောကျတယ်။ အဓိပ္ပါယ်လေးနက်မှုကိုလည်း သဘောကျမိပါတယ်..
နိုင်ငံရေးဆိုတာ တိုင်းပြည်ပြည်ပြုလုပ်ငန်းလို့ ခေါ်ပါတယ်။ ဖဆပလခေတ်မှာ လွှတ်တော်ကို တိုင်းပြုပြည်ပြု လွှတ်တော်လို့ သုံးနှုန်းပါတယ်ဗျာ။ ၀ါဒစင်ကြယ်မှုဆိုတဲ့ အချက်ကို တိုင်းတာတဲ့နေရာမှာ လုပ်ဆောင်ချက်တွေဟာ တိုင်းပြုပြည်ပြု သက်ရောက်မှု အတိုင်းအတာ ဘယ်လောက်ရှိသလဲဆိုတာနဲ့ တိုင်းတာရမှာပါ။

သေချာတာကတော့ ဖယိုဖရဲ ကသောင်းကနှင်းနဲ့ အပြန်အလှန် မာန်တက် ဂုဏ်ဖေါ်ကြရင်း အပြန်အလှန်ဆွဲချရင်း ထိပ်တန်းရောက်သွားတဲ့ တိုင်းပြည်မျိုး ကမ္ဘာပေါ်မှာ မရှိပါဘူး။ ကြိုက်တဲ့ နိုင်ငံသမိုင်းရှာကြည့်လိုက်ဗျာ..မရှိဘူး။ အဲဒီလိုအခြေအနေမျိုးရှိတဲ့ တိုင်းပြည်တိုင်းဟာ ဆင်းရဲမွဲတေနေတယ်ဆိုတာဘဲရှိတယ်။ ဆိုရင် ဆင်းရဲမွဲတေနေတဲ့တိုင်းပြည်တွေကိုကြည့်လိုက်ရင် အဲဒီတိုင်းပြည်တွေရဲ့ ဖယိုဖရဲ ကသောင်းကနင်း အနေအထားတွေကို တွေ့ရမှာပါ ။ ကုန်းတွင်းပိတ်နေတဲ မွန်ဂိုလီးယားလို၊ လာအိုလို၊ ဘူတန်လို၊ နီပေါလို ပထ၀ီအနေအထားအရ စီးပွါးရေးလုပ်ကိုင်စားသောက်ဖို့ မလွယ်ကူလို့ ဆင်းရဲတာကလွဲလို့ သူ့တိုင်းပြည်သူ့နိုင်ငံရေး သူနိုင်တယ်။ ကောင်းစွာ စီမံခန့်ခွဲအုပ်ချုပ်နိုင်တယ်။

ကျွန်တော်တို့တိုင်းပြည်ရော ဆင်းရဲတဲ့တိုင်းပြည်တွေထဲမှာပါ ပါသလား..

ကျွန်တော်တို့တိုင်းပြည်က ဘာလို့ ဆင်းရဲနေရပါသလဲ.....?

(နဲနဲလေး ငြင်းလိုတဲ့အချက်ရှိကောင်းရှိပါလိမ့်မယ် တစ်ခါတည်း အဖြေပေးထားပါ့မယ်ဗျာ - တိုင်းရင်းသား အမျိုးအနွယ်တွေဟာ သူ့ပြည်နဲ့သူအသီးသီးရှိကြတာမို့ သူ့ပြည်နယ်နဲ့သူ တိုးတက်နေရမယ်။ တိုးတက်တာချင်း ကွာချင်ကွာမယ် သို့သော် တိုးတက်ဖို့ အချိန်လုံလောက်ပါတယ်။ သို့သော် တနိုင်ငံလုံးမတိုးတက်တာဖြစ်သည့် အတွက် ကျွန်တော်တို့ ညံ့တယ်လို့ဘဲ အဖြေထွက်ပါတယ်။)

၁. နိုင်ငံတစ်နိုင်ငံအပေါ် ပြုပြင်ပြောင်းလဲ ပြန်လည်တည်ဆောက်ရတဲ့အခါမှာ ဆွေးမြေ့ဟောင်းနွမ်းပျက်စီးနေသည့် အရာ အခြေအနေ အကုန်လုံးကို တပြိုင်နက်တည်း အစားထိုး လဲလှယ်အစားထိုးတပ်ဆင် သွားနိုင်ဖို့ဆို သည်မှာ လွယ်ကူလှသည့်ကိစ္စတော့မဟုတ်ပေ။

၂. အကုန်လုံးကို တပြိုင်နက်တည်းအစားထိုးလဲလှယ်၍ မရသောအခါမှာ အပိုင်းလိုက် ပိုင်း၍ အဆင့်ဆင့်လဲလှယ်ပြောင်းလဲတပ်ဆင် အစားထိုးသွားကြရမှာပါ။

၃. သို့သော် ဘယ်အပိုင်းတွေကို အရင်ဆုံးစတင်ပြောင်းလဲရမယ် ဘယ်အပိုင်းတွေကိုတော့ဖြင့် နောက်မှ ပြောင်းလဲတပ်ဆင်မယ်ဆိုတဲ့နေရာမှာတော့ အထူးသတိထားပြီးဆောင်ရွက်ကြရမှာပါ။ ထိုသို့ဆောင်ရွက်ရာမှာ -

1.နည်းလမ်းလည်းမှန်ကန်ရမယ်၊
2. တိကျသေချာမှုရှိရမယ်၊
3. မြန်ဆန်သပ်ရပ်မှုလည်းရှိရပါမယ်၊
4. ထိုအရာအားလုံးဟာ ထင်သာမြင်သာရှိနေဖို့လည်းလိုအပ်ပါတယ်။

အကြောင်းကတော့ ပြုပြင်ပြောင်းလဲမှုတွေကိုဆောင်ရွက်တဲ့အခါမှာ အများပြည်သူ၊ သတင်းနှင်စာနယ်ဇင်းဌာနအသီးသီး၊ အတိုက်အခံနိုင်ငံ ရေးအင်အားစုများနှင့် ပြုပြင်ပြောင်းလဲရေးအပေါ်ကူညီမည့် ပြည်ပနိုင်ငံ များက မျက်စိဒေါက်ထောက် လေ့လာစောင့်ကြည့် အကဲခက်နေကြမှာဖြစ်ပါတယ်။

၎. နိုင်ငံတစ်နိုင်ငံ၏ ပြုပြင်ပြောင်းလဲမှုတွေကို အောင်မြင်အောင်ဆောင် ရွက်တဲ့နေရာမှာ (သို့မဟုတ်) ပြုပြင်ပြောင်းလဲမှု၏အကျိုးသက်ရောက်မှု အောင်မြင်မှု/မအောင်မြင်မှု အပေါ် ချိန်ဆသုံးသပ်တဲ့နေရာမှာ အဓိကကျတဲ့ အချက်သုံးချက်ကို စဉ်းစားကြည့်ရအောင်ပါ -

1. အချိန်ကာလ၊
2. ပေးလာသောအခြေအနေ အခွင့်အလမ်း၊
3. အစွမ်းကုန် အားသွန်ခွန်စိုက်ကြိုးပမ်းအားထုတ်မှု၊

အချိန်အကန့်အသက်ရှိနေသော ကာလတရပ်အတွင်း ဆောင်ရွက်ရသော အစိုးရတရပ်၏ ပြုပြင်ပြောင်းလဲမှုဆိုင်ရာ လုပ်ငန်းဆောင်ရွက်ချက်များသည် -

အစိုးရ(အုပ်ချုပ်ရေးအဖွဲ့) တရပ်ဟာ ပြုပြင်ပြောင်းလဲမှုဆိုင်ရာ လုပ်ငန်း အစီအစဉ်များကို အခြေအနေ အချိန်အခါအလိုက် မှန်ကန်ပြတ်သားသော ဆုံးဖြတ်ချက်တို့ကိုချ၍ တိကျလျှင်မြန်စွာ ချမှတ်အကောင်အထည် ဖေါ်ဆောင်ရွက်နိုင်ရပါမည်။

ပုံမှန်ရုံးပိတ်ရက်တွေ၊ ဓလေ့ထုံးတမ်းစဉ်လာပိတ်ရက်တွေကို ဖယ်လိုက်လျှင် အစိုးရတရပ်ရဲ့ တိုင်းပြည်အပေါ်စီမံအုပ်ချုပ်ခွင့်ရတဲ့ ကာလအပိုင်းအခြားဟာ ရက်ပေါင်းအားဖြင့်(၁၃၀၀) ခန့်သာ ရှိပါတယ်။

၅. စီးပွါးရေးအင်အားတောင့်တင်းတဲ့ တိုင်းပြည်တပြည်မှ အစိုးရတရပ်သည်ပင်လျှင် ပြုပြင်ပြောင်းလဲမှုတွေကို ဆောင်ရွက်တဲ့အခါမှာ လွယ်ကူလှသည်မဟုတ်ပေ၊
ဥပမာအားဖြင့် (၁၉၈၈ - ၈၉) ကာလတစ်ခုမှာ ကမ္ဘာမှာ ဆိုဗီယက် ပြည်ထောင်စု၊ ယူဂိုဆလားဗီးယားပြည်ထောင်စု၊ စသဖြင့် အခိုင်မာဆုံးသော ပြည်ထောင်စုတွေစတင်ပြိုကွဲခဲ့ပါတယ်။

မြန်မာပြည်ကတော့ ပြိုကွဲလုဆဲဆဲ ကွဲပြားမှုအမျိုးမျိုး နိုင်ငံရေးအခြေအနေ တွေဟာ အင်မတန်ရှုပ်ထွေးလျှက်ရှိနေသည့်အတောအတွင်း တပ်မတော်က လက်ဦးမှုရယူပြီး နိုင်ငံတော်အာဏာကို သိမ်းခဲ့သောကြောင့် ပြည်ထောင်စု ပြိုကွဲမည့်အရေးမှ ကာကွယ်နိုင်ခဲ့ပေသော်လည်း စစ်အာဏာရှင်စနစ် အတွင်းသို့ သက်ရောက်ခဲ့ရပါတယ်။

၆. မည်သို့ပင်ဆိုစေကာမူ လွန်ခဲ့တဲ့နှစ်ပေါင်း(၂၉)ခန့် နှင့် ယခုကာလအတောအတွင်းမှာ ဆင်းရဲတဲ့ တိုင်းပြည်တစ်ပြည်အနေနဲ့ ဘဏ္ဍာငွေအကျပ်အတည်း၊ စနစ်တစ်ခုမှတစ်ခုသို့အသွင်ကူးပြောင်းမှု အကျပ်အတည်း၊ အာဏာရှင်စနစ်တော်လှန်ရေး ဒီမိုကရေစီ ဖေါ်ဆောင်နိုင်ရေး ရုန်းကန်လှုပ်ရှားရမှု၊ ကမ္ဘာမှာ အခက်အခဲအကျပ်အတည်းဆုံးအခြေအနေများကြားကနေ ရုန်းကန်လျောက်လှမ်းခဲ့ကြရသော အခြေအနေများသည် လွယ်ကူလှသည့်တော့မဟုတ်ပေ။

ပြုပြင်ပြောင်းလဲရေးလုပ်တဲ့နေရာမှာ သူ့တိုင်းပြည် သူ့နေရာနှင့်သူ ခက်ခဲကြပါတယ်။ အောက်တွင် ဥပမာပေးတင်ပြထားတဲ့ တိုင်းပြည်(၃)ခုကတော့ အင်မတန်ရှုပ်ထွေးနက်နဲတဲ့ အကျပ်အတည်းအတွင်းကနေ ဖေါက်ထွက်နိုင်ခဲ့ပါတယ်။ ထူးခြားတာက ဆန္ဒနှင့်စိတ်ဓါတ်ပြင်းထန်မှုနေရာမှာ အပြင်းထန်ဆုံး အမာဆုံး၊ တခုက အသေးငယ်ဆုံး အထက်ဆုံး တိုင်းပြည်တစ်ပြည်။

၇. တစ်ခုက လူဦးရေအဆမတန်များလွန်းပြီး၊ ချစားမှုဗလပွ၊ ဇာတ်နိမ့်ဇာတ်မြင့်စနစ်ကျင့်သုံးမှု၊ နိုင်ငံရေးအယူဝါဒအမျိုးမျိုး၊ လက်ဝဲစနစ်ကြောင့် ရှိရှိသမျှစက်ရုံအလုပ်ရုံတွေဟာ အရှုံးတွေပေါ်၊ ပြည်ပမှ ရင်းနှီးမြှုပ်နိုင်မှုအခြေအနေခက်ခဲခြင်း စသဖြင့် အခက်ခဲဆုံးအခြေအနေများနဲ့ ဒီမိုကရေစီစစ်စစ်နိုင်ငံကြီးတနိုင်ငံ။

နောက်ဆုံးတခုက ကွန်မြူနစ်ကနေအသွင်ပြောင်း၊ ဆိုဗိယက်ပြည်ထောင်စုကြီးပြိုကွဲ၊ ရုရှားတစ်ပြည်နယ်ထဲအဖြင့် ကျန်ရှိပြီး အထီးကျန် ရုရှားနိုင်ငံကိုထူထောင်၊ ဒီမိုကရေစီအသွင်ပြောင်း၊ ယခင်ပြည်ထောင်စုဟောင်းနိုင်ငံအချို့နှင့် ပြန်လက်တွဲ ဖက်ဒရေးရှင်းလုပ်၊ အနောက်အုပ်စုရဲ့ရန်မှလည်းကာကွယ်၊ သိပ္ပံ၊ နည်းပညာ၊ စစ်အင်အားတွေ ကို ယခင်ကရှိခဲ့တဲ့ ကမ္ဘာ့အင်အားကြီးဆိုတဲ့ Dignity ကိုရအောင်ပြန် တည်ဆောက်၊ စီးပွါးရေးမူဝါဒတွေပြင်၊ ကုန်ထုတ်လုပ်မှုတွေတိုးတက်အောင် လုပ်။ ရေနံ၊ ဓါတ်ငွေ့ တွေရအောင်ရှာ၊ ဈေးသက်သာစွာထုတ်ရောင်း စသဖြင့် ဘက်စုံထောင်စုံကနေ အားသွန်ခွန်စိုက်ကြိုးပမ်းခဲ့ကြတဲ့ နိုင်ငံတွေဖြစ်ကြပါသည်ဗျာ။

အဲဒီလိုကြိုးပမ်းခဲ့ကြတဲ့နေရာမှာ အထက်မှာဖေါ်ပြခဲ့သည့် အချက်(၃) ချက်ဖြစ်သော-

1. အချိန်ကာလ၊
2.ပေးလာသောအခြေအနေအခွင့်အလမ်း၊
3.အစွမ်းကုန် အားသွန်ခွန်စိုက်ကြိုးပမ်းအားထုတ်မှု တွေဖြင့် ခပ်မြန်မြန်ကြိုးစားနိုင်ခဲ့ကြတဲ့အတွက် သူတို့ရဲ့ မူလ Dignity တွေကို အောင်မြင်စွာဆက်လက် ထိန်းသိမ်းထားနိုင်ခဲ့ကြပြီး ယခုမျက်မှောက်ကာလမှာ သူများတိုင်းပြည်တွေအတွက်တောင် ကူညီပံ့ပိုးပေးနိုင်နေကြပြီဖြစ်ပါတယ်။

၈. ဥပမာအားဖြင့် -

1. ဂျပန်ဝန်ကြီးချုပ် ခိုအိဇုမိ အစိုးရလက်ထက် ပြုပြင်ပြောင်းလဲမှုတွေဆောင်ရွက်မှုပုံစံ။
April 26, 2001 – September 26, 2006 (၅နှစ်ခွဲ) (ပြုပြင်ပြောင်းလဲမှုလုပ်ငန်း အောင်မြင်ခဲ့ပါတယ်)

2. အိန္ဒိယ၀န်ကြီးချုပ် မန်မိုဟန်ဆင်း လက်ထက် စီးပွါးရေးပြုပြင်ပြောင်းလဲမှုတွေဆောင်ရွက်ခဲ့ပုံစံ။
22 May 2004 – 26 May 2014 (၁၀) နှစ် (ပြုပြင်ပြောင်းလဲမှုလုပ်ငန်း အောင်မြင်ခဲ့ပါတယ်)

3. ရုရှားဖက်ဒရေးရှင်းနိုင်ငံမှာ ဘောရစ်ယဲလ်ဆင်၊ ဗလာဒီမာပူတင် ဒီမီတရီ မဲဗီးဒက်ဗ် တို့ရဲ့ ဘက်စုံပြုပြင်ပြောင်းလဲရေး ဆောင်ရွက်မှုပုံစံ။
(Yeltsin - July 10, 1991– December 31, 1999) (Putin - May 7, 2000 - May 7, 2008) (Medvedeb - May 7, 2008 - May 7, 2012) (Putin - May 7, 2012 - လက်ရှိ) သမ္မတ(၄)ဦး သက်တမ်း စုစုပေါင်း(၂၆) သမ္မတပူတင်တစ်ဦးတည်း (၁၃) နှစ် (သမ္မတပူတင်၏ ပထမသမ္မတသက်တမ်းအတွင်းမှာဘဲ ပြုပြင်ပြောင်းလဲမှုလုပ်ငန်းတွေ အောင်မြင်ခဲ့ပါတယ်။ တိုင်းပြည်ဟာ ယခင်မူလ Dignity ကို ပြန်လည်ရရှိခဲ့ပါတယ်။)

၉. အထက်ဖေါ်ပြပါခေါင်းဆောင်အသီးသီးတို့ဟာ ပျမ်းမျှအားဖြင့် လွန်ခဲ့သော (၁၀) နှစ်တာကာလများအတွင်း မိမိတို့တိုင်းပြည်အပေါ်မှာ စီးပွါးရေး၊ နိုင်ငံရေး၊ အုပ်ချုပ်ရေး၊ ကာကွယ်ရေး၊ ပြည်သူ့ရေးရာတည်ဆောက်မှု အပိုင်းတွေမှာ အချိန်တို ကာလတရပ်အတွင်းမှာ အပိုင်းလိုက်အပိုင်း လိုက်အားဖြင့် တဆင့်ပြီးတဆင့် အောင်မြင်အောင် ထက်ထက်မြက်မြက် သတ္တိ၊ ဗျတ္တိ ရှိရှိ ဆောင်ရွက်နိုင်ခဲ့ကြပါတယ်။

၁၀. ထူးခြားသည်မှာ အထက်မှာဖေါ်ပြခဲ့တဲ့ ခေါင်းဆောင်အသီးသီးတို့ဟာ သက်ဆိုင်ရာ တိုင်းပြည်နှင့်လူမျိုးအပေါ် မှာ ချစ်တဲ့စိတ်၊ တစ်ဦးကိုတစ်ဦး အနစ်နာခံတဲ့စိတ်တွေနဲ့ ဆောင်ရွက်ခဲ့ကြပြီး ရာထူးအာဏာနှင့်ပတ်သက် လာရင် ကိုယ်ကျိုးစီးပွါးအတွက်ဆောင်ရွက်ခဲ့တဲ့ပုဂ္ဂိုလ်တဦးမှမပါခဲ့ပါဘူး။ တိုင်းပြည်ကောင်းဖို့ဆိုလျှင် မိမိတို့ရာထူးကပင်နုတ်ထွက်ရဲတဲ့ သတ္တိနဲ့ဗျတ္တိတို့နဲ့လည်း ပြည့်စုံကြပါတယ်။

၁၂. ကျွန်တော်တို့တိုင်းပြည်သည်လည်း သူများနည်းတူ ရုန်းကန် လှုပ်ရှား ကြရတာခြင်းအတူတူ ဘာ့ကြောင့် နောက်ကျကျန်နေခဲ့ကြရပါသလဲ - ဆိုတဲ့ မေးစရာမေးခွန်းရှိပါလိမ့်မယ်။ မေးလည်းမေးသင့်တဲ့မေးခွန်းပါ။

ဘာ့ကြောင့်မေးသင့်လဲဆိုရင် အချိန်အားဖြင့်နှစ်ပေါင်း(၂၂ + ၅ + ၁၈လ) ခန့် အချိန်ယူ လာခဲ့သည့်တိုင်အောင် ကျွန်တော်တို့ဟာ ပြုပြင်ပြောင်းလဲရေး လုပ်ငန်း စဉ်တွေကို ယခုအချိန်ထိ မှုန်ဝါးဝါးဖြစ်ဆဲမို့ ဖြစ်ပါတယ်။ ယခုချိန်ထိ အချင်းချင်း အကြား ထိကပါး ရိကပါး ရန်ဖြစ်နေကြဆဲ၊ ယခုချိန်ထိ တိုက်ခိုက်နေကြဆဲ ဘာအတွက်လည်းမေးရင် ကျွန်တော်သိတဲ့ အဖြေကတော့ “ငါ”တွေခံနေလို့ဘဲဖြစ်ပါလိမ့်မယ်။ “ငါ”မပါရလို့၊ “ငါ့လူ” မဟုတ်လို့၊ “ငါ့ပါတီ ငါ့အဖွဲ့အစည်းကမဟုတ်လို့” ချုပ်လိုက်ရင် “ငါ” ဆိုတဲ့ တစ်လုံးဘဲအဖြေထွက်ပါတယ်။

ကျမ်းကိုး -

လက်ရှိကျွန်တော်တို့တိုင်းပြည်မှာဖြစ်နေတဲ့ပြဿနာအပေါ်အဖြေရှာတဲ့နေရာမှာ ကိုးကားစရာအနေနဲ့ - မြတ်ဗုဒ္ဓဓမ္မထဲက အောက်ပါအကြောင်းအရာတွေ အပေါ်မှာ ချိန်ထိုးသုံးသပ်လေ့လာခဲ့ပါသည်ဗျာ။

၁. သုတ္တန်ပိဋကတ် ဒီဃနိကာယ်၊ သီလက္ခန်/မဟာပရိနိဗ္ဗာနသုတ်။ ပဌမအခန်း၊ မဆုတ်ယုတ်ကြောင်း 'တရား(၇) ပါး (အပရိဟာနိယ တရား(၇)ပါး။
၂. မင်္ဂလသုတ် အပိုဒ် (၅၊၇၊၉၊၁၁၊၁၃) ။
၃. (“ဗုဒ္ဓ - အနှိုင်းမဲ့ကျေးဇူးရှင် “ စာအုပ်။ စာရေးသူ - ဆရာကြီး ၀ဋံသကာ သိရောမဏိ ဦးရွှေအောင် (မဟာဝိဇ္ဇာ/သက္ကဋ ၊ MA (Sanskrit),Bombay. ရေးသားခဲ့ပါတယ်) (Bombay is Currently Mumbai)

နောင်(၈) နှစ်အကြာ ရောက်လာမည့် ၂၀၂၅ ခုနှစ်မှာ ကျွန်တော်တို့တိုင်းပြည်ဟာ လက်ရှိအခြေအနေအတိုင်းသွားရင် ဘာဖြစ်နိုင်မလဲ ဆိုတဲ့ အချက်ကို ဆက်လက် လေ့လာကြည့်ရအောင်ပါ။

အပိုင်း(၂) ကို ဆက်လက်တင်ပြပါမည်။

ကိုယ်စိတ်နှစ်ပါးရွှင်လန်းချမ်းမြေ့ကြပါစေခင်ဗျာ။
စည်သူ