ရခိုင်ပြည်နယ်ကမြို့မဈေးကြီး ၅ခုကို ၄ထပ်အဆောက်အဦးများအဖြစ်အဆင့်မြင့်မည်
ရခိုင်ပြည်နယ် ရှိမြို့မဈေးကြီး၅ခုအား၎ထပ်အဆောက်အဦးများအဖြစ်ယခုဘဏ္ဍာနှစ်တွင်အဆင့်မြင့်တင်သွားမည်ဖြစ်ကြောင်းပြည်နယ်စည်ပင်သာယာရေးဦးစီးဌာနမှသိရသည်။
စစ်တွေ ၊ကျောက်တော်၊ ရမ်းဗြဲ တောင်ကုတ်နှင့်ဂွမြို့ များကမြို့မဈေးကြီးများကို၎ထပ်အဆောက်အအုံ
အဖြစ်အဆင့်မြင့်ရန် စီစဉ်နေခြင်းဖြစ်သည်။
'လက်ရှိဈေးတွေကကျပ်လာတယ်လေ။ဈေးသူဈေးသားတွေကလည်းများလာတယ်။ ဒါကြောင့်အဆင့်မြင့်တင့်မယ်လို့ကျွန်တော်တို့ကိုဝန်ကြီးဌာနကလည်းပြောလာပါတယ်။ ဒါကြောင့်အခုအတင့်မြင့်တင်ဖို့လုပ်ရတာပါ'ဟုရခိုင်ပြည်နယ်စည်ပင်သာယာရေးဦးစီးဌာနမှတာဝန်ရှိသူတစ်ဦးကပြောသည်။
ယင်းသို့အဆင့်မြင့်တင်ရာတွင်ပထမထပ်တွင်သား ငါး၊ဒုတိယထပ်တွင်ဟင်းသီဟင်းရွက်နှင့်သစ်သီး၊တတိယထပ်တွင်အ၀တ်အထည်နှင့်အပေါ်ဆုံးအထပ်တွင်အနားယူအပန်းဖြေနိုင်မည့်အအေးဆိုင်များ ကော်ဖီဆိုင်များဖြင့်တည်ဆောက်သွားမည်ဖြစ်ကြောင်း၎င်းကဆက်ပြောသည်။
အဆင့် မြှင့်တင်မည့် အခြေနေများနှင့်ပတ်သတ်၍စစ်တွေမြို့မဈေးမှအထည်ဆိုင်ပိုင်ရှင်မလှလှသိန်းက 'လက်ရှိဈေးဆိုင်ခန်းတွေနေရာအပြောင်းအလဲများဖြစ်လာနိုင်မလား၊ပြီးတော့ဘယ်လို့စီမံခန့်ခွဲပြီးနေရာချထားမလဲ။ဒါတွေကိုတော့စိတ်ပူမီတယ်'ဟုပြောသည်။
အဆင့်မြင့်တင်မည့် ကုန်ကျမည့် ငွေကြေးအသေးစိတ်ကိုတော့ ပြည်နယ်အစိုးရကထုတ်ပြန်ပေးခြင်းမရှိပေ။
လတ်တလောတွင်မြို့မဈေးကြီးများအားအဆင့်မြင့်တင်နိုင်ရန်အတွက်လုပ်ငန်းရှင်များအားတင်ဒါစတင်ခေါ်ယူနေပြီဖြစ်ပြီးတင်ဒါလျောက်လွှာကိုအောက်တိုဘာ၁၆ရက်နေ့နောက်ဆုံးထားတင်သွင်းရမည်ဖြစ်ကြောင်းရခိုင်ပြည်နယ်အစိုးရကကြော်ငြာထားသည်။
ကျော်လင်းနိုင်
No comments:
Post a Comment