Latest News

Monday, October 16, 2017

ရခိုင့်တပ်မတော်နှင့်ဆက်စပ်၍ဖမ်းဆီးခံနေရသူကိုလုံခြုံရေးအခြေအနေအရစစ်တွေအကျဉ်းထောင်သို့ပြောင်းရွှေ

မြောက်ဦး
အောက်တိုဘာ၁၆
ရခိုင်လက်နက်ကိုင်တပ်ဖွဲ့(AA)နှင့်ဆက်စပ်၍မြောက်ဦးမြို့တွင်ဖမ်းဆီးခံခဲ့ရသူ၏ထောက်ခံသူများကလူထုအုံကြွမှုနှင့်ရုန်းရင်းဆန်ခတ်များပြုလုပ်လာမည်ကိုစိုးရိမ်၍အဆိုပါအကျဉ်းသားအားအောက်တိုဘာလ၁၆
ရက်နေ့တွင်စစ်တွေမြို့နယ်အကျဉ်းထောင်သို့ပြောင်းရွှေလိုက်သည်။

ဖမ်းဆီးခံထားရသူမှာကိုအမ်းသားကြီး(ခ)ကိုသန်းရွှေဖြစ်ပြီးသူအားမေလ၆ရက်နေ့ကပုဒ်မ၁၇(၁)(၂)
တို့ဖြင့်မြောက်ဦးမြို့နယ်ရဲစခန်းမှဖမ်းဝရမ်းထုတ်ထားခဲ့ခြင်းဖြစ်သည်။

"ဒီမှာလုံခြုံရေးအင်အားမကောင်းဘူး။ရုန်းရင်းဆန်ခတ်ဖြစ်မယ်ဆိုပြီးစစ်တွေအကျဉ်းထောင်ကိုရွှေပြောင်းပေးဖို့ပြောတယ်" ဟုအဆိုပါအမှုအားလိုက်ပါဆောင်ရွှက်ပေးနေသည့်မြောက်ဦးမြို့နယ်တရားရုံးမှရှေ့နေ
ဦးထွန်းလှကသတင်းမီဒီယာကိုပြောသည်။

ကိုအမ်းသားကြီး(ခ)ကိုသန်းရွှေကိုအောက်တိုဘာ၁၆ရက်နေ့တွင်ပထမအကြိမ်အဖြစ်တရားရုံးတင်စစ်ဆေးရာတွင်သူအားထောက်ခံသူအများအပြားတက်ရောက်ခဲ့ပြီးလူထုအုံကြွမှုများဖြစ်ပေါ်လာနိုင်ခြေရှိသည်ဟုဆိုကာမြောက်ဦးမြို့မရဲစခန်းကစစ်တွေအကျဉ်းထောင်ဒ်ထိန်းသိမ်းထားဖို့တင်ပြခဲ့သည်ဟုမြောက်ဦး
မြို့နယ်၎င်းရှေ့နေကဆိုသည်။

 ဧပြီလ၁၀ရက်နေ့ကကျရောက်သည့်ရခိုင်တပ်မတော်နေ့အခမ်းအနားအဖြစ်မြောက်ဦးမြို့နယ်တွင်ဟော
ပြောပွဲတစ်ရပ်ကိုကျင်းပခဲ့ပြီး"လွတ်လပ်ရေးမှအပအခြားမရှိ" ခေါင်းစဉ်ဖြင့်ကိုအမ်းသားကြီး(ခ)ကိုသန်းရွှေ
ကဟောပြောခဲ့ပြီးနောက်သူအားမတရားအသင်းနှင့်ပတ်သက်၍စည်းရုံးလှုံ့ဆော်မှုများပြုလုပ်သည်ဟု
ဆိုကာမြောက်ဦးမြို့နယ်ရဲစခန်းကယင်းသို့အမှုဖွင့်ဝရမ်းထုတ်ခဲ့ခြင်းလည်းဖြစ်သည်။

ဝရမ်းထုတ်ပြီး၅လကြာဖမ်းဆီးနိုင်ခြင်းမရှိဘဲလွတ်မြောက်နေခဲ့ရာမှအောက်တိုဘာ၁၅ရက်နေ့ညနေ
တွင်မြောက်ဦးမြို့တွင်ဖမ်းမိခဲ့ခြင်းလည်းဖြစ်သည်။

ယင်းနောက်တရားရုံးထုတ်စစ်ဆေးပြီးချိန်တွင်စစ်တွေမြို့နယ်အကျဉ်းထောင်တွင်ထိန်းသိမ်းရန်ဆုံးဖြတ်ခဲ့ပြီးတရားရုံးတင်စစ်ဆေးမှုကိုမြောက်ဦးတွင်ဆက်လက်ပြုလုပ်ရန်နှင့်လာမည့်အောက်တိုဘာလ
၂၅ရက်နေ့ကိုဒုတိယအကြိမ်ရုံးချိန်းအဖြစ်ချိန်းဆိုခဲ့သည်။
ကျော်လင်းနိုင်

No comments:

Post a Comment