အရွယ်မရောက်သေးသည့် မိန်းကလေးအား ခိုးယူပေါင်းသင်းခဲ့သော ခွန်တန် (ခေါ်) ဇာတ်လိုက်နှင့် အားပေးကူညီခဲ့သူများကို အမှုဖွင့်ခဲ့သော ဦးဝင်းညွန့်သည် ခွန်တန်၏တပည့်များက ခြိမ်းခြောက်ခြင်းကုိ ခံနေရကြောင်း ဦးဝင်ညွှန့်လုံခြုံရေးအတွက် ဆောင်ရွက်ပေးနေသော တပ်မတော်အငြိမ်းစား ဗိုလ်ကြီး ဦးခင်မောင်ကြည်က ပြောသည်။
သထုံမြို့မရဲစခန်းတွင် အောက်တိုဘာ၂၄ ရက်က အရွယ်မရောက်သေးသည့် မိန်းကလေးအား ခိုးယူပေါင်းသင်းခဲ့သော ခွန်တန်နှင့် အားပေးကူညီခဲ့ကြသော လှထွန်း၊ သန်းလေး၊ ဝင်းဗိုလ်၊ အောင်မြတ်စိုး၊ ဆင်ကြီး၊ မောင်ခင်တို့အား အရေးယူပေးရန် ဦးဝင်းညွန့်မှ အမှုဖွင့်ခဲ့သည်။
“ကျွန်တော်က ဦးဝင်းညွန့်ရဲ့လုံခြုံမှုတွေကို ကျွန်တော်ကာကွယ်ပေးထားတယ်။ ခင်ဗျားဘယ်မှ မသွားရဘူး။ ကျွန်တော်ဆီမှာပဲနေ၊ ဘယ်သူပဲခေါ်ခေါ်၊ ဖုန်းနဲ့ ပဲခေါ်ခေါ် ကျွန်တော်မသိပဲနဲ့ မသွားရဘူး။ အဲဒါကြောင့်သူ့ရဲ့လုံခြုံရေးအတွက် ရှင်းရှင်းပြောရရင်တော့ ကျွန်တော်က စစ်သားဆိုတော့ လုံခြုံရေး ပိုသိတယ်”ဟု တပ်မတော်အငြိမ်းစား ဗိုလ်ကြီးဦးခင်မောင်ကြည်ကပြောသည်။
ဂျာနယ်များတွင် ဖော်ပြခံထားသော ဦးဝင်ညွန့်ပုံကို တွေ့ရှိပြီးနောက် ခွန်တန်တပည့်များက ဦးဝင်းညွန့်ကို အန္တရာယ်ပြုရန် လိုက်လံရှာဖွေနေသည်ဆိုသောသတင်းများလည်း ကြားနေရသောကြောင့် အဆိုပါဖြစ်ပေါ်နေသည့်ကိစ္စရပ်များအား ရဲစခန်းတွင်တိုင်ချက်အနေနှင့် မဟုတ်ဘဲ သတင်းအဖြစ်ပေးပို့ထားရန် ဆောင်ရွက်ခဲ့ကြောင်း ၎င်းက ရှင်းပြသည်။
သထုံမြို့မရဲစခန်းတွင် ခွန်တန် (ခေါ်) ဇာတ်လိုက်နှင့် အားပေးကူညီခဲ့သူများကို အမှုဖွင့်ပြီးနောက် အသက်အန္တရာယ်နှင့် အမျိုးမျိုးခြိမ်းခြောက်ခံရမှုများကြောင့် တပ်မတော်အငြိမ်းစား ဗိုလ်ကြီးဦးခင်မောင်ကြည်၏ နေအိမ်တွင် ခိုလှုံနေရကြောင်း ဦးဝင်ညွန့်က ဆိုသည်။
“ဒီကောင်တွေပြီးခဲ့တဲ့ ၁၀ နှစ် ၁၅ နှစ်လောက်က ဒီလိုပဲ ဇာတ်လိုက်တပည့်တွေ ဗိုလ်ကျလာတယ်။ စိုးမိုးလာတယ်။ ဟိုမှာ ရိုက်ခွဲမီးရှို့သူတို့လုပ်လာတဲ့ဟာကြီးပဲ”ဟု ဦးဝင်ညွန့်က ပြောဆိုသည်။
“ကံကောင်းပါသုံးဦးကို ဦးဝင်းညွန့်ကနေပြီးတော့ သူ့ကိုအပြတ်ရှင်းပြစ်မယ် သတ်မယ်ဆိုပြီး ခြိမ်းခြောက်လို့ ဦးဝင်းညွန့်က တဆင့်ကြားသိရလို့ တရားရုံးကိုဦးတိုက်လျှောက်တယ်။ ကျွန်တော်တို့က ပုံစံ(က)(ခ)ပေးပြီးတော့ မြို့နယ်တရားရုံးကို ဦးတိုက်လျှောက်တယ်”ဟု သထုံမြို့မရဲစခန်းစခန်းမှူး ဒုရဲမှူး မောင်မောင်က ပြောသည်။
မွန်ပြည်နယ်၊ သထုံမြို့နယ်၊ အလံတရာနယ်မြေတွင် ဘာသာရေးဗန်းပြ၍ ဆယ်ကျော်သက်အရွယ် မိန်းကလေးများအား ပန်းဦးဆွတ်မှုဖော်ထုတ်အရေးယူမည်ဟု သာသနာရေးနှင့် ယဉ်ကျေးမှုဝန်ကြီးဌာန၊ ပြည်ထောင်စုဝန်ကြီး သူရဦးအောင်ကိုက အောက်တိုဘာလ ၁၉ ရက်တွင် ကျင်းပသည့် ပြည်သူလွှတ်တော်အစည်း၌ လာရောက်မေးခွန်းဖြေဆိုအပြီး ပြန်လည်ထွက်ခွာစဉ် သတင်းထောက်များကို ဖြေကြားထားသည်။
နေမင်း(News Watch )
No comments:
Post a Comment